Vazirlar Mahkamasi qaror qiladi:

Vazirlar Mahkamasining 1998-yil 3-iyuldagi 278-son qaroriga quyidagi oʻzgartirishlar kiritilsin:

2-bandning uchinchi xatboshi quyidagi tahrirda bayon qilinsin:

“Qizilqumnodirmetalloltin” konserni tomonidan tanlov natijalariga koʻra:

Germaniyaning “Krupp-Polizius” firmasi bilan 8,68 mln. AQSh dollarilik pishirish qurilmasi asbob-uskunalari yetkazib berishga;

Amerikaning “Katerpillar Oversiz A.O.” kompaniyasi bilan Qizilqum fosforit kombinati uchun 28 mln. AQSh dollarilik kon asbob-uskunalari yetkazib berishga, shu jumladan 8,68 mln. AQSh dollarilik ogʻir yuk koʻtaruvchi texnikalarni tuzatish (dvigatel, uzatmalar qutisi, gidravlika asbob-uskunalari) liniyasi va ehtiyot qismlar yetkazib berishga;

Rossiyaning “Gornozavodchik-plyus” firmasi bilan 2,6 mln. AQSh dollarilik fosfor rudasini quruq boyitish asbob-uskunalari yetkazib berishga kontraktlar imzolanganligi maʼlumot uchun qabul qilinsin”;

3-bandning birinchi xatboshi quyidagi tahrirda bayon qilinsin:

“Belgilansinki, kon asbob-uskunalari, ogʻir yuk koʻtaruvchi texnikalarni tuzatish liniyasi va ularga ehtiyot qismlarni import boʻyicha yetkazib berish:”

3-band quyidagi tahrirdagi xatboshi bilan toʻldirilsin:

“Quyidagilar:

Germaniyaning “Krup-Polizius” firmasi tomonidan 8,68 mln. AQSh dollari miqdoridagi pishirish qurilmasi asbob-uskunalari yetkazib berilishini mablagʻ bilan taʼminlash Navoiy kon-metallurgiya kombinatining mahsulotini eksport qilishdan olingan oʻz valyuta mablagʻlari hisobiga;

Rossiyaning “Gornozavodchik-plyus” yopiq turdagi aksiyadorlik jamiyati tomonidan fosfor rudasini quruq boyitish sxemasi boʻyicha 2,6 mln. AQSh dollari miqdoridagi asbob-uskunalar yetkazib berilishini mablagʻ bilan taʼminlash 1999-yilga import prognozi hajmida Navoiy kon-metallurgiya kombinatining oʻz mablagʻlari hisobiga amalga oshirilishi maʼlumot uchun qabul qilinsin”.

18-band quyidagi tahrirda bayon qilinsin:

“Mazkur qarorning bajarilishini nazorat qilish Oʻzbekiston Respublikasining Bosh vaziri Oʻ.T. Sultonov zimmasiga yuklansin”.