|
Hujjat kuchini yo‘qotgan 01.01.2021
|
O‘zbekiston Respublikasi Vazirlar Mahkamasining
qarori
BOJXONA YIG‘IMLARI STAVKALARI TO‘G‘RISIDA
LexUZ sharhiMazkur qaror O‘zbekiston Respublikasi Vazirlar Mahkamasining 2020-yil 9-noyabrdagi 700-sonli “Bojxona yig‘imlari stavkalarini tasdiqlash to‘g‘risida”gi qaroriga asosan 2021-yil 1-yanvardan o‘z kuchini yo‘qotadi.
O‘zbekiston Respublikasining Bojxona kodeksiga muvofiq Vazirlar Mahkamasi qaror qiladi:
1. 1999-yil 1-maydan boshlab bojxona yig‘imlari stavkalari ilovaga muvofiq belgilansin.
Oldingi tahrirga qarang.
O‘zbekiston Respublikasining butun hududida bojxona yig‘imlari milliy valyuta — “so‘m”da, erkin bojxona zonalari va erkin omborlar hududlarida — erkin almashtiriladigan valyutada undiriladi.
Erkin bojxona zonalari va erkin omborlar hududida yig‘imlar undirishdan valyuta tushumlari, O‘zbekiston Respublikasi Vazirlar Mahkamasining qarori bilan belgilangan Jahon bojxona tashkilotiga har yilgi a’zolik badali summasi chiqarib tashlangan holda, belgilangan tartibda respublika budjeti daromadiga o‘tkaziladi.
(1-bandning uchinchi –– beshinchi xatboshilar O‘zbekiston Respublikasi Vazirlar Mahkamasining 2003-yil 19-noyabrdagi 520-sonli qarori asosida uchinchi xatboshi bilan almashtirilgan — O‘R QHT, 2003-y., 22-son, 223-modda)
Oldingi tahrirga qarang.
(2-band O‘zbekiston Respublikasi Vazirlar Mahkamasining 2016-yil 20-iyundagi 211-sonli qaroriga asosan o‘z kuchini yo‘qotgan — O‘R QHT, 2016-y., 25-son, 308-modda)
3. O‘zbekiston Respublikasi Vazirlar Mahkamasining “Ko‘rsatilgan xizmatlar uchun boj yig‘imlari olishni tartibga solish to‘g‘risida” 1992-yil 7-avgustdagi 366-son qarori o‘z kuchini yo‘qotgan deb hisoblansin.
4. Mazkur qarorning bajarilishini nazorat qilish Bosh vazir o‘rinbosari B.S. Hamidov zimmasiga yuklansin.
Vazirlar Mahkamasining Raisi I. KARIMOV
Toshkent sh.,
1999-yil 30-aprel,
204-son
Bojxona yig‘imlari stavkalari
|
T/r |
Bojxona yig‘imi turi |
Yig‘im stavkasi | |
| 1. | Quyidagilarni bojxonada rasmiylashtirganlik uchun: | | |
| | tovarlar va transport vositalarini tegishli bojxona rejimida rasmiylashtirganlik uchun, “eksport”, tranzit, “davlat foydasiga voz kechish”, “vaqtinchalik saqlash”, “bojxona hududida qayta ishlash”, “bojxona hududidan tashqarida qayta ishlash” bojxona rejimlari bundan mustasno | | Bojxona qiymatining 0,2 foizi, biroq kamida 25 AQSh dollari va 3000 AQSh dollaridan ortiq emas |
| | tovarlar va transport vositalarini “eksport” bojxona rejimida rasmiylashtirganlik uchun | | bojxona qiymatining 0,1 foizi miqdorida, lekin bazaviy hisoblash miqdorining 50 foizidan kam emas |
| | tovarlarni “bojxona hududida qayta ishlash” bojxona rejimida rasmiylashtirganlik uchun | | tovarlarni qayta ishlash bo‘yicha xizmatlar qiymatining 0,1 foizi miqdorida, lekin bazaviy hisoblash miqdorining 50 foizidan kam emas |
| | tovarlarni “bojxona hududidan tashqarida qayta ishlash” bojxona rejimida rasmiylashtirganlik uchun | | tovarlarni qayta ishlash bo‘yicha xizmatla� qiymatining 0,2 foizi miqdorida, lekin bazaviy hisoblash miqdorining bir baravaridan kam emas |
| | olib kirilayotgan bug‘doy (TIF TN kodi 1001), qand-shakar (TIF TN kodi 1701), qurilayotgan ishlab chiqarish obyektlari uchun turkumlangan asbob-uskunalarni | | bojxona qiymatining 0,05 foizi miqdorida, lekin bazaviy hisoblash miqdorining bir baravaridan kam emas |
