Oʻzbekiston Respublikasi Vazirlar Mahkamasining “Xoʻjalik yurituvchi subyektlarni tekshirishni tashkil qilishni tartibga solish chora-tadbirlari toʻgʻrisida” 1998-yil 27-noyabrdagi 496-son qaroriga muvofiq Vazirlar Mahkamasi qaror qiladi:

Quyidagi oʻzgartirishlar kiritilsin:

I. Oʻzbekiston Respublikasi Vazirlar Mahkamasining 1993-yil 29-iyuldagi 378-son qarori (Oʻzbekiston Respublikasi QT, 1993-y., 7-son, 29-modda) bilan tasdiqlangan Mehnat shart-sharoitlari davlat ekspertizasi toʻgʻrisidagi Nizomga:

1) 4-bandning ikkinchi xatboshidagi “bemalol kirish” soʻzlari “qonun hujjatlarida belgilangan tartibda kirish” soʻzlari bilan almashtirilsin;

2) 1-ilovada:

oxirgi xatboshidagi “bemalol kirish” soʻzlari “qonun hujjatlarida belgilangan tartibda kirish” soʻzlari bilan almashtirilsin;

guvohnomaga qoʻshimchaning ikkinchi xatboshidagi “bemalol kirish” soʻzlari “qonun hujjatlarida belgilangan tartibda kirish” soʻzlari bilan almashtirilsin.

II. Oʻzbekiston Respublikasi Vazirlar Mahkamasining 1993-yil 29-iyuldagi 378-son qarori (Oʻzbekiston Respublikasi QT, 1993-y., 7-son, 29-modda) bilan tasdiqlangan Davlat mehnat huquq inspeksiyasi toʻgʻrisidagi Nizom III boʻlimining 1-bandi quyidagi tahrirda bayon qilinsin:

“1. Mehnat haqidagi qonunlarga hamda “Aholini ish bilan taʼminlash toʻgʻrisida”gi Qonunga rioya qilinishini, shuningdek maʼmuriyat tomonidan jamoa shartnomasi shartlari, mehnat bitimlarining bajarilishini va ularning amaldagi qonun hujjatlariga muvofiqligini nazorat qilish maqsadida vazirliklar, davlat qoʻmitalari, idoralar, uyushmalar, konsernlar, birlashmalar, korxonalar, muassasalar, tashkilotlarni belgilangan tartibda tekshirish”.