280-сон 02.10.2015. Tadbirkorlik subyektlarini elektr va gaz tarmoqlariga foydalanishga tayyor holda ulash tartibini joriy etish chora-tadbirlari toʻgʻrisida

Hujjat kuchini yo‘qotgan 01.04.2018

Oʻzbekiston Respublikasi Vazirlar Mahkamasining

qarori

Tadbirkorlik subyektlarini elektr va gaz tarmoqlariga foydalanishga tayyor holda ulash tartibini joriy etish chora-tadbirlari toʻgʻrisida

LexUZ sharhi

Mazkur qaror Oʻzbekiston Respublikasi Vazirlar Mahkamasining 2018-yil 31-martdagi 256-sonli “Muhandislik-kommunikatsiya tarmoqlariga ulanish boʻyicha davlat xizmatlari koʻrsatishning maʼmuriy reglamentlarini tasdiqlash toʻgʻrisida”gi qaroriga asosan oʻz kuchini yoʻqotgan.

Oʻzbekiston Respublikasi Prezidentining “Xususiy mulk, kichik biznes va xususiy tadbirkorlikni ishonchli himoya qilishni taʼminlash, ularni jadal rivojlantirish uchun toʻsiqlarni bartaraf etish chora-tadbirlari toʻgʻrisida” 2015-yil 15-maydagi PF-4725-son Farmoniga muvofiq, shuningdek tadbirkorlik subyektlarini elektr va gaz tarmoqlariga ulash tizimini yanada soddalashtirish maqsadida Vazirlar Mahkamasi qaror qiladi:

1. Quyidagilar tadbirkorlik subyektlarini elektr va gaz tarmoqlariga ulash tizimini yanada takomillashtirishning asosiy yoʻnalishlari hisoblansin:

tadbirkorlik subyektlarini elektr va gaz tarmoqlariga ulashda ularning bevosita ishtirokini talab qiladigan tartibotlar sonini tubdan qisqartirish;

texnik shartlarni olishdan boshlab foydalanishga tayyor holda elektr va gaz tarmoqlariga ulanishgacha boʻlgan barcha tartibotlarni amalga oshirish vakolatlarini elektr va gaz taʼminoti boʻyicha foydalanish tashkilotlariga berish.

2. Quyidagilar tasdiqlansin va 2016-yil 1-yanvardan boshlab amalga kiritilsin:

Tadbirkorlik subyektlarini elektr tarmoqlariga foydalanishga tayyor holda ulash tartibi toʻgʻrisidagi nizom 1-ilovaga muvofiq;

Tadbirkorlik subyektlarini gaz tarmoqlariga foydalanishga tayyor holda ulash tartibi toʻgʻrisidagi nizom 2-ilovaga muvofiq.

3. Quyidagi tartib belgilansin, unga muvofiq 2016-yil 1-yanvardan boshlab:

tadbirkorlik subyektlarini elektr va gaz tarmoqlariga foydalanishga tayyor holda ulash uchun hujjatlar bevosita Davlat xizmatlari markazlari (keyingi oʻrinlarda “markazlar” deb ataladi) tomonidan qabul qilinadi;

(3-bandning ikkinchi xatboshisi Oʻzbekiston Respublikasi Vazirlar Mahkamasining 2018-yil 22-yanvardagi 40-sonli qarori tahririda — Qonun hujjatlari maʼlumotlari milliy bazasi, 23.01.2018-y., 09/18/40/0609-son)

tadbirkorlik subyektlarini elektr va gaz tarmoqlariga foydalanishga tayyor holda ulash ishlari elektr va gaz taʼminoti tashkilotlari tomonidan shartnoma asosida amalga oshiriladi;

elektr va gaz taʼminoti tashkilotlari tadbirkorlik subyektlarini elektr va gaz tarmoqlariga foydalanishga tayyor holda ulash ishlarini amalga oshirishda loyihalash, qurilish-montaj, ishga tushirish-sozlash va rejim-sozlash ishlarini amalga oshirish boʻyicha ixtisoslashtirilgan tashkilotlarni subpudrat asosida jalb etish huquqiga egadirlar;

tadbirkorlik subyektlariga keyinchalik elektr va gaz tarmoqlariga foydalanishga tayyor holda ulash uchun magistral tarmoqlarni qurish, rekonstruksiya va modernizatsiya qilish boʻyicha talablarni belgilovchi texnik shartlarni berish taqiqlanadi.

