OʻZBEKISTON RESPUBLIKASI TABIATNI MUHOFAZA QILISH DAVLAT QOʻMITASINING
Qarori
Botanika kolleksiyalarini hisobga olish, toʻldirib borish, asrash, sotib olish va sotish, joʻnatish, shuningdek Oʻzbekiston Respublikasi hududiga olib kirish va undan olib chiqish qoidalarini tasdiqlash haqida
[Oʻzbekiston Respublikasi Adliya vazirligi tomonidan 2014-yil 27-noyabrda roʻyxatdan oʻtkazildi, roʻyxat raqami 2628]
Oldingi tahrirga qarang.
Oʻzbekiston Respublikasining “Oʻsimlik dunyosini muhofaza qilish va undan foydalanish toʻgʻrisida”gi Qonuniga muvofiq Oʻzbekiston Respublikasi Tabiatni muhofaza qilish davlat qoʻmitasi qaror qiladi:
(muqaddima Oʻzbekiston Respublikasi ekologiya, atrof-muhitni muhofaza qilish va iqlim oʻzgarishi vazirining 2023-yil 21-avgustdagi MN-12-sonli buyrugʻi (roʻyxat raqami 2628-1, 25.08.2023-y.) tahririda — Qonunchilik maʼlumotlari milliy bazasi, 28.08.2023-y., 10/23/2628-1/2657-son)
1. Botanika kolleksiyalarini hisobga olish, toʻldirib borish, asrash, sotib olish va sotish, joʻnatish, shuningdek Oʻzbekiston Respublikasi hududiga olib kirish va undan olib chiqish qoidalari ilovaga muvofiq tasdiqlansin.
2. Mazkur qaror rasmiy eʼlon qilingan kundan eʼtiboran kuchga kiradi.
Rais B. ABDUSAMATOV
Toshkent sh.,
2014-yil 3-noyabr,
01/06-4-son
Oʻzbekiston Respublikasi Tabiatni muhofaza qilish davlat qoʻmitasining 2014-yil 3-noyabrdagi 01/06-4-son qaroriga
ILOVA
ILOVA
Botanika kolleksiyalarini hisobga olish, toʻldirib borish, asrash, sotib olish va sotish, joʻnatish, shuningdek Oʻzbekiston Respublikasi hududiga olib kirish va undan olib chiqish
QOIDALARI
Oldingi tahrirga qarang.
Mazkur Qoidalar botanika kolleksiyalarini hisobga olish, toʻldirib borish, asrash, sotib olish va sotish, joʻnatish, shuningdek Oʻzbekiston Respublikasi hududiga olib kirish va undan olib chiqish tartibini belgilaydi.
(muqaddima Oʻzbekiston Respublikasi ekologiya, atrof-muhitni muhofaza qilish va iqlim oʻzgarishi vazirining 2023-yil 21-avgustdagi MN-12-sonli buyrugʻi (roʻyxat raqami 2628-1, 25.08.2023-y.) tahririda — Qonunchilik maʼlumotlari milliy bazasi, 28.08.2023-y., 10/23/2628-1/2657-son)
1-bob. Umumiy qoidalar
1. Mazkur Qoidalarda quyidagi asosiy tushunchalar qoʻllaniladi:
Oldingi tahrirga qarang.
