|
Hujjat kuchini yo‘qotgan 25.09.2019
|
OʻZBEKISTON STANDARTLAShTIRISh, METROLOGIYA VA SERTIFIKATLAShTIRISh AGENTLIGI
OʻZBEKISTON RESPUBLIKASI VAZIRLAR MAHKAMASI HUZURIDAGI OʻZBEKISTON NEFT MAHSULOTLARI VA GAZDAN FOYDALANIShNI NAZORAT QILISh DAVLAT INSPEKSIYASINING
OʻZBEKISTON RESPUBLIKASI VAZIRLAR MAHKAMASI HUZURIDAGI OʻZBEKISTON NEFT MAHSULOTLARI VA GAZDAN FOYDALANIShNI NAZORAT QILISh DAVLAT INSPEKSIYASINING
Qarori
Gazni hisobga olish priborlarini tekshiruvdan oʻtkazish tartibi toʻgʻrisidagi nizomni tasdiqlash haqida
[Oʻzbekiston Respublikasi Adliya vazirligi tomonidan 2014-yil 30-iyulda roʻyxatdan oʻtkazildi, roʻyxat raqami 2604]
LexUZ sharhiMazkur qaror Oʻzbekiston Respublikasi adliya vazirining 2019-yil 25-sentabrdagi 429-mh-sonli “Idoraviy normativ-huquqiy hujjatlarni davlat reyestridan chiqarish toʻgʻrisida”gi buyrugʻiga (roʻyxat raqami 2604-3, 25.09.2019-y.) asosan davlat reyestridan chiqarilgan.
Oʻzbekiston Respublikasining “Metrologiya toʻgʻrisida”gi Qonuniga (Oʻzbekiston Respublikasi Oliy Kengashining Axborotnomasi, 1994-y., 2-son, 48-modda) muvofiq Oʻzbekiston standartlashtirish, metrologiya va sertifikatlashtirish agentligi hamda Oʻzbekiston Respublikasi Vazirlar Mahkamasi huzuridagi Oʻzbekiston neft mahsulotlari va gazdan foydalanishni nazorat qilish davlat inspeksiyasi qaror qiladi:
1. Gazni hisobga olish priborlarini tekshiruvdan oʻtkazish tartibi toʻgʻrisidagi nizom ilovaga muvofiq tasdiqlansin.
2. Mazkur qaror rasmiy eʼlon qilingan kundan eʼtiboran kuchga kiradi.
Oʻzbekiston standartlashtirish, metrologiya va sertifikatlashtirish agentligining bosh direktori A. KURBANOV
Toshkent sh.,
2014-yil 7-iyul,
k-3-son
Vazirlar Mahkamasi huzuridagi Oʻzbekiston neft mahsulotlari va gazdan foydalanishni nazorat qilish davlat inspeksiyasi boshligʻining oʻrinbosari N. MAXMUDOV
Toshkent sh.,
2014-yil 7-iyul,
k-3-son
Oʻzbekiston standartlashtirish, metrologiya va sertifikatlashtirish agentligi hamda Oʻzbekiston Respublikasi Vazirlar Mahkamasi huzuridagi Oʻzbekiston neft mahsulotlari va gazdan foydalanishni nazorat qilish davlat inspeksiyasining 2014-yil 7-iyuldagi k-3 va k-1-sonli qaroriga
ILOVA
ILOVA
Gazni hisobga olish priborlarini tekshiruvdan oʻtkazish tartibi toʻgʻrisidagi
NIZOM
Mazkur Nizom Oʻzbekiston Respublikasining “Metrologiya toʻgʻrisida”gi Qonuniga asosan, yuridik va jismoniy shaxslarning (bundan buyon matnda isteʼmolchilar deb yuritiladi) Oʻzbekiston Respublikasi Oʻlchov vositalari davlat reyestriga kiritilgan gazni hisobga olish priborlarini tekshiruvdan oʻtkazish tartibini belgilaydi.
1-bob. Umumiy qoidalar
1. Oʻzbekiston Respublikasi Oʻlchov vositalari davlat reyestriga kiritilgan gazni hisobga olish priborlari davlat metrologiya tekshiruvidan oʻtkaziladi.