4. “Oʻzbekenergo” aksiyadorlik jamiyati va “Oʻztransgaz” aksiyadorlik kompaniyasi:

Oʻzbekiston Respublikasining Xususiylashtirish, monopoliyadan chiqarish va raqobatni rivojlantirish davlat qoʻmitasi, “Davarxitektqurilish” qoʻmitasi va Adliya vazirligi bilan birgalikda — tadbirkorlik subyektlarini elektr va gaz tarmoqlariga foydalanishga tayyor holda ulash boʻyicha namunaviy shartnomalarni 2015-yil 1-dekabrgacha boʻlgan muddatda ishlab chiqsinlar va tasdiqlasinlar;

Oʻzbekiston Respublikasi Adliya vazirligi, Savdo-sanoat palatasi bilan birgalikda — vakolatli organlar va markazlarning xodimlari ishtirokida tadbirkorlik subyektlarini elektr va gaz tarmoqlariga foydalanishga tayyor holda ulash yuzasidan qabul qilingan normalarni amalda qoʻllash darajasini oshirishga yoʻnaltirilgan oʻquv seminarlari muntazam ravishda tashkil etilishini va oʻtkazilishini taʼminlasinlar;

(4-bandning uchinchi xatboshisi Oʻzbekiston Respublikasi Vazirlar Mahkamasining 2018-yil 22-yanvardagi 40-sonli qarori tahririda — Qonun hujjatlari maʼlumotlari milliy bazasi, 23.01.2018-y., 09/18/40/0609-son)

Oʻzbekiston Respublikasi Savdo-sanoat palatasi, Oʻzbekiston matbuot va axborot agentligi hamda Oʻzbekiston milliy teleradiokompaniyasi bilan birgalikda — tadbirkorlik subyektlarini elektr va gaz tarmoqlariga foydalanishga tayyor holda ulash tizimini yanada takomillashtirish boʻyicha amalga oshirilayotgan islohotlarning mazmuni hamda yakuniy maqsadlari toʻgʻrisida tadbirkorlik subyektlarining xabardorligini oshirishga yoʻnaltirilgan chora-tadbirlar kompleksini ishlab chiqsinlar va amalga oshirsinlar.

5. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosari Gʻ.I. Ibragimov zimmasiga yuklansin.

Oʻzbekiston Respublikasining Bosh vaziri Sh. MIRZIYOYEV

Toshkent sh.,

2015-yil 2-oktabr,

280-son

Vazirlar Mahkamasining 2015-yil 2-oktabrdagi 280-son qaroriga
1-ILOVA

Tadbirkorlik subyektlarini elektr tarmoqlariga foydalanishga tayyor holda ulash tartibi toʻgʻrisida

NIZOM

I. Umumiy qoidalar

1. Ushbu Nizom tadbirkorlik subyektlarini elektr tarmoqlariga foydalanishga tayyor holda ulash tartibini belgilaydi.

Ushbu Nizom talablari:

belgilangan tartibda amalga oshiriladigan loyihalashga, qurilish-montaj va ishga tushirish-sozlash ishlarini bajarishga hamda ichki elektr taʼminotidan foydalanishga;

tadbirkorlik subyektlarini 35 kV va undan yuqori kuchlanishli elektr tarmoqlariga belgilangan tartibda ulashga;

loyiha-smeta hujjatlarida tashqi va ichki elektr taʼminoti tarmoqlarini qurish va rekonstruksiya qilish ishlarini amalga oshirish nazarda tutilgan obyektlarga tatbiq etilmaydi.

2. Tadbirkorlik subyektlarini elektr tarmoqlariga foydalanishga tayyor holda ulash (keyingi oʻrinlarda foydalanishga tayyor holda ulash deb ataladi) ishlarning quyidagi bosqichlaridan iborat boʻladi:

foydalanishga tayyor holda ulash uchun shartnoma tuzish;

texnik shartlarni ishlab chiqish;

elektr tarmoqlari trassalarini oʻtkazish (VL, KL, TP maydonchalari) uchun yer uchastkasi tanlash yoki ularda qoʻshimcha simlar oʻtkazish yoki ularni rekonstruksiya qilish uchun mavjud elektr tarmoqlari konstruksiyalaridan foydalanish dalolatnomasini tuzish;

tashqi elektr taʼminoti loyihasini ishlab chiqish va vakolatli organlar bilan kelishish;

qurilish-montaj va ishga tushirish-sozlash ishlarini amalga oshirish;

hisobga olish priborini oʻrnatish;

elektr taʼminoti shartnomasini tuzish.

3. Foydalanishga tayyor holda ulash ishlari hududiy elektr tarmoqlari korxonasi tomonidan, tadbirkorlik subyekti bilan tuziladigan shartnoma asosida amalga oshiriladi.

