Oʻzbekiston Respublikasining “Oʻzbekiston Respublikasining Markaziy banki toʻgʻrisida”gi (Oʻzbekiston Respublikasi Oliy Majlisining Axborotnomasi, 1995-y., 12-son, 247-modda) va “Qimmatli qogʻozlar bozori toʻgʻrisida”gi qonunlariga (Oʻzbekiston Respublikasi qonun hujjatlari toʻplami, 2008-y., 29-30-son, 278-modda) muvofiq Oʻzbekiston Respublikasi Markaziy banki Boshqaruvi qaror qiladi:

1. Quyidagilar oʻz kuchini yoʻqotgan deb topilsin:

Oʻzbekiston Respublikasi Markaziy banki tomonidan 1995-yil 30-mayda tasdiqlangan “Korxonalar va tashkilotlar veksellarini chiqarish va muomala qilish vaqtinchalik tartibi” (roʻyxat raqami 149, 1995-yil 31-may);

Oʻzbekiston Respublikasi Markaziy banki tomonidan 1997-yil 29-martda 10-97-son bilan tasdiqlangan “Korxonalar va tashkilotlar veksellarini chiqarish va muomala qilish vaqtinchalik tartibiga oʻzgartirish va qoʻshimchalar” (roʻyxat raqami 149-1, 1997-yil 17-aprel).

2. Ushbu qaror Oʻzbekiston Respublikasi Moliya vazirligi bilan kelishilgan.

3. Mazkur qaror Oʻzbekiston Respublikasi Adliya vazirligida davlat roʻyxatidan oʻtkazilgan kundan boshlab oʻn kun oʻtgandan keyin kuchga kiradi.