2. Isteʼmolchilar tomonidan foydalanilayotgan gazni hisobga olish priborlari:
davriy tekshiruvdan — gazni hisobga olish priborlarini tekshiruvdan oʻtkazishning amal qilish muddati tugaganda;
navbatdan tashqari tekshiruvdan — gazni hisobga olish priborlarining tekshiruvdan oʻtkazilganligini tasdiqlovchi plombasi shikastlanganda yoki qayta sozlash ishlarini oʻtkazish zarurati vujudga kelganda;
ekspert tekshiruvidan — gazni hisobga olish priborlarining sozligi yoki ularning qoʻllashga yaroqliligi, metrologik tavsiflari boʻyicha munozarali savollar tugʻilganda oʻtkaziladi.
3. Gazni hisobga olish priborlari quyidagi oraliqda davriy tekshiruvdan oʻtkaziladi:
jismoniy shaxslar — 4 yilda 1-marta;
yuridik shaxslar — 2 yilda 1-marta.
Foydalanilmagan gazni hisobga olish priborlarining davriy tekshiruvdan oʻtkazish muddatlari oʻtib ketgan taqdirda, ulardan belgilangan tartibda tekshiruvdan oʻtkazilgandan soʻng foydalanish mumkin.
4. Gazni hisobga olish priborlarini tekshiruvdan oʻtkazish davlat metrologiya xizmati organlari tomonidan amalga oshiriladi.
2-bob. Gazni hisobga olish priborlarini tekshiruvdan oʻtkazish uchun echib olish
5. Tegishli hududdagi gaz taʼminoti korxonasi gazni hisobga olish priborini davriy tekshiruvdan oʻtkazishning amal qilish muddati tugashidan oʻttiz kun oldin isteʼmolchini gazni hisobga olish priborini davriy tekshiruvdan oʻtkazish zarurligi haqida yozma ravishda ogohlantiradi. Tegishli hududdagi gaz taʼminoti korxonasi rahbari gazni hisobga olish priborini davriy tekshiruvdan oʻtkazish zarurligi haqida isteʼmolchilarning oʻz vaqtida ogohlantirilishi uchun masʼuldir.
6. Isteʼmolchi gazni hisobga olish priborini tekshiruvdan oʻtkazish uchun uni echishni soʻrab tegishli hududdagi gaz taʼminoti korxonasiga ariza bilan murojaat qiladi.
7. Gazni hisobga olish priborlari ekspert tekshiruvidan oʻtkazish uchun tergovga qadar tekshiruvni amalga oshiruvchi organlar, surishtiruv, tergov, prokuratura organlari, yoxud sudning qarori yoki ajrimiga asosan echib olinishi mumkin.
(7-band Oʻzbekiston Respublikasi standartlashtirish, metrologiya va sertifikatlashtirish agentligi, Vazirlar Mahkamasi huzuridagi neft mahsulotlari va gazdan foydalanishni nazorat qilish davlat inspeksiyasining 2017-yil 12-dekabrdagi K-9, A-2-sonli (roʻyxat raqami 2604-1, 21.12.2017-y.) qarori tahririda — Qonun hujjatlari maʼlumotlari milliy bazasi, 22.12.2017-y., 10/17/2604-2/0439-son)
8. Gazni hisobga olish priborlarini tekshiruvdan oʻtkazish uchun echib olish tegishli hududdagi gaz taʼminoti korxonasining mutaxassislari tomonidan amalga oshiriladi.
9. Tegishli hududdagi gaz taʼminoti korxonasining mutaxassisi ariza berilgandan soʻng, besh ish kuni ichida gazni hisobga olish priborini tekshiruvdan oʻtkazish uchun isteʼmolchi ishtirokida echib oladi.
10. Gazni hisobga olish priborini echib olish vaqtida tegishli hududdagi gaz taʼminoti korxonasining mutaxassisi isteʼmolchi ishtirokida gazni hisobga olish priborining oʻrnatilgan plombalari butligini tekshiradi.
