|
Hujjat kuchini yo‘qotgan 24.10.2018
|
Hujjat 12.07.2010 sanasi holatiga
Amaldagi versiyaga o‘tish |
Oʻzbekiston Respublikasi Vazirlar Mahkamasining
qarori
QORAQALPOGʻISTON RESPUBLIKASI VAZIRLAR KENGAShI, VILOYATLAR VA TOShKENT ShAHAR HOKIMLIKLARI HUZURIDAGI MAXSUS KOMISSIYALAR TOʻGʻRISIDAGI NAMUNAVIY NIZOMNI TASDIQLASh HAQIDA
Keyingi tahrirga qarang.
LexUZ sharhiMazkur qaror Oʻzbekiston Respublikasi Vazirlar Mahkamasining 2018-yil 22-oktabrdagi 845-sonli “Oʻzbekiston Respublikasi Prezidentining “Chet el fuqarolari va fuqaroligi boʻlmagan shaxslarni doimiy va vaqtincha propiska qilish tartibini takomillashtirish chora-tadbirlari toʻgʻrisida” 2018-yil 28-avgustdagi PQ-3924-son qarorini amalga oshirish chora-tadbirlari haqida”gi qaroriga asosan oʻz kuchini yoʻqotgan.
Oʻzbekiston Respublikasi Prezidentining “Oʻzbekiston Respublikasida pasport tizimini takomillashtirish toʻgʻrisida” 1999-yil 26-fevraldagi PF-2240-son Farmoniga muvofiq Vazirlar Mahkamasi qaror qiladi:
1. Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari huzuridagi xorijiy fuqarolarga, shu jumladan, MDH qatnashchilari boʻlgan davlatlar fuqarolariga va fuqaroligi boʻlmagan shaxslarga yashash uchun ruxsatnomalar berish hamda ularni doimiy roʻyxatdan oʻtkazish bilan bogʻliq masalalarni koʻrib chiqish boʻyicha maxsus komissiyalar toʻgʻrisidagi Namunaviy nizom 1-ilovaga muvofiq tasdiqlansin.
Keyingi tahrirga qarang.
2. Qoraqalpogʻiston Respublikasi Vazirlar Kengashi raisi, viloyatlar va Toshkent shahar hokimlari oʻz komissiyalari ishini Namunaviy nizom talablariga qatʼiy muvofiq ravishda tashkil etsinlar.
Keyingi tahrirga qarang.
3. Oʻzbekiston Respublikasi Ichki ishlar vazirligi (Z. Almatov) xorijiy fuqarolarga, shu jumladan, MDH qatnashchilari boʻlgan davlatlar fuqarolariga va fuqaroligi boʻlmagan shaxslarga yashash uchun ruxsatnomalar berish boʻyicha masalalarga doir materiallarning sifatli va oʻz vaqtida rasmiylashtirilishi hamda koʻrib chiqilishi ustidan nazoratni taʼminlasin.
Keyingi tahrirga qarang.
4. Oʻzbekiston Respublikasi Vazirlar Mahkamasining “Xorijiy fuqarolarning va fuqaroligi boʻlmagan shaxslarning Oʻzbekiston Respublikasiga kelishlari, ketishlari, bu yerda boʻlishlari va tranzit oʻtishlari tartibi toʻgʻrisida” 1996-yil 21-noyabrdagi 408-son qaroriga 2-ilovaga muvofiq oʻzgartirish va qoʻshimchalar kiritilsin.
5. Adliya vazirligi va Moliya vazirligi Ichki ishlar vazirligi, Tashqi ishlar vazirligi, Toshkent shahar hokimligi hamda boshqa manfaatdor idoralar bilan birgalikda bir hafta muddatda Vazirlar Mahkamasining 1993-yil 19-avgustdagi 423-son va 1994-yil 3-noyabrdagi 533-son qarorlariga oʻzgartirish va qoʻshimchalar boʻyicha takliflar kiritsinlar,
6. Mazkur qarorning bajarilishini nazorat qilish Oʻzbekiston Respublikasining Bosh vaziri Oʻ. Sultonov zimmasiga yuklansin.
Vazirlar Mahkamasining Raisi I. KARIMOV
Toshkent sh.,
1999-yil 16-aprel,
178-son
Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari huzuridagi xorijiy fuqarolarga, shu jumladan, MDH qatnashchilari boʻlgan davlatlar fuqarolariga hamda fuqaroligi boʻlmagan shaxslarga Oʻzbekiston Respublikasi hududida yashash uchun ruxsatnomalar berish, shuningdek, ularni doimiy roʻyxatdan oʻtkazish bilan bogʻliq masalalarni koʻrib chiqish boʻyicha maxsus komissiyalar toʻgʻrisida
Keyingi tahrirga qarang.
NAMUNAVIY NIZOM
I. UMUMIY QOIDALAR
1. Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari huzuridagi xorijiy fuqarolarga, shu jumladan, MDH qatnashchilari boʻlgan davlatlar fuqarolariga hamda fuqaroligi boʻlmagan shaxslarga yashash uchun ruxsatnomalar berish, shuningdek, ularni doimiy roʻyxatdan oʻtkazish bilan bogʻliq masalalarni koʻrib chiqish boʻyicha maxsus komissiyalar (bundan keyin Komissiya deb ataladi) toʻgʻrisidagi ushbu Namunaviy nizom Oʻzbekiston Respublikasi Prezidentining “Oʻzbekiston Respublikasida pasport tizimini takomillashtirish toʻgʻrisida” 1999-yil 26-fevraldagi PF-2240-son Farmoniga va boshqa qonun hujjatlariga muvofiq ishlab chiqilgan.
