toggle_night_mode
Hujjat kuchini yo‘qotgan 29.08.2020
Oʻzbekiston Respublikasining qonuni
Oʻzbekiston Respublikasida maʼmuriy-hududiy tuzilish masalalarini hal etish tartibi toʻgʻrisida
(nomi Oʻzbekiston Respublikasining 2011-yil 12-oktabrdagi OʻRQ-304-sonli Qonuni tahririda — OʻR QHT, 2011-y., 41-son, 449-modda)
 LexUZ sharhi
Mazkur Qonun Oʻzbekiston Respublikasining 2020-yil 28-avgustdagi OʻRQ-635-sonli “Oʻzbekiston Respublikasining maʼmuriy-hududiy tuzilishi toʻgʻrisida”gi Qonuniga asosan oʻz kuchini yoʻqotgan.
Ushbu Qonun viloyatlar, tumanlar, shaharlar, shaharchalar, qishloqlar, ovullarni tuzish, tugatish, ularning chegaralarini oʻzgartirish, maʼmuriy markazlarni koʻchirish hamda aholi punktlarini shahar, shaharchalari turkumiga oʻtkazish tartibini belgilaydi.
(muqaddima Oʻzbekiston Respublikasining 2011-yil 12-oktabrdagi OʻRQ-304-sonli Qonuni tahririda — OʻR QHT, 2011-y., 41-son, 449-modda)
I. VILOYATLAR, TUMANLAR, QIShLOQLAR, OVULLARNI TUZISh VA TUGATISh
1-modda.
Viloyatlarni tuzish va tugatish Oʻzbekiston Respublikasi Vazirlar Mahkamasining taklifiga muvofiq Oliy Majlis tomonidan amalga oshiriladi.
2-modda.
Tumanlarni tuzish va tugatish tegishli viloyat va Toshkent shahri hokimlarining iltimosnomasiga asosan Oʻzbekiston Respublikasi Vazirlar Mahkamasining taklifiga muvofiq Oliy Majlis tomonidan amalga oshiriladi.
 LexUZ sharhi
Qarang: Oʻzbekiston Respublikasi Konstitutsiyasi 69-moddasi, 78-moddasining 11-bandi.
Qoraqalpogʻiston Respublikasida tumanlarni tuzish va tugatish Qoraqalpogʻiston Respublikasi hukumatining taklifiga muvofiq Joʻqorgʻi Kenges tomonidan Oʻzbekiston Respublikasi Oliy Majlisining roziligi bilan amalga oshiriladi. (Oʻzbekiston Respublikasi Konstitutsiyasining 69-moddasi.)
3-modda.
Qishloqlar, ovullarni tuzish va tugatish tegishli tuman hokimlarining iltimosnomasiga asosan xalq deputatlari viloyat Kengashlari tomonidan, Qoraqalpogʻiston Respublikasida esa — Joʻqorgʻi Kenges tomonidan amalga oshiriladi.
II. QORAQALPOGʻISTON RESPUBLIKASI, VILOYATLAR, TUMANLAR, QIShLOQLAR, OVULLARNING ChEGARALARINI OʻZGARTIRISh
4-modda.
Qoraqalpogʻiston Respublikasining chegarasi faqat uning roziligi bilan Joʻqorgʻi Kenges qaroriga asosan Oliy Majlis tomonidan oʻzgartirilishi mumkin.
5-modda.
Viloyatlar va tumanlarning chegaralarini oʻzgartirish tegishli viloyatlar, Toshkent shahri hokimlarining iltimosnomasiga asosan Oʻzbekiston Respublikasi Vazirlar Mahkamasining taklifiga muvofiq Oliy Majlis tomonidan amalga oshiriladi.
Qoraqalpogʻiston Respublikasida tumanlarning chegaralarini oʻzgartirish tegishli tuman hokimlarining iltimosnomasiga asosan Qoraqalpogʻiston Respublikasi hukumatining taklifiga muvofiq Joʻqorgʻi Kenges tomonidan amalga oshiriladi.
6-modda.
