PQ-2164-сон 15.04.2014. Tadbirkorlik faoliyatini amalga oshirish va davlat xizmatlarini koʻrsatish bilan bogʻliq tartibotlarni yanada takomillashtirish chora-tadbirlari toʻgʻrisida

Oʻzbekiston Respublikasi Prezidentining

Qarori

Tadbirkorlik faoliyatini amalga oshirish va davlat xizmatlarini koʻrsatish bilan bogʻliq tartibotlarni yanada takomillashtirish chora-tadbirlari toʻgʻrisida

Oʻzbekiston Respublikasi Prezidentining “Oʻzbekiston Respublikasida investitsiya iqlimi va ishbilarmonlik muhitini yanada takomillashtirishga doir qoʻshimcha chora-tadbirlar toʻgʻrisida”gi 2014-yil 7-apreldagi PF-4609-sonli Farmoniga muvofiq hamda litsenziyalashni va ruxsat etish xarakteriga ega hujjatlarni berish mexanizmlarini yanada soddalashtirish va arzonlashtirish, shuningdek tadbirkorlikka koʻproq erkinlik berish maqsadida:

1. Oʻzbekiston Respublikasi Iqtisodiyot vazirligi, Adliya vazirligi, Moliya vazirligi, Xususiylashtirish, monopoliyadan chiqarish va raqobatni rivojlantirish davlat qoʻmitasi, Aloqa, axborotlashtirish va telekommunikatsiya texnologiyalari davlat qoʻmitasi, Savdo-sanoat palatasi, boshqa manfaatdor vazirlik va idoralarning:

2014-yil 1-iyundan boshlab, tadbirkorlik faoliyati sohasidagi litsenziyalanadigan faoliyatning va ruxsat etish xarakteriga ega hujjatlarning alohida turlarini 1- va 1-a ilovalarga muvofiq bekor qilish;

faoliyatning litsenziyalanadigan turlarini va ruxsat etish xarakteriga ega tartibotlarni rasmiylashtirishning muddatlari va yigʻimlari miqdorlarini 2- va 3-ilovalarga muvofiq qisqartirish;

ruxsat etish xarakteriga ega hujjatlarni va litsenziyalarni olish tartibotlarini yanada qisqartirish va soddalashtirish toʻgʻrisidagi takliflari 4-ilovaga muvofiq qabul qilinsin.

2. Oʻzbekiston Respublikasi Vazirlar Mahkamasi litsenziya va ruxsat etish xarakteriga ega hujjatlarni berish boʻyicha vakolatli organlar, Oʻzbekiston Respublikasi Iqtisodiyot vazirligi, Adliya vazirligi, Aloqa, axborotlashtirish va telekommunikatsiya texnologiyalari davlat qoʻmitasi bilan birgalikda:

2015-yil 1-yanvargacha boʻlgan muddatda faoliyatning ayrim turlarini litsenziyalashda “bir darcha” tamoyilini qonun hujjatlari darajasida joriy etishni 5-ilovaga muvofiq taʼminlasin;

Tadbirkorlik subyektlari tomonidan litsenziya kelishuvlari shartlarini bajarish boʻyicha davriy hisobotlarni elektron shaklda taqdim etib borish uchun dasturiy mahsulotlarni ishlab chiqish va joriy etishni 2014-yilning oxirigacha tamomlasin.

3. Interaktiv davlat xizmatlari yagona portali orqali tadbirkorlik subyektlari uchun ustuvor interaktiv xizmatlarni joriy etish boʻyicha loyihalar roʻyxati 6-ilovaga muvofiq tasdiqlansin.

Oldingi tahrirga qarang.

Oʻzbekiston Respublikasi Axborot texnologiyalari va kommunikatsiyalarini rivojlantirish vazirligi quyidagilarni taʼminlasin:

(3-bandning ikkinchi xatboshisi Oʻzbekiston Respublikasi Prezidentining 2016-yil 31-dekabrdagi PF-4910-sonli Farmoni tahririda — Oʻzbekiston Respublikasi qonun hujjatlari toʻplami, 2017-y., 2-son, 25-modda, 13-son, 202-modda)

faoliyatning litsenziyalanadigan turlarini va ruxsat etish tartibotlarini rasmiylashtirishni elektron shaklga oʻtkazish, shuningdek davlat organlarining tadbirkorlik subyektlari bilan oʻzaro elektron hamkorligini joriy etish samaradorligini baholash boʻyicha chora-tadbirlarni amalga oshirish yuzasidan ishlarni muvofiqlashtirish va tizimli monitoring qilish;

Oʻzbekiston Respublikasi Markaziy banki, “Oʻzkommunxizmat” agentligi, manfaatdor vazirlik va idoralar bilan birgalikda 2014-yilning oxirigacha Kommunal xoʻjalik va uy-joy fondi portalini elektron toʻlov tizimlari va kommunal xizmatlarning billing tizimlari bilan birlashtirish yoʻli orqali mazkur portalni takomillashtirish boʻyicha aniq chora-tadbirlarni amalga oshirish, bunda tadbirkorlik subyektlariga axborot-kommunikatsiya texnologiyalaridan foydalangan holda, real vaqt rejimida oʻzaro hisob-kitoblar holati toʻgʻrisida xabar berish boʻyicha xizmatlar koʻrsatish imkoniyatlarini nazarda tutish;

manfaatdor vazirliklar, idoralar, xoʻjalik birlashmalari va tadbirkorlik subyektlariga 2013 — 2020-yillar davrida Oʻzbekiston Respublikasining Milliy axborot-kommunikatsiya tizimini rivojlantirishning kompleks dasturi doirasida ishlab chiqilayotgan axborot tizimlaridan bepul foydalanish imkoniyatini yaratish.

Oldingi tahrirga qarang.

4. Oʻzbekiston Respublikasi Vazirlar Mahkamasi Axborot texnologiyalari va kommunikatsiyalarini rivojlantirish vazirligining, boshqa manfaatdor vazirliklar, davlat qoʻmitalari, idoralar va tashkilotlar bilan birgalikda 2014-yil 1-oktabrdan boshlab, Oʻzbekiston Respublikasining Interaktiv davlat xizmatlari yagona portalida quyidagilarni amalga oshirish imkonini beradigan maxsus “tadbirkorlik subyektining kabineti” ishlashini taʼminlasin:

(4-bandning birinchi xatboshisi Oʻzbekiston Respublikasi Prezidentining 2016-yil 31-dekabrdagi PF-4910-sonli Farmoni tahririda — Oʻzbekiston Respublikasi qonun hujjatlari toʻplami, 2017-y., 2-son, 25-modda, 13-son, 202-modda)

moliya, soliq, statistika va boshqa turdagi hisobotlarni interaktiv rasmiylashtirish va taqdim etish;

soliq va boshqa majburiy toʻlovlarni, kommunal toʻlovlarni, litsenziya va ruxsat etish xarakteriga ega hujjatlar boʻyicha koʻrib chiqishda va ularni olishda toʻlanadigan yigʻimlarni va davlat bojlarini Internet-banking tizimi orqali toʻlash;

maʼlumotnomalar olish va boshqa interaktiv davlat xizmatlaridan foydalanish.

