Oʻzbekiston Respublikasi Prezidentining

Qarori

Mobil aloqa milliy operatori faoliyatini tashkil etish chora-tadbirlari toʻgʻrisida

Uyali aloqa bozorida milliy kompaniyalarning keng ishtiroki uchun zarur sharoitlarni yaratish hamda mamlakatning koʻchma uyali aloqa tarmoqlarini yanada rivojlantirish, shuningdek axborot xavfsizligini taʼminlash maqsadida:

1. Oʻzbekiston Respublikasi aloqa, axborot va telekommunikatsiya texnologiyalari davlat qoʻmitasi, Iqtisodiyot vazirligi, Moliya vazirligining “Oʻzbektelekom” aksiyadorlik kompaniyasining “Oʻzmobayl” filiali negizida mobil aloqa milliy operatorini tashkil etish toʻgʻrisidagi taklifi maʼqullansin.

2. Quyidagilar, mobil aloqa milliy operatorining asosiy vazifalari va yoʻnalishlari etib belgilansin:

koʻchma radiotelefon (uyali) aloqa tarmoqlari, shaharlararo va xalqaro tarmoqlar hamda maʼlumotlar uzatish tarmoqlarini loyihalash, qurish, foydalanish va telekommunikatsiya xizmatlarini koʻrsatish, shu jumladan uzoq tumanlarda;

respublikaning barcha hududlarida yuqori tezlikda maʼlumotlarni uzatishning eng zamonaviy texnologiyalarini joriy etish, jumladan shu orqali butun jahon Internet axborot tizimiga ulanish, mobil televideniye, elektron toʻlovlar va kommersiya xizmatlarini koʻrsatish;

axborot xavfsizligi talablarini hisobga olgan holda koʻchma radiotelefon (uyali) aloqa tarmoqlarining ishonchli va barqaror faoliyat yuritishini taʼminlash.

3. “Oʻzbektelekom” aksiyadorlik kompaniyasining “Oʻzmobayl” mobil aloqa milliy operatori tarmogʻini tashkil etish boʻyicha chora-tadbirlarni amalga oshirish jadvali 1-ilovaga muvofiq tasdiqlansin.

4. “Oʻzbektelekom” aksiyadorlik kompaniyasining “Oʻzmobayl” mobil aloqa milliy operatori tarmogʻini tashkil etish va foydalanishga topshirish ishlarini muvofiqlashtirish boʻyicha ishchi guruhi 2-ilovaga muvofiq tarkibda tashkil etilsin, unga loyiha va qurilish-montaj ishlarini bajarish, maqbul texnologiya va uskunalarni tanlab olish ishlarini tashkillashtirish, uskunalarni yetkazib berish va obyektlarni oʻz vaqtida foydalanishga topshirish boʻyicha monitoringni amalga oshirish vazifalari yuklatilsin.

5. “Oʻzbektelekom” aksiyadorlik kompaniyasining “Oʻzmobayl” mobil aloqa milliy operatori tarmogʻini tashkil etish boʻyicha loyihani moliyalash manbalari etib quyidagilar belgilansin:

baza stansiyalari, telekommunikatsiya uskunalari va dastur taʼminotini xarid qilish uchun xarajatlar qismiga oid - xorijiy banklar va moliya institutlarining jalb etiladigan uzoq muddatli imtiyozli kreditlari, shuningdek uskunalarni yetkazib beruvchilarning tovar kreditlari;

qurilish-montaj va ishga tushirish, sozlash ishlari uchun amalga oshiriladigan xarajatlar qismiga oid — Oʻzbekiston Respublikasi tijorat banklarining milliy valyutadagi kreditlari hamda “Oʻzbektelekom” aksiyadorlik kompaniyasining oʻz mablagʻlari.

6. Quyidagilarga istisno tariqasida ruxsat berilsin:

Oldingi tahrirga qarang.

Oʻzbekiston Respublikasi Axborot texnologiyalari va kommunikatsiyalarini rivojlantirish vazirligi Tashqi iqtisodiy aloqalar, investitsiyalar va savdo vazirligi bilan birgalikda Tashqi iqtisodiy aloqalar, investitsiyalar va savdo vazirligida shartnomalarni ekspertiza qilishni olib borgan holda telekommunikatsiya uskunalarini yetkazib berishga yetakchi jahon ishlab chiqaruvchilarini konkurs asosida tanlab olishni amalga oshirishga:

(3-bandning ikkinchi xatboshisi Oʻzbekiston Respublikasi Prezidentining 2016-yil 31-dekabrdagi PF-4910-sonli Farmoni tahririda — Oʻzbekiston Respublikasi qonun hujjatlari toʻplami, 2017-y., 2-son, 25-modda, 13-son, 202-modda)