11. Gazni hisobga olish priborining oʻrnatilgan plombalari but boʻlgan taqdirda, gazni hisobga olish pribori echib olinadi va ikki nusxada mazkur Nizomning 1-ilovasiga muvofiq shaklda gazni hisobga olish priborining echib olinganligi toʻgʻrisida dalolatnoma tuziladi. Mazkur dalolatnomaning bir nusxasi gazni hisobga olish pribori bilan birga isteʼmolchiga beriladi.
12. Gazni hisobga olish pribori tekshiruvdan oʻtkazish uchun echib olingandan soʻng, tegishli hududdagi gaz taʼminoti korxonasining mutaxassisi isteʼmolchining xohishiga koʻra uni gaz tarmogʻiga gazni hisobga olish priborisiz ulaydi yoki vaqtincha tarmoqdan uzib qoʻyadi. Isteʼmolchining gaz tarmogʻiga ulanganligi yoki ulanmaganligi gazni hisobga olish priborining echib olinganligi toʻgʻrisidagi dalolatnomada koʻrsatiladi.
13. Isteʼmolchi gazni hisobga olish priborisiz gaz tarmogʻiga ulangan taqdirda, foydalanilgan gaz uchun qonun hujjatlarida belgilangan miqdorda toʻlov amalga oshiriladi.
3-bob. Gazni hisobga olish priborini tekshiruvdan oʻtkazish uchun topshirish
14. Isteʼmolchi gazni hisobga olish priborini va gazni hisobga olish priborining echib olinganligi toʻgʻrisidagi dalolatnoma nusxasini tekshiruvdan oʻtkazish uchun davlat metrologiya xizmati organiga topshiradi.
Davlat metrologiya xizmati organi masʼul xodimi gazni hisobga olish pribori topshirilganligini tegishli jurnalga qayd qilishi lozim.
15. Gazni hisobga olish priboridagi tekshiruvdan oʻtkazish uchun zarur boʻlgan maʼlumotlarni (ishlab chiqaruvchining tovar belgisi, tipi, markasi, raqami va gazni hisobga olish priborining koʻrsatkichi) koʻrish imkoni boʻlmagan taqdirda, davlat metrologiya xizmati organi gazni hisobga olish priborini tekshiruvdan oʻtkazish uchun qabul qilishni rad etadi.
16. Gazni hisobga olish pribori tekshiruvdan oʻtkazish uchun qabul qilinganda, manfaatdor shaxs va davlat metrologiya xizmati organi oʻrtasida shartnoma tuziladi.
4-bob. Gazni hisobga olish priborini tekshiruvdan oʻtkazish va taʼmirlash
17. Gazni hisobga olish pribori davlat metrologiya xizmati organi tomonidan uch kun ichida tekshiruvdan oʻtkaziladi.
18. Gazni hisobga olish priborini ekspert tekshiruvidan oʻtkazishda manfaatdor shaxslar yoki ularning vakillari ishtirok etishlari mumkin.
19. Gazni hisobga olish priborini tekshiruvdan oʻtkazish natijasi ijobiy boʻlgan taqdirda, gazni hisobga olish pribori foydalanishga yaroqli deb topiladi va davlat metrologiya xizmati organi tomonidan isteʼmolchiga gazni hisobga olish priborining tekshiruvdan oʻtkazilganligi haqida sertifikat beriladi.
20. Gazni hisobga olish pribori uning hisoblash mexanizmi va sozlash elementiga oʻzgartirish kiritishning oldini olish maqsadida davlat metrologiya xizmati organi tomonidan plombalanadi.
21. Gazni hisobga olish priborini tekshiruvdan oʻtkazish natijasi salbiy boʻlgan taqdirda, gazni hisobga olish pribori foydalanishga yaroqsiz deb topiladi va shu kunning oʻzida bu haqda davlat metrologiya xizmati organi masʼul xodimi tomonidan isteʼmolchiga xabar beriladi.
22. Gazni hisobga olish pribori yaroqsiz deb topilgan taqdirda, isteʼmolchi uni taʼmirlash uchun taʼmirlash tashkilotlariga topshirishi yoki Oʻzbekiston Respublikasi Oʻlchov vositalari davlat reyestriga kiritilgan va tekshiruvdan oʻtkazilgan boshqa gazni hisobga olish priboridan foydalanishi mumkin.
