|
Hujjat kuchini yo‘qotgan 28.09.2020
|
Hujjat 19.01.1995 sanasi holatiga
Amaldagi versiyaga o‘tish |
Oʻzbekiston Respublikasi Prezidentining
Farmoni
QIShLOQ XOʻJALIGI SOHASINI IQTISODIY RAGʻBATLANTIRISh VA ERKINLIK BERISh TOʻGʻRISIDA
LexUZ sharhiMazkur Farmon Oʻzbekiston Respublikasi Prezidentining 2020-yil 27-sentabrdagi PF-6075-sonli “Oʻz ahamiyatini yoʻqotgan qonunchilik hujjatlarini qayta koʻrib chiqish tizimini joriy etish orqali mamlakatda ishbilarmonlik muhitini yaxshilash chora-tadbirlari toʻgʻrisida”gi Farmoniga asosan oʻz kuchini yoʻqotgan.
Qishloq xoʻjaligi korxonalarining mahsulot yetishtirishini yanada koʻpaytirishda, uning sifatini yaxshilashdan moddiy manfaatdorligini oshirish, qishloqda ijtimoiy masalalarni hal etish maqsadida:
1. Paxta tolasi va gʻalladan boʻlak qishloq xoʻjalik mahsulotlariga davlat tomonidan belgilangan buyurtma (davlat buyurtmalari) bekor qilinsin.
Qoramol va sutning erkin xarid narxlariga oʻtishi amalga oshirilsin.
Oldingi tahrirga qarang.
(2-band Oʻzbekiston Respublikasi Prezidentining 1995-yil 19-yanvardagi 1068-son Farmoniga muvofiq oʻz kuchini yoʻqotgan— Oliy Majlis Axborotnomasi, 1995-y., 4-son, 59-modda)
3. Paxta hosilining 1994-yildagi paxta xarid narxi bir tonnasi uchun oʻrtacha 1200 soʻm (paxta tolasiga aylantirib hisoblaganda — 3750 soʻm). 1995-yildagi oziq-ovqat uchun moʻljallangan gʻalla hosilining bir tonnasi uchun 1000 soʻm qilib belgilansin.
Keyingi tahrirga qarang.
4. Oʻzbekiston Respublikasi Vazirlar Mahkamasi bir hafta muddatda 1994-yilgi paxta hosilini uyushqoqlik bilan yigʻib-terib olish tadbirlari toʻgʻrisida qaror qabul qilsin.
Oʻzbekiston Respublikasining Prezidenti I. KARIMOV
Toshkent sh.,
1994-yil 22-avgust,
PF-937-son
(Oʻzbekiston Respublikasi Oliy Kengashining Axborotnomasi, 1994-y., 8-9-son, 236-modda; Oʻzbekiston Respublikasi Oliy Majlisining Axborotnomasi, 1995-y., 4-son, 59-modda)