5. 2014-yil 1-iyundan boshlab, tadbirkorlik subyektlariga “bir darcha” tamoyili boʻyicha elektron shaklda quyidagi jarayonlarni amalga oshirish huquqini beradigan tartib oʻrnatilsin:

Oldingi tahrirga qarang.

tadbirkorlik subyektlarining ularni Mahalliylashtirish dasturiga kiritishga doir talabnomalarini koʻrib chiqish uchun Oʻzbekiston Respublikasi Iqtisodiyot va sanoat vazirligiga, Investitsiyalar va tashqi savdo vazirligiga, Raqobatni rivojlantirish va isteʼmolchilar huquqlarini himoya qilish qoʻmitasiga taqdim etish;

(5-bandning ikkinchi xatboshisi Oʻzbekiston Respublikasi Prezidentining 2023-yil 6-iyuldagi PF-108-sonli Farmoni tahririda — Qonunchilik maʼlumotlari milliy bazasi, 07.07.2023-y., 06/23/108/0460-son)

LexUZ sharhi

Mazkur bandga Oʻzbekiston Respublikasi Prezidentining 2017-yil 6-iyuldagi PF-5111-sonli Farmoniga asosan oʻzgartirish kiritilgan. Rus tili matniga qarang.

milliy valyutada bir yilgacha boʻlgan muddatga kredit olishga doir hujjatlarni xizmat koʻrsatuvchi tijorat banklariga taqdim etish.

6. Oʻzbekiston Respublikasi Vazirlar Mahkamasining komplekslari rahbarlari:

Oʻzbekiston Respublikasi Bosh prokuraturasi, Adliya vazirligi bilan birgalikda tadbirkorlik subyektlarining moliya-xoʻjalik faoliyatiga noqonuniy aralashish, shuningdek davlat xizmatlarini koʻrsatishda ortiqcha qogʻozbozlikka yoʻl qoʻyish holatlari uchun davlat va xoʻjalik boshqaruvi organlarining mansabdor shaxslariga nisbatan maʼmuriy javobgarlik choralarini kuchaytirishni nazarda tutgan holda qonun hujjatlariga oʻzgartish va qoʻshimchalar kiritish boʻyicha takliflarni ikki oy muddatda belgilangan tartibda kiritsin;

Oldingi tahrirga qarang.

Oʻzbekiston Respublikasi Iqtisodiyot vazirligi, Moliya vazirligi, Axborot texnologiyalari va kommunikatsiyalarini rivojlantirish vazirligining boshqa manfaatdor vazirlik va idoralar bilan birgalikda mamlakatimizda yanada qulay ishbilarmonlik muhitini yaratish boʻyicha qabul qilinayotgan meʼyoriy-huquqiy hujjatlarni keng yoritish yuzasidan har bir hududda tadbirlar oʻtkazsin.

(6-bandning uchinchi xatboshisi Oʻzbekiston Respublikasi Prezidentining 2016-yil 31-dekabrdagi PF-4910-sonli Farmoni tahririda — Oʻzbekiston Respublikasi qonun hujjatlari toʻplami, 2017-y., 2-son, 25-modda, 13-son, 202-modda)

7. Iqtisodiyot vazirligi Adliya vazirligi va boshqa manfaatdor vazirliklar, idoralar, Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari bilan birgalikda ruxsat etish xarakteriga ega hujjatlar va litsenziyalarni berish tartibotlarini belgilaydigan meʼyoriy-huquqiy hujjatlarga 2014-yil 1-iyungacha tegishli oʻzgartishlar kiritsin.

8. Mazkur qarorning ijrosini nazorat qilish Oʻzbekiston Respublikasining Bosh vaziri Sh.M. Mirziyoyev zimmasiga yuklansin.

Oʻzbekiston Respublikasi Prezidenti I. KARIMOV

Toshkent sh.,

2014-yil 15-aprel,

PQ-2164-son

Oʻzbekiston Respublikasi Prezidentining
2014-yil 15-apreldagi PQ-2164-son qaroriga
1-ILOVA

2014-yil 1-iyundan boshlab tadbirkorlik faoliyati sohasida bekor qilinadigan ruxsat berish tartibotlari

ROʻYXATI

T/r	Bekor qilinayotgan ruxsat berish tartibotlari nomi	Ruxsat berish tartibotini oʻrnatishga doir normativ-huquqiy hujjat
1.	Yer uchastkasi tanlashni tasdiqlash toʻgʻrisidagi qaror	Vazirlar Mahkamasining 2009-yil 22-oktabrdagi 277-son qarori
2.	Foydali qazilmalar (keng tarqalganlaridan tashqari) joylashgan maydonlarda imorat qurishga ruxsat berish	Vazirlar Mahkamasining 1997-yil 13-yanvardagi 20-son qarori
3.	Foydali qazilmalar qazib chiqarish bilan bogʻliq boʻlmagan yer osti inshootlari ustidagi maydonlarda imorat qurishga ruxsat berish	Vazirlar Mahkamasining 1997-yil 13-yanvardagi 20-son qarori
4.	Dasturiy-apparat majmuining texnik topshirigʻida belgilangan dasturiy apparat majmuining funksional imkoniyatlariga va talablariga mos kelishi yuzasidan texnik xulosa berish	Toʻlov agentlik tarmogʻi orqali jismoniy shaxslarning toʻlovlarini qabul qilish tartibi toʻgʻrisidagi nizom (2010-yil 21-aprelda 2099-son raqami bilan roʻyxatdan oʻtkazilgan)
5.	Tabiiy monopoliya subyektiga qiymati oʻz kapitalining oʻn foizidan ortadigan asosiy vositalarga nisbatan mulk yoki egalik huquqi yoki foydalanish huquqini qoʻlga kiritish, berish boʻyicha bitimlar tuzishga ruxsat berish	Oʻzbekiston Respublikasining “Tabiiy monopoliyalar toʻgʻrisida”gi Qonuni
6.	Isteʼmolda boʻlgan mashinalar, uskunalar va mexanizmlar (Tashqi iqtisodiy faoliyat tovar nomenklaturasi kodlari — TIF TN — 84 — 89 guruhlari boʻyicha) eksporti imkoniyatlari toʻgʻrisida xulosa berish	Oʻzbekiston Respublikasi Prezidentining 2005-yil 11-martdagi PQ–26-son qarori
7	Sanoat uchun ahamiyatini yoʻqotgan yoki keyinchalik oʻtkazilgan geologiya-qidiruv ishlarida yoxud konni ishga solishda tasdiqlanmagan foydali qazilma zaxiralarini yer osti boyliklaridan foydalanuvchining hisobidan chiqarish toʻgʻrisidagi taklifni kelishish	Vazirlar Mahkamasining 2007-yil 9-noyabrdagi 232-son qarori
8.	Umumiy foydalanishdagi avtomobil yoʻli bilan tutashgan yoki kesishgan avtomobil yoʻlini qurishga ruxsat berish	Oʻzbekiston Respublikasining “Avtomobil yoʻllar toʻgʻrisida”gi Qonuni
9.	Soʻyish korxonasi (punkti, maydoni)ning sanitariya talablariga muvofiqligi toʻgʻrisida sanitariya xulosasi	Maxsus soʻyish korxonalarida va maydonchalarida chorva mollari soʻyish, chorva mollarni soʻyish bilan shugʻullanuvchi shaxslarga ruxsat guvohnomalari berish va roʻyxatga olish tartibi toʻgʻrisidagi nizom (2006-yil 10-avgustda 1611-son raqami bilan roʻyxatdan oʻtkazilgan)
10.	Havo kemasi turining sertifikati	Oʻzbekiston Respublikasining Havo Kodeksi
11.	Havo kemalarini va uchuvchi oʻzga apparatlarning sertifikatlangan turlarini ishlab chiqarish uchun shahodatnoma	Oʻzbekiston Respublikasining Havo Kodeksi
12.	Oʻsimliklarni himoya qilish vositalarining yaroqsizlarini, chiqindilarni va idishlarni koʻmib tashlashga ruxsat berish	Oʻzbekiston Respublikasining “Qishloq xoʻjalik oʻsimliklarini zararkunandalar, kasalliklar va begona oʻtlardan himoya qilish toʻgʻrisida”gi Qonuni
13.	Alkogolli mahsulotlar quyish liniyalarini Hisobga olish va foydalanishning yagona reyestriga kiritish imkoniyati toʻgʻrisida xulosa berish	Vazirlar Mahkamasining 2013-yil 31-dekabrdagi 353-son qarori
14.	Alkogolli mahsulotlar quyish liniyalarini Hisobga olish va foydalanishning yagona reyestriga kiritish toʻgʻrisida guvohnoma berish	Vazirlar Mahkamasining 2013-yil 31-dekabrdagi 353-son qarori
15.	Portlovchi moddalarni tashish yoʻnalishini kelishish	Vazirlar Mahkamasining 2004-yil 6-maydagi 213-son qarori
16.	Kuchli taʼsir etuvchi zaharli moddalarni sotib olish, saqlash va tashishga ruxsat berish	Vazirlar Mahkamasining 1991-yil 25-oktabrdagi 270-son qarori

