Hujjat kuchini yo‘qotgan 14.05.2001

Oʻzbekiston Respublikasi Prezidentining

Farmoni

JISMONIY ShAXSLAR DAROMADLARIGA SOLIQ SOLISh ShKALASINI TAKOMILLAShTIRISh TOʻGʻRISIDA

LexUZ sharhi

Mazkur Farmon Oʻzbekiston Respublikasi Prezidentining 2001-yil 14-maydagi PF-2841-sonli “Oʻzbekiston Respublikasi Prezidentining baʼzi farmonlarini oʻz kuchini yoʻqotgan deb hisoblash toʻgʻrisida”gi Farmoniga muvofiq oʻz kuchini yoʻqotgan.

Jismoniy shaxslar daromadlariga soliq solishni takomillashtirish, mehnatni ragʻbatlantirish va daromadlarni legallashtirish uchun shart-sharoitlar yaratish maqsadida:

1. 2000-yilning 1-yanvaridan boshlab jismoniy shaxslar daromadlariga solinadigan soliqning eng katta stavkasi 45% dan 40% ga tushirilsin.

2. Belgilab qoʻyilsinki, 2000-yilning 1-yanvaridan boshlab jismoniy shaxslar daromadlaridan soliq ilovaga muvofiq stavkalar boʻyicha undiriladi.

3. Oʻzbekiston Respublikasi Vazirlar Mahkamasi bir oy muddatda Oʻzbekiston Respublikasining Soliq kodeksiga qoʻshimcha va oʻzgartirishlar kiritish toʻgʻrisida takliflar kiritsin.

4. Mazkur Farmonning bajarilishini nazorat qilish Oʻzbekiston Respublikasining Bosh vaziri Oʻ. Sultonov zimmasiga yuklansin.

Oʻzbekiston Respublikasining Prezidenti I. KARIMOV

Toshkent sh.,

1999-yil 31-dekabr,

PF-2472-son

Oʻzbekiston Respublikasi
Prezidentining
1999-yil 31-dekabrdagi
PF-2472-son Farmoniga
ILOVA

Jismoniy shaxslar daromadlaridan olinadigan soliq

stavkalari

Soliq solinadigan daromad miqdori	Soliq summasi
Eng oz ish haqining uch karra miqdorigacha	daromad summasining 15 foizi
Eng oz ish haqining uch karra miqdori (+1 soʻm)dan besh karra miqdorigacha	uch karra miqdordan soliq+ eng oz ish haqining uch karra miqdoridan oshgan summadan 25 foiz
Eng oz ish haqining besh karra miqdori (+1 soʻm) dan oʻn karra miqdorigacha	besh karra miqdordan soliq+ eng oz ish haqining besh karra miqdoridan oshgan summadan 36 foiz
Eng oz ish haqining oʻn karra miqdori (+1 soʻm) dan va oʻndan yuqori	oʻn karra miqdordan soliq+ eng oz ish haqining oʻn karra miqdoridan oshgan summadan 40 foiz.

(Oʻzbekiston Respublikasi Oliy Majlisining Axborotnomasi, 1999-y., 12-son, 266-modda)