209-сон 25.07.2013. Toshkent shahri aholisining uy-joy-kommunal shart-sharoitlarini yanada yaxshilash chora-tadbirlari toʻgʻrisida

Oʻzbekiston Respublikasi Vazirlar Mahkamasining

qarori

Toshkent shahri aholisining uy-joy-kommunal shart-sharoitlarini yanada yaxshilash chora-tadbirlari toʻgʻrisida

Toshkent shahri aholisining uy-joy-kommunal shart-sharoitlarini yaxshilash ishlarini izchil amalga oshirish, koʻp kvartirali uylarning umumiy foydalaniladigan joylari, muhandislik kommunikatsiyalarini taʼmirlash hamda ularning hududlarini obodonlashtirish, kommunal xizmat koʻrsatish tashkilotlari va xususiy uy-joy mulkdorlari shirkatlarining moddiy-texnika bazasini mustahkamlash, shuningdek Toshkent shahar hokimligining munitsipal mulk obyektlaridan samarali foydalanish maqsadida Vazirlar Mahkamasi qaror qiladi:

1. Toshkent shahar hokimligining:

1-ilovaga muvofiq foydalanilmayotgan va davlat mulkiga tegishli boʻlgan yotoqxona binolarini Toshkent shahar hokimligining Binolardan foydalanish departamentiga bepul berish;

2-ilovaga muvofiq munitsipal mulk obyektlarini sotish toʻgʻrisidagi takliflari maʼqullansin.

2. Mazkur qarorga 1-ilovada koʻrsatilgan obyektlarning balansda saqlovchilari ushbu obyektlarni tegishli hududlari bilan birgalikda bepul topshirsinlar, Toshkent shahar hokimligining Binolardan foydalanish departamentiga obyektlarni qabul qilib olsin hamda ulardan samarali foydalanilishini taʼminlasin.

3. Belgilab qoʻyilsinki:

1-ilovada koʻrsatilgan obyektlardan yetim va boquvchisini yoʻqotgan “Mehribonlik uylari” tarbiyalanuvchilarini, turar joylari buzilayotgan hamda turar joyga muhtoj fuqarolarni uy-joy bilan taʼminlash maqsadida foydalaniladi;

2-ilovada koʻrsatilgan munitsipal mulk obyektlarini ochiq savdolarga qoʻyish Oʻzbekiston Respublikasi Xususiylashtirish, monopoliyadan chiqarish va raqobatni rivojlantirish davlat qoʻmitasi tomonidan amalga oshiriladi. Ularni sotishdan tushadigan mablagʻlar Oʻzbekiston Respublikasi Xususiylashtirish, monopoliyadan chiqarish va raqobatni rivojlantirish davlat qoʻmitasi ixtiyorida qoldiriladigan, shuningdek baholovchi tashkilot va savdo tashkilotchisi xizmatlari uchun xarajatlarni chegirgan holda, Toshkent shahar hokimligining maxsus hisob raqamida jamlanadi;

Toshkent shahar hokimligining maxsus hisob raqamida jamlangan mablagʻlar koʻp kvartirali turar joylarning hududlarini obodonlashtirishga, ularning muhandislik tarmoqlarini, tomlarini, lift xoʻjaligini taʼmirlashga, mavzelar hududidagi yoritish tizimlarini tiklashga, koʻp kvartirali uylar uchun umumiy issiqlik energiyasini hisoblash asboblarini sotib olish va oʻrnatishga, kommunal xizmat koʻrsatish tashkilotlari, shu jumladan “Maxsustrans” ishlab chiqarish birlashmasi va xususiy uy-joy mulkdorlari shirkatlarining moddiy-texnika bazasini mustahkamlashga yoʻnaltiriladi.

4. Toshkent shahar hokimligi munitsipal mulk obyektlarini sotishdan tushadigan mablagʻlardan belgilangan yoʻnalishlar uchun maqsadli foydalanilishini taʼminlasin.

Oldingi tahrirga qarang.

5. Davlat moliyaviy nazorati inspeksiyasi Toshkent shahar hokimligining maxsus hisob raqamidan moliyalashtiriladigan mablagʻlardan maqsadli foydalanilishini har chorakda tekshirsin.

(5-band Oʻzbekiston Respublikasi Vazirlar Mahkamasining 2025-yil 1-martdagi 135-sonli qarori tahririda — Qonunchilik maʼlumotlari milliy bazasi, 03.03.2025-y., 09/25/135/0208-son)

6. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosari B.I. Zakirov zimmasiga yuklansin.

Oʻzbekiston Respublikasining Bosh vaziri Sh. MIRZIYOYEV

Toshkent sh.,

2013-yil 25-iyul,

209-son

Vazirlar Mahkamasining 2013-yil 25-iyuldagi 209-son qaroriga
1-ILOVA

Toshkent shahar hokimligining Binolardan foydalanish departamentiga bepul beriladigan foydalanilmayotgan va davlat mulkiga tegishli boʻlgan yotoqxona binolari

ROʻYXATI

Oldingi tahrirga qarang.