LexUZ sharhi

1-ilova norasmiy tarjima

Oʻzbekiston Respublikasi Prezidentining
2014-yil 15-apreldagi PQ-2164-son qaroriga
1a-ILOVA

2014-yil 1-iyundan boshlab birlashtirish yoʻli bilan bekor qilinadigan litsenziyalanadigan faoliyat va ruxsat etuvchi hujjatlar turlari

ROʻYXATI

T/r	Bekor qilinayotgan litsenziyalanadigan faoliyat va ruxsat berish tartibotlari turlarining nomi	T/r	Birlashtirilgan faoliyat turi va ruxsat berish tartiboti nomi	Litsenziya va ruxsat etuvchi hujjatlar beruvchi vakolatli organ
I. Faoliyatning litsenziyalanadigan turlari
1.	Oʻzbekiston Respublikasi va uning tashqarisida gastrol-konsert faoliyatini amalga oshirish	1.	Konsert-tomosha faoliyatini amalga oshirish uchun litsenziya berish	“Oʻzbeknavo” estrada birlashmasi
2.	Toʻylar, yubileylar va boshqa tantanalarda konsert xizmati koʻrsatish
II. Ruxsat etuvchi hujjatlar
3.	Umumiy temir yoʻl tarmogʻiga temir yoʻl yoʻlaklarini tutashtirishga ruxsat berish	1.	Temir yoʻl yoʻlaklarini, shuningdek, vagonlar hamda konteynerlarni yuklash, tushirish va tozalashga moʻljallangan qurilmalarni qurish va rekonstruksiya qilish loyihasini kelishish	“Oʻzbekiston temir yoʻllari” DATK
4.	Temir yoʻlga tegishli boʻlgan, mavjud temir yoʻl yoʻlaklariga qoʻshimcha temir yoʻl yoʻlaklarini qurish loyihasini kelishish
5.	Mavjud temir yoʻl yoʻlaklariga yangidan qurilayotgan temir yoʻl yoʻlaklarini tutashtirishga ruxsat berish
6.	Suv resurslaridan foydalanish va drenaj-oqova suvlarini oqizib yuborish bilan bogʻliq yangi korxonalar qurish va faoliyat yuritayotgan korxonalarni rekonstruksiya qilish loyihasini kelishish	2.	Suv resurslaridan foydalanish va drenaj-oqova suvlarini oqizib yuborish bilan bogʻliq yangi korxonalar qurish va ishlayotgan korxonalarni rekonstruksiya qilish loyihasini kelishish	Qishloq va suv xoʻjaligi vazirligi
7.	Suv resurslaridan foydalanish va drenaj-oqova suvlarini oqizib yuborish bilan bogʻliq yangi korxonalar qurish va ishlab turgan korxonalarni rekonstruksiya qilish loyihalari boʻyicha yer usti suv resurslari mavjudligi toʻgʻrisida xulosa berish
8.	Markaziy bank talablariga muvofiq moʻljallanayotgan bino, asbob-uskunalar, kassa uzelining tayyorligi va dasturiy-texnik vositalar bilan jihozlanganligi toʻgʻrisida xulosa berish	3.	Bino, asbob-uskunalar, kassa uzelining Markaziy bank talablariga muvofiqligi va dasturiy-texnik vositalar bilan jihozlanganligi toʻgʻrisida xulosa berish	Markaziy bank
9.	Markaziy bank talablariga muvofiq yangi bino, asbob-uskunalar, kassa uzelining tayyorligi va bank filialining dasturiy-texnik vositalar bilan jihozlanganligi toʻgʻrisida xulosa berish
10.	Oʻzbekiston Respublikasining Qizil kitobiga kiritilmagan yovvoyi oʻsimliklarni, ularning qismlari, mevalari, urugʻlari va botanika kolleksiyalarini umumiy foydalanish uchun belgilangan meʼyordan oshib ketuvchi miqdorda olib kirish va olib chiqishga ruxsat berish	4.	Yovvoyi oʻsimliklarni, ularning qismlarini olib kirish va olib chiqishga ruxsat berish	Tabiatni muhofaza qilish davlat qoʻmitasi
11.	Oʻzbekiston Respublikasi Qizil kitobiga kiritilgan yovvoyi oʻsimliklarni, ularning qismlarini olib kirish va olib chiqishga ruxsat berish

LexUZ sharhi

1a-ilova norasmiy tarjima

Oʻzbekiston Respublikasi Prezidentining
2014-yil 15-apreldagi PQ-2164-son qaroriga
2-ILOVA

Rasmiylashtirish muddatlari qisqartirilayotgan faoliyatning litsenziyalanadigan turlari va ruxsat etish xarakteriga ega tartibotlar

ROʻYXATI

Oldingi tahrirga qarang.

T/r	Litsenziyalanadigan faoliyat turlari va ruxsat etish xarakteriga ega tartibotlarning nomlanishi	Litsenziya va ruxsat etish xarakteriga ega hujjatlar berish boʻyicha vakolatli organ	Koʻrib chiqishning belgilangan muddatlari
I. Faoliyatning litsenziyalanadigan turlari
1.	Ionlashtiruvchi nurlanish manbalari aylanmasi sohasidagi faoliyat	“Sanoatgeokontexnazorat” DI	20 kun
2.	Farmatsevtika faoliyati	Sogʻliqni saqlash vazirligi	15 kun
3.	Telekommunikatsiya tarmoqlarini loyihalash	Axborot texnologiyalari va kommunikatsiyalarini rivojlantirish vazirligi	20 kun
4.	Telekommunikatsiya tarmoqlarini qurish	Axborot texnologiyalari va kommunikatsiyalarini rivojlantirish vazirligi	20 kun
5.	Telekommunikatsiya tarmoqlaridan foydalanish	Axborot texnologiyalari va kommunikatsiyalarini rivojlantirish vazirligi	20 kun
6.	Telekommunikatsiya tarmoqlari xizmatlarini koʻrsatish	Axborot texnologiyalari va kommunikatsiyalarini rivojlantirish vazirligi	20 kun
7.	Sugʻurta qiluvchilar va sugʻurta brokerlarining sugʻurta faoliyati	Moliya vazirligi	20 kun
II. Ruxsat etish xarakteriga ega hujjatlar
8.	Obyektlar, mahsulotlar va texnologiyalarni foydalanishga qabul qilib olish ishlari va loyihalarining temir yoʻl transporti sohasida belgilangan talablarga muvofiqligi yuzasidan ekspertiza xulosasi	“Oʻzdavtemiryoʻlnazorat” DI	15 ish kuni
9.	Lokomotivlar, yuk va izotermik vagonlarning xizmat qilish muddatlarini uzaytirish boʻyicha texnik yechimlardan ishlab chiqarishda foydalanishni kelishish	“Oʻzdavtemiryoʻlnazorat” DI	5 ish kuni
10.	Fuqaro havo kemasi roʻyxatdan oʻtkazilganligi toʻgʻrisida guvohnoma	Davavianazorat	10 kun
11.	Fuqaro havo kemalarining shovqin darajasi boʻyicha sertifikati	Davavianazorat	10 kun
12.	Fuqaro havo kemalarining radio jihozlari sertifikati	Davavianazorat	10 kun
13.	Veterinariya sertifikati (guvohnomasi)	Davlat veterinariya qoʻmitasi	4 soat
14.	Yer qaʼri uchastkasidan foydalanish huquqidan (toʻliq yoki qisman) boshqa shaxs foydasiga voz kechishning maqsadga muvofiqligi toʻgʻrisida qaror	Davlat geologiya qoʻmitasi	30 kun
15.	Yer qaʼri uchastkasidan foydalanish huquqini beruvchi litsenziya	Davlat geologiya qoʻmitasi	70 kun
16.	Suv chiqarish maqsadida quduqlarni burgʻulashga ruxsat berish	Davlat geologiya qoʻmitasi	10 kun
17.	Yovvoyi hayvonlarni ovlashga ruxsat berish	Tabiatni muhofaza qilish davlat qoʻmitasi	7 kun
19.	Portlovchi materiallarni xarid qilish guvohnomasi	“Sanoatgeokontexnazorat” DI	5 ish kuni
20.	Portlovchi materiallarni saqlash joylaridan foydalanish guvohnomasi	“Sanoatgeokontexnazorat” DI	5 ish kuni
21.	Yangi xavfli portlovchi texnologik jarayonlar va uskunalarni montaj qilish, taʼmirlash va ulardan foydalanishga ruxsatnoma	“Sanoatgeokontexnazorat” DI	20 kun