Foydalanishga tayyor holda ulash ishlari qiymati shartnoma asosida aniqlanadi va belgilangan tartibda ekspertizadan oʻtkazilgan tashqi elektr taʼminoti loyihasiga binoan aniqlashtiriladi.

4. Hududiy elektr tarmoqlari korxonasi foydalanishga tayyor holda ulash ishlarini amalga oshirish jarayonida subpudrat asosida loyihalashni, qurilish-montaj va ishga tushirish-sozlash ishlarini bajarish uchun ixtisoslashtirilgan tashkilotlarni jalb etish huquqiga ega.

II. Foydalanishga tayyor holda ulash boʻyicha shartnomani rasmiylashtirish

5. Tadbirkorlik subyektlari foydalanishga tayyor holda ulash uchun tuman (shahar) Davlat xizmatlari markazlariga (keyingi oʻrinlarda “markazlar” deb ataladi) qonunchilikda belgilangan shakl boʻyicha davlat xizmatlari koʻrsatish uchun ariza bilan belgilangan tartibda murojaat qiladilar.

(5-bandning birinchi xatboshisi Oʻzbekiston Respublikasi Vazirlar Mahkamasining 2018-yil 22-yanvardagi 40-sonli qarori tahririda — Qonun hujjatlari maʼlumotlari milliy bazasi, 23.01.2018-y., 09/18/40/0609-son)

Arizaga quyidagilar ilova qilinadi:

ushbu Nizomning 1-ilovasiga muvofiq shakl boʻyicha texnik shartlar olish uchun tadbirkorlik subyektining elektr qurilmasini tavsiflovchi maʼlumotlar;

geodeziya va kartografiya faoliyatini amalga oshirish uchun litsenziyaga ega boʻlgan yuridik shaxs tomonidan beriladigan yer uchastkasining M1:500 masshtabdagi topografik xaritasi.

Tadbirkorlik subyektidan ushbu bandda nazarda tutilmagan hujjatlarni talab qilishga yoʻl qoʻyilmaydi.

6. Markaz ariza qabul qilingan kun mobaynida uni ushbu Nizomning 5-bandida koʻrsatilgan hujjatlarni ilova qilgan holda hududiy elektr tarmoqlari korxonasiga yuboradi.

(6-band Oʻzbekiston Respublikasi Vazirlar Mahkamasining 2018-yil 22-yanvardagi 40-sonli qarori tahririda — Qonun hujjatlari maʼlumotlari milliy bazasi, 23.01.2018-y., 09/18/40/0609-son)

7. Hududiy elektr tarmoqlari korxonasi markazdan ariza tushgan kundan boshlab 5 kun mobaynida:

(7-bandning birinchi xatboshisi Oʻzbekiston Respublikasi Vazirlar Mahkamasining 2018-yil 22-yanvardagi 40-sonli qarori tahririda — Qonun hujjatlari maʼlumotlari milliy bazasi, 23.01.2018-y., 09/18/40/0609-son)

tadbirkorlik subyektining elektr qurilmalarini elektr tarmoqlariga ulashning texnik imkoniyatini joyiga borgan holda oʻrganadi;

markazga tadbirkorlik subyekti nomiga rasmiylashtirilgan foydalanishga tayyor holda ulash boʻyicha shartnomani beradi.

(7-bandning uchinchi xatboshisi Oʻzbekiston Respublikasi Vazirlar Mahkamasining 2018-yil 22-yanvardagi 40-sonli qarori tahririda — Qonun hujjatlari maʼlumotlari milliy bazasi, 23.01.2018-y., 09/18/40/0609-son)

8. Markaz hududiy elektr tarmoqlari korxonasidan foydalanishga tayyor holda ulash boʻyicha shartnoma olingandan keyin 5 kun mobaynida tadbirkorlik subyekti tomonidan ushbu shartnoma tuzilishini taʼminlaydi va shartnoma taraflariga bir nusxadan taqdim etadi;

Tadbirkorlik subyekti koʻrsatib oʻtilgan muddat mobaynida markazga kelmaganda yoki u foydalanishga tayyor holda ulash boʻyicha shartnoma tuzishni rad etganda markaz bir kun muddatda bu toʻgʻrida hududiy elektr tarmoqlari korxonasini xabardor qiladi.

(8-band Oʻzbekiston Respublikasi Vazirlar Mahkamasining 2018-yil 22-yanvardagi 40-sonli qarori tahririda — Qonun hujjatlari maʼlumotlari milliy bazasi, 23.01.2018-y., 09/18/40/0609-son)

9. Foydalanishga tayyor holda ulash boʻyicha shartnoma belgilangan tartibda tasdiqlangan namunaviy shartnoma asosida tuziladi.

