|
Hujjat kuchini yo‘qotgan 22.02.2021
|
Oʻzbekiston Respublikasi Vazirlar Mahkamasining
qarori
Tabiiy gaz eksporti hajmlarini koʻpaytirish va gaz uzatish tizimini yanada rivojlantirish chora-tadbirlari toʻgʻrisida
LexUZ sharhiMazkur qaror Oʻzbekiston Respublikasi Vazirlar Mahkamasining 2021-yil 22-fevraldagi 87-sonli “Oʻzbekiston Respublikasi Hukumatining oʻz ahamiyatini yoʻqotgan ayrim qarorlarini oʻz kuchini yoʻqotgan deb hisoblash toʻgʻrisida (Oʻzbekiston Respublikasi Prezidentining “Oʻz ahamiyatini yoʻqotgan qonunchilik hujjatlarini qayta koʻrib chiqish tizimini joriy etish orqali mamlakatda ishbilarmonlik muhitini yaxshilash chora-tadbirlari toʻgʻrisida” 2020-yil 27-sentabrdagi PF-6075-son Farmoni)”gi qaroriga asosan oʻz kuchini yoʻqotgan.
Shimoliy yoʻnalishda Oʻzbekiston tabiiy gazi eksporti hajmlarini koʻpaytirish va respublika gaz uzatish tizimini yanada rivojlantirish maqsadida Vazirlar Mahkamasi qaror qiladi:
1. Maʼlumot uchun qabul qilinsinki, quvurlari diametri 1220 mm boʻlgan ikkinchi tarmoqni qurish yoʻli bilan “0 — 66 km” uchastkasida “Gazli-Nukus” gaz quvurini kengaytirish ishlarini bajarishning qisqa muddatlarini hisobga olgan holda:
“Oʻzbekneftgaz” milliy xolding kompaniyasi va “Oʻzsanoatqurilishbank” tomonidan ish chizmalariga muvofiq gaz quvurini ayni bir vaqtda loyihalash, qurish va foydalanishga topshirish hamda loyihani amalda bajarilgan ishlar boʻyicha moliyalashtirish amalga oshirildi;
“Oʻztransgaz” aksiyadorlik kompaniyasi — bosh buyurtmachi, “ZEROMAX L.L.C.” (AQSh) kompaniyasi — bosh pudratchi va “OʻzLITIneftgaz” ochiq aksiyadorlik jamiyati — bosh loyihachi etib belgilandi;
obyektni foydalanishga tayyor qilib topshirgan holda qurishni moliyalashtirish “Oʻzbekneftgaz” milliy xolding kompaniyasining oʻz valyuta mablagʻlari hisobiga amalga oshirildi;
obyekt qurilishi uchun moddiy-texnika resurslarini yetkazib berish “ZEROMAX L.L.C.” (AQSh) kompaniyasi tomonidan ilovaga* muvofiq amalga oshirildi;
* Ilova rus tilidagi matnda berilgan.
“Oʻztransgaz” aksiyadorlik kompaniyasi va “ZEROMAX L.L.C.” (AQSh) kompaniyasi oʻrtasida tuzilgan 2004-yil 25-maydagi 174/17-2004-son kontraktga muvofiq obyektni qurish qiymati 50 529,2 ming AQSh dollarini, shu jumladan qurilish-montaj ishlari qiymati — 10 334,6 ming AQSh dollarini tashkil qildi.
2. Quyidagilar:
“Oʻztransgaz” kompaniyasi yuqorida koʻrsatib oʻtilgan kontraktni amalga oshirish doirasida import qilingan ilovaga muvofiq tovar-moddiy boyliklar uchun bojxona toʻlovlaridan (bojxonada rasmiylashtirish uchun yigʻimlardan tashqari), shuningdek “ZEROMAX L.L.C.” (AQSh) kompaniyasi tomonidan amalga oshirilgan ishlar va koʻrsatilgan xizmatlar qoʻshilgan qiymat soligʻidan;
“ZEROMAX L.L.C.” (AQSh) kompaniyasi “0 — 66 km” uchastkasida “Gazli-Nukus” gaz quvurining ikkinchi tarmogʻini qurishda amalga oshirilgan va koʻrsatilgan xizmatlar hajmlari boʻyicha toʻlov manbalarida daromad (foyda) soligʻi toʻlashdan;
“ZEROMAX L.L.C.” (AQSh) kompaniyasi tomonidan jalb etilgan subpudratchilar funksiyasini bajarishgan “Neftgazmontaj” qoʻshma korxonasi va “Janubiygazqurilish” ochiq aksiyadorlik jamiyati “0 — 66 km” uchastkasida “Gazli-Nukus” gaz quvurining ikkinchi tarmogʻini qurishda amalga oshirilgan va koʻrsatilgan xizmatlar hajmlari boʻyicha qoʻshilgan qiymat soligʻi toʻlashdan ozod qilinsin.
3. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosari Oʻ.T. Sultonov zimmasiga yuklansin.
Vazirlar Mahkamasining Raisi I. KARIMOV
Toshkent sh.,
2004-yil 13-oktabr,
480-son