(2-ilova Oʻzbekiston Respublikasi Prezidentining 2021-yil 30-apreldagi PF-6218-sonli Farmoni tahririda — Qonunchilik maʼlumotlari milliy bazasi, 30.04.2021-y., 06/21/6218/0398-son)

Oʻzbekiston Respublikasi Prezidentining
2014-yil 15-apreldagi PQ-2164-son qaroriga
3-ILOVA

Rasmiylashtirishdagi yigʻimlar kamaytiriladigan litsenziyalanadigan faoliyat turlari

ROʻYXATI

Oldingi tahrirga qarang.

T/r	Litsenziyalanadigan faoliyat turlari nomlanishi	Litsenziyalovchi organ	Oʻrnatilayotgan yigʻim miqdori
1.	Mahalliy va xalqaro yoʻnalishlar boʻyicha temir yoʻl transportida yoʻlovchilarni hamda yuklarni tashish	“Oʻzdavtemiryoʻlnazorat” DI	1 EKIH*
3.	Telekommunikatsiya tarmoqlarini loyihalash	Axborot texnologiyalari va kommunikatsiyalarini rivojlantirish vazirligi	1 EKIH
4.	Telekommunikatsiya tarmoqlarini qurish	Axborot texnologiyalari va kommunikatsiyalarini rivojlantirish vazirligi	1 EKIH
5.	Telekommunikatsiya tarmoqlaridan foydalanish	Axborot texnologiyalari va kommunikatsiyalarini rivojlantirish vazirligi	1 EKIH
6.	Telekommunikatsiya tarmoqlari xizmatlarini koʻrsatish	Axborot texnologiyalari va kommunikatsiyalarini rivojlantirish vazirligi	1 EKIH
10.	Tovar-xomashyo birjalari faoliyati	Raqobatni rivojlantirish va isteʼmolchilar huquqlarini himoya qilish qoʻmitasi	Bepul
11.	Kredit byurolari faoliyati	Markaziy bank	1 EKIH

* EKIH — eng kam oylik ish haqi.

(3-ilova Oʻzbekiston Respublikasi Prezidentining 2025-yil 10-apreldagi PF-65-sonli Farmoni tahririda — Qonunchilik maʼlumotlari milliy bazasi, 11.04.2025-y., 06/25/65/0331-son)

Oʻzbekiston Respublikasi Prezidentining
2014-yil 15-apreldagi PQ-2164-son qaroriga
4-ILOVA

Ruxsat etish xarakteriga ega hujjatlarni va litsenziyalarni olish tartibotlarini qisqartirish va soddalashtirish boʻyicha

CHORA-TADBIRLAR

Oldingi tahrirga qarang.