(22-band Oʻzbekiston standartlashtirish, metrologiya va sertifikatlashtirish agentligi, Oʻzbekiston Respublikasi Vazirlar Mahkamasi huzuridagi Oʻzbekiston neft mahsulotlari va gazdan foydalanishni nazorat qilish davlat inspeksiyasining 2015-yil 12-martdagi k-3, k-3-sonli qarori (roʻyxat raqami 2604-1, 23.03.2015-y.) tahririda — OʻR QHT, 2015-y., 12-son, 141-modda)
23. Gazni hisobga olish priborini taʼmirlash tashkiloti tomonidan texnik tekshirishdan oʻtkazish natijalari boʻyicha ikki nusxada dalolatnoma tuziladi va uning bir nusxasi isteʼmolchiga beriladi.
24. Davlat metrologiya xizmati organining masʼul xodimi taʼmirlangan gazni hisobga olish priborlarini taʼmirlash tashkilotining oʻzida tekshiruvdan oʻtkazish uskunasidan foydalangan holda tekshiruvdan oʻtkazishi mumkin.
25. Gazni hisobga olish priborini tekshiruvdan oʻtkazishning natijasi ijobiy boʻlgan taqdirda, shu kunning oʻzida davlat metrologiya xizmati organining masʼul xodimi gazni hisobga olish priborining tekshiruvdan oʻtkazilganligi haqida sertifikat rasmiylashtirib, gazni hisobga olish priborini plombalaydi.
5-bob. Tekshiruvdan oʻtkazilgan gazni hisobga olish priborini oʻrnatish
26. Isteʼmolchi tekshiruvdan oʻtkazilgan gazni hisobga olish priborini oʻrnatish uchun tegishli hududdagi gaz taʼminoti korxonasiga ariza bilan murojaat qiladi.
27. Tegishli hududdagi gaz taʼminoti korxonasi ariza qabul qilingandan soʻng ikki kun ichida gazni hisobga olish priborini oʻrnatib berishi lozim. Tegishli hududdagi gaz taʼminoti korxonasining mutaxassisi gazni hisobga olish priborini oʻrnatishdan oldin uning tekshiruvdan oʻtkazilganligi haqidagi sertifikatning mavjudligi va plombalarining butligini tekshiradi.
Isteʼmolchi tegishli hududdagi gaz taʼminoti korxonasining mutaxassisiga gazni hisobga olish priborining tekshiruvdan oʻtkazilganligi haqidagi sertifikat nusxasini taqdim qilishi lozim.
28. Tegishli hududdagi gaz taʼminoti korxonasi mutaxassisi gazni hisobga olish priborini oʻrnatgandan soʻng, isteʼmolchini gaz tarmogʻiga ulash shtutsyerlarini plombalaydi va ikki nusxada mazkur Nizomning 2-ilovasiga muvofiq shaklda dalolatnoma tuzadi hamda dalolatnomaning bir nusxasini isteʼmolchiga beradi.
29. Gazni hisobga olish pribori oʻrnatilgandan soʻng, gazni hisobga olish pribori roʻyxatga olinadi va foydalanilgan gaz gazni hisobga olish priborining koʻrsatkichiga muvofiq hisoblanadi.
6-bob. Yakuniy qoidalar
30. Mazkur Nizom talablari buzilishida aybdor boʻlgan shaxslar qonun hujjatlariga muvofiq javobgarlikka tortiladi.
31. Gazni hisobga olish priborini tekshiruvdan oʻtkazish natijalaridan norozi boʻlgan shaxslar belgilangan tartibda yuqori turuvchi organ yoki sudga murojaat qilishi mumkin.
32. Mazkur Nizom “Oʻzbekneftgaz” MXK, “Oʻztransgaz” AK va Oʻzbekiston Respublikasi Savdo-sanoat palatasi bilan kelishilgan.