Qishloqlar va ovullar chegarasini oʻzgartirish, aholi punktlarini birlashtirish tegishli tuman hokimlarining iltimosnomasiga asosan xalq deputatlari viloyat Kengashlari tomonidan, Qoraqalpogʻiston Respublikasida esa — Joʻqorgʻi Kenges tomonidan amalga oshiriladi.
III. QORAQALPOGʻISTON RESPUBLIKASI, VILOYATLAR, TUMANLAR, QIShLOQLAR, OVULLARNING MAʼMURIY MARKAZLARINI BELGILASh VA KOʻChIRISh
7-modda.
Qoraqalpogʻiston Respublikasining poytaxtini belgilash va koʻchirish Oʻzbekiston Respublikasi Oliy Majlisining roziligi bilan Joʻqorgʻi Kenges tomonidan amalga oshiriladi.
8-modda.
Viloyatlarning maʼmuriy markazlarini belgilash va koʻchirish tegishli viloyat hokimlarining iltimosnomasiga asosan Oʻzbekiston Respublikasi Vazirlar Mahkamasining taklifiga muvofiq Oliy Majlis tomonidan amalga oshiriladi.
9-modda.
Tumanlar, qishloqlar, ovullarning maʼmuriy markazlarini belgilash va koʻchirish tegishli tuman hokimlarining iltimosnomasiga asosan xalq deputatlari viloyat Kengashlari tomonidan, Qoraqalpogʻiston Respublikasida esa — Joʻqorgʻi Kenges tomonidan amalga oshiriladi.
IV. ShAHARLAR BOʻYSUNUVINI OʻZGARTIRISh VA AHOLI PUNKTLARINI ShAHAR, ShAHARChALAR TURKUMIGA KIRITISh
10-modda.
Respublika (Qoraqalpogʻiston Respublikasida), viloyat boʻysunuvidagi shaharlar turkumiga, qoida tariqasida, kamida oʻttiz ming aholisi boʻlgan, muhim maʼmuriy ahamiyat kasb etadigan, istiqbolli iqtisodiy va madaniy markazlar deb hisoblangan shaharlar kiritilishi mumkin.
Shaharlarni viloyat boʻysunuvidagi shaharlar turkumiga kiritish, ularni qayta tuzish tegishli viloyat hokimlarining iltimosnomasiga asosan Oʻzbekiston Respublikasi Vazirlar Mahkamasining taklifiga muvofiq Oliy Majlis tomonidan amalga oshiriladi.
 LexUZ sharhi
Qoʻshimcha maʼlumot uchun qarang: Oʻzbekiston Respublikasi Oliy Majlisining 1996-yil 30-avgustdagi 304-I-son “Jizzax viloyatining Dashtobod shahrini viloyatga boʻysunuvchi shaharlar turkumiga kiritish toʻgʻrisida”gi Qarori.
Shaharlarni respublika (Qoraqalpogʻiston Respublikasida) boʻysunuvidagi shaharlar turkumiga kiritish, ularni qayta tuzish Qoraqalpogʻiston Respublikasi hukumatining taklifiga muvofiq Joʻqorgʻi Kenges tomonidan amalga oshiriladi.
11-modda.
Tuman boʻysunuvidagi shaharlar turkumiga, qoida tariqasida, kamida yetti ming aholisi boʻlgan, sanoat korxonalari va rivojlangan infrastrukturasi mavjud shaharchalar, aholi punktlari kiritilishi mumkin.
Shaharchalarni, aholi punktlarini tuman boʻysunuvidagi shaharlar turkumiga kiritish, ularni qayta tuzish tegishli viloyat hokimlarining iltimosnomasiga asosan Oʻzbekiston Respublikasi Vazirlar Mahkamasining taklifiga muvofiq Oliy Majlis tomonidan, Qoraqalpogʻiston Respublikasida esa — tegishli tuman hokimlarining iltimosnomasiga asosan Qoraqalpogʻiston Respublikasi hukumatining taklifiga muvofiq Joʻqorgʻi Kenges tomonidan amalga oshiriladi.
