|
Hujjat kuchini yo‘qotgan 22.02.2021
|
Oʻzbekiston Respublikasi Vazirlar Mahkamasining
qarori
1996-yilda paxta yetishtirish hajmlari toʻgʻrisida
LexUZ sharhiMazkur qaror Oʻzbekistan Respublikasi Vazirlar Mahkamasining 2021-yil 22-fevraldagi 87-sonli “Oʻzbekiston Respublikasi Hukumatining oʻz ahamiyatini yoʻqotgan ayrim qarorlarini oʻz kuchini yoʻqotgan deb hisoblash toʻgʻrisida (Oʻzbekiston Respublikasi Prezidentining “Oʻz ahamiyatini yoʻqotgan qonunchilik hujjatlarini qayta koʻrib chiqish tizimini joriy etish orqali mamlakatda ishbilarmonlik muhitini yaxshilash chora-tadbirlari toʻgʻrisida” 2020-yil 27-sentabrdagi PF-6075-son Farmoni)”gi qaroriga asosan oʻz kuchini yoʻqotgan.
Vazirlar Mahkamasi qaror qiladi:
1. “Oʻzistiqbolstat” davlat qoʻmitasi Oʻzbekiston Respublikasi Qishloq xoʻjaligi vazirligi va Qishloq xoʻjaligi fanlar akademiyasining 1996-yilda ilovaga muvofiq hajmlarda paxta yetishtirish boʻyicha takliflari qabul qilinsin.
1996-yilda paxta tolasi uchun davlat buyurtmasi uni ishlab chiqarish hajmlari 50 foiz darajasida belgilansin.
Belgilab qoʻyilsinki, davlat buyurtmasining tasdiqlangan hajmidan ortiqcha paxta tolasi paxta tayyorlash topshiriqlari bajarilgan taqdirda xoʻjaliklar ixtiyorida qoladi va ular tomonidan erkin narxlarda sotiladi.
2. Paxta xom ashyosi uchun xarid narxlari paxta tolasining oʻrtacha jahon narxlarining 70 foizidan kelib chiqqan holda belgilansin.
Moliya vazirligi Qishloq xoʻjaligi vazirligi va Tashqi iqtisodiy aloqalar vazirligi bilan birgalikda paxta tolasining jahon bozori konyukturasini hisobga olgan holda xarid narxlar yuzasidan 1996-yil 1-avgustgacha takliflar kiritsin.
3. “Oʻzdavpaxtasanoatsotish” uyushmasi Qoraqalpogʻiston Respublikasi Vazirlar Kengashi va viloyatlar hokimliklari bilan birgalikda 1996-yil 10-fevralgacha paxta xarid qilish yuzasidan xoʻjaliklar bilan shartnomalar tuzishni taʼminlasin.
“Oʻzdavpaxtasanoatsotish” uyushmasi xoʻjaliklarga xarid narxlarining kamida 25 foizi miqdorida avans toʻlasin.
Oʻzbekiston Respublikasi Moliya vazirligi Markaziy bank va “Paxta-bank” bilan birgalikda xarid qilinadigan paxta xom ashyosi uchun avans berish uchun zarur boʻlgan pul resurslarini izlab topsin.
4. Qishloq xoʻjaligi vazirligi Qoraqalpogʻiston Respublikasi Vazirlar Kengashi va viloyatlar hokimliklari bilan birgalikda bir hafta muddatda 1996-yil hosili uchun respublika mintaqalari boʻyicha gʻoʻzaning seleksiya navlarini joylashtirish yuzasidan taklif kiritsin.
6. Mazkur qarorning bajarilishini nazorat qilish Oʻzbekiston Respublikasi Bosh vazirining birinchi oʻrinbosari I.H. Joʻrabekov zimmasiga yuklansin.
Vazirlar Mahkamasining Raisi I. KARIMOV
Toshkent sh.,
1996-yil 25-yanvar,
36-son
Vazirlar Mahkamasining 1996-yil 25-yanvardagi 36-son qaroriga
ILOVA
ILOVA
1996-yilda paxta yetishtirish
hajmlari
| | Ekin maydoni, ming gektar |
Yalpi hosil, ming tonna |
| Qoraqalpogʻiston Respublikasi | 145 | 310 |
| viloyatlar: | | |
| Andijon | 110 | 310 |
| Buxoro | 129 | 403 |
| Jizzax | 111 | 257 |
| Qashqadaryo | 173 | 420 |
| Navoiy | 44 | 120 |
| Namangan | 95 | 280 |
| Samarqand | 97 | 250 |
| Surxondaryo | 120 | 380 |
| Sirdaryo | 141 | 325 |
| Toshkent | 108 | 280 |
| Fargʻona | 127 | 375 |
| Xorazm | 100 | 290 |
|
Jami: |
1500 | 4000 |