10. Foydalanishga tayyor holda ulash boʻyicha shartnoma tuzilgandan keyin tadbirkorlik subyekti (buyurtmachi) hududiy elektr tarmoqlari korxonasiga (pudratchiga) shartnomada koʻrsatilgan miqdorda avans toʻlovini oʻtkazadi.

Avans toʻlovlarining tushishi foydalanishga tayyor holda ulash ishlarini hududiy elektr tarmoqlari korxonasi tomonidan boshlash uchun asos hisoblanadi.

III. Foydalanishga tayyor holda ulash ishlarini tashkil etish

11. Hududiy elektr tarmoqlari korxonasi texnik shartlar asosida tashqi elektr taʼminoti loyihasini ushbu Nizomning 3-ilovasida nazarda tutilgan muddatlarda tayyorlaydi va uni kelishish uchun “Oʻzdavenergonazorat” inspeksiyasiga yoki uning hududiy boʻlinmalariga, shuningdek tuman (shahar) arxitektura va qurilish boʻlimiga (boshqarmasiga) yuboradi.

12. “Oʻzdavenergonazorat” inspeksiyasi yoki uning hududiy boʻlinmalari, tuman (shahar) arxitektura va qurilish boʻlimi (boshqarmasi) tashqi elektr taʼminoti loyihasi tushgan kundan boshlab 5 kungacha muddatda uni kelishadi yoki hududiy elektr tarmoqlari korxonasiga loyihani kelishishning rad etilganini rad etishning asoslangan sabablarini koʻrsatgan holda yuboradilar.

Tashqi elektr taʼminoti loyihasini kelishishni uning maqsadga muvofiq emasligi sabablariga koʻra rad etishga yoʻl qoʻyilmaydi.

Tashqi elektr taʼminoti loyihasini kelishishni rad etish uchun asos boʻlgan sabablar hududiy elektr tarmoqlari korxonasi tomonidan bartaraf etilgan taqdirda loyihani vakolatli organlar tomonidan takroriy koʻrib chiqish loyiha olingan kundan boshlab 3 kundan oshmaydigan muddatda amalga oshiriladi.

Tashqi elektr taʼminoti loyihasini vakolatli organlar tomonidan kelishish toʻlov undirilmasdan amalga oshiriladi.

13. Elektr qurilmalarining soʻralayotgan quvvati 10 kVt.gachani tashkil qilgan taqdirda hududiy elektr tarmoqlari korxonasi tomonidan hisob-kitob-montaj sxemasi ishlab chiqiladi, u tashqi elektr taʼminoti loyihasi hisoblanadi va uni kelishish talab qilinmaydi.

14. Tashqi elektr taʼminotining kelishilgan loyihasi olingandan keyin hududiy elektr tarmoqlari korxonasi qurilish-montaj ishlarini bajarishga kirishadi.

Hisobga olish priborini oʻrnatgan holda qurilish-montaj va ishga tushirish-sozlash ishlarini bajarish ushbu Nizomning 2-ilovasida nazarda tutilgan muddatlarda amalga oshiriladi.

IV. Tashqi elektr taʼminotini foydalanishga qabul qilish

15. Tashqi elektr taʼminotini foydalanishga qabul qilish “Oʻzdavenergonazorat” inspeksiyasi yoki uning hududiy boʻlinmasi inspektori tomonidan, tadbirkorlik subyektining va hududiy elektr tarmoqlari korxonasining vakillari ishtirokida amalga oshiriladi.

16. Tashqi elektr taʼminotini foydalanishga qabul qilish tadbirkorlik subyekti va “Oʻzdavenergonazorat” inspeksiyasi yoki uning hududiy boʻlinmasi tomonidan, hududiy elektr tarmoqlari korxonasining uning foydalanishga tayyorligi toʻgʻrisidagi yozma xabarnomasi olingan kundan boshlab 3 kun mobaynida amalga oshiriladi.

17. Elektr qurilmalarining soʻralayotgan quvvati 10 kVt.gachani tashkil qilgan taqdirda tashqi elektr taʼminotini foydalanishga qabul qilish va isteʼmolchining elektr qurilmalarini foydalanishga qabul qilishga “Oʻzdavenergonazorat” inspeksiyasining yoki uning hududiy boʻlinmasining ruxsatini olish talab qilinmaydi.