Keyingi tahrirga qarang.
2. Komissiya tarkibiga quyidagilar kiradi:
Qoraqalpogʻiston Respublikasi Vazirlar Kengashining raisi, Viloyatlar va Toshkent shahar hokimlari — komissiya rahbarlari;
Qoraqalpogʻiston Respublikasi Ichki ishlar vaziri, Viloyatlar ichki ishlar boshqarmalari boshliqlari va Toshkent shahar ichki ishlar bosh boshqarmasi boshligʻi — komissiya rahbarlarining oʻrinbosarlari;
Keyingi tahrirga qarang.
Milliy xavfsizlik xizmati, adliya, ijtimoiy taʼminot boshqarmalari, hududiy kommunal-foydalanish birlashmalari boshliqlari — komissiya aʼzolari;
Keyingi tahrirga qarang.
Ichki ishlar vazirligi hududiy boʻlinmalarining xorijga chiqish-kelish va fuqarolik boshqarmasi (boʻlimi) boshligʻi — komissiya kotibi.
Komissiya tarkibiga, shuningdek, respublika “Mahalla” xayriya jamgʻarmasi boʻlinmalarining rahbarlari ham kirishlari mumkin.
3. Komissiyaning vakolatlari:
taqdim etilgan materiallarni koʻrib chiqish hamda xorijiy fuqarolarga, MDH qatnashchilari boʻlgan davlatlar fuqarolariga va fuqaroligi boʻlmagan shaxslarga yashash uchun ruxsatnomalar berish yoki berishni rad etish, shuningdek, ularni roʻyxatdan oʻtkazish yoki oʻtkazishni rad etish toʻgʻrisida qaror qabul qilish;
Keyingi tahrirga qarang.
vakolatli davlat organlaridan yashash uchun ruxsatnoma berish va doimiy roʻyxatdan oʻtkazish yoxud ularni rad etish toʻgʻrisidagi masalani hal qilish uchun zarur boʻlgan qoʻshimcha hujjatlarni taqdim etishni soʻrash. Vakolatli davlat organlari uch kun muddatda barcha zarur materiallarni taqdim etishga majburdirlar;
ichki ishlar organlarining tegishli xizmatlari tomonidan qabul qilingan yashash uchun ruxsatnomalar berish va doimiy roʻyxatdan oʻtkazish toʻgʻrisidagi qarorlarning oʻz vaqtida bajarilishini nazorat qilish;
Davlat organlarini xorijiy fuqarolar, MDH qatnashchilari boʻlgan davlatlar fuqarolari va fuqaroligi boʻlmagan shaxslarning Oʻzbekiston Respublikasi hududida yashashi uchun ruxsatnomalar berish hamda doimiy roʻyxatdan oʻtkazish masalalari boʻyicha yilning har choragida kamida bir marta tekshirish va eshitish.
Keyingi tahrirga qarang.
Doimiy yashash uchun qoldirish va yashash uchun ruxsatnoma berish toʻgʻrisidagi masalani hal etishda maxsus komissiyalar kelgan fuqarolarni uy-joy, ish va ijtimoiy kafolatlar bilan taʼminlash imkoniyatlarini hisobga oladilar.
Oldingi tahrirga qarang.
Toshkent shahri va Toshkent viloyati hokimliklari huzuridagi Maxsus komissiyalar yuqorida koʻrsatib oʻtilgan vakolatlardan tashqari respublikaning boshqa mintaqalaridan kelayotgan Oʻzbekiston Respublikasi fuqarolarini, Oʻzbekiston Respublikasida yashash uchun ruxsatnomaga ega boʻlgan xorijiy fuqarolar va fuqaroligi boʻlmagan shaxslarni Toshkent shahrida va Toshkent viloyatida doimiy roʻyxatdan oʻtkazish masalalarini ham hal etadilar, uy-joy sotib olishni xohlaydigan fuqarolarga roʻyxatdan oʻtishi toʻgʻrisidagi qarorning bir nusxasini beradilar.
(3-bandning yettinchi xatboshisi Oʻzbekiston Respublikasi Vazirlar Mahkamasining 2010-yil 12-iyuldagi 145-sonli qarori tahririda — OʻR QHT, 2010-y., 7-son, 36-modda)
Keyingi tahrirga qarang.