T/r	Litsenziyalanadigan faoliyat turi va ruxsat etish xarakteriga ega hujjatlarning nomlanishi	Litsenziya berish va ruxsat etish xarakteriga ega hujjatlar berish boʻyicha vakolatli organ	Tartibotlarni qisqartirish va soddalashtirish boʻyicha chora-tadbirlar
I. Faoliyatning litsenziyalanadigan turlari
1.	Ionlashtiruvchi nurlanish manbalarining aylanmasi sohasidagi faoliyat	“Sanoatgeokontexnazorat” DI	Hujjatlarni Fanlar akademiyasi bilan kelishish tartibini bekor qilish hisobiga kelishiladigan organlar sonini 7 tadan 6 tagacha qisqartirish.
2.	Magistral gaz quvurlari, neft quvurlari va neft mahsulotlari quvurlarini loyihalash, qurish, foydalanish va taʼmirlash	Vazirlar Mahkamasi	“Oʻzbekneftgaz” MXK bilan kelishish tartibini bekor qilish hisobiga kelishiladigan organlar sonini 11 tadan 10 tagacha qisqartirish.
3.	Veterinariya faoliyati	Davlat veterinariya qoʻmitasi	1. Ariza beruvchidan quyidagilarni taqdim etish talabini bekor qilish hisobiga taqdim etiladigan hujjatlar sonini 8 tadan 5 tagacha qisqartirish: davlat veterinariya xizmati hududiy organlarining bino va uskunalar veterinariya talablariga muvofiqligihamda veterinariya faoliyatining litsenziyalangan turini amalga oshirishga shart-sharoitlar mavjudligi toʻgʻrisidagi xulosasi; yuridik shaxslarning veterinar mutaxassis xodimlari malakasini tasdiqlovchi hujjatlar (notarial tasdiqlangan diplom nusxasi, malaka oshirganligi, ixtisoslashuvdan oʻtganligi toʻgʻrisidagi hujjatlar, mehnat daftarchasi); yuridik shaxslar uchun — veterinariya muassasasi rahbarining notarial tasdiqlangan mehnat daftarchasi, veterinariya boʻyicha oliy maʼlumoti toʻgʻrisidagi diplomi va uning lavozimga tayinlanganligi toʻgʻrisidagi buyruqning nusxasi. 2. Litsenziya talabgoriga transport vositasi mavjud boʻlishi toʻgʻrisidagi shartni bekor qilish orqali ortiqcha talablarni olib tashlash.
4.	Tibbiy faoliyat	Sogʻliqni saqlash vazirligi	1. Ariza beruvchidan quyidagilarni taqdim etish talabini bekor qilish hisobiga taqdim etiladigan hujjatlar sonini 9 tadan 6 tagacha qisqartirish: arizada koʻrsatilgan muassasa turi, ixtisoslik turi va tibbiy xizmatlar hajmi boʻyicha tibbiy faoliyatni amalga oshirish uchun moʻljallangan binolarning sanitariya normalari va qoidalariga muvofiqligi toʻgʻrisida davlat veterinariya xizmati hududiy organining xulosasi “Oʻzstandart” agentligi organlari yoki “Oʻzstandart” agentligidan akkreditatsiyadan oʻtgan va tegishli xulosalar berish huquqi boʻlgan metrologik xizmatlar tomonidan tibbiy uskunalar va apparaturalarning metrologik norma va standartlarga muvofiqligi toʻgʻrisida beradigan xulosasi; tibbiy oliy maʼlumot toʻgʻrisidagi diplomning nusxasi, malaka toifasi berilganligi toʻgʻrisidagi guvohnoma va malaka oshirganligi va ixtisoslashuvdan oʻtganligi toʻgʻrisidagi hujjatlarning notarial tasdiqlangan nusxalari. 2. Litsenziya talabgoriga transport vositasi boʻlishi toʻgʻrisidagi talabni bekor qilish orqali (tez tibbiy yordam muassasalaridan tashqari) ortiqcha talablarni chiqarib tashlash.
5.	Farmatsevtika faoliyati	Sogʻliqni saqlash vazirligi	Ariza beruvchidan quyidagilarni taqdim etish talabini bekor qilish hisobiga taqdim etiladigan hujjatlar sonini 6 tadan 4 tagacha qisqartirish: Davlat sanitariya-epidemiologiya nazorati hududiy organlarining binolarning sanitariya meʼyorlari va talablariga muvofiqligi toʻgʻrisidagi xulosasi; Tabiatni muhofaza qilish davlat qoʻmitasi hududiy organlarining farmatsevtika faoliyati turlari tabiatni muhofaza qilish talablariga muvofiqligi toʻgʻrisidagi xulosalari.
6.	Telekommunikatsiya tarmoqlarini loyihalashtirish	Axborot texnologiyalari va kommunikatsiyalarini rivojlantirish vazirligi	Ariza beruvchidan ommaviy axborot vositasini OʻzMAAda davlat roʻyxatidan oʻtkazish toʻgʻrisidagi guvohnoma nusxasini taqdim etish talabini bekor qilish hisobiga taqdim etiladigan hujjatlar sonini 7 tadan 6 tagacha qisqartirish.
7.	Telekommunikatsiya tarmoqlarini qurish	Axborot texnologiyalari va kommunikatsiyalarini rivojlantirish vazirligi
8.	Telekommunikatsiya tarmoqlaridan foydalanish	Axborot texnologiyalari va kommunikatsiyalarini rivojlantirish vazirligi
9.	Telekommunikatsiya tarmoqlari xizmatlarini koʻrsatish	Axborot texnologiyalari va kommunikatsiyalarini rivojlantirish vazirligi
10.	Neft, gaz va gaz kondensatini qazib olish, qayta ishlash va sotish	Vazirlar Mahkamasi	1. “Oʻzbekneftgaz” MXK bilan hujjatlarni kelishish tartiblarini bekor qilish hisobiga kelishiladigan organlar sonini 11 tadan 10 tagacha qisqartirish. 2. Ariza beruvchidan metrologik jihatdan taʼminlanganlik toʻgʻrisida “Oʻzstandart” agentligining standartlashtirish va metrologiya hududiy boshqarmalari tomonidan beriladigan xulosani taqdim etish talabini bekor qilish hisobiga taqdim etiladigan hujjatlar sonini 10 dan 9 tagacha qisqartirish.
11.	Qimmatbaho va nodir metallar, qimmatbaho toshlarni qazib olish	Vazirlar Mahkamasi	Litsenziya talabgorining litsenziyalanadigan faoliyat turini amalga oshirishdagi talablarga muvofiqligi yuzasidan “Sanoatgeokontexnazorat” DI, Tabiatni muhofaza qilish davlat qoʻmitasi, Geologiya davlat qoʻmitasi xulosalarini arizachi tomonidan taqdim etish toʻgʻrisidagi talabni bekor qilish orqali taqdim etiladigan hujjatlar sonini 10 tadan 7 tagacha qisqartirish.
12.	Neft mahsulotlarini sotish (avtobenzin, aviabenzin, ekstrabenzin, dizel yoqilgʻisi, aviakerosin, mazut, pechka yoqilgʻisi, neftbitum hamda texnik moylar va moylash materiallari), zavodda qadoqlangan mahsulotlar bundan mustasno	Vazirlar Mahkamasi	Ariza beruvchidan metrologik jihatdan taʼminlanganlik toʻgʻrisida “Oʻzstandart” agentligining standartlashtirish va metrologiya hududiy boshqarmalari tomonidan beriladigan xulosani taqdim etish talabini bekor qilish hisobiga taqdim etiladigan hujjatlar sonini 9 tadan 8 tagacha qisqartirish.
13.	Banklar, boshqa yuridik va jismoniy shaxslar tomonidan xorijiy valyutada amaliyotlar oʻtkazish	Markaziy bank	Litsenziyalanadigan faoliyat nomidagi “boshqa yuridik va jismoniy shaxslar” soʻzlarini chiqarib tashlash.
14.	Qimmatbaho qogʻozlar bozorida professional faoliyat yuritish	Qimmatbaho qogʻozlar bozorini muvofiqlashtirish va rivojlantirish markazi	Qimmatbaho qogʻozlar bozorida: 1. Investitsiyalar boʻyicha konsultant; 2. Hisob-kitob-kliring palatasi (hisob-kitob-kliring palatasining vazifalarini qimmatli qogʻozlar savdosi tashkilotchilariga, qimmatli qogʻozlar markaziy depozitariysiga topshirish) sifatida professional faoliyatni amalga oshirish uchun alohida litsenziyalar berish talablarini bekor qilish.