18. “Oʻzdavenergonazorat” inspeksiyasining inspektori tomonidan tashqi elektr taʼminotini foydalanishga qabul qilib olishda texnik shartlardan, tashqi elektr taʼminoti loyihasidan, shuningdek shaharsozlik normalari va qoidalaridan chekinishlar aniqlangan taqdirda isteʼmolchining elektr qurilmalarini foydalanishga qabul qilish uchun ruxsatnoma aniqlangan chekinishlar bartaraf etilgandan keyin beriladi.

19. Tashqi elektr taʼminotini foydalanishga qabul qilish ishlari tugallangandan keyin hududiy elektr tarmoqlari korxonasi tadbirkorlik subyektiga quyidagi hujjatlarni bir nusxadan beradi:

texnik shartlar;

tashqi elektr taʼminoti loyihasi;

hisobga olish priborlarini tekshirish va plombalash dalolatnomasi;

qurilish-montaj va ishga tushirish-sozlash hujjatlari;

elektr taʼminoti shartnomasi.

V. Elektr taʼminoti shartnomasini tuzish

20. Ushbu Nizomning 17-bandida nazarda tutilgan holatlardan tashqari, tashqi elektr taʼminotidan foydalanishga ruxsatnomaning mavjudligi elektr taʼminoti shartnomasini tuzish va tadbirkorlik subyektlarining elektr qurilmalarini elektr tarmoqlariga ulash uchun asos hisoblanadi.

21. Elektr taʼminoti shartnomasi hududiy elektr tarmoqlari korxonasi bilan tadbirkorlik subyekti oʻrtasida ikki nusxada, har qaysi taraf uchun bir nusxadan tuziladi.

VI. Yakunlovchi qoidalar

22. Foydalanishga tayyor holda ulash ishlari ushbu Nizomning 3-ilovasiga muvofiq sxema boʻyicha amalga oshiriladi.

23. Elektr taʼminoti shartnomasini tuzmasdan elektr energiyasi yetkazib berishni amalga oshirish taqiqlanadi.

24. Ushbu Nizomning talablari buzilishida aybdor boʻlgan shaxslar qonun hujjatlarida belgilangan tartibda javobgar boʻladilar.

Tadbirkorlik subyektlarini elektr tarmoqlariga foydalanishga tayyor holda ulash tartibi toʻgʻrisidagi nizomga
1-ILOVA

Tadbirkorlik subyektining texnik shartlar olish uchun elektr qurilmasini tavsiflaydigan

maʼlumotlar

‎‎

1. Ulanadigan quvvat‎‎‎‎‎

kVt‎‎

2. Elektr qurilmalarini oʻrnatish qoidalariga

1-toifa‎‎

kVt‎‎

muvofiq elektr taʼminoti boʻyicha ishonchlilik

2-toifa‎‎‎‎

kVt‎‎ ‎‎

toifasi‎‎‎‎‎‎‎‎‎

3-toifa‎‎‎‎

kVt‎‎ ‎‎

‎‎

3. Elektr qurilmasini foydalanishga topshirish muddati‎‎

oy‎‎

yil‎‎

4. Ushbu maʼlumotlarga quyidagilar ilova qilinadi:‎‎

1.‎

‎

varaq‎‎

2.‎

‎

varaq‎‎‎‎

3.‎

‎

varaq‎‎‎‎

4.‎

‎

varaq‎‎‎‎

5.‎

‎

varaq‎‎‎‎

‎‎

5. Men ________________________________________________________________________‎‎

(tadbirkorlik subyektining familiyasi, ismi, otasining ismi)‎‎

_____________________________________________________________________________
‎barcha taqdim etilgan maʼlumotlarning ishonchliligini tasdiqlayman‎‎.

‎‎

‎‎________________________
‎imzo

Tadbirkorlik subyektlarini elektr tarmoqlariga foydalanishga tayyor holda ulash tartibi toʻgʻrisidagi nizomga
2-ILOVA

Hududiy elektr tarmoqlari korxonalari tomonidan tashqi elektr taʼminoti loyihasini tayyorlash, shuningdek qurilish-montaj va ishga tushirish-sozlash ishlarini bajarish

muddatlari

Kuchlanish	Quvvati	Muddatlari
I. Tashqi elektr taʼminoti loyihasini tayyorlash
1 kV gacha	10 kVt va undan ortiq	15 kungacha
6 — 10 kV	10 kVt va undan ortiq	20 kungacha
II. Qurilish-montaj va ishga tushirish-sozlash ishlarini bajarish
1 kV gacha	10 kVt va undan ortiq	15 kungacha
6 — 10 kV	10 kVt va undan ortiq	30 kungacha