II. YaShASh UChUN RUXSATNOMA OLISh VA DOIMIY ROʻYXATDAN OʻTKAZISh UChUN MATERIALLAR TAQDIM QILISh TARTIBI
4. Yashash uchun ruxsatnoma olish va doimiy roʻyxatdan oʻtkazish uchun ariza beruvchi tuman (shahar) ichki ishlar boʻlinmasiga quyidagi hujjatlarni topshiradi:
belgilangan namunadagi ariza-anketadan ikki nusxa;
uyida ariza beruvchi yashamoqchi boʻlayotgan qarindoshlar yoki tanishlarning turar joy maydoni berishi toʻgʻrisidagi notarial tasdiqlangan arizalari;
agar jarayon oilalarning qaytadan qoʻshilishi bilan bogʻliq boʻlsa, nikoh toʻgʻrisidagi hujjatlarning hamda bolalarning tugʻilganlik toʻgʻrisidagi guvohnomalarining notarial tasdiqlangan nusxalari;
Keyingi tahrirga qarang.
belgilangan miqdorda davlat boji toʻlanganligi toʻgʻrisidagi kvitansiyalar;
qora-oq rangli tasvirdagi 35 x 45 mm hajmli ikkita fotosurat.
5. Tuman (shahar) ichki ishlar boʻlimi (boshqarmasi) hujjatlar paketini uch kun muddatda rasmiylashtiradi va oʻzining yuqori boʻlinmasiga joʻnatadi.
6. Qoraqalpogʻiston Respublikasi Ichki ishlar vazirligi, Viloyatlar ichki ishlar boshqarmalari va Toshkent shahar ichki ishlar bosh boshqarmasi hujjatlar paketini olgach, ikki kun muddatda tegishli vakolatli davlat organlariga soʻrovnomalar joʻnatadi, mazkur organlar ariza boruvchining ishonchliligi darajasi toʻgʻrisidagi oʻz fikrini oʻn kun muddatda maʼlum qilishi kerak.
Keyingi tahrirga qarang.
7. Qoraqalpogʻiston Respublikasi Ichki ishlar vazirligi, Viloyatlar ichki ishlar boshqarmalari va Toshkent shahar ichki ishlar bosh boshqarmasi vakolatli davlat organlaridan javob olgandan keyin hujjatlarning toʻliq paketini koʻrib chiqish uchun ikki kun muddatda Komissiyaga taqdim etadi.
Keyingi tahrirga qarang.
8. Komissiya taqdim etilgan hujjatlarni bir hafta muddatda koʻrib chiqadi hamda 1 va 2-ilovalarga muvofiq belgilangan shakl boʻyicha tegishli xulosa chiqaradi.
Xulosa ijobiy boʻlganda rasmiylashtirilgan hujjatlar paketi uzil-kesil qaror qabul qilish uchun Oʻzbekiston Respublikasi Ichki ishlar vazirligiga joʻnatiladi.
Xulosa salbiy boʻlganda hujjatlar tuman (shahar) ichki ishlar boʻlimi (boshqarmasi)ga qaytariladi. U uch kun muddatda ushbu qarorni arizachiga yetkazishi va belgilangan tartibga muvofiq, ushbu faktdan kelib chiquvchi chora-tadbirlar koʻrishi kerak.
9. Oʻzbekiston Respublikasi Ichki ishlar vazirligi masalani arizachi kelib chiqqan mamlakatlarning diplomatik vakolatxonalari yoki konsullik muassasalari bilan kelishib olish zarurati boʻlganda, bir hafta muddatda Oʻzbekiston Respublikasi Tashqi ishlar vazirligiga soʻrovnoma joʻnatadi.
10. Oʻzbekiston Respublikasi Ichki ishlar vazirligi taqdim etilgan barcha materiallar asosida yashash uchun ruxsatnoma berish yoki berishni rad qilish toʻgʻrisida uzil-kesil qaror qabul qiladi va bir hafta muddatda hujjatlar paketini qaror bilan birga Qoraqalpogʻiston Respublikasi Ichki ishlar vazirligiga, Viloyatlar ichki ishlar boshqarmalariga va Toshkent shahar ichki ishlar bosh boshqarmasiga, keyinchalik Komissiyani xabardor qilish va tegishli tuman (shahar) ichki ishlar boʻlimi (boshqarmasiga) berish uchun joʻnatadi,
11. Qaror ijobiy boʻlganda tuman (shahar) ichki ishlar boʻlimi (boshqarmasi) uch kun muddatda arizachiga yashash uchun ruxsatnoma beradi, uni doimiy roʻyxatdan oʻtkazishni rasmiylashtiradi, qaror salbiy boʻlganda — ushbu qarorni arizachiga yetkazadi va belgilangan tartibga muvofiq, mazkur faktdan kelib chiquvchi chora-tadbirlar koʻradi.
Oldingi tahrirga qarang.
III. TOShKENT ShAHRI VA TOShKENT VILOYATIDA DOIMIY ROʻYXATDAN OʻTKAZISh UChUN MATERIALLARNI TAQDIM ETISh TARTIBI
(III boʻlimning nomi Oʻzbekiston Respublikasi Vazirlar Mahkamasining 2010-yil 12-iyuldagi 145-sonli qarori tahririda — OʻR QHT, 2010-y., 7-son, 36-modda)
Oldingi tahrirga qarang.
12. Respublikaning boshqa mintaqalaridan doimiy yashash uchun Toshkent shahri va Toshkent viloyatiga kelgan Oʻzbekiston Respublikasi fuqarolari, Oʻzbekiston Respublikasida yashash uchun ruxsatnomaga ega boʻlgan xorijiy fuqarolar va fuqaroligi boʻlmagan shaxslar Toshkent shahri va Toshkent viloyati hokimliklari huzuridagi Maxsus komissiyalarga bevosita quyidagi hujjatlarni taqdim etadilar.