15.	Bojxona omborini taʼsis etish	Davlat bojxona qoʻmitasi	Ariza beruvchidan arizani koʻrib chiqish uchun yigʻim toʻlanganligini tasdiqlovchi hujjatni taqdim etish talabini bekor qilish hisobiga taqdim etiladigan hujjatlar sonini 12 tadan 11 tagacha qisqartirish.
16.	Boj olinmaydigan savdo doʻkonini taʼsis etish	Davlat bojxona qoʻmitasi	Ariza beruvchidan arizani koʻrib chiqish uchun yigʻim toʻlanganligini tasdiqlovchi hujjatni taqdim etish talabini bekor qilish hisobiga taqdim etiladigan hujjatlar sonini 11 tadan 10 tagacha qisqartirish.
17.	Bojxona rejimida erkin ombor — omborini taʼsis etish	Davlat bojxona qoʻmitasi
18.	Tamaki xomashyosini fermentlash va tamaki mahsulotlarini ishlab chiqarish	Vazirlar Mahkamasi	Ariza beruvchidan ishlab chiqarishning mehnatni muhofaza qilish va texnika xavfsizligi talablariga muvofiqligi toʻgʻrisida Mehnat va aholini ijtimoiy muhofaza qilish vazirligi hududiy organlari xulosasini taqdim etish talabini bekor qilish hisobiga taqdim etiladigan hujjatlar sonini 10 tadan 9 tagacha qisqartirish.
II. Ruxsat etish xarakteriga ega hujjatlar
19.	Obyektlar, mahsulotlar va texnologiyalarni foydalanishga qabul qilib olish ishlari va loyihalarining temir yoʻl transporti sohasida belgilangan talablarga muvofiqligi yuzasidan ekspertiza xulosasi	“Oʻzdavtemiryoʻlnazorat” DI	Ariza beruvchidan quyidagi hujjatlarni taqdim etish talabini, ularning tavsifini texnik loyihada koʻrsatgan holda, bekor qilish hisobiga taqdim etiladigan hujjatlar sonini 9 dan 3 tagacha qisqartirish: - temir yoʻl transportida obyektlar, mahsulotlar va texnologiyalarni foydalanishga qabul qilib olish ishlari va loyihalarini tayyorlash hamda amalga oshirish uchun texnik tartibga solish sohasidagi qonunchilik va normativ hujjatlarda nazarda tutilgan ijro hujjatlari; - ishlarni bajarish texnologiyasi talablarini hisobga olgan holda tashkilot xodimlarining familiyasi, ismi, otasining ismi, maʼlumoti, mutaxassisligi va ish staji koʻrsatilgan roʻyxat; - xodimlarni tayyorlash, qayta tayyorlash va malakasini oshirish rejasi; - ishlarni bajarishning ishlab chiqilgan texnologiyasi va mahsulotni qabul qilish sifatiga rioya qilish boʻyicha masʼul shaxsni tayinlash toʻgʻrisidagi buyruq; - ishlab chiqilgan metodologiya bilan belgilanadigan ishlarni bajarish uchun zarur boʻlgan tashkilotda lavozimlari va mutaxassisliklari roʻyxati; - belgilangan ishlab chiqarish hajmi uchun texnik tartibga solish sohasidagi normativ hujjatlarga muvofiq ishlab chiqarishni jihozlash tabeliga mos kelishi lozim boʻlgan asboblar, moslamalar va uskunalar roʻyxati.
20.	Lokomotivlar, yuk va izotermik vagonlarning xizmat qilish muddatlarini uzaytirishga texnik yechimlardan ishlab chiqarishda foydalanishni kelishish	“Oʻzdavtemiryoʻlnazorat” DI, “Oʻzbekiston temir yoʻllari” DAK	Ariza beruvchidan quyidagi hujjatlarni taqdim etish talabini bekor qilish orqali taqdim etiladigan hujjatlar sonini 5 tadan dan 2 tagacha qisqartirish: yuridik shaxsning davlat roʻyxatidan oʻtganligi toʻgʻrisidagi guvohnoma nusxasi; zavodda berilgan raqam, ishlab chiqarilgan yili va oxirgi oʻtkazilgan taʼmirlash sanasi koʻrsatilgan hamda belgilangan xizmat muddati tugagan yoki tugayotgan temir yoʻl harakatlanuvchi tarkibi toʻgʻrisidagi maʼlumot, har bir tarkibning texnik pasportlari va formulyarlarini oʻz ichiga olgan maʼlumotnomalar; amaldagi qonunchilikka muvofiq temir yoʻl harakatlanuvchi tarkibning xizmat muddatini uzaytirish uchun zarur boʻlgan guvohnomalar va sertifikatlar.
22.	Avtogaz toʻldirish kompressor stansiyalari va avtogaz toʻldirish stansiyalari obyektlarini qurish uchun yer uchastkalari ajratishni kelishish	Davarxitektqurilish, Oʻzbekiston avtomobil va daryo transporti agentligi, “Sanoatgeokontexnazorat” DI, IIV	Hujjatlarni “Sanoatgeokontexnazorat” DI bilan kelishish tartibini bekor qilish hisobiga kelishiladigan organlar sonini 4 tadan 3 tagacha qisqartirish.
23.	Bojxona hududida tovarlarni qayta ishlashning texnik-iqtisodiy asosini kelishish boʻyicha xulosa berish	TIAISV	Tovarlarni bojxona hududida/undan tashqarida qayta ishlash jarayonining texnik-iqtisodiy asosini kelishish boʻyicha xulosa olish zarurligiga doir talabni faqat ustav fondida (ustav kapitalida) davlat ulushi boʻlgan korxonalar uchun saqlab qolish.
24.	Tovarlarni bojxona hududidan tashqarida qayta ishlash jarayonining texnik-iqtisodiy asosini kelishish va tovarlarning bojxona hududidan tashqarida qayta ishlanishi Oʻzbekiston Respublikasining iqtisodiy manfaatlariga muvofiqligi boʻyicha xulosa	TIAISV
25.	Yer qaʼri uchastkasidan foydalanish huquqidan (toʻliq yoki qisman) boshqa shaxs foydasiga voz kechishning maqsadga muvofiqligi toʻgʻrisida qaror	Davlat geologiya qoʻmitasi	Zarur hujjatlarni “Sanoatgeokontexnazorat” DI bilan kelishish tartibini bekor qilish hisobiga kelishiladigan organlar sonini 6 tadan 5 tagacha qisqartirish
27.	Maxsus kiritiladigan biologik faol moddalarni qoʻllashga ruxsat berish	Sogʻliqni saqlash vazirligi	Ruxsat berish tartiboti va uni qoʻllash sohasi nomini “Maxsus kiritiladigan biologik faol moddalarni olib kirish va ishlab chiqarishga ruxsat berish” deb oʻzgartirish
28.	Yangi ozuqaviy qoʻshimchalar va isteʼmol xomashyosi va oziq-ovqat mahsulotlarini ishlab chiqarishning yangi texnologiyalarini qoʻllashga ruxsat berish	Sogʻliqni saqlash vazirligi	Ruxsat berish tartiboti va uni qoʻllash sohasi nomini “Yangi ozuqaviy qoʻshimchalar olib kirish va ishlab chiqarish uchun xulosa” deb oʻzgartirish
29.	Soʻyish korxonasining (punkti, maydoni) veterinariya-sanitariya talablariga muvofiqligi toʻgʻrisida veterinariya-sanitariya xulosasi	Davlat veterinariya qoʻmitasi	Ariza beruvchidan quyidagilarni taqdim etish talablarini bekor qilish hisobiga taqdim etiladigan hujjatlar sonini 3 tadan 1 tagacha qisqartirish: soʻyish korxonasi (punkti, maydoni)ning tabiatni muhofaza qilish talablariga muvofiqligi toʻgʻrisida Tabiatni muhofaza qilish davlat qoʻmitasi hududiy organining xulosasi; tibbiy daftarchada ishlashga ruxsat berilganligini koʻrsatgan holda ishlab chiqarishga jalb qilinadigan shaxslarning tibbiy koʻrikdan oʻtkazilganligi toʻgʻrisidagi hujjatlar nusxalari.
30.	Noshirlik korxonasining roʻyxatdan oʻtganligi toʻgʻrisida guvohnoma	Oʻzbekiston Matbuot va axborot agentligi	Noshirlik korxonasini roʻyxatdan oʻtkazish uchun taqdim etiladigan hujjatlarni notarial tasdiqlash talabini bekor qilish.
31.	Xavfli ishlab chiqarish obyektida qoʻllaniladigan texnik qurilmalarni montaj qilish, taʼmirlash, ishga tushirish va ishlatish uchun ruxsatnoma	“Sanoatgeokontexnazorat” DI	Zarur hujjatlarni “Oʻzdavtemiryoʻlnazorat” DI bilan kelishish jarayonini bekor qilish hisobiga kelishiladigan organlar sonini qisqartirish.

