Qishloq xoʻjaligi korxonalarining mahsulot yetishtirishini yanada koʻpaytirishda, uning sifatini yaxshilashdan moddiy manfaatdorligini oshirish, qishloqda ijtimoiy masalalarni hal etish maqsadida:

1. Paxta tolasi va gʻalladan boʻlak qishloq xoʻjalik mahsulotlariga davlat tomonidan belgilangan buyurtma (davlat buyurtmalari) bekor qilinsin.

Qoramol va sutning erkin xarid narxlariga oʻtishi amalga oshirilsin.

2. Belgilangan topshiriqni bajargan xoʻjaliklar tasarrufida qoldiriladigan mahsulot ulushi koʻpaytirilib, xarid qilingan paxta tolasi va gʻalla hajmining uchdan bir qismiga yetkazilsin, shunga muvofiq ravishda, ilgari belgilangan davlat buyurtmalari hajmi kamaytirilib, 75 foizdan 67 foizga tushirilsin.

Davlat buyurtmasining mazkur darajasi paxtaning 1994-yilgi, gʻallaning 1995-yilgi hosili uchun belgilansin.

3. Paxta hosilining 1994-yildagi paxta xarid narxi bir tonnasi uchun oʻrtacha 1200 soʻm (paxta tolasiga aylantirib hisoblaganda — 3750 soʻm). 1995-yildagi oziq-ovqat uchun moʻljallangan gʻalla hosilining bir tonnasi uchun 1000 soʻm qilib belgilansin.

4. Oʻzbekiston Respublikasi Vazirlar Mahkamasi bir hafta muddatda 1994-yilgi paxta hosilini uyushqoqlik bilan yigʻib-terib olish tadbirlari toʻgʻrisida qaror qabul qilsin.