T/r	Manzili	Balansda saqlovchi	Qurilish turi
2.	Hamza tumani, Oqdaryo koʻchasi, 120/2-uy	“Konvektor” MCHJ	2 qavatli

(1-ilova Oʻzbekiston Respublikasi Vazirlar Mahkamasining 2013-yil 24-dekabrdagi 338-sonli qarori tahririda)

Vazirlar Mahkamasining 2013-yil 25-iyuldagi 209-son qaroriga
2-ILOVA

Toshkent shahar hokimligining sotiladigan munitsipal mulk obyektlari

ROʻYXATI

Oldingi tahrirga qarang.

T/r	Manzili	Balansda saqlovchi	Qurilish turi	Umumiy maydoni (kv.m)
1.	M.Ulugʻbek tumani, Chust koʻchasi	Binolardan foydalanish departamenti	2 qavatli bino	2682
2.	M.Ulugʻbek tumani, Qorasuvboʻyi koʻchasi, 5a-uy	Binolardan foydalanish departamenti	1 qavatli bino va inshootlar	712
3.	M.Ulugʻbek tumani, Mustaqillik shoh koʻchasi, 7-uy	Binolardan foydalanish departamenti	1 qavatli bino 1-qavatining va yertoʻlasining bir qismi	333
4.	Mirobod tumani, Sayxun koʻchasi, 19-uy	Binolardan foydalanish departamenti	2 qavatli binoning 1-qavati qismi	79
5.	Mirobod tumani, 8-Mart koʻchasi, 57a-uy	Binolardan foydalanish departamenti	1 qavatli bino va inshootlar	3257
7.	Sergeli tumani, Sputnik-1, 1-uy	Binolardan foydalanish departamenti	1 qavatli bino	623
8.	Uchtepa tumani, Uygʻur koʻchasi, 555-uy	Binolardan foydalanish departamenti	1 qavatli binolar	797
9.	Olmazor tumani, Sagʻbon-Farobiy koʻchalari, 5-uy	Binolardan foydalanish departamenti	4 qavatli binoning 1-qavati qismi	128
10.	Olmazor tumani, Sagʻbon-Farobiy koʻchalari, 6-uy	Binolardan foydalanish departamenti	4 qavatli binoning 1-qavati qismi	153
11.	Olmazor tumani, Jomiy koʻchasi, 5-uy	Binolardan foydalanish departamenti	3 qavatli bino va inshoot	2207
12.	Olmazor tumani, Jomiy-5, Magazin Mavzuk koʻchasi	Binolardan foydalanish departamenti	1 qavatli bino	633
14.	Yunusobod tumani, Iftixor koʻchasi, 1-uy	“Poytaxt agro” DUK	1 qavatli bino va inshootlar	3604
15.	Yakkasaroy tumani, Oʻrikzor 2-tor koʻchasi, 45-uy*	Binolardan foydalanish departamenti	2 va 1 qavatli binolar	1237
16.	Yakkasaroy tumani, Bobur koʻchasi, 67-uy, 6-korpus	Binolardan foydalanish departamenti	9 qavatli binoning 1-qavati qismi	30
18.	Bektemir tumani, Binokor qoʻrgʻoni	Bektemir tumani hokimligi	qurilishi tugallanmagan bino va inshootlar
19.	Bektemir tumani, Binokor qoʻrgʻoni	Binolardan foydalanish departamenti	qurilishi tugallanmagan bino va inshootlar
20.	Toshkent viloyati, Boʻstonliq tumani, Chimyon	“Yagona buyurtmachi xizmati” injiniring kompaniyasi	qurilishi tugallanmagan bino va inshootlar
21.	Toshkent viloyati, Boʻstonliq tumani, Chimyon	“Yagona buyurtmachi xizmati” injiniring kompaniyasi	qurilishi tugallanmagan mehmonxona binosi
22.	Toshkent viloyati, Boʻstonliq tumani, Chimyonsoy	“Yagona buyurtmachi xizmati” injiniring kompaniyasi	qurilishi tugallanmagan sogʻlomlashtirish majmuasi binolari

* Obyekt maktabgacha taʼlim muassasasi faoliyatini saqlab qolish sharti bilan sotuvga qoʻyiladi.

(2-ilova Oʻzbekiston Respublikasi Vazirlar Mahkamasining 2018-yil 31-martdagi 254-sonli qarori tahririda)

(Oʻzbekiston Respublikasi qonun hujjatlari toʻplami, 2013-y., 30-son, 391-modda; 2015-y., 41-son, 528-modda; Qonunchilik maʼlumotlari milliy bazasi, 03.03.2025-y., 09/25/135/0208-son)