botanika kolleksiyasi — ilmiy, madaniy-maʼrifiy, oʻquv-tarbiyaviy va estetik ahamiyatga ega boʻlgan, yovvoyi holda oʻsuvchi oʻsimliklar yashash faoliyati mahsulotlarining tizimlashtirilgan toʻplami(gerbariylar, urugʻlar) hamda sunʼiy yaratilgan sharoitlarda (botanika bogʻlarida, dendrologiya bogʻlarida, pitomniklarda, plantatsiyalarda va boshqalarda) yetishtiriladigan yovvoyi holda oʻsuvchi oʻsimliklar;
(1-bandning ikkinchi xatboshisi Oʻzbekiston Respublikasi ekologiya, atrof-muhitni muhofaza qilish va iqlim oʻzgarishi vazirining 2023-yil 21-avgustdagi MN-12-sonli buyrugʻi (roʻyxat raqami 2628-1, 25.08.2023-y.) tahririda — Qonunchilik maʼlumotlari milliy bazasi, 28.08.2023-y., 10/23/2628-1/2657-son)
tizimlashtirilgan toʻplanmalar — ishlovdan oʻtgan, qayd qilish raqami, saqlash obyektlari, terish va tayyorlash joylarining manzili hamda yovvoyi oʻsimlik va uning qismlarining aniq ilmiy nomiga ega boʻlgan botanika kolleksiyasi;
tizimlashtirilmagan toʻplanmalar — ishlovdan oʻtmagan, qayd qilish raqami, saqlash obyektlari, terish va tayyorlash joylarining manzili hamda yovvoyi oʻsimlik va uning qismlarining aniq ilmiy nomiga ega boʻlmagan botanika kolleksiyasi.
2. Quyidagilar botanika kolleksiyalari hisoblanmaydi:
qishloq xoʻjaligi yerlarida yoki uy sharoitlarida yetishtirilgan madaniy oʻsimliklar va ularning qismlari;
aholi punktlari va yoʻllarni koʻkalamzorlashtirish uchun yetishtirilgan manzarali tirik oʻsimliklar;
sotishga moʻljallangan manzarali oʻsimliklar;
biologik muzeylar, biologik xilma-xillik sohasida tadqiqotlar olib boruvchi ilmiy-tadqiqot institutlari tomonidan tasdiqlangan tizimlashtirish, yorliqlash va aniqlash qoidalariga muvofiq saqlanadigan toʻplanmalar;
yuridik va jismoniy shaxslarga tegishli boʻlmagan va botanika kolleksiyalariga oid boʻlmagan namunalar;
paleontologik va arxeologik topilmalar;
yovvoyi, manzarali va boshqa turdagi oʻsimliklar va ularning qismlaridan tayyorlangan buyumlar.
3. Botanika kolleksiyalari tizimlashtirilgan va tizimlashtirilmagan toʻplanmalardan iborat boʻlishi mumkin.
4. Agar Oʻzbekiston Respublikasining xalqaro shartnomasida mazkur Qoidalarda nazarda tutilganidan boshqacha qoidalar belgilangan boʻlsa, xalqaro shartnoma qoidalari qoʻllaniladi.
2-bob. Botanika kolleksiyalarini hisobga olish
Oldingi tahrirga qarang.
5. Yuridik va jismoniy shaxslar (bundan buyon matnda botanika kolleksiyasi egasi deb yuritiladi) tomonidan yovvoyi oʻsimliklar yoki ular qismlaridan toʻplangan majmualar Oʻzbekiston Respublikasi Ekologiya va iqlim oʻzgarishi milliy qoʻmitasi (bundan buyon matnda Qoʻmita deb yuritiladi) yoki Qoraqalpogʻiston Respublikasi Ekologiya va iqlim oʻzgarishi qoʻmitasi, viloyatlar va Toshkent shahar Ekologiya va iqlim oʻzgarishi bosh boshqarmalari (bundan buyon matnda hududiy boshqarma deb yuritiladi) tomonidan hisobga olingan taqdirda, u botanika kolleksiyasi hisoblanadi.
(5-band Oʻzbekiston Respublikasi adliya vazirining 2026-yil 13-martdagi 9-mh-sonli buyrugʻi (roʻyxat raqami 3788, 16.03.2026-y.) tahririda — Qonunchilik maʼlumotlari milliy bazasi, 16.03.2026-y., 10/26/3788/0242-son)
Oldingi tahrirga qarang.
6. Qoʻmita hududiy boshqarmalarining mahalliy ahamiyatga ega botanika kolleksiyalarini hisobga olish va ularni reyestrga kiritish bilan bogʻliq faoliyatini muvofiqlashtiradi va nazorat qiladi.
Hududiy boshqarmalar mahalliy ahamiyatga ega boʻlgan botanika kolleksiyalarini hisobga olish va ularni reyestrga kiritish bilan bogʻliq maʼlumotlarni har yili Qoʻmitaga taqdim etadi.