(12-bandning birinchi xatboshisi Oʻzbekiston Respublikasi Vazirlar Mahkamasining 2010-yil 12-iyuldagi 145-sonli qarori tahririda — OʻR QHT, 2010-y., 7-son, 36-modda)
belgilangan namunadagi ariza;
pasport yoki Oʻzbekiston Respublikasida yashash uchun ruxsatnoma;
uyida arizachi yashamoqchi boʻlayotgan qarindoshlar yoki tanishlarning unga turar joy berishi toʻgʻrisidagi notarial tasdiqlangan arizasi.
Oldingi tahrirga qarang.
13. Komissiyalar bir oy muddatda taqdim etilgan hujjatlarni koʻrib chiqadi va 3, 3a, 4, 4a-ilovalarga muvofiq belgilangan shakllar boʻyicha tegishli xulosalar chiqaradilar.
Doimiy roʻyxatdan oʻtkazish rad etilishi haqida qaror chiqarilgan taqdirda komissiyalar oʻz xulosasida bunday rad etishning sabablarini koʻrsatishlari va bu haqda fuqarolarga xabar berishlari shart.
Istisno hollarda, Oʻzbekiston Respublikasining vakolatli organlari tashabbusi bilan, komissiyalar fuqarolarga doimiy roʻyxatdan oʻtkazish rad etilishining sabablari toʻgʻrisida xabar bermasliklari mumkin.
(13-band Oʻzbekiston Respublikasi Vazirlar Mahkamasining 2010-yil 12-iyuldagi 145-sonli qarori tahririda — OʻR QHT, 2010-y., 7-son, 36-modda)
Oldingi tahrirga qarang.
14. Komissiyalar Toshkent shahri va Toshkent viloyatiga doimiy yashash uchun kelayotgan shaxslarni doimiy roʻyxatdan oʻtkazishni quyidagi asoslar boʻyicha rad etish huquqiga ega:
a) agar shaxsga qarshi jinoiy ish qoʻzgʻatilgan boʻlsa — ishni koʻrib chiqish tamom boʻlgunga qadar;
b) agar shaxs oʻzi toʻgʻrisida qasddan yolgʻon maʼlumotlar bergan boʻlsa;
v) agar shaxsga sudda fuqarolik daʼvosi berilgan boʻlsa — ishni koʻrib chiqish tamom boʻlgunga qadar;
g) agar ariza beruvchini roʻyxatdan oʻtkazmoqchi boʻlgan shaxsning turar joyi Toshkent shahri yoki Toshkent viloyati hokimining qarori bilan belgilangan buzib tashlash zonasida boʻlsa;
d) turar joy maydoni uy-joyning ijtimoiy normalariga muvofiq boʻlmagan taqdirda;
e) agar shaxs ilgari roʻyxatdan chiqqan va boshqa davlatda doimiy yashash uchun Oʻzbekiston Respublikasi tashqarisiga chiqib ketgan boʻlsa;
j) agar shaxs ichki ishlar organlarida profilaktik hisobda turgan boʻlsa.
Komissiyalar shuningdek doimiy roʻyxatdan oʻtkazishni qonun hujjatlarida belgilangan boshqa hollarda ham rad etish huquqiga ega.
(14-band Oʻzbekiston Respublikasi Vazirlar Mahkamasining 2010-yil 12-iyuldagi 145-sonli qarori tahririda — OʻR QHT, 2010-y., 7-son, 36-modda)
15. Komissiya xulosasi ijro etish uchun tuman ichki ishlar boʻlimi (boshqarmasiga) joʻnatiladi.
Keyingi tahrirga qarang.
