1-modda. Oʻzbekiston Respublikasining 1989-yil 21-oktabrda qabul qilingan “Davlat tili haqida”gi 3561–XI-sonli Qonunining (Oʻzbekiston Respublikasining 1995-yil 21-dekabrda qabul qilingan 167-I-sonli Qonuni tahririda) (Oʻzbekiston Respublikasi Oliy Majlisining Axborotnomasi, 1995-yil, № 12, 257-modda; 2005-yil, № 1, 18-modda; Oʻzbekiston Respublikasi Oliy Majlisi palatalarining Axborotnomasi, 2010-yil, № 9, 335-modda) 22-moddasi quyidagi tahrirda bayon etilsin:

“22-modda. Geografik obyektlarning nomlari davlat tilida aks ettiriladi”.

3-modda. Oʻzbekiston Respublikasining 1996-yil 30-avgustda qabul qilingan “Oʻzbekiston Respublikasida maʼmuriy-hududiy tuzilish, toponimik obyektlarga nom berish va ularning nomlarini oʻzgartirish masalalarini hal etish tartibi toʻgʻrisida”gi 276-I-sonli Qonuniga (Oʻzbekiston Respublikasi Oliy Majlisining Axborotnomasi, 1996-yil, № 9, 139-modda; 2005-yil, № 1, 18-modda) quyidagi oʻzgartishlar kiritilsin:

1) nomidagi “toponimik obyektlarga nom berish va ularning nomlarini oʻzgartirish” degan soʻzlar chiqarib tashlansin;

2) muqaddimadagi “maʼmuriy-hududiy birliklar, aholi punktlari va ularning tarkibiy qismlariga, shuningdek korxonalar, muassasalar, tashkilotlar, fizik-jugʻrofiy, geologik va boshqa obyektlarga nom berish va ularning nomini oʻzgartirish” degan soʻzlar chiqarib tashlansin;

3) VI, VII va VIII boʻlimlar chiqarib tashlansin;

4) IX boʻlimning nomidagi birinchi jumla chiqarib tashlansin;

5) 24, 25 va 26-moddalar chiqarib tashlansin;

6) X boʻlim chiqarib tashlansin;

7) 30-moddaning birinchi qismidagi “maʼmuriy-hududiy birliklar va aholi punktlariga nom berish va ularning nomini oʻzgartirish” degan soʻzlar chiqarib tashlansin;

8) 31-modda chiqarib tashlansin.

4-modda. Oʻzbekiston Respublikasining 1997-yil 25-aprelda qabul qilingan “Geodeziya va kartografiya toʻgʻrisida”gi 417-I-sonli Qonuni (Oʻzbekiston Respublikasi Oliy Majlisining Axborotnomasi, 1997-yil, № 4-5, 122-modda) 6-moddasining oʻn birinchi xatboshisi quyidagi tahrirda bayon etilsin:

“geografik obyektlarning nomlarini belgilash, normallashtirish, davlat roʻyxatidan oʻtkazish, ulardan foydalanish va ularni saqlash”.

5-modda. Ushbu Qonun rasmiy eʼlon qilingan kundan eʼtiboran kuchga kiradi.