Tadbirkorlik subyektlarini elektr tarmoqlariga foydalanishga tayyor holda ulash tartibi toʻgʻrisidagi nizomga
3-ILOVA

Tadbirkorlik subyektlarini elektr tarmoqlariga foydalanishga tayyor holda ulash

SXEMASI

Vazirlar Mahkamasining 2015-yil 2-oktabrdagi 280-son qaroriga
2-ILOVA

Tadbirkorlik subyektlarini gaz tarmoqlariga foydalanishga tayyor holda ulash tartibi toʻgʻrisida

NIZOM

I. Umumiy qoidalar

1. Ushbu Nizom tadbirkorlik subyektlarini gaz tarmoqlariga foydalanishga tayyor holda (keyingi oʻrinlarda foydalanishga tayyor holda gazlashtirish deb ataladi) ulash tartibini belgilaydi.

Ushbu Nizom talablari:

loyiha-smeta hujjatlarida tashqi gaz tarmoqlarini qurish va rekonstruksiya qilish ishlarini amalga oshirish nazarda tutilgan obyektlarga;

xavfli ishlab chiqarish obyektlarini gazlashtirishga tatbiq etilmaydi.

2. Foydalanishga tayyor holda gazlashtirish ishlarining quyidagi bosqichlaridan iborat boʻladi:

foydalanishga tayyor holda gazlashtirish boʻyicha shartnoma tuzish;

texnik shartlarni ishlab chiqish;

gazlashtirish loyihasini ishlab chiqish va vakolatli organlar bilan kelishish;

qurilish-montaj ishlarini amalga oshirish;

gazni hisobga olish priborini oʻrnatish;

ishga tushirish-sozlash va rejim-sozlash ishlarini amalga oshirish;

gaz yetkazib berish yuzasidan shartnoma tuzish.

3. Foydalanishga tayyor holda gazlashtirish ishlari gaz taʼminoti tashkiloti tomonidan, tadbirkorlik subyekti bilan tuziladigan shartnoma asosida amalga oshiriladi.

Foydalanishga tayyor holda gazlashtirish ishlarining qiymati shartnoma asosida aniqlanadi va belgilangan tartibda ekspertizadan oʻtkazilgan gazlashtirish loyihasiga binoan aniqlashtiriladi.

4. Gaz taʼminoti tashkiloti foydalanishga tayyor holda gazlashtirish ishlarini amalga oshirish jarayonida subpudrat asosida loyihalashni, qurilish-montaj va ishga tushirish-sozlash ishlarini bajarish uchun ixtisoslashtirilgan tashkilotlarni jalb etish huquqiga ega.

II. Foydalanishga tayyor holda gazlashtirish boʻyicha shartnomani rasmiylashtirish

5. Tadbirkorlik subyektlari foydalanishga tayyor holda gazlashtirish uchun tuman (shahar) Davlat xizmatlari markazlariga (keyingi oʻrinlarda “markazlar” deb ataladi) qonunchilikda belgilangan shakl boʻyicha davlat xizmatlari koʻrsatish uchun ariza bilan belgilangan tartibda murojaat qiladilar.

Arizaga ushbu Nizomning 1-ilovasiga muvofiq shakl boʻyicha texnik shartlarni olish uchun tadbirkorlik subyektining gazdan foydalanadigan uskunasini xarakterlovchi maʼlumotlar ilova qilinadi.

Tadbirkorlik subyektidan ushbu bandda nazarda tutilmagan hujjatlarni talab qilishga yoʻl qoʻyilmaydi.

6. Markaz ariza qabul qilingan kun mobaynida uni ushbu Nizomning 5-bandida nazarda tutilgan hujjatlarni ilova qilgan holda gaz taʼminoti tashkilotiga yuboradi.

(6-band Oʻzbekiston Respublikasi Vazirlar Mahkamasining 2018-yil 22-yanvardagi 40-sonli qarori tahririda — Qonun hujjatlari maʼlumotlari milliy bazasi, 23.01.2018-y., 09/18/40/0609-son)

7. Gaz taʼminoti tashkiloti markazdan ariza tushgan kundan boshlab 5 kun mobaynida:

tadbirkorlik subyektining gazdan foydalanish uskunasini gaz tarmoqlariga ulashning texnik imkoniyatini joyiga borgan holda oʻrganadi;

markazga tadbirkorlik subyekti nomiga rasmiylashtirilgan foydalanishga tayyor holda gazlashtirish boʻyicha shartnomani beradi.

