Tijorat banklarining moliyaviy barqarorligini ta’minlash va bank muassasalari o‘rtasida sog‘lom raqobatchilikni rivojlantirish uchun zarur shart-sharoitlarni vujudga keltirish maqsadida:

1. O‘zbekiston Respublikasi Markaziy bankining:

1993-yilning 1-iyulidan boshlab amaldagi va yangidan tashkil qilinadigan tijorat banklari uchun nizom jamg‘armasining eng oz miqdorini 100 million so‘m, kooperativ va xususiy banklar nizom jamg‘armasining eng oz miqdorini 50 million so‘m qilib belgilash to‘g‘risidagi;

O‘zbekiston Respublikasining Markaziy banki tomonidan 1993-yilning 1-iyunigacha tijorat, kooperativ va xususiy banklarni mazkur Farmonning 1-bandi talablarini hamda ularning bundan buyon ishlashi qay darajada maqsadga muvofiqligini hisobga olgan holda qayta ro‘yxatdan o‘tkazish to‘g‘risidagi taklifi qabul qilinsin.

2. O‘zbekiston Respublikasining Vazirlar Mahkamasi O‘zbekiston Respublikasining “Banklar va bank faoliyati to‘g‘risida”gi Qonuniga o‘zgartishlar kiritish haqidagi takliflarni belgilangan tartibda respublika Oliy Kengashiga taqdim etsin.