(6-band Oʻzbekiston Respublikasi adliya vazirining 2026-yil 13-martdagi 9-mh-sonli buyrugʻi (roʻyxat raqami 3788, 16.03.2026-y.) tahririda — Qonunchilik maʼlumotlari milliy bazasi, 16.03.2026-y., 10/26/3788/0242-son)
7. Botanika kolleksiyasi xalqaro, respublika va mahalliy ahamiyatga ega boʻlib, botanika kolleksiyasi egasi uni hisobga olish uchun:
Oldingi tahrirga qarang.
xalqaro va respublika ahamiyatiga ega boʻlgan botanika kolleksiyalari boʻyicha — Qoʻmitaga;
(7-bandning ikkinchi xatboshisi Oʻzbekiston Respublikasi adliya vazirining 2026-yil 13-martdagi 9-mh-sonli buyrugʻi (roʻyxat raqami 3788, 16.03.2026-y.) tahririda — Qonunchilik maʼlumotlari milliy bazasi, 16.03.2026-y., 10/26/3788/0242-son)
Oldingi tahrirga qarang.
mahalliy ahamiyatga ega boʻlgan botanika kolleksiyalari boʻyicha — hududiy boshqarmaga ariza bilan murojaat qiladi.
(7-bandning uchinchi xatboshisi Oʻzbekiston Respublikasi ekologiya, atrof-muhitni muhofaza qilish va iqlim oʻzgarishi vazirining 2023-yil 21-avgustdagi MN-12-sonli buyrugʻi (roʻyxat raqami 2628-1, 25.08.2023-y.) tahririda — Qonunchilik maʼlumotlari milliy bazasi, 28.08.2023-y., 10/23/2628-1/2657-son)
8. Botanika kolleksiyasini hisobga olish haqidagi arizada quyidagilar koʻrsatilishi zarur:
yuridik shaxsning nomi, uning rekvizitlari, STIR, rahbarning ismi, familiyasi;
Oldingi tahrirga qarang.
jismoniy shaxsning familiyasi, ismi, otasining ismi, STIR, yashash manzili, (telefon raqami) va pasport yoki identifikatsiyalovchi ID-kartasi maʼlumotlari.
(8-bandning uchinchi xatboshisi Oʻzbekiston Respublikasi ekologiya, atrof-muhitni muhofaza qilish va iqlim oʻzgarishi vazirining 2023-yil 21-avgustdagi MN-12-sonli buyrugʻi (roʻyxat raqami 2628-1, 25.08.2023-y.) tahririda — Qonunchilik maʼlumotlari milliy bazasi, 28.08.2023-y., 10/23/2628-1/2657-son)
9. Arizaga quyidagi maʼlumot va hujjatlar ilova qilinadi:
oʻsimlik dunyosi obyektlari yoki ular qismlarining oilasi, turkumi, turi nomi hamda ularning umumiy miqdori koʻrsatilgan roʻyxati (lotin tilida);
botanika kolleksiyasi tarkibidagi yovvoyi oʻsimlik yoki uning qismlaridan foydalanish uchun berilgan tegishli ruxsat etish xususiyatiga ega hujjat nusxasi.
Botanika kolleksiyasi tarkibidagi yovvoyi oʻsimlik yoki uning qismlaridan foydalanish uchun berilgan tegishli ruxsat etish xususiyatiga ega hujjat nusxasini taqdim etish toʻgʻrisidagi talab mazkur Qoidalar kuchga kirgunga qadar toʻplangan botanika kolleksiyalariga nisbatan tatbiq etilmaydi.
10. Botanika kolleksiyalarini hisobga olish yoki ularni Oʻzbekiston Respublikasi hududidan olib chiqish jamoatchilik asosida faoliyat yuritadigan respublika yoki mahalliy ekspert guruhlari tomonidan berilgan xulosaga asosan amalga oshiriladi.
Oldingi tahrirga qarang.