Namunaviy nizomga
1-ILOVA
1-ILOVA
| |
TASDIQLAYMAN |
| |
Qoraqalpogʻiston Respublikasi Vazirlar Kengashi |
| | Raisi____________________________ |
| | Hokim___________________________ |
| | 1999-yil “ ” aprel |
| | |
|
Yashash uchun ruxsatnoma berish va doimiy roʻyxatdan oʻtkazish toʻgʻrisidagi materiallarni koʻrib chiqish natijalari boʻyicha maxsus komissiyaning | |
|
_____ -SON XULOSASI | |
| Komissiya __________________________________________________________ | |
| ____________________________________________________________________ | |
| pasporti yoki uning oʻrnini bosuvchi hujjati (seriyasi, № , kim tomonidan va qachon berilgan) boʻlgan,_______________________________________________ | |
| ____________________________________________________________________ | |
| manzili boʻyicha vaqtincha roʻyxatdan oʻtkazilgan fuqaro (fuqaroligi boʻlmagan shaxs)______________________________________________________ ga | |
| yashash uchun ruxsatnoma berish va uni doimiy roʻyxatdan oʻtkazish toʻgʻrisidagi materiallarni koʻrib chiqib | |
|
QAROR QILADI: | |
| Fuqaro (fuqaroligi boʻlmagan shaxs) ___________________________________ | |
| __________________________________________________________________ga | |
| yashash uchun ruxsatnoma berish va uni doimiy roʻyxatdan oʻtkazish rad etilsin. | |
| Materiallar chora-tadbirlar koʻrish uchun_______________________________ tumani (shahar) ichki ishlar boʻlimi (boshqarmasi)ga joʻnatilsin. | |
| | |
| Komissiya aʼzolari: | |
Namunaviy nizomga
2-ILOVA
2-ILOVA
| |
TASDIQLAYMAN |
| |
Qoraqalpogʻiston Respublikasi Vazirlar Kengashi |
| | Raisi____________________________ |
| | Hokim___________________________ |
| | 1999-yil “ ” aprel |
| | |
|
Yashash uchun ruxsatnoma berish va doimiy roʻyxatdan oʻtkazish toʻgʻrisidagi materiallarni koʻrib chiqish natijalari boʻyicha maxsus komissiyaning | |
|
_____ -SON XULOSASI | |
| Komissiya __________________________________________________________ | |
| ____________________________________________________________________ | |
| pasporti yoki uning oʻrnini bosuvchi hujjati (seriyasi, № , kim tomonidan va qachon berilgan) boʻlgan,_______________________________________________ | |
| ____________________________________________________________________ | |
| manzili boʻyicha vaqtincha roʻyxatdan oʻtkazilgan fuqaro (fuqaroligi boʻlmagan shaxs)____________________________________________________________ ga | |
| yashash uchun ruxsatnoma berish va uni doimiy roʻyxatdan oʻtkazish toʻgʻrisidagi materiallarni koʻrib chiqib | |
|
QAROR QILADI: | |
| Fuqaro (fuqaroligi boʻlmagan shaxs) ___________________________________ | |
| __________________________________________________________________ga | |
| yashash uchun ruxsatnoma berishga va uni doimiy roʻyxatdan oʻtkazishga ruxsat etilsin. | |
| Materiallar yashash uchun ruxsatnoma berish toʻgʻrisida uzil-kesil qaror qabul qilish uchun Oʻzbekiston Respublikasi Ichki ishlar vazirligiga joʻnatilsin. | |
| | |
| Komissiya aʼzola�i: | |
Namunaviy nizomga
3-ILOVA
3-ILOVA
| |
TASDIQLAYMAN |
| |
Toshkent shahar hokimi |
| | ________________________________ |
| | 1999-yil “______” aprel |
| | |
|
Toshkent shahrida doimiy roʻyxatdan oʻtkazish toʻgʻrisidagi materiallarni koʻrib chiqish natijalari boʻyicha maxsus komissiyaning | |
|
_____ -SON XULOSASI | |
| Komissiya ________________________________________________________dan | |
| kelgan, _______________________________________________manzili boʻyicha | |
| vaqtincha roʻyxatdan oʻtkazilgan, pasporti yoki uning oʻrnini bosuvchi hujjati | |
| ____________________________________________________________________ | |
| (seriyasi, № , kim tomonidan va qachon berilgan) boʻlgan fuqaro (fuqaroligi boʻlmagan shaxs) ____________________________________________________ni | |
| doimiy roʻyxatdan oʻtkazish toʻgʻrisidagi materiallarni koʻrib chiqib | |
|
QAROR QILADI: | |
| Fuqaro (fuqaroligi boʻlmagan shaxs) _____________________________________ | |
| ____________________________________________________________________ | |
| ____________________________________________________________________ | |
| doimiy roʻyxatdan oʻtkazilsin. | |
| Materiallar ijro etish uchun Toshkent shahar _____________________________ | |
| tumani ichki ishlar boʻlimi (boshqarmasi)ga joʻnatilsin. | |
| Komissiya aʼzolari: | |
Keyingi tahrirga qarang.
Oldingi tahrirga qarang.
Namunaviy nizomga
3a-ILOVA
3a-ILOVA
| | |
Tasdiqlayman |
| | | ___________________________ |
| | | ___________________________ |
| | |
20______ yil " " ______________ |
|
| ||
| Komissiya____________________________________________ dan kelgan, _______________________________________manzili boʻyicha vaqtincha roʻyxatdan oʻtkazilgan, pasporti yoki uning oʻrnini bosuvchi hujjati____________________________________________________________________________ | ||
| |
(seriyasi, №, kim tomonidan va qachon berilgan) | |
| boʻlgan fuqaro (fuqaroligi boʻlmagan shaxs) __________________________ ni doimiy roʻyxatdan oʻtkazish toʻgʻrisidagi materiallarni koʻrib chiqib | ||
| QAROR QILADI: | | |
| Fuqaro (fuqaroligi boʻlmagan shaxs) __________________________________________________________ | ||
| ____________________________________________________________________________________ | ||
| ______________________________________________________________ doimiy roʻyxatdan oʻtkazilsin. | ||
| Materiallar ijro etish uchun Toshkent viloyatining _________________________tumani (shahri) ichki ishlar boʻlimi (boshqarmasi)ga yuborilsin. | ||
| Komissiya aʼzolari: ______________________________________________________________________ | ||
| ____________________________________________________________________________________ | ||
(3a-ilova Oʻzbekiston Respublikasi Vazirlar Mahkamasining 2010-yil 12-iyuldagi 145-sonli qaroriga asosan kiritilgan — OʻR QHT, 2010-y., 7-son, 36-modda)
Keyingi tahrirga qarang.