“Oʻzbektelekom” aksiyadorlik kompaniyasining “Oʻzmobayl” mobil aloqa milliy operatori tomonidan loyiha va pudratchi tashkilotlarni tender savdolarini oʻtkazmasdan konkurs orqali tanlash asosida qurilish- montaj ishlarini loyihalash bilan parallel ravishda amalga oshirishga;

“Oʻzbektelekom” aksiyadorlik kompaniyasining “Oʻzmobayl” mobil aloqa milliy operatori tomonidan tarmoqni yaratish davrida radioelektron vositalar va yuqori chastotali moslamalardan foydalanishga ruxsatnomalar olish hamda uskunalarni foydalanishga topshirishni qabul qilish dalolatnomalarini rasmiylashtirish bilan parallel ravishda koʻchma uyali aloqa xizmatlarini koʻrsatishga.

7. Oʻzbekiston Respublikasi Tashqi iqtisodiy aloqalar, investitsiyalar va savdo vazirligi, Aloqa, axborotlashtirish va telekommunikatsiya texnologiyalari davlat qoʻmitasi, Moliya vazirligi 2014-yilning 1-mayiga qadar “Oʻzbektelekom” AK “Oʻzmobayl” mobil aloqa milliy operatori tarmogʻini tashkil etish uchun uzoq muddatli imtiyozli kreditlarni jalb etish boʻyicha xorijiy moliya institutlari bilan bitimga erishishni taʼminlasin.

Oldingi tahrirga qarang.

8. Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari Oʻzbekiston Respublikasi Axborot texnologiyalari va kommunikatsiyalarini rivojlantirish vazirligining talabnomasiga asosan zarur hollarda “Oʻzbektelekom” aksiyadorlik kompaniyasining “Oʻzmobayl” mobil aloqa milliy operatoriga antenna machtalari va texnologik uskunalarni montaj qilish uchun binolar qurish maqsadida doimiy foydalanish huquqi bilan yer uchastkalari oʻz vaqtida ajratilishini taʼminlasin.

(8-band Oʻzbekiston Respublikasi Prezidentining 2016-yil 31-dekabrdagi PF-4910-sonli Farmoni tahririda — Oʻzbekiston Respublikasi qonun hujjatlari toʻplami, 2017-y., 2-son, 25-modda, 13-son, 202-modda)

9. “Oʻzbektelekom” aksiyadorlik kompaniyasi Oʻzbekiston Respublikasi Vazirlar Mahkamasi tomonidan tasdiqlanadigan roʻyxatlar asosida “Oʻzbektelekom” aksiyadorlik kompaniyasining “Oʻzmobayl” mobil aloqa milliy operatorining ehtiyojlari uchun olib kiriladigan texnologik uskunalari boʻyicha 2018-yilning 1-yanvariga qadar boj toʻlovlari toʻlashdan (bojxona yigʻimlaridan tashqari) ozod etilsin.

10. Oʻzbekiston Respublikasi Vazirlar Mahkamasi (Sh.M. Mirziyoyev) Aloqa, axborotlashtirish va telekommunikatsiya texnologiyalari davlat qoʻmitasi, Radiochastotalar boʻyicha respublika kengashi bilan birgalikda “Oʻzmobayl” mobil aloqa milliy operatorini koʻchma radiotelefon (uyali) aloqa tarmoqlarini loyihalash, qurish, ulardan foydalanish va xizmat koʻrsatish boʻyicha faoliyatni amalga oshirish huquqini beradigan litsenziya olish uchun davlat boji toʻlashdan, shuningdek radiochastota spektridan foydalanish toʻlovini toʻlashdan, bunda boʻshagan mablagʻlarni tarmoqni rivojlantirishga maqsadli yoʻnaltirilish sharti bilan, 5 yil muddatga ozod qilishni nazarda tutadigan qarorni koʻrib chiqib, qabul qilsin.

11. Oʻzbekiston Respublikasi Aloqa, axborotlashtirish va telekommunikatsiya texnologiyalari davlat qoʻmitasi Adliya vazirligi va boshqa manfaatdor vazirlik va idoralar bilan birgalikda bir oy muddatda:

qonun hujjatlariga ushbu qarordan kelib chiqadigan oʻzgartish va qoʻshimchalar toʻgʻrisida Oʻzbekiston Respublikasi Vazirlar Mahkamasiga takliflar kiritsin;

idoraviy meʼyoriy-huquqiy hujjatlarni belgilangan tartibda ushbu qarorga muvofiqlashtirsin.