Bunda respublika ekspert guruhi Qoʻmita huzurida, mahalliy ekspert guruhi esa hududiy boshqarma huzurida tegishli hududiy boshqarma qaroriga asosan tashkil etiladi. Ekspert guruhlari qonunchilik hujjatlari va mazkur Qoidalar talablariga muvofiq faoliyat yuritadi.
(10-bandning ikkinchi xatboshisi Oʻzbekiston Respublikasi adliya vazirining 2026-yil 13-martdagi 9-mh-sonli buyrugʻi (roʻyxat raqami 3788, 16.03.2026-y.) tahririda — Qonunchilik maʼlumotlari milliy bazasi, 16.03.2026-y., 10/26/3788/0242-son)
Oldingi tahrirga qarang.
11. Qoʻmita rahbari lavozimiga koʻra respublika ekspert guruhining, hududiy boshqarmaning boshligʻi oʻrinbosari esa mahalliy ekspert guruhining raisi hisoblanadi. Ekspert guruhlari tarkibiga Oʻzbekiston Respublikasi Fanlar akademiyasi, ilmiy-tadqiqot institutlari, oliy taʼlim muassasalari, tabiat va botanika bogʻlarining mutaxassislari kelishuv asosida aʼzo sifatida kiritilishi mumkin.
(11-bandning birinchi xatboshisi Oʻzbekiston Respublikasi adliya vazirining 2026-yil 13-martdagi 9-mh-sonli buyrugʻi (roʻyxat raqami 3788, 16.03.2026-y.) tahririda — Qonunchilik maʼlumotlari milliy bazasi, 16.03.2026-y., 10/26/3788/0242-son)
Ekspert guruhlarining yigʻilishlari zaruratga qarab oʻtkaziladi.
Oldingi tahrirga qarang.
12. Ekspert guruhining xulosasi Qoʻmita yoki hududiy boshqarmalar tomonidan botanika kolleksiyasi egasiga guvohnoma berish uchun asos boʻladi.
(12-band Oʻzbekiston Respublikasi adliya vazirining 2026-yil 13-martdagi 9-mh-sonli buyrugʻi (roʻyxat raqami 3788, 16.03.2026-y.) tahririda — Qonunchilik maʼlumotlari milliy bazasi, 16.03.2026-y., 10/26/3788/0242-son)
13. Botanika kolleksiyalarini hisobga olish quyidagi hollarda rad etiladi:
botanika kolleksiyasini hisobga olish haqidagi arizada mazkur Qoidalarning 8-bandida koʻrsatilgan maʼlumotlar toʻliq koʻrsatilmagan boʻlsa;
botanika kolleksiyasini hisobga olish haqidagi arizada notoʻgʻri yoki buzib koʻrsatilgan maʼlumotlar mavjud boʻlsa;
mazkur Qoidalarning 9-bandida koʻrsatilgan maʼlumot va hujjatlar toʻliq boʻlmagan hajmda taqdim etilgan boʻlsa.
Botanika kolleksiyalarini hisobga olishni boshqa asoslarga koʻra rad etishga yoʻl qoʻyilmaydi.
14. Botanika kolleksiyalarini hisobga olish rad etilgan taqdirda, ariza bilan murojaat qilgan shaxsga yozma ravishda xabar beriladi hamda unga tegishli ekspert guruhining xulosasi nusxasi ilova qilinadi.
Oldingi tahrirga qarang.
15. Botanika kolleksiyalarini hisobga olish boʻyicha ekspert guruhining ijobiy xulosasiga asosan botanika kolleksiyasi egasiga Qoʻmita yoki tegishli hududiy boshqarma tomonidan mazkur qoidalarning 1-ilovasiga muvofiq shaklda guvohnoma beriladi.
(15-band Oʻzbekiston Respublikasi adliya vazirining 2026-yil 13-martdagi 9-mh-sonli buyrugʻi (roʻyxat raqami 3788, 16.03.2026-y.) tahririda — Qonunchilik maʼlumotlari milliy bazasi, 16.03.2026-y., 10/26/3788/0242-son)
Oldingi tahrirga qarang.
