Oʻzbekiston Respublikasi “Davlat bojxona xizmati toʻgʻrisida”gi Qonunining (Oʻzbekiston Respublikasi Oliy Majlisining Axborotnomasi, 1997-y., 9-son, 230-modda) 6-moddasiga muvofiq Oʻzbekiston Respublikasi Davlat bojxona qoʻmitasi qaror qiladi:

1. Oʻzbekiston Respublikasi Davlat bojxona qoʻmitasining 2004-yil 20-yanvardagi 01-02/12-3-son qarori (roʻyxat raqami 1318, 2004-yil 27-fevral) (Oʻzbekiston Respublikasi qonun hujjatlari toʻplami, 2004-y., 8-son, 103-modda) bilan tasdiqlangan “Bojxona ombori” bojxona rejimi toʻgʻrisidagi nizomga ilovaga muvofiq oʻzgartirish va qoʻshimchalar kiritilsin.

2. Mazkur qaror rasmiy eʼlon qilingan kundan eʼtiboran kuchga kiradi.

1. 26¹-bandning beshinchi xatboshisi “asosan” degan soʻzdan keyin “yoʻq qilinganda yoki” degan soʻzlar bilan toʻldirilsin.

2. 1-ilovada:

ikkinchi xatboshi “8,” raqamidan keyin “12,” raqami bilan toʻldirilsin;

uchinchi xatboshi quyidagi tahrirda bayon etilsin:

“Bojxona organining mansabdor shaxsi tomonidan 7, 44 (boshqa hujjatlar va maʼlumotlar koʻrsatiladigan qismiga bojxona koʻrigi dalolatnomasi raqami va sanasi kiritiladi), D ustuni va bojxona yuk deklaratsiyasi qoʻshimcha varagʻining A ustuni toʻldiriladi.”;

oʻn toʻrtinchi xatboshi quyidagi tahrirda bayon etilsin:

“8 — bojxona rasmiylashtiruvi uchun zarur boʻlgan boshqa hujjat va maʼlumotlar (bojxona toʻlovlarini kechiktirib toʻlash, garov shartnomasi, bojxona qonunchiligini buzish bayonnomasi, bojxona koʻrigi dalolatnomasi, tovar bojxona ombori maqomiga ega boʻlmagan binolar va (yoki) ochiq maydonchalarga joylashtirilganda — bojxona toʻlovlari toʻlanishi taʼminlanganligini tasdiqlovchi hujjat nomi, raqami, sanasi hamda summasi va boshqalar).”.

3. 2-ilovadagi izoh quyidagi tahrirda bayon etilsin:

“*Izoh: Kitob oldindan tikilgan, varaqlari raqamlangan va bojxona organi xodimining imzosi va shaxsiy muhri bilan tasdiqlangan boʻlishi lozim.”.

4. 3-ilovada:

jadvaldagi “grafa” degan soʻzlar “ustun” degan soʻzlar bilan almashtirilsin;

“Tekshirdi: ___ -sonli bojxona posti inspektori” degan soʻzlar “Tekshirdi: __________ bojxona posti xodimi” degan soʻzlar bilan almashtirilsin.