Namunaviy nizomga
4-ILOVA
4-ILOVA
Oldingi tahrirga qarang.
| |
TASDIQLAYMAN |
| |
Toshkent shahar hokimi |
| | ________________________________ |
| | 1999-yil “______” aprel |
| | |
|
Toshkent shahrida doimiy roʻyxatdan oʻtkazish toʻgʻrisidagi materiallarni koʻrib chiqish natijalari boʻyicha maxsus komissiyaning | |
|
_____ -SON XULOSASI | |
| Komissiya ________________________________________________________dan | |
| kelgan, _______________________________________________manzili boʻyicha | |
| vaqtincha roʻyxatdan oʻtkazilgan, pasporti yoki uning oʻrnini bosuvchi hujjati | |
| ____________________________________________________________________ | |
| (seriyasi, № , kim tomonidan va qachon berilgan) boʻlgan fuqaro (fuqaroligi boʻlmagan shaxs) ____________________________________________________ni | |
| doimiy roʻyxatdan oʻtkazish toʻgʻrisidagi materiallarni koʻrib chiqib | |
|
QAROR QILADI: | |
| Fuqaro (fuqaroligi boʻlmagan shaxs) _____________________________________ | |
| __________________________________________________________________ni | |
| quyidagi asoslar boʻyicha roʻyxatdan oʻtkazish rad etilsin. | |
| Materiallar ijro etish uchun Toshkent shahar _____________________________ | |
| tumani ichki ishlar boʻlimi (boshqarmasi)ga joʻnatilsin. | |
| Komissiya aʼzolari: | |
(4-ilova Oʻzbekiston Respublikasi Vazirlar Mahkamasining 2010-yil 12-iyuldagi 145-sonli qarori tahririda — OʻR QHT, 2010-y., 7-son, 36-modda)
Keyingi tahrirga qarang.
Oldingi tahrirga qarang.
Namunaviy nizomga
4a-ILOVA
4a-ILOVA
| | |
Tasdiqlayman |
| | | ___________________________ |
| | | ___________________________ |
| | |
20______ yil " " ______________ |
|
| ||
| Komissiya____________________________________________ dan kelgan, _______________________________________manzili boʻyicha vaqtincha roʻyxatdan oʻtkazilgan, pasporti yoki uning oʻrnini bosuvchi hujjati____________________________________________________________________________ | ||
| |
(seriyasi, №, kim tomonidan va qachon berilgan) | |
| boʻlgan fuqaro (fuqaroligi boʻlmagan shaxs) _______________________ ni doimiy roʻyxatdan oʻtkazish toʻgʻrisidagi materiallarni koʻrib chiqib | ||
| QAROR QILADI: | | |
| Fuqaro (fuqaroligi boʻlmagan shaxs) __________________________________________________________ | ||
| ____________________________________________________________________________________ | ||
| __________________________________________________ni roʻyxatdan oʻtkaziish rad etilsin. | ||
| Materiallar ijro etish uchun Toshkent viloyatining ___________________tumani (shahri) ichki ishlar boʻlimi (boshqarmasi)ga yuborilsin. | ||
| Komissiya aʼzolari: ______________________________________________________________________ | ||
| ____________________________________________________________________________________ | ||
(4a-ilova Oʻzbekiston Respublikasi Vazirlar Mahkamasining 2010-yil 12-iyuldagi 145-sonli qaroriga asosan kiritilgan — OʻR QHT, 2010-y., 7-son, 36-modda)
Keyingi tahrirga qarang.
Oʻzbekiston Respublikasi Vazirlar Mahkamasining 1996-yil 21-noyabrdagi 408-son qaroriga kiritiladigan oʻzgartirishlar va qoʻshimchalar
I. 1-ilova — “Xorijiy fuqarolar va fuqaroligi boʻlmagan shaxslarning Oʻzbekiston Respublikasiga kelishlari va Oʻzbekiston Respublikasidan ketishlari tartibi”da:
1. 1-band “xorijiy fuqarolar” soʻzlaridan keyin “shu jumladan, MDH qatnashchilari boʻlgan davlatlar fuqarolari” soʻzlari bilan toʻldirilsin.
2. 10-bandning birinchi xatboshidagi, 10-bandning birinchi xatboshiga izohdagi, 11-bandning birinchi xatboshidagi, 12-bandning birinchi xatboshidagi, 13-bandning birinchi va ikkinchi xatboshilaridagi “chet el pasportini”, “chet el pasporti” soʻzlari tegishli ravishda “milliy pasportni”, “milliy pasport” soʻzlari bilan almashtirilsin.
3. 15-bandning birinchi xatboshidagi “va fuqaroligi boʻlmagan shaxslar” soʻzlari chiqarib tashlansin.
4. 16-bandning toʻrtinchi va beshinchi xatboshilaridagi “va fuqaroligi boʻlmagan shaxslar” soʻzlari chiqarib tashlansin.
5. 19-bandning “e” kichik bandidagi “va fuqaroligi boʻlmagan shaxslarning” soʻzlari chiqarib tashlansin.