16. Har bir guvohnoma hisobda turuvchi blanka boʻlib, oʻz seriyasi va tartib raqamiga ega boʻladi. Bunda, Qoʻmita tomonidan beriladigan guvohnomalarga “UZ” qisqartmasi, hududiy boshqarmalar tomonidan beriladigan guvohnomalarda esa mazkur Qoidalarning 2-ilovasiga muvofiq qisqartmalar qoʻyiladi.
(16-band Oʻzbekiston Respublikasi adliya vazirining 2026-yil 13-martdagi 9-mh-sonli buyrugʻi (roʻyxat raqami 3788, 16.03.2026-y.) tahririda — Qonunchilik maʼlumotlari milliy bazasi, 16.03.2026-y., 10/26/3788/0242-son)
Oldingi tahrirga qarang.
17. Qoʻmita yoki hududiy boshqarmaning botanika kolleksiyasini davlat hisobiga olishni rad etish toʻgʻrisidagi javobidan norozi boʻlgan shaxslar belgilangan tartibda yuqori turuvchi organ yoki sudga murojaat qilishi mumkin.
(17-band Oʻzbekiston Respublikasi adliya vazirining 2026-yil 13-martdagi 9-mh-sonli buyrugʻi (roʻyxat raqami 3788, 16.03.2026-y.) tahririda — Qonunchilik maʼlumotlari milliy bazasi, 16.03.2026-y., 10/26/3788/0242-son)
Oldingi tahrirga qarang.
18. Qoʻmita va hududiy boshqarmaning botanika kolleksiyalarining reyestrini mazkur qoidalarning 3-ilovasiga muvofiq elektron shaklda yuritadi.
(18-band Oʻzbekiston Respublikasi adliya vazirining 2026-yil 13-martdagi 9-mh-sonli buyrugʻi (roʻyxat raqami 3788, 16.03.2026-y.) tahririda — Qonunchilik maʼlumotlari milliy bazasi, 16.03.2026-y., 10/26/3788/0242-son)
3-bob. Botanika kolleksiyalarini toʻldirib borish va asrash
19. Botanika kolleksiyalarining egalari:
Oldingi tahrirga qarang.
oʻsimlik turlarini tabiiy muhitdan gʻamlashga (toʻplashga) Qoʻmita tomonidan qonunchilik hujjatlarida belgilangan tartibda berilgan ruxsatnoma asosida;
(19-bandning ikkinchi xatboshisi Oʻzbekiston Respublikasi adliya vazirining 2026-yil 13-martdagi 9-mh-sonli buyrugʻi (roʻyxat raqami 3788, 16.03.2026-y.) tahririda — Qonunchilik maʼlumotlari milliy bazasi, 16.03.2026-y., 10/26/3788/0242-son)
botanika kolleksiyalarini oldi-sotdi, ayirboshlash va hadya shartnomasi yoki ularni boshqa shaxsga berish toʻgʻrisidagi kelishuv asosida toʻldirib borishlari mumkin.
20. Hisobga olingan botanika kolleksiyalarining egalari oʻzlariga tegishli boʻlgan botanika kolleksiyalarini asrashga majburdir.
4-bob. Botanika kolleksiyalarini sotib olish va sotish, joʻnatish, shuningdek Oʻzbekiston Respublikasi hududiga olib kirish va undan olib chiqish
Oldingi tahrirga qarang.
21. Botanika kolleksiyalari egalari ularni qonunchilik hujjatlarida belgilangan tartibda sotib olish va sotish hamda joʻnatish huquqiga ega.
(21-band Oʻzbekiston Respublikasi adliya vazirining 2021-yil 28-iyuldagi 16-mh-sonli buyrugʻi (roʻyxat raqami 3313, 28.07.2021-y.) tahririda — Qonunchilik maʼlumotlari milliy bazasi, 28.07.2021-y., 10/21/3313/0724-son)
22. Botanika kolleksiyalarini sotib olish, sotish va joʻnatishga ushbu Botanika kolleksiyalarining hisobga olinganligi toʻgʻrisidagi guvohnoma mavjud boʻlganda yoʻl qoʻyiladi.