8. Markaz gaz taʼminoti tashkilotidan foydalanishga tayyor holda gazlashtirish boʻyicha shartnoma olingandan keyin 5 kun mobaynida tadbirkorlik subyekti tomonidan ushbu shartnoma tuzilishini taʼminlaydi va uni shartnoma taraflariga bir nusxadan taqdim etadi.

Tadbirkorlik subyekti koʻrsatib oʻtilgan muddat mobaynida markazga kelmaganda yoki u foydalanishga tayyor holda gazlashtirish boʻyicha shartnoma tuzishni rad etganda markaz bir kun muddatda bu toʻgʻrida gaz taʼminoti tashkilotini xabardor qiladi.

(8-band Oʻzbekiston Respublikasi Vazirlar Mahkamasining 2018-yil 22-yanvardagi 40-sonli qarori tahririda — Qonun hujjatlari maʼlumotlari milliy bazasi, 23.01.2018-y., 09/18/40/0609-son)

9. Foydalanishga tayyor holda gazlashtirish boʻyicha shartnoma belgilangan tartibda tasdiqlangan namunaviy shartnoma asosida tuziladi.

10. Foydalanishga tayyor holda gazlashtirish boʻyicha shartnoma tuzilgandan keyin tadbirkorlik subyekti (buyurtmachi) gaz taʼminoti tashkilotiga (pudratchiga) shartnomada koʻrsatilgan miqdorda avans toʻlovini oʻtkazadi.

Avans toʻlovlarining tushishi foydalanishga tayyor holda gazlashtirish ishlarini gaz taʼminoti tashkiloti tomonidan boshlash uchun asos hisoblanadi.

III. Foydalanishga tayyor holda gazlashtirish ishlarini tashkil etish

11. Gaz taʼminoti tashkiloti avans toʻlovlari tushgan kundan boshlab 10 kun mobaynida texnik shartlar asosida gazlashtirish loyihasini tayyorlaydi va uni kelishish uchun tuman (shahar) arxitektura va qurilish boʻlimi (boshqarmasi)ga yuboradi.

12. Tuman (shahar) arxitektura va qurilish boʻlimi (boshqarmasi) gazlashtirish loyihasi tushgan kundan boshlab 5 kungacha boʻlgan muddatda uni kelishadi yoki gaz taʼminoti tashkilotiga loyihani kelishishning rad etilishini rad etishning asoslangan sabablarini koʻrsatgan holda markazga yuboradi.

(12-bandning birinchi xatboshisi Oʻzbekiston Respublikasi Vazirlar Mahkamasining 2018-yil 22-yanvardagi 40-sonli qarori tahririda — Qonun hujjatlari maʼlumotlari milliy bazasi, 23.01.2018-y., 09/18/40/0609-son)

Gazlashtirish loyihasini kelishishni uning maqsadga muvofiq emasligi sabablariga koʻra rad etishga yoʻl qoʻyilmaydi.

Gazlashtirish loyihasini kelishishni rad etish uchun asos boʻlgan sabablar gaz taʼminoti tashkiloti tomonidan bartaraf etilgan taqdirda loyihani vakolatli organlar tomonidan takroriy koʻrib chiqish loyiha olingan kundan boshlab 3 kundan oshmaydigan muddatda amalga oshiriladi.

Gazlashtirish loyihasini vakolatli organlar tomonidan kelishish toʻlov undirilmasdan amalga oshiriladi.

13. Gazlashtirishning kelishilgan loyihasi olingandan keyin gaz taʼminoti tashkiloti qurilish-montaj ishlarini bajarishga kirishadi.

Qurilish-montaj ishlarini bajarish shartnomada nazarda tutilgan muddatlarda amalga oshiriladi.

14. Qurilish-montaj ishlari tugagach gaz taʼminoti tashkiloti gazni hisobga olish priborini oʻrnatadi.

IV. Ishga tushirish-sozlash va rejim-sozlash ishlarini amalga oshirish hamda gaz yetkazib berish yuzasidan shartnoma tuzish

15. Gaz taʼminoti tashkiloti qurilish-montaj ishlari tugagan kundan boshlab 5 kun mobaynida ishga tushirish-sozlash va rejim-sozlash ishlarini tashkil qiladi.

16. Gaz quvurlarida va ulardagi uskunada, yangidan qurilgan, rekonstruksiya qilingan yoki texnik jihatdan qayta jihozlangan gazdan foydalanish uskunasida gaz quvurlarini va gaz xoʻjaligining gaz isteʼmol qiluvchi boshqa obyektlarini montaj qilishga, taʼmirlashga, ishga tushirishga va ulardan foydalanishga “Sanoatgeokontexnazorat” davlat inspeksiyasining ruxsatnomasiga ega boʻlgan sozlash tashkilotlari tomonidan bajariladigan ishga tushirish-sozlash ishlari amalga oshirilishi kerak.

