|
Hujjat kuchini yo‘qotgan 22.02.2021
|
Oʻzbekiston Respublikasi Vazirlar Mahkamasining
qarori
1995-1996-yillarda Olmaliq kon-metallurgiya kombinati ishini barqarorlashtirish, texnika bilan qayta jihozlash va rekonstruksiyalash chora-tadbirlari toʻgʻrisida
LexUZ sharhiMazkur qaror Oʻzbekiston Respublikasi Vazirlar Mahkamasining 2021-yil 22-fevraldagi 87-sonli “Oʻzbekiston Respublikasi Hukumatining oʻz ahamiyatini yoʻqotgan ayrim qarorlarini oʻz kuchini yoʻqotgan deb hisoblash toʻgʻrisida (Oʻzbekiston Respublikasi Prezidentining “Oʻz ahamiyatini yoʻqotgan qonunchilik hujjatlarini qayta koʻrib chiqish tizimini joriy etish orqali mamlakatda ishbilarmonlik muhitini yaxshilash chora-tadbirlari toʻgʻrisida” 2020-yil 27-sentabrdagi PF-6075-son Farmoni)”gi qaroriga asosan oʻz kuchini yoʻqotgan.
Olmaliq kon-metallurgiya kombinati ishini barqarorlashtirish, obyektlarini texnika bilan qayta jihozlash va rekonstruksiyalash, mahsulotlarning yangi turlarini ishlab chiqarish, ekologik vaziyatni yaxshilash maqsadida Vazirlar Mahkamasi qaror qiladi:
1. 1995-1996-yillarda Olmaliq kon-metallurgiya kombinatini texnika bilan qayta jihozlash, rekonstruksiyalash va ishlab chiqarish quvvatlarini ishga tushirish, uy-joy va madaniy-maishiy maqsadlardagi obyektlar qurilishi boʻyicha tadbirlar 1-ilovaga* muvofiq maʼqullansin.
“Oʻzsanoatxoʻjalikqurilish” davlat korporatsiyasi, “Oʻzmontajmaxsusqurilish”, “Oʻzolmosoltin” uyushmalari va Olmalik kon-metallurgiya kombinati shartnoma asosida koʻrsatib oʻtilgan obyektlarda qurilish-montaj ishlari bajarilishini taʼminlasinlar.
2. Oʻzbekiston Respublikasi Moliya vazirligi Olmalik kon-metallurgiya kombinatiga:
2-ilovaga* muvofiq materiallar va asbob-uskunalar sotib olish uchun Respublika valyuta fondidan 1995-yil iyun oyida shu yilning oxirigacha qaytarish sharti bilan 20 mln AQSh dollari va 1996-yil yanvar oyida 1996-yil dekabr oyida qaytarish sharti bilan 20,3 mln AQSh dollari miqdorida kredit;
1-2-ilovalar rus tilidagi matnda berilgan.
bir yil muddatda qaytarish sharti bilan oborot mablagʻlarini toʻldirish uchun 400 mln soʻm ajratsin.
3. Olmaliq kon-metallurgiya kombinati har chorakda ushbu qarorning bajarilishi toʻgʻrisida Vazirlar Mahkamasiga axborot bersin.
4. Mazkur qarorning bajarilishini nazorat qilish Bosh vazirning oʻrinbosarlari Y. Paygin va B. Hamidov zimmasiga yuklansin.
Vazirlar Mahkamasining Raisi I. KARIMOV
Toshkent sh.,
1995-yil 1-iyun,
201-son
