toggle_night_mode
Hujjat kuchini yo‘qotgan 22.02.2021
Oʻzbekiston Respublikasi Vazirlar Mahkamasining
qarori
1996-yilda boshoqli ekinlar doni yetishtirish va xarid qilish hajmlari toʻgʻrisida
 LexUZ sharhi
Mazkur qaror Oʻzbekistan Respublikasi Vazirlar Mahkamasining 2021-yil 22-fevraldagi 87-sonli “Oʻzbekiston Respublikasi Hukumatining oʻz ahamiyatini yoʻqotgan ayrim qarorlarini oʻz kuchini yoʻqotgan deb hisoblash toʻgʻrisida (Oʻzbekiston Respublikasi Prezidentining “Oʻz ahamiyatini yoʻqotgan qonunchilik hujjatlarini qayta koʻrib chiqish tizimini joriy etish orqali mamlakatda ishbilarmonlik muhitini yaxshilash chora-tadbirlari toʻgʻrisida” 2020-yil 27-sentabrdagi PF-6075-son Farmoni)”gi qaroriga asosan oʻz kuchini yoʻqotgan.
Vazirlar Mahkamasi qaror qiladi:
1. “Oʻzistiqbolstat” davlat qoʻmitasi, Oʻzbekiston Respublikasi Qishloq xoʻjaligi vazirligi va Qishloq xoʻjaligi fanlar akademiyasining 1996-yilda ilovaga muvofiq hajmlarda boshoqli ekinlar doni yetishtirish boʻyicha takliflari qabul qilinsin.
1996-yilda don xarid qilish hajmlari uni yetishtirish hajmlarining 50 foiz darajasida tasdiqlansin.
Belgilab qoʻyilsinki:
amalda yigʻib olinadigan yalpi don hajmlaridan qatʼi nazar, don xarid qilish boʻyicha topshiriqlarning xoʻjaliklar tomonidan bajarilishi majburiydir;
donning urugʻlik gʻamlangandan keyin qolgan qismi xoʻjaliklar tomonidan erkin narxlar boʻyicha sotiladi.
2. Boshoqli ekinlar doni uchun xarid narxlari oʻrtacha jahon narxlarining 60 foizidan kelib chiqqan holda belgilansin.
Oʻzbekiston Respublikasi Moliya vazirligi Qishloq xoʻjaligi vazirligi, “Oʻzdonmahsulot” davlat korporatsiyasi va Tashqi iqtisodiy aloqalar vazirligi bilan birgalikda 1996-yil 1-maygacha jahon bozori konyukturasini hisobga olgan holda donning xarid narxlari boʻyicha takliflar kiritsin.
3. “Oʻzdonmahsulot” davlat korporatsiyasi Oʻzbekiston Respublikasi Qishloq xoʻjaligi vazirligi, Qoraqalpogʻiston Respublikasi Vazirlar Kengashi, viloyatlar va tumanlar hokimliklari bilan birgalikda 1996-yil 10-fevralgacha don xarid qilish yuzasidan xoʻjaliklar bilan shartnomalar tuzishni taʼminlasin. Xoʻjaliklarga xarid narxlarining kamida 40 foizi miqdorida avans toʻlasin.
Oʻzbekiston Respublikasi Moliya vazirligi Markaziy bank va “Gʻalla-bank” bilan birgalikda xarid qilinadigan don uchun avans berish uchun zarur boʻlgan pul resurslarini qidirib topsin.
4. Qoraqalpogʻiston Respublikasi Vazirlar Kengashi va viloyatlar hokimliklari, Qishloq xoʻjaligi vazirligi, “Oʻzqishloqxoʻjaliktaʼminottuzatish” davlat-kooperativ qoʻmitasi va Oʻzbekiston Qishloq xoʻjaligi akademiyasi moʻljallangan hajmlarda boshoqli ekinlar doni yetishtirish uchun xoʻjaliklarni moddiy-texnika resurslari bilan taʼminlash boʻyicha zarur chora-tadbirlar koʻrsinlar.
5. Mazkur qarorning bajarilishini nazorat qilish Bosh vazirining birinchi oʻrinbosari I.H. Joʻrabekov zimmasiga yuklansin.
Vazirlar Mahkamasining Raisi I. KARIMOV
Toshkent sh.,
1996-yil 25-yanvar,
37-son
Vazirlar Mahkamasining 1996-yil 25-yanvardagi 37-son qaroriga
ILOVA
1996-yil hosilidan boshoqli ekinlar doni yetishtirish va xarid qilish
hajmlari

ming tonna

Don yetishtirish Qishloq xoʻjaligi
‎korxonalarida
‎davlat xaridi

barcha
‎toifadagi
‎xoʻjaliklarda

 shu jumladan jami shu
‎jumladan
‎bugʻdoy
qishloq xoʻjaligi
‎korxonalarida		 aholi
‎xoʻjalik‎larida
jami ulardan
‎bugʻdoy
Qoraqalpogʻiston Respublikasi‎ 171‎ 161‎ 161‎ 10‎ 80,5‎ 80.5‎
viloyatlar:‎ ‎ ‎ ‎ ‎ ‎ ‎
Andijon‎ 375‎ 355‎ 354‎ 20‎ 177,5‎ 177‎
Buxoro‎ 202‎ 172‎ 145‎ 30‎ 86‎ 72,5‎
Jizzax‎ 525‎ 496‎ 374‎ 29‎ 248‎ 187‎
Qashqadaryo‎ 783‎ 741‎ 574‎ 42‎ 370,5‎ 287‎
Navoiy‎ 139‎ 131‎ 120‎ 8‎ 65,5‎ 60‎
Namangan‎ 364‎ 338‎ 310‎ 26‎ 169‎ 155‎
Samarqand‎ 535‎ 498‎ 429‎ 37‎ 249‎ 214,5‎
Surxondaryo‎ 391‎ 366‎ 321‎ 25‎ 183‎ 160,5‎
Sirdaryo‎ 322‎ 312‎ 287‎ 10‎ 156‎ 143,5‎
Toshkent‎ 440‎ 428‎ 393‎ 12‎ 214‎ 196,5‎
Fargʻona‎ 428‎ 392‎ 326‎ 36‎ 196‎ 163‎
Xorazm‎ 115‎ 110‎ 106‎ 5‎ 55‎ 53‎
Respublika boʻyicha‎ 4790‎ 4500‎ 3900‎ 290‎ 2250‎ 1950‎