II. 2-ilova — “Xorijiy fuqarolar va fuqaroligi boʻlmagan shaxslarning Oʻzbekiston Respublikasida boʻlishlari qoidalari”da:
1. 1-band “xorijiy fuqarolar” soʻzlaridan keyin “shu jumladan, MDH qatnashchilari boʻlgan davlatlar fuqarolari” soʻzlari bilan toʻldirilsin,
2. 2-bandning “a” kichik bandi quyidagi tahrirda bayon qilinsin:
“Oʻzbekiston Respublikasida boʻluvchi xorijiy fuqarolarni kelish vizasining amal qilish muddatiga vaqtincha roʻyxatdan oʻtkazish”.
3. 4-bandda:
birinchi xatboshidagi “Mazkur qoidalarida belgilangan tartibda roʻyxatdan oʻtkazilgan” soʻzlari chiqarib tashlansin;
birinchi xatboshiga izohdagi va ikkinchi xatboshidagi “chet el pasportlari” va “Chet el pasportini” soʻzlari tegishli ravishda “milliy pasportlar” va “Milliy pasportini” soʻzlari bilan almashtirilsin.
4. 5-banddagi “oʻz vaqtida roʻyxatdan oʻtishlari” soʻzlari “oʻz vaqtida roʻyxatdan oʻtkazilishini taʼminlash” soʻzlari bilan almashtirilsin.
5. 7-banddagi “oʻz vaqtida roʻyxatdan oʻtkazish” soʻzlari “oʻz vaqtida roʻyxatdan oʻtkazilishini taʼminlash” soʻzlari bilan almashtirilsin.
6. 9-banddagi “Oʻzbekiston Respublikasining huquqni muhofaza qiluvchi boshqa organlari” soʻzlari “joylardagi hokimiyat organlari va Oʻzbekiston Respublikasining huquqni muhofaza qilish organlari” soʻzlari bilan almashtirilsin.
7. 10-banddagi “roʻyxatdan oʻtkazish” soʻzlari “vaqtincha roʻyxatdan oʻtkazish” soʻzlari bilan almashtirilsin.
“II. Oʻzbekiston Respublikasida vaqtincha boʻluvchi xorijiy fuqarolarni roʻyxatdan oʻtkazish
11. Oʻzbekiston Respublikasida vaqtincha boʻluvchi fuqarolar Oʻzbekiston Respublikasi hududida milliy pasportlar boʻyicha vaqtincha roʻyxatdan oʻtish asosida yashaydilar. Milliy pasportlar belgilangan joyga kelingandan soʻng uch sutka mobaynida vaqtincha roʻyxatdan oʻtkazish uchun taqdim etiladi, bayram va dam olish kunlari bundan mustasno”.
9. 12-bandda:
birinchi xatboshidagi “roʻyxatdan oʻtkazishdan” soʻzlari “vaqtincha roʻyxatdan oʻtkazishdan” soʻzlari bilan almashtirilsin;
“b” kichik bandidan “chet el” soʻzlari chiqarib tashlansin;
“v” kichik bandidagi “18 yoshga” soʻzlari “16 yoshga” soʻzlari bilan almashtirilsin;
“g” kichik bandi quyidagi tahrirda bayon qilinsin:
“g) Oʻzbekiston Respublikasiga bayram va dam olish kunlari yoki odatdagi kunlarda uch sutkagacha muddat bilan kelgan va shu kunlar mobaynida respublikadan joʻnab ketuvchi fuqarolar”.
10. 13-band quyidagi tahrirda bayon qilinsin:
“13. Xorijiy fuqarolarni vaqtincha roʻyxatdan oʻtkazish Oʻzbekiston Respublikasi ichki ishlar organlari tomonidan amalga oshiriladi.
Mehmonxonalar, davolash muassasalari, sanatoriylar, dam olish uylarining masʼul shaxslari tomonidan kelib joylashgan shaxslarning hisobi yuritiladi.
Ichki ishlar organi hududiy boʻysunishiga qarab haftasiga ikki marta Manzil-maʼlumotnoma byurosiga ketish va kelish varaqalarini yuborishga majbur. Mulkchilik shakllaridan qatʼi nazar, mehmonxonalar, davolash muassasalari, sanatoriylar, dam olish uylarining masʼul shaxslari oʻzlari joylashgan joydagi Manzil-maʼlumotnoma byurosiga hisobga olish uchun roʻyxatdan oʻtkaziladigan, kelib joylashgan shaxslarning anketa-arizalarini bir sutka mobaynida yuborishga majbur.
Xorijiy fuqarolar Oʻzbekiston Respublikasi Tashqi ishlar vazirligi tomonidan akkreditatsiya qilinadi”.
11. 14-bandda:
birinchi xatiboshidagi “roʻyxatga olinadi” soʻzlari “akkreditatsiya qilinadi” soʻzlari bilan almashtirilsin;
“a” kichik bandi “konsullik mansabdor shaxslari” soʻzlaridan soʻng “harbiy attashelar” soʻzlari bilan toʻldirilsin;
“b” kichik bandidagi “Oʻzbekiston Respublikasida akkreditatsiya qilingan” soʻzlari chiqarib tashlansin;
“g” kichik band chiqarib tashlansin;
oxirgi xatboshi quyidagi tahrirda bayon qilinsin:
“Oʻzbekiston Respublikasi Tashqi ishlar vazirligi, uning vakolatxonalari koʻrsatib oʻtilgan shaxslarga akkreditatsiya kartochkalari beradilar va akkreditatsiya qilinganligi toʻgʻrisida bevosita ularning milliy pasportlariga yozib qoʻyadilar”.