12. Mazkur qarorning ijrosini nazorat qilish Oʻzbekiston Respublikasining Bosh vaziri Sh.M. Mirziyoyev zimmasiga yuklansin.

Oʻzbekiston Respublikasi Prezidenti I. KARIMOV

Toshkent sh.,

2014-yil 12-fevral,

PQ-2126-son

Oʻzbekiston Respublikasi Prezidentining 2014-yil 12-fevraldagi PQ-2126-son qaroriga
1-ILOVA

“Oʻzbektelekom” aksiyadorlik kompaniyasining “Oʻzmobayl” mobil aloqa milliy operatori tarmogʻini tashkil etish boʻyicha chora-tadbirlarni amalga oshirish

JADVALI

T/r	Chora-tadbirlar	Amalga oshirish shakli	Ijro muddatlari	Masʼul ijrochilar
I. Mobil aloqa milliy operatori faoliyatini tashkil etish
1.	“Oʻzmobayl” mobil aloqa milliy operatori tarmogʻini axborot-kommunikatsiya texnologiyalari hamda simsiz aloqa tizimlarini boshqarish va ular bilan ishlash koʻnikmalariga ega boʻlgan yuqori malakali xodimlar bilan butlash	Kompleks chora-tadbirlar	2014 — 2017-yillar	Axborot texnologiyalari va kommunikatsiyalarini rivojlantirish vazirligi, “Oʻzbektelekom” AK
2.	Antenna minoralarini qurish uchun doimiy foydalanish huquqida yer uchastkalarini, texnologik uskunalarini montaj qilish uchun binolar taqdim etish	Mahalliy davlat hokimiyati organlari qarorlari	2014 — 2017-yillar davomida jadval boʻyicha	Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari
3.	“Oʻzmobayl” mobil aloqa milliy operatori tarmogʻini yaratish uchun zarur boʻlgan radiochastota polosalarini ajratish	Radiochastotalar boʻyicha respublika kengashi qarorlari	buyurtmanomaga muvofiq	Axborot texnologiyalari va kommunikatsiyalarini rivojlantirish vazirligi, “Oʻzbektelekom” AK
II. Mobil aloqa milliy operatorini yaratish boʻyicha loyihalarni amalga oshirish
4.	“Oʻzmobayl” mobil aloqa milliy operatori tarmogʻini yaratish boʻyicha loyihaning texnik topshirigʻini ishlab chiqish	Loyihaning texnik topshirigʻini tasdiqlash	2014-yil yanvar-fevral	Aloqa, axborot va telekommunikatsiya texnologiyalari davlat qoʻmitasi, “Oʻzbektelekom” AK, Davarxitektqurilish, Iqtisodiyot vazirligi
5.	Telekommunikatsiya uskunalarini yetkazib beruvchilar bilan muzokaralar olib borish	Memorandumlar tuzish, texnik-tijorat takliflarini olish	2014-yil fevral-mart	Aloqa, axborot va telekommunikatsiya texnologiyalari davlat qoʻmitasi, “Oʻzbektelekom” AK
6.	Loyihani amalga oshirish uchun imtiyozli xorijiy kreditlarni jalb qilish boʻyicha chet el moliya institutlari bilan muzokaralar oʻtkazish	Hukumat qarori loyihasi, qarz bitimlari loyihalari	2014-yil mart	TIASV, Aloqa, axborot va telekommunikatsiya texnologiyalari davlat qoʻmitasi, Moliya vazirligi, Oʻzmilliybank
7.	Texnologik uskunalarni yetkazib berish boʻyicha eng yaxshi takliflarni tanlab olish asosida jahonning yetakchi ishlab chiqaruvchilari bilan shartnomalar tuzish	Telekommunikatsiya uskunalarini yetkazib berish boʻyicha shartnomalar	jadval boʻyicha	Aloqa, axborot va telekommunikatsiya texnologiyalari davlat qoʻmitasi, TIASV, “Oʻzbektelekom” AK
8.	“Oʻzmobayl” mobil aloqa milliy operator tarmogʻini yaratish boʻyicha TIA loyihasini ishlab chiqish, vakolatli organlardan ekspertizadan oʻtkazish va Vazirlar Mahkamasiga kiritish	Hukumat qarori loyihasi	2014-yil aprel	Aloqa, axborot va telekommunikatsiya texnologiyalari davlat qoʻmitasi, vakolatli organlar
III. Mobil aloqa milliy operatorini yaratish bosqichlari
9.	Mobil aloqa tarmogʻi bilan Toshkent shahrini qamrab olish, buning uchun quyidagilarni oʻrnatish:		2014-yil	Aloqa, axborot va telekommunikatsiya texnologiyalari davlat qoʻmitasi, “Oʻzbektelekom” AK
	bazaviy stansiyalar (dona);	1 020
	bazaviy stansiyalar kontrollyorlari (dona);	1
	radiorele uskunalari (komplekt);	500
	kommutatsiya stansiyasi va billing tizimi (mln ta nomerlar);	2,0
	quyosh fotoelektr avtonom tizimlari (dona)	5
10.	Mobil aloqa tarmogʻi bilan respublikaning viloyat markazlarini qamrab olish, bunda quyidagilarni oʻrnatish:		2015-y.	Aloqa, axborot va telekommunikatsiya texnologiyalari davlat qoʻmitasi, “Oʻzbektelekom” AK
	bazaviy stansiyalar (dona)	1 994
	bazaviy stansiyalar kontrollyorlari (dona)	11
	radiorele uskunalari (komplekt)	2 000
	kommutatsiya stansiyasi va billing tizimi (mln ta nomerlar)	8,0
	avtonom quyosh fotoelektr tizimlari (dona)	25
11.	Mobil aloqa tarmogʻi bilan respublikaning qolgan aholi punktlarini qamrab olish, buning uchun quyidagilarni oʻrnatish:		2017-y.	Axborot texnologiyalari va kommunikatsiyalarini rivojlantirish vazirligi, “Oʻzbektelekom” AK
	bazaviy stansiyalar (dona)	3 986
	radiorele uskunalari (komplekt)	4 000
	avtonom quyoshli fotoelektr tizimlari (dona)	70