| 2. | Tranzit bojxona rejimida bojxonada rasmiylashtirganlik uchun: | | |
| | yukning bojxona deklaratsiyasining asosiy varag‘i uchun | | 10 yevroga teng miqdorda |
| | 10 yevroga teng miqdorda | | 5 yevroga teng miqdorda |
| 3. | Egasi bojxona organi bo‘lgan tovarlarni bojxona omborida saqlaganlik uchun, sutkalar uchun: | | |
| | dastlabki o‘n sutka mobaynida (to‘liq, to‘liq bo‘lmagan) | | bojxona qiymatining 0,1 foizi miqdorida |
| | har bir keyingi sutkalar uchun (to‘liq, to‘liq bo‘lmagan) | | bojxona qiymatining 0,2 foizi miqdorida |
| 4. | O‘zbekiston Respublikasi hududida bitta transport vositasini bojxona tomonidan quyidagi masofalarga kuzatib borganlik uchun: | | |
| | 200 km. gacha | | 50 yevroga teng miqdorda |
| | 200 km. dan ortiq | | 120 yevroga teng miqdorda |
| 5. | Dastlabki qaror qabul qilganlik uchun | | 50 yevroga teng miqdorda |
| 6. | Bojxona rasmiylashtiruvi bo‘yicha mutaxassisga malaka attestati berganlik uchun | | 150 yevroga teng miqdorda |
| 7. | Bojxona rasmiylashtiruvi bo‘yicha mutaxassis malaka attestatining amal qilishini qayta ro‘yxatdan o‘tkazganlik uchun | | 150 yevroga teng miqdorda |
| 8. | Bojxona rasmiylashtiruvi bo‘yicha mutaxassis malaka attestatining amal qilishini tiklaganlik uchun | | 300 yevroga teng miqdorda |
| 15. | Tovarlarni bojxonada qayta ishlashga ruxsatnoma berganlik uchun | | 150 yevroga teng miqdorda |
| 17. | Tovarlarni bojxona hududidan tashqarida qayta ishlashga ruxsatnoma berganlik uchun | | 150 yevroga teng miqdorda |
| 25. | Bojxona rasmiylashtiruvi bo‘yicha mutaxassisni o‘qitganlik uchun | | 100 yevroga teng miqdorda |
| 26. | Xodim tomonidan tovarni belgilangan joydan tashqarida bojxona rasmiylashtiruvidan o‘tkazganlik uchun, bitta xodimning bir soatlik ishi uchun “eksport” bojxona rejimi bundan mustasno: | | |
| | kunduzgi (soat 9.00 18.00) ish vaqtida | | 5 yevroga teng miqdorda |
| | ish vaqtidan tashqari paytlarda (soat 18.00 9.00), dam olish, bayram kunlari | | 10 yevroga teng miqdorda |
| 26-1. | Xodim tomonidan “eksport” bojxona rejimiga joylashtirilayotgan tovarni belgilangan joydan tashqarida bojxona rasmiylashtiruvidan o‘tkazganlik uchun, bitta xodimning bir soatlik ishi hisobidan | | bazaviy hisoblash miqdorining 5 foizi miqdorida |
| 27. | Olib kelinayotgan transport vositalari (shu jumladan, vaqtincha olib kelinayotganlar)ni ro‘yxatdan o‘tkazish va qayta ro‘yxatdan o‘tkazish huquqiga guvohnomalar berganlik uchun: | | |
| | yengil avtomobillar: | | 20 yevroga teng miqdorda |
| | yuk avtomobillari, mikroavtobuslar va avtobuslar | | 25 yevroga teng miqdorda |
| | motorsiz transport vositalari (tirkamalar, yarim tirkamalar va boshqalar) | | 10 yevroga teng miqdorda |
| | mototsikllar, motorollyorlar, mopedlar | | 5 yevroga teng miqdorda |
| 28. | Yuridik shaxslar tomonidan olib kelinayotgan naqd chet el valyutasini bojxonada rasmiylashtirganlik uchun yig‘imlar | | naqd chet el valyutasining bir turkumi uchun 50 yevroga teng miqdorda |
(ilova O‘zbekiston Respublikasi Vazirlar Mahkamasining 2019-yil 28-dekabrdagi 1046-sonli qarori tahririda — Qonun hujjatlari ma’lumotlari milliy bazasi, 29.12.2019-y., 09/19/1046/4242-son)