Oldingi tahrirga qarang.
23. Oʻzbekiston Respublikasi hududidan botanika kolleksiyalarini olib chiqish Qoʻmita tomonidan beriladigan ruxsatnoma asosida amalga oshiriladi.
(23-band Oʻzbekiston Respublikasi adliya vazirining 2026-yil 13-martdagi 9-mh-sonli buyrugʻi (roʻyxat raqami 3788, 16.03.2026-y.) tahririda — Qonunchilik maʼlumotlari milliy bazasi, 16.03.2026-y., 10/26/3788/0242-son)
5-bob. Guvohnomalarni qayta rasmiylashtirish va ularning dublikatlarini berish
24. Botanika kolleksiyasi egasi (uning huquqiy vorisi) botanika kolleksiyalarining hisobga olinganligi toʻgʻrisidagi guvohnomani qayta rasmiylashtirib berish uchun qayta rasmiylashtirish uchun asos boʻlgan holatlarni koʻrsatgan va hujjatlarni ilova qilgan holda tegishli organga murojaat qilish huquqiga ega. Bunda tegishli organ murojaat qilingan kundan eʼtiboran besh kun ichida Botanika kolleksiyalarining hisobga olinganligi toʻgʻrisidagi guvohnomani botanika kolleksiyasi egasiga (uning huquqiy vorisiga) qayta rasmiylashtirib beradi.
Oldingi tahrirga qarang.
25. Botanika kolleksiyalarining hisobga olinganligi toʻgʻrisidagi guvohnoma yoʻqolgan yoki yaroqsiz holga kelgan taqdirda, botanika kolleksiyasi egasining arizasiga koʻra Qoʻmita yoki hududiy boshqarma tomonidan uch ish kuni ichida uning dublikati beriladi.
(25-band Oʻzbekiston Respublikasi adliya vazirining 2026-yil 13-martdagi 9-mh-sonli buyrugʻi (roʻyxat raqami 3788, 16.03.2026-y.) tahririda — Qonunchilik maʼlumotlari milliy bazasi, 16.03.2026-y., 10/26/3788/0242-son)
Oldingi tahrirga qarang.
26. Botanika kolleksiyalarining hisobga olinganligi toʻgʻrisidagi guvohnoma qayta rasmiylashtirib berilganda yoki uning dublikati berilganda, Qoʻmita yoki hududiy boshqarma tomonidan tegishli reyestrga bu haqda yozuv kiritib qoʻyiladi.
(26-band Oʻzbekiston Respublikasi adliya vazirining 2026-yil 13-martdagi 9-mh-sonli buyrugʻi (roʻyxat raqami 3788, 16.03.2026-y.) tahririda — Qonunchilik maʼlumotlari milliy bazasi, 16.03.2026-y., 10/26/3788/0242-son)
6-bob. Yakuniy qoidalar
Oldingi tahrirga qarang.
27. Mazkur Qoidalar talablarining buzilishida aybdor boʻlgan shaxslar qonunchilik hujjatlarida belgilangan tartibda javobgar boʻladi.
(27-band Oʻzbekiston Respublikasi adliya vazirining 2021-yil 28-iyuldagi 16-mh-sonli buyrugʻi (roʻyxat raqami 3313, 28.07.2021-y.) tahririda — Qonunchilik maʼlumotlari milliy bazasi, 28.07.2021-y., 10/21/3313/0724-son)
LexUZ sharhiQarang: Oʻzbekiston Respublikasi Maʼmuriy javobgarlik toʻgʻrisidagi kodeksining 92-moddasi.