12. 15-bandda:
birinchi xatboshidagi birinchi gap quyidagi tahrirda bayon qilinsin: “Mazkur (Qoidalarning 12, 14, 16-bandlarida koʻrsatib oʻtilmagan xorijiy fuqarolar Oʻzbekiston Respublikasi Ichki ishlar organlarida roʻyxatdan oʻtkazilishi kerak”. Ikkinchi gapdagi “chet el pasportlari” soʻzlari “milliy pasportlar” soʻzlari bilan almashtirilsin.
birinchi va ikkinchi xatboshilaridagi “roʻyxatdan oʻtkazish” soʻzlari “vaqtincha roʻyxatdan oʻtkazish” soʻzlari bilan almashtirilsin.
13. 16-bandda:
birinchi xatboshi quyidagi tahrirda bayon qilinsin:
“Mehmonxonalarda quyidagilar hisobga olinadi:”;
“a” kichik bandining ikkinchi xatboshi quyidagi tahrirda bayon qilinsin:
“Xorijiy fuqarolar davolanishga yoki dam olishga bevosita davolash muassasalariga, sanatoriylarga yoki dam olish uylariga kelgan hollarda ularning hisobi, mulkchilik shakllaridan qatʼi nazar, davolash muassasalari, sanatoriylar va dam olish uylarining masʼul shaxslari tomonidan olib boriladi”.
14. 17-banddagi “roʻyxatdan oʻtkaziladi” soʻzlari “hisobga olinadi va vaqtincha roʻyxatdan oʻtkazishga tenglashtiriladi” soʻzlari bilan almashtirilsin.
15. 18-band quyidagi tahrirda bayon qilinsin:
“18. Agar fuqarolar Oʻzbekiston Respublikasiga kelgan, yaʼni nazorat-oʻtkazish punkti tomonidan qoʻyilgan sanadan uch kun oʻtgandan keyin (bayram va dam olish kunlari bundan mustasno) ichki ishlar organlarida vaqtincha roʻyxatdan oʻtmasdan respublika hududida boʻlganlarida hujjatlarni rasmiylashtirish va mehmonxonalarga joylashtirish taqiqlanadi”.
16. 21-band chiqarib tashlansin.
17. 24-bandda:
birinchi xatboshidagi “roʻyxatdan oʻtkazilmagan”, “roʻyxatdan oʻtkazilishi kerak” soʻzlari tegishli ravishda “akkreditatsiya qilinmagan”, “hisobga olinishi kerak” soʻzlari bilan almashtirilsin;
ikkinchi xatboshi quyidagi tahrirda bayon qilinsin:
“Milliy pasport yoki akkreditatsiya kartochkasi asosida mehmonxonada yashayotgan Oʻzbekiston Respublikasida belgilangan tartibda akkreditatsiya qilingan diplomatik korpus aʼzolari pasportlarga va akkreditatsiya kartochkalariga biron-bir belgi qoʻyilmasdan mehmonxonalarning hisobga olish daftarlarida va kartochkalarida hisobga olinishi kerak”.
18. 25-banddagi “fuqarolarning chet el pasportlarini roʻyxatdan oʻtkazish toʻgʻrisidagi” soʻzlari “fuqarolarni hisobga olish yuzasidan” soʻzlari bilan almashtirilsin.
19. 26-banddagi “chet el pasportlari roʻyxatga olinganligining amalda boʻlishini” soʻzlari “akkreditatsiyasi yoki ularni vaqtincha roʻyxatdan oʻtkazish muddatini” soʻzlari bilan almashtirilsin.
20. 29-band quyidagi tahrirda bayon qilinsin:
“29. Xorijiy fuqarolarga Oʻzbekiston Respublikasida doimiy yashash uchun ruxsatnoma qonun hujjatlarida belgilangan tartibda ularning bergan ariza-anketalari asosida Oʻzbekiston Respublikasi Ichki ishlar vazirligi tomonidan beriladi”.
21. 31-banddagi “roʻyxatga olinadilar” soʻzlari “roʻyxatdan oʻtkaziladilar (vaqtincha roʻyxatdan oʻtkaziladilar)” soʻzlari bilan almashtirilsin.
22. 32-bandning ikkinchi xatboshi quyidagi tahrirda bayon qilinsin:
“Xorijiy fuqarolar moʻljallangan joyga kelganlaridan soʻng ichki ishlar organlarida vaqtincha roʻyxatdan oʻtishlari yoki mehmonxonalarda hisobga turishlari kerak”.
III. 3-ilova — “Xorijiy fuqarolarning va fuqaroligi boʻlmagan shaxslarning Oʻzbekiston Respublikasi hududi orqali tranzit oʻtishlari qoidalari”da:
1-bandga ikkinchi izoh matni chiqarib tashlansin;
10-banddagi “roʻyxatdan oʻtishga” soʻzlari “mehmonxonada hisobga turishga yoki vaqtincha roʻyxatdan oʻtishga” soʻzlari bilan almashtirilsin.