(2-ilova Oʻzbekiston Respublikasi Prezidentining 2021-yil 30-apreldagi PF-6218-sonli Farmoni tahririda — Qonunchilik maʼlumotlari milliy bazasi, 30.04.2021-y., 06/21/6218/0398-son)

Oʻzbekiston Respublikasi Prezidentining
2014-yil 15-apreldagi PQ-2164-son qaroriga
5-ILOVA

“Bir darcha” tamoyili boʻyicha rasmiylashtirish joriy etilayotgan faoliyatning litsenziyalanadigan turlari

ROʻYXATI

T/r	Litsenziya nomi	Litsenziyalovchi organ
1.	Giyohvandlik vositalari, psixotrop moddalar va prekursorlarni olib kirish (olib chiqish), saqlash, sotish (chiqarish), tarqatish, tashish, ishlab chiqish va yetishtirish, tayyorlash, yoʻq qilish, giyohvandlik vositalari, psixotrop moddalar va prekursorlarni ilmiy va oʻquv maqsadlarda, ishlab chiqarish ehtiyojlari uchun, shu jumladan tibbiyot va veterinariyada foydalanish hamda narkotik mavjud boʻlgan oʻsimliklarni yetishtirish	Sogʻliqni saqlash vazirligi
2.	Tibbiy faoliyat	Sogʻliqni saqlash vazirligi
3.	Farmatsevtika faoliyati	Sogʻliqni saqlash vazirligi
4.	Qimmatbaho va nodir metallarni, qimmatbaho toshlarni qazib olish	Vazirlar Mahkamasi
5.	Qimmatbaho qogʻozlar blanklarini ishlab chiqarish	Markaziy bank
6.	Telekommunikatsiya tarmoqlarini loyihalash	Axborot texnologiyalari va kommunikatsiyalarini rivojlantirish vazirligi
7.	Telekommunikatsiya tarmoqlarini qurish
8.	Telekommunikatsiya tarmoqlaridan foydalanish
9.	Telekommunikatsiya tarmoqlari xizmatlarini koʻrsatish
10.	Veterinariya faoliyati	Davlat veterinariya qoʻmitasi
11.	Magistral gaz quvurlari, neft quvurlari va neft mahsulotlari quvurlarini loyihalash, qurish, ishga tushirish va taʼmirlash	Vazirlar Mahkamasi
12.	Neft, gaz va gaz kondensatini qazib olish, qayta ishlash va sotish	Vazirlar Mahkamasi
13.	Neft mahsulotlarini sotish (avtobenzin, aviabenzin, ekstrabenzin, dizel yoqilgʻi, aviakerosin, mazut, pechka yoqilgʻisi, neftbitum hamda texnik moylar va moylash materiallari) zavodda qadoqlangan mahsulotlar bundan mustasno	Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari
14.	Bojxona omborini taʼsis etish	Davlat bojxona qoʻmitasi
15.	Boj olinmaydigan savdo doʻkonini taʼsis etish	Davlat bojxona qoʻmitasi
16.	Bojxona rejimida erkin ombor — omborini taʼsis etish	Davlat bojxona qoʻmitasi
17.	Audiovizual asarlarni, fonogramma va EHM dasturlarini tayyorlash, sotish, ijaraga berish	Vazirlar Mahkamasi
18.	Fonogrammalar tayyorlash	Vazirlar Mahkamasi
19.	Audiovizual asarlar tayyorlash, koʻpaytirish va ekranda namoyish qilish	Vazirlar Mahkamasi

LexUZ sharhi

5-ilova norasmiy tarjima

Oʻzbekiston Respublikasi Prezidentining
2014-yil 15-apreldagi PQ-2164-son qaroriga
6-ILOVA

Interaktiv davlat xizmatlari yagona portali orqali tadbirkorlik subyektlari uchun ustuvor interaktiv xizmatlarni joriy etish boʻyicha loyihalar

