Oʻzbekiston Respublikasining “Oʻzbekiston Respublikasining Markaziy banki toʻgʻrisida”gi (Oʻzbekiston Respublikasi Oliy Majlisining Axborotnomasi, 1995-y., 12-son, 247-modda) va “Qimmatli qogʻozlar bozori toʻgʻrisida”gi qonunlariga (Oʻzbekiston Respublikasi qonun hujjatlari toʻplami, 2008-y., 29-30-son, 278-modda) muvofiq Oʻzbekiston Respublikasi Markaziy banki Boshqaruvi qaror qiladi:

1. Quyidagilar oʻz kuchini yoʻqotgan deb topilsin:

Oʻzbekiston Respublikasi Markaziy banki Boshqaruvi tomonidan 1998-yil 9-noyabrda 102-son bilan tasdiqlangan “Banklarning oddiy vekseli chiqarilishi va muomalada boʻlishi qoidalari” (roʻyxat raqami 554, 1998-yil 30-noyabr);

Oʻzbekiston Respublikasi Markaziy banki Boshqaruvi tomonidan 1999-yil 20-fevralda 102-1-son bilan tasdiqlangan “Banklarning oddiy vekseli chiqarilishi va muomalada boʻlishi qoidalariga oʻzgartirishlar” (roʻyxat raqami 554-1, 1999-yil 1-aprel).

2. Ushbu qaror Oʻzbekiston Respublikasi Moliya vazirligi bilan kelishilgan.

3. Mazkur qaror Oʻzbekiston Respublikasi Adliya vazirligida davlat roʻyxatidan oʻtkazilgan kundan boshlab oʻn kun oʻtgandan keyin kuchga kiradi.