17. Gazdan foydalanish uskunasini ishga tushirish-sozlash va rejim-sozlash ishlarining tugallanishi tegishli dalolatnomalar bilan rasmiylashtiriladi.

Ishlarning natijalari boʻyicha texnik hisobot tuziladi, unda gazdan foydalanuvchi uskunaning turli ish rejimlarida gazdan oqilona foydalanishga, priborlarni hamda xavfsizlik avtomatikasi vositalarini sozlashga, yoqilgʻini yoqish jarayonlarini, issiqlikni utilizatsiya qilish va yordamchi uskunalarga va bugʻqozonlar uchun suv tayyorlash tizimlari uskunalarini avtomatik boshqarishga taʼsir koʻrsatadigan barcha energiya samaradorligi koʻrsatkichlari aks ettiriladi.

18. Bajarilgan ishlarning natijalari asosida sozlash tashkiloti tadbirkorlik subyekti tomonidan tasdiqlanadigan rejim (texnologiya) xaritalarini beradi.

19. Ishga tushirish-sozlash, rejim-sozlash ishlari tugallangach gaz taʼminoti tashkiloti bajarilgan ishlar dalolatnomasini 3 kun mobaynida tuzadi va uni bajarilgan ishlarni qabul qilish uchun tadbirkorlik subyektiga yuboradi.

20. Qabul qilish ishlari tugallangandan keyin gaz taʼminoti tashkiloti tadbirkorlik subyektiga quyidagi hujjatlarni bir nusxadan beradi:

texnik shartlar;

gazlashtirish loyihasi;

gazni hisobga olish priborini tekshirish va plombalash dalolatnomasi;

qurilish-montaj va ishga tushirish-sozlash hujjatlari;

gaz yetkazib berish yuzasidan shartnoma.

21. Gaz yetkazib berish yuzasidan shartnoma gaz taʼminoti tashkiloti bilan tadbirkorlik subyekti oʻrtasida ikki nusxada, har qaysi taraf uchun bir nusxadan tuziladi.

V. Yakunlovchi qoidalar

22. Foydalanishga tayyor holda gazlashtirish ishlari ushbu Nizomning 2-ilovasiga muvofiq sxema boʻyicha amalga oshiriladi.

23. Gaz yetkazib berish yuzasidan shartnoma tuzmasdan gaz yetkazib berishni amalga oshirish taqiqlanadi.

24. Ushbu Nizomning talablari buzilishida aybdor boʻlgan shaxslar qonun hujjatlarida belgilangan tartibda javobgar boʻladilar.

Tadbirkorlik subyektlarini gaz tarmoqlariga foydalanishga tayyor holda ulash tartibi toʻgʻrisidagi nizomga
1-ILOVA

Texnik shartlarni olish uchun tadbirkorlik subyektining gazdan foydalanish uskunasini tavsiflaydigan

maʼlumotlar

‎‎

1. Hisoblangan quvvati‎‎

m^3‎‎‎

2. Gazdan foydalanish davri‎‎‎

3. Gazdan foydalanish uskunasini foydalanishga topshirish muddati‎‎

oy‎‎

yil‎‎

4. Ushbu maʼlumotlarga quyidagilar ilova qilinadi:‎‎

1.‎

‎

varaq‎‎

2.‎

‎

varaq‎‎‎‎

3.‎

‎

varaq‎‎‎‎

4.‎

‎

varaq‎‎‎‎

5.‎

‎

varaq‎‎‎‎

‎‎

5. Men ________________________________________________________________________‎‎

(tadbirkorlik subyektining familiyasi, ismi, otasining ismi)‎‎

_____________________________________________________________________________
‎barcha taqdim etilgan maʼlumotlarning ishonchliligini tasdiqlayman‎‎.

‎‎

‎‎________________________
‎imzo

Tadbirkorlik subyektlarini gaz tarmoqlariga foydalanishga tayyor holda ulash tartibi toʻgʻrisidagi nizomga
2-ILOVA

Tadbirkorlik subyektlarini gaz tarmoqlariga foydalanishga tayyor holda ulash

SXEMASI

(Oʻzbekiston Respublikasi qonun hujjatlari toʻplami, 2015-y., 40-son, 517-modda; 2017-y., 18-son, 325-modda; Qonun hujjatlari maʼlumotlari milliy bazasi, 23.01.2018-y., 09/18/40/0609-son)