ROʻYXATI

T/r	Xizmat nomi	Amalga oshirish mexanizmi	Muddati	Masʼul organlar
1.	Nazorat-kassa mashinalari va toʻlov terminallari bilan jihozlash uchun elektron buyurtma berish. Tegishli tijorat banklari tomonidan buyurtmalarni qabul qilish va koʻrib chiqishning markazlashgan monitoringi va nazoratini olib borish hamda koʻrsatilgan xizmatdan qanoatlanganlikni baholash imkoniyatini	Interaktiv xizmatni joriy etish va axborot tizimini yaratish	2014-yil III chorak	Davlat soliq qoʻmitasi, Markaziy bank, Aloqa, axborotlashtirish va telekommunikatsiya texnologiyalari davlat qoʻmitasi, Banklar assotsiatsiyasi, tijorat banklari
2.	Belgilangan tartib-taomillar buzilganligi, mansabdor shaxslarning tadbirkorlik subyektlaridan ortiqcha hujjatlar talab qilish va ularga nisbatan noqonuniy harakatlar qilish, shu jumladan mehnat resurslari va homiylikka majburan jalb qilish ustidan elektron shikoyatlar berish. Shikoyatlarning oʻz vaqtida koʻrib chiqilishi ustidan markazlashgan monitoring va nazorat olib borish.	Interaktiv xizmatni joriy etish va axborot tizimini yaratish	2014-yil II chorak	Aloqa, axborotlashtirish va telekommunikatsiya texnologiyalari davlat qoʻmitasi, Adliya vazirligi, Davlat raqobat qoʻmitasi,SSP, vazirlik va idoralar
3.	Buyurtmachilarni mobil telefon raqami orqali identifikatsiya qilgan holda tadbirkorlik subyektlarini davlat roʻyxatidan oʻtkazish imkonini yaratish.	Interaktiv xizmatni modernizatsiya qilish	2014-yil III chorak	Aloqa, axborotlashtirish va telekommunikatsiya texnologiyalari davlat qoʻmitasi, SSP
4.	Tadbirkorlik subyektlarini suv taʼminoti tarmogʻi, kanalizatsiya, elektr, gaz taʼminoti tarmoqlariga ulash boʻyicha elektron ariza berish. Arizalarning oʻz vaqtida koʻrib chiqilishi ustidan markazlashgan monitoring va nazorat olib borish.	Interaktiv xizmatni joriy etish va axborot tizimini yaratish	2014-yil III chorak	Qoraqalpogʻiston Respublikasi Vazirlar Kengashi, viloyatlar va tumanlar (shaharlar) hokimliklari, Aloqa, axborotlashtirish va telekommunikatsiya texnologiyalari davlat qoʻmitasining hududiy foydalanish tashkilotlari
5.	Tadbirkorlik subyektining uy-joy kommunal xizmatlarni koʻrsatishdagi muammolar boʻyicha elektron shikoyatlar berishi. Shikoyatlarni oʻz vaqtida koʻrib chiqish ustidan markazlashgan monitoring va nazorat olib borish.	Interaktiv xizmatni joriy etish va axborot tizimini yaratish	2014-yil II chorak	Davlat raqobat qoʻmitasi, Aloqa, axborotlashtirish va telekommunikatsiya texnologiyalari davlat qoʻmitasi, Adliya vazirligi, Qoraqalpogʻiston Respublikasi Vazirlar Kengashi, viloyatlar va tumanlar (shaharlar) hokimliklari, Aloqa, axborotlashtirish va telekommunikatsiya texnologiyalari davlat qoʻmitasining hududiy foydalanish tashkilotlari
6.	Tadbirkorlik subyektlarining ehtiyojlari uchun mahalliy avtotransport vositalarini xarid qilish uchun elektron ariza berish. Arizalarni qabul qilish va koʻrib chiqish ustidan markazlashgan monitoring va nazorat olib borish.	Interaktiv xizmatni joriy etish	2014-yil III chorak	“Oʻzavtosanoat” AK, Aloqa, axborotlashtirish va telekommunikatsiya texnologiyalari davlat qoʻmitasi
7.	Tadbirkorlik subyektlarining qayta tashkil etilishi, tugatilishi va boshqa jiddiy tashkiliy oʻzgarishlar toʻgʻrisidagi maʼlumotlarni eʼlon qilish imkoniyatini yaratish.	Interaktiv xizmatni joriy etish	2014-yil III chorak	Aloqa, axborotlashtirish va telekommunikatsiya texnologiyalari davlat qoʻmitasi
8.	Elektron boʻlmagan koʻrinishda koʻrsatilayotgan davlat, tarmoq va bank xizmatlari sifatini baholash imkoniyatini yaratish.	Interaktiv xizmatni joriy etish	2014-yil III chorak	Aloqa, axborotlashtirish va telekommunikatsiya texnologiyalari davlat qoʻmitasi, SSP
9.	Koʻchmas mulkka boʻlgan huquqni davlat roʻyxatidan oʻtkazish uchun arizalarni rasmiylashtirish. Arizalarni oʻz vaqtida koʻrib chiqish va davlat roʻyxatidan oʻtkazish ustidan markazlashgan monitoring va nazorat olib borish.	Interaktiv xizmatni joriy etish va axborot tizimini yaratish	2014-yil II chorak	“Davergeodezkadastr” qoʻmitasi, Davarxitektqurilish, Davlat soliq qoʻmitasi, Aloqa, axborotlashtirish va telekommunikatsiya texnologiyalari davlat qoʻmitasi, Adliya vazirligi, mahalliy davlat hokimiyati organlari
10.	Yer uchastkalarini tanlash boʻyicha materiallarni vakolatli tashkilotlar bilan kelishish, shuningdek, ruxsat etuvchi hujjatlarning berilishini rasmiylashtirish uchun elektron arizalar berish. Yer uchastkalarini tanlash boʻyicha materiallarni vakolatli tashkilotlar bilan kelishish, shuningdek, qurilish sohasida ruxsatnomalar berish tartibotlarini amalga oshirishda axborot tizimini joriy etish.	Interaktiv xizmatni joriy etish va axborot tizimini yaratish	2014-yil IV chorak	Davarxitektqurilish, Davergeodezkadastr qoʻmitasi, Aloqa, axborotlashtirish va telekommunikatsiya texnologiyalari davlat qoʻmitasi, IIV, Sogʻliqni saqlash vazirligi, Tabiatni muhofaza qilish davlat qoʻmitasi, mahalliy davlat hokimiyati organlari
11.	Respublikada ishlab chiqariladigan va chetdan keltiriladigan mahsulotlarni Oʻzbekiston Respublikasi sertifikatlashtirish Milliy tizimida sertifikatlashdan oʻtkazishga elektron ariza berish. Arizalarni qabul qilish va koʻrib chiqish ustidan markazlashgan monitoring va nazorat olib borish.	Interaktiv xizmatni joriy etish va axborot tizimini yaratish	2015-yil IV chorak	“Oʻzstandart” agentligi, Axborot texnologiyalari va kommunikatsiyalarini rivojlantirish vazirligi, sertifikatlash organlari
12.	Turli manbalarga hamda oʻzi yopishtiriladigan yozuv va yorliqlardagi shtrix kodlarning original-maketlarini tayyorlash uchun elektron ariza berish. Arizalarni qabul qilish va koʻrib chiqish ustidan markazlashgan monitoring va nazorat olib borish.	Interaktiv xizmatni joriy etish	2014-yil III chorak	“Oʻzstandart” agentligi, SSP, Aloqa, axborotlashtirish va telekommunikatsiya texnologiyalari davlat qoʻmitasi
13.	Oʻlchov vositalarini davlat qiyoslovidan oʻtkazish uchun elektron ariza berish. Arizalarni qabul qilish va koʻrib chiqish ustidan markazlashgan monitoring va nazorat olib borish.	Interaktiv xizmatni joriy etish va axborot tizimini yaratish	2014-yil II chorak	“Oʻzstandart” agentligi, Aloqa, axborotlashtirish va telekommunikatsiya texnologiyalari davlat qoʻmitasi
14.	Normativ hujjatlarni ekspertiza qilish va davlat roʻyxatidan oʻtkazishga elektron ariza berish. Arizalarni qabul qilish va koʻrib chiqish ustidan markazlashgan monitoring va nazorat olib borish	Interaktiv xizmatni joriy etish va axborot tizimini yaratish	2014–2015 yy.	“Oʻzstandart” agentligi, Axborot texnologiyalari va kommunikatsiyalarini rivojlantirish vazirligi
15.	Keyinchalik Oʻzbekiston Respublikasi Oʻlchash vositalari davlat reyestrida roʻyxatdan oʻtkazgan holda standart namunalarini attestatsiyadan oʻtkazish uchun elektron ariza berish. Arizalarni qabul qilish va koʻrib chiqish ustidan markazlashgan monitoring va nazorat olib borish.	Interaktiv xizmatni joriy etish va axborot tizimini yaratish	2015-yil IV chorak	“Oʻzstandart” agentligi, Axborot texnologiyalari va kommunikatsiyalarini rivojlantirish vazirligi
16.	Keyinchalik Oʻzbekiston Respublikasi Oʻlchovlarni bajarish metodikasi davlat reyestrida roʻyxatdan oʻtkazgan holda oʻlchovlarni bajarish metodikasini attestatsiyadan oʻtkazish uchun elektron ariza berish. Arizalarni qabul qilish va koʻrib chiqish ustidan markazlashgan monitoring va nazorat olib borish.	Interaktiv xizmatni joriy etish va axborot tizimini yaratish	2015-yil IV chorak	“Oʻzstandart” agentligi, Axborot texnologiyalari va kommunikatsiyalarini rivojlantirish vazirligi
17.	Mahsulot va xizmatlarni sertifikatsiyalash sohasida yuridik shaxslarni akkreditatsiyadan oʻtkazishga elektron ariza berish.	Interaktiv xizmatni joriy etish	2014-yil III chorak	“Oʻzstandart” agentligi, Aloqa, axborotlashtirish va telekommunikatsiya texnologiyalari davlat qoʻmitasi
18.	Sifatni boshqarish tizimini sertifikatsiyalash sohasida yuridik shaxslarni akkreditatsiyadan oʻtkazishga elektron ariza berish.	Interaktiv xizmatni joriy etish	2014-yil III chorak	“Oʻzstandart” agentligi, Aloqa, axborotlashtirish va telekommunikatsiya texnologiyalari davlat qoʻmitasi
19.	Tibbiy faoliyat olib borish uchun litsenziya olishga elektron ariza berish.	Interaktiv xizmatni joriy etish va axborot tizimini yaratish	2014-yil IV chorak	Sogʻliqni saqlash vazirligi, Aloqa, axborotlashtirish va telekommunikatsiya texnologiyalari davlat qoʻmitasi
20.	Tovarlarni vaqtincha olib kirish (olib chiqish) uchun ruxsatnoma olishga elektron ariza berish.	Interaktiv xizmatni joriy etish va axborot tizimini yaratish	2014-yil IV chorak	Davlat bojxona qoʻmitasi, Aloqa, axborotlashtirish va telekommunikatsiya texnologiyalari davlat qoʻmitasi
21.	Tovarlarni reeksport bojxona rejimiga joylashtirishga ruxsatnoma olish uchun elektron ariza berish	Interaktiv xizmatni joriy etish va axborot tizimini yaratish	2014-yil IV chorak	Davlat bojxona qoʻmitasi, Aloqa, axborotlashtirish va telekommunikatsiya texnologiyalari davlat qoʻmitasi
22.	Quvvati 10 kVt dan yuqori boʻlgan isteʼmol obyektlarining elektr taʼminoti loyihalarini kelishish uchun elektron ariza berish	Interaktiv xizmatni joriy etish va axborot tizimini yaratish	2015-yil IV chorak	Axborot texnologiyalari va kommunikatsiyalarini rivojlantirish vazirligi, “Oʻzdavenergonazorat” DI, “Oʻzbekenergo” DAK
23.	Isteʼmolchilarning yangi yoki rekonstruksiya qilingan elektr uskunalarini ishga tushirishga ruxsatnoma olish uchun elektron ariza berish	Interaktiv xizmatni joriy etish va axborot tizimini yaratish	2015-yil IV chorak	Axborot texnologiyalari va kommunikatsiyalarini rivojlantirish vazirligi, “Oʻzdavenergonazorat” DI, “Oʻzbekenergo” DAK

LexUZ sharhi

6-ilova norasmiy tarjima

(Oʻzbekiston Respublikasi qonun hujjatlari toʻplami, 2014-y., 16-son, 178-modda; 2017-y., 2-son, 25-modda; 2017-y., 2-son, 25-modda, 13-son, 202-modda; Qonun hujjatlari maʼlumotlari milliy bazasi, 20.06.2018-y., 06/18/5459/1374-son, 01.08.2018-y., 06/18/5497/1604-son, 11.09.2018-y., 07/18/3936/1863-son, 09.11.2019-y., 06/19/5870/4010-son; Qonunchilik maʼlumotlari milliy bazasi, 30.04.2021-y., 06/21/6218/0398-son; 07.07.2023-y., 06/23/108/0460-son; 11.04.2025-y., 06/25/65/0331-son)