Oʻzbekiston Respublikasi Prezidentining “Respublika iqtisodiyotining charm-poyabzal tarmogʻini boshqarish tizimini takomillashtirish toʻgʻrisida” 2000-yil 23-fevraldagi PF-2552-son Farmoniga muvofiq Vazirlar Mahkamasi qaror qiladi:

1. “Oʻzbekcharmpoyabzali” uyushmasi tarkibiga kiruvchi xoʻjalik yurituvchi subyektlar roʻyxatiga 1-ilovaga muvofiq, “Oʻzbekcharmpoyabzali” uyushmasi tashkiliy tuzilmasiga va boshqaruv apparati tuzilmasiga, shuningdek uning hududiy savdo-tayyorlash korxonalari ijro etuvchi apparatining namunaviy tuzilmasiga 2, 3 va 4-ilovalarga muvofiq rozilik berilsin.

2. Belgilansinki:

“Oʻzbekcharmpoyabzali” uyushmasi “Oʻzbek charmi” aksiyadorlik kompaniyasining shartnomalar va majburiyatlar boʻyicha huquqiy vorisi hisoblanadi;

“Oʻzbekcharmpoyabzali” uyushmasi tarkibiga teri va moʻyna-teri xom ashyosini tayyorlash, qayta ishlash, poyabzal, charm mahsulotlari va boshqa isteʼmol tovarlari ishlab chiqarish, shuningdek uyushma Ustaviga zid boʻlmagan faoliyatning boshqa turlari bilan shugʻullanadigan mulkchilikning turli shakllaridagi korxonalar va tashkilotlar ixtiyoriylik asosida kirishi mumkin;

“Oʻzbekcharmpoyabzali” uyushmasining hududiy boʻlinmalari va korxonalarining xoʻjalik faoliyatini mablagʻ bilan taʼminlash, shu jumladan ularning boshqaruv apparati taʼminoti oʻz xoʻjalik faoliyati, xizmatlar koʻrsatish, shuningdek amaldagi qonun hujjatlariga zid boʻlmagan boshqa daromadlar hisobiga amalga oshiriladi;

“Oʻzbekcharmpoyabzali” uyushmasi boshqaruv apparatining taʼminoti uning tarkibiga kiruvchi xoʻjalik yurituvchi subyektlar tomonidan shartnoma asosida oʻtkaziladigan mablagʻlar hisobiga amalga oshiriladi;

“Oʻzbekcharmpoyabzali” uyushmasi rahbarlari muassislarning umumiy yigʻilishida saylanadilar va Oʻzbekiston Respublikasi Vazirlar Mahkamasining qarori bilan lavozimga tasdiqlanadilar.

3. Maqomi, maishiy taʼminoti, tibbiy va transport xizmati koʻrsatish shart-sharoitlari boʻyicha uyushma boshqaruvi raisi — vazirga, rais oʻrinbosarlari esa Oʻzbekiston Respublikasi vazirining oʻrinbosariga tenglashtirilsin.

4. Oʻzbekiston Respublikasi Davlat mulki qoʻmitasi:

“Oʻzbekcharmpoyabzali” uyushmasi ishtirokida 5-ilovaga muvofiq “Oʻzbekcharmpoyabzali” uyushmasi tarkibiga kiruvchi aksiyadorlik jamiyatlari aksiyalarining davlat paketlari boʻyicha ishonchli boshqaruvchilarni belgilangan tartibda belgilasin;

aksiyalarning davlat paketlarini boshqarish yuzasidan ular bilan tuzilgan shartnomalarga muvofiq ishonchli boshqaruvchilar faoliyati ustidan qatʼiy nazorat oʻrnatsin.

Belgilansinki, “Oʻzbekcharmpoyabzali” uyushmasi tarkibiga kiruvchi aksiyadorlik jamiyatlarining erkin sotish, shu jumladan xorijiy investorlarga sotish uchun moʻljallangan aksiyalar paketi ustav jamgʻarmasining 50 foizidan kam boʻlmasligi kerak.

7. Oʻzbekiston Respublikasi tijorat banklariga:

“Oʻzbekcharmpoyabzali” uyushmasi tarkibiga kiruvchi aksiyadorlik jamiyatlarining erkin sotish uchun moʻljallangan aksiyalar paketlarining bir qismini sotib olish;

“Oʻzbekcharmpoyabzali” uyushmasi korxonalarini texnika bilan qayta jihozlashni mablagʻ bilan taʼminlash uchun uzoq muddatli kreditlar berish masalalarini belgilangan tartibda koʻrib chiqish tavsiya etilsin.

8. Oʻzbekiston Respublikasi Makroiqtisodiyot va statistika vazirligi 2000-yildan boshlab har yili asosiy xalq isteʼmol tovarlari balanslarini ishlab chiqishda teri xom ashyosi topshiruvchilarning manfaatdorligini oshirish maqsadida “Oʻzbekcharmpoyabzali” uyushmasi buyurtmanomasiga muvofiq un, guruch, paxta yogʻi, shrot va sheluxa ajratilishini nazarda tutsin.

9. “Oʻzbekcharmpoyabzali” uyushmasi apparati Toshkent shahar, Bobur koʻchasi, 6-uyga joylashtirilsin.

10. Oʻzbekiston Respublikasi Vazirlar Mahkamasining “Teri xom ashyosi xarid qilishni takomillashtirish toʻgʻrisida” 1998-yil 4-dekabrdagi 510-son qarori oʻz kuchini yoʻqotgan deb hisoblansin.

11. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosari M.Z. Usmonov zimmasiga yuklansin.

Izoh: hammasi: savdo-tayyorlash korxonalari — 13;

tuman savdo-tayyorlash shirkatlari — 111;

charm xom-ashyosini qayta ishlash korxonalari — 7;

shu jumladan: charmni qayta ishlash korxonalari — 5, moʻynaga ishlov berish va moʻyna buyumlari tikish korxonalari — 1, charmga ishlov berish va va undan kiyimlar tikish korxonalari — 1 (QK);

poyabzal va charm-galantereya korxonalari — 30;

shu jumladan, poyabzal tayyorlash korxonalari — 26, charm-galantereya buyumlari ishlab chiqarish korxonalari — 3, sunʼiy charm zavodi — 1.

Xodimlarning umumiy soni: 27 kishi

Izoh: Hududiy savdo-tayyorlash korxonalarida boshqaruv apparati xodimlari soni quyidagicha belgilanadi:

a) Qoraqalpogʻiston Respublikasida, Buxoro, Qashqadaryo, Samarqand, Surxondaryo, Toshkent, Fargʻona, Xorazm viloyatlarida — 10 kishidan;

b) Andijon, Jizzax, Navoiy, Namangan, Sirdaryo viloyatlarida — 8 kishidan.