28. Mazkur Qoidalar Oʻzbekiston Respublikasi Fanlar akademiyasi bilan kelishilgan.
Fanlar akademiyasi Prezidenti Sh. SALIXOV
2014-yil 3-noyabr
Botanika kolleksiyalarini hisobga olish, toʻldirib borish, asrash, sotib olish va sotish, joʻnatish, shuningdek Oʻzbekiston Respublikasi hududiga olib kirish va undan olib chiqish qoidalariga
1-ILOVA
1-ILOVA
Oldingi tahrirga qarang.
| | | | | Namuna |
| | |
| | |
| | | | | |
OʻZBEKISTON RESPUBLIKASI EKOLOGIYA VA IQLIM OʻZGARISHI MILLIY QOʻMITASI | ||||
| ||||
| | | | | |
UZ-000000 | ||||
| | | | | |
20___ yil “___” ______________ | | _________________ | ||
| | | | (joy nomi) | |
| | | | | |
| Berildi._________________________________________________________________ | ||||
Haqiqatdan ham uning botanika kolleksiyasi hisobga olingan va unga ushbu botanika kolleksiyalarini saqlash, koʻpaytirish, undan foydalanish huquqi beriladi, tirik eksponatlar ham shular jumlasiga kiradi. Botanika kolleksiyasi joylashgan hudud manzili: | ||||
| | | | | |
GUVOHNOMAGA OʻSIMLIK DUNYOSI OBYEKTLARI YOKI ULAR QISMLARINING HAR BIR OILASI, TURKUMI, TURI NOMI ROʻYXATI VA MIQDORI HAQIDAGI MAʼLUMOTLAR ILOVA QILINADI. | ||||
| | | | | |
| Vakolatli organ rahbari | | ____________________ | ||
| | | M.Oʻ. | (imzo) | |
| | | | 20__ yil “____” ________ . | |
| | | | | |
Botanika kolleksiyasi egasi | ___________ | _________________ | ||
| | | | (imzo) | |
(1-ilova Oʻzbekiston Respublikasi adliya vazirining 2026-yil 13-martdagi 9-mh-sonli buyrugʻi (roʻyxat raqami 3788, 16.03.2026-y.) tahririda — Qonunchilik maʼlumotlari milliy bazasi, 16.03.2026-y., 10/26/3788/0242-son)
Botanika kolleksiyalarini hisobga olish, toʻldirib borish, asrash, sotib olish va sotish, joʻnatish, shuningdek Oʻzbekiston Respublikasi hududiga olib kirish va undan olib chiqish qoidalariga
2-ILOVA
2-ILOVA
Qoraqalpogʻiston Respublikasi va viloyatlar nomlarining lotin alifbosidagi qisqartmalari
|
Nomi |
Qisqartmasi | |
|
1. |
Qoraqalpogʻiston Respublikasi |
QR |
|
2. |
Andijon viloyati |
AN |
|
3. |
Buxoro viloyati |
BX |
|
4. |
Jizzax viloyati |
JZ |
|
5. |
Navoiy viloyati |
NV |
|
6. |
Namangan viloyati |
NA |
|
7. |
Samarqand viloyati |
SN |
|
8. |
Sirdaryo viloyati |
SI |
|
9. |
Surxondaryo viloyati |
SD |
|
10. |
Toshkent viloyati |
TV |
|
11. |
Toshkent shahri |
TN |
|
12. |
Fargʻona viloyati |
FA |
|
13. |
Xorazm viloyati |
XZ |
|
14. |
Qashqadaryo viloyati |
QV |
Botanika kolleksiyalarini hisobga olish, toʻldirib borish, asrash, sotib olish va sotish, joʻnatish, shuningdek Oʻzbekiston Respublikasi hududiga olib kirish va undan olib chiqish qoidalariga
3-ILOVA
3-ILOVA
Botanika kolleksiyalarining
reyestri
Izoh: *Botanika kolleksiyasining ahamiyati boʻyicha tegishli ustunga belgi qoʻyiladi.
**Botanika kolleksiyasining kelib chiqishiga koʻra, uning oilasi, turkumi, turining nomi lotin tilida kiritiladi.
(Oʻzbekiston Respublikasi qonun hujjatlari toʻplami, 2014-y., 48-son, 577-modda; Qonunchilik maʼlumotlari milliy bazasi, 28.07.2021-y., 10/21/3313/0724-son; 28.08.2023-y., 10/23/2628-1/2657-son; 16.03.2026-y., 10/26/3788/0242-son)