LexUZ sharhi

1-ilova norasmiy tarjima

Oʻzbekiston Respublikasi Prezidentining 2014-yil 12-fevraldagi PQ-2126-son qaroriga
2-ILOVA

“Oʻzbektelekom” aksiyadorlik kompaniyasining “Oʻzmobayl” mobil aloqa milliy operatori tarmogʻini tashkil etish va foydalanishga topshirish ishlarini muvofiqlashtirish boʻyicha ishchi guruhi

TARKIBI

X.M. Mirzoxidov	—	axborot texnologiyalari va kommunikatsiyalarini rivojlantirish vaziri, ishchi guruh rahbari
Sh.A. Toʻlaganov	—	tashqi iqtisodiy aloqalar, investitsiyalar va savdo vaziri oʻrinbosari
J.T. Mirzamaxmudov	—	iqtisodiyot vaziri oʻrinbosari
M.R. Abdullayev	—	moliya vaziri oʻrinbosari
M.I. Shodiyev	—	Oʻzbekiston Respublikasi Davlat arxitektura va qurilish qoʻmitasi raisi oʻrinbosari
U.B. Aʼlamov	—	axborot texnologiyalari va kommunikatsiyalarini rivojlantirish vaziri oʻrinbosari
M.M. Sangilov	—	axborot texnologiyalari va kommunikatsiyalarini rivojlantirish vaziri oʻrinbosari
A.I. Axmedxoʻjayev	—	Oʻzmilliybank boshqaruvi raisi oʻrinbosari
A.A. Abdumoʻminov	—	“Oʻzbektelekom” AK bosh direktori
K.N. Irisbekova	—	“Aloqabank” ATB boshqaruvi raisi
J.T. Maxsudov	—	“Oʻzbektelekom” AK bosh direktori oʻrinbosari
A.T. Gayupov	—	“Aloqaloyiha” DUK direktori
T.M. Bikmetov	—	“OʻzAloqaKonsalting” MCHJ direktori
K.A. Yuldashev	—	Vazirlar Mahkamasining Axborot tizimlari va telekommunikatsiyalar masalalari boʻyicha ATD shuʼbasi mudiri, ishchi guruh kotibi

Izoh. Ishchi guruh tarkibiga Qoraqalpogʻiston Respublikasi Vazirlar Kengashi Raisi, viloyatlar va Toshkent shahar hokimlarining oʻrinbosarlari lavozimi boʻyicha kiradi.

Ishchi guruh aʼzolari boshqa ishga oʻtgan taqdirda, uning tarkibiga ushbu lavozimlarga yangidan tayinlangan yoki zimmasiga tegishli funksiyalarni bajarish yuklatilgan shaxslar kiritiladi.

LexUZ sharhi

2-ilova norasmiy tarjima

(Oʻzbekiston Respublikasi qonun hujjatlari toʻplami, 2014-y., 7-son, 73-modda; 2017-y.,2-son,25-modda)