“Oʻzbekneftgaz” MXK raisi Sh. FAYZULLAYEV
2014-yil 3-iyul
“Oʻztransgaz” AK Boshqaruv raisi Sh. MAXMUDOV
2014-yil 3-iyul
Savdo-sanoat palatasi raisi A. ShAYXOV
2014-yil 3-iyul
Gazni hisobga olish priborlarini tekshiruvdan oʻtkazish tartibi toʻgʻrisidagi nizomga
1-ILOVA
1-ILOVA
|
Gazni hisobga olish priborining | ||||
| Isteʼmolchi raqami ___________ | | | ||
| ____________________________________________ 201_ yil “____” _____________ | ||||
|
(isteʼmolchi F.I.O.) |
| | ||
| Men, _____________________________________________________________ vakili | ||||
|
(gaz taʼminoti korxonasi filiali va boʻlimining nomi) | ||||
| ________________________________________________________________________ | ||||
|
(vakil F.I.O.) | ||||
| isteʼmolchi ___________________________________________________ ishtirokida | ||||
|
“___” ___________ 201_ yilda isteʼmolchiga tegishli boʻlgan _____________________ ____________________________________________ gazni hisobga olish priborining | ||||
| ��(gazni hisobga olish priborini turi, nomi, ishlab chiqarish joyi, raqami) | ||||
|
echib olinganligi va tekshiruvdan oʻtkazish uchun isteʼmolchining qoʻliga berilganligi haqidagi mazkur dalolatnomani tuzdim. | ||||
| Gazni hisobga olish priborini koʻrsatkichi ________ m3 ni tashkil qiladi. | ||||
| Gazni hisobga olish pribori koʻrikdan oʻtkazilganda _____________________________ | ||||
| ______________________________________________________________ aniqlandi. | ||||
| Gazni hisobga olish priboridan _____________-sonli plombalar echib olindi. | ||||
|
Isteʼmolchi gazni hisobga olish priborini tekshiruvdan oʻtkazish uchun mazkur dalolatnomaning bir nusxasi bilan birga topshirishi kerak. | ||||
| Isteʼmolchi gazni hisobga olish priborisiz tarmoqqa _________________________di. | ||||
| | | |
(ulandi yoki ulanmadi) | |
| Gaz taʼminoti korxonasining masʼul xodimi: |
____________ |
_____________________ | ||
| | |
(imzo) |
(F.I.O.) | |
|
Dalolatnoma bilan tanishdim: _________________ |
_____________________ | |||
| |
(isteʼmolchining imzosi) |
(isteʼmolchining F.I.O.) | ||
Gazni hisobga olish priborlarini tekshiruvdan oʻtkazish tartibi toʻgʻrisidagi nizomga
2-ILOVA
2-ILOVA
|
Gazni hisobga olish priborini oʻrnatish haqida | ||||
| ____________________________________________ 201_ yil “____” _____________ | ||||
|
(isteʼmolchi manzili) |
| | ||
| Men, _______________________________________________________ masʼul xodim | ||||
|
(gaz taʼminoti korxonasi filiali va boʻlimining nomi) | ||||
| ________________________________________________________________________ | ||||
|
(F.I.O.) | ||||
| isteʼmolchi ________________________________________________________ bilan | ||||
|
(isteʼmolchi F.I.O.) | ||||
| isteʼmolchiga tegishli boʻlgan _______________________________________________ | ||||
|
(gazni hisobga olish priborini turi, nomi, ishlab chiqarish joyi, raqami) | ||||
|
gazni hisobga olish priborining gaz tarmogʻiga oʻrnatilganligi haq�dagi mazkur dalolatnomani tuzdim. | ||||
| Gazni hisobga olish pribori texnik tekshirishdan oʻtkazilganda ____________________ | ||||
| ______________________________________________________________ aniqlandi. | ||||
| Gaz tarmogʻiga va gazni hisobga olish priboriga ________________ raqamli plombalar oʻrnatildi. | ||||
| Gaz taʼminoti korxonasining masʼul xodimi: |
____________ |
_____________________ | ||
| | |
(imzo) |
(F.I.O.) | |
|
Dalolatnoma bilan tanishdim: _________________ |
_____________________ | |||
| |
(isteʼmolchining imzosi) |
(isteʼmolchining F.I.O.) | ||
(Oʻzbekiston Respublikasi qonun hujjatlari toʻplami, 2014-y., 31-son, 387-modda; 2015-y., 12-son, 141-modda; Qonun hujjatlari maʼlumotlari milliy bazasi, 22.12.2017-y., 10/17/2604-2/0439-son)