 LexUZ sharhi
Qoʻshimcha maʼlumot uchun qarang: Oʻzbekiston Respublikasi Oliy Majlisi Senatining 2010-yil 4-dekabrdagi 135-II-son “Andijon viloyatining Asaka shahri va Asaka tumani hududlarini birlashtirish hamda Asaka shahrini tuman boʻysunuvidagi shaharlar turkumiga kiritish toʻgʻrisida”gi Qarori va boshqalar.
12-modda.
Shaharchalar turkumiga sanoat korxonalari, qurilishlar, temir yoʻl stansiyalari va boshqa muhim obyektlar yaqinida joylashgan hamda qoida tariqasida kamida ikki ming aholisi boʻlgan aholi punktlari kiritilishi mumkin.
Aholi punktlarini shaharchalar turkumiga kiritish tegishli tuman hokimlarining iltimosnomasiga asosan Qoraqalpogʻiston Respublikasi Joʻqorgʻi Kengesi, xalq deputatlari viloyat Kengashlari tomonidan amalga oshiriladi.
 LexUZ sharhi
Qoʻshimcha maʼlumot uchun qarang: Oʻzbekiston Respublikasi Prezidentining 2005-yil 14-iyuldagi PQ-120-sonli “Oʻzbekiston Respublikasi aholi punktlarining maʼmuriy-hududiy tuzilishini yanada takomillashtirish chora-tadbirlari toʻgʻrisida”gi Qarori va Oʻzbekiston Respublikasi Vazirlar Mahkamasining 2009-yil 13-martdagi 68-sonli “Oʻzbekiston Respublikasi aholi punktlarining maʼmuriy-hududiy tuzilishini takomillashtirishga doir qoʻshimcha chora-tadbirlar toʻgʻrisida”gi qarori.
V. ShAHARLAR, ShAHARChALARNING ChEGARALARINI BELGILASh VA KENGAYTIRISh
13-modda.
Shaharlarning chegaralarini belgilash va kengaytirish tegishli viloyat, Toshkent shahri hokimlarining iltimosnomasiga asosan Oʻzbekiston Respublikasi Vazirlar Mahkamasining taklifiga muvofiq Oliy Majlis tomonidan amalga oshiriladi.
 LexUZ sharhi
Qoʻshimcha maʼlumot uchun qarang: Oʻzbekiston Respublikasi Oliy Majlisi Senatining 2010-yil 7-maydagi 53-II-son “Shahrisabz shahrining chegarasini tasdiqlash toʻgʻrisida”gi Qarori, Oʻzbekiston Respublikasi Oliy Majlisi Qonunchilik Palatasining 2009-yil 20-avgustdagi 1061-I-son “Zarafshon shahrining chegarasini tasdiqlash toʻgʻrisida”gi Qarori.
Qoraqalpogʻiston Respublikasida shaharlarning chegaralarini belgilash va kengaytirish tegishli tuman, shahar hokimlarining iltimosnomasiga asosan Qoraqalpogʻiston Respublikasi hukumatining taklifiga muvofiq Joʻqorgʻi Kenges tomonidan amalga oshiriladi.
14-modda.
Shaharchalarning chegaralarini belgilash va kengaytirish tegishli tuman hokimlarining iltimosnomasiga asosan xalq deputatlari viloyat Kengashlari tomonidan, Qoraqalpogʻiston Respublikasida esa — Joʻqorgʻi Kenges tomonidan amalga oshiriladi.
Oldingi tahrirga qarang.
(VI boʻlim Oʻzbekiston Respublikasining 2011-yil 12-oktabrdagi OʻRQ-304-sonli Qonuniga asosan chiqarilgan — OʻR QHT, 2011-y., 41-son, 449-modda)
Oldingi tahrirga qarang.
(VII boʻlim Oʻzbekiston Respublikasining 2011-yil 12-oktabrdagi OʻRQ-304-sonli Qonuniga asosan chiqarilgan — OʻR QHT, 2011-y., 41-son, 449-modda)
Oldingi tahrirga qarang.
(VIII boʻlim Oʻzbekiston Respublikasining 2011-yil 12-oktabrdagi OʻRQ-304-sonli Qonuniga asosan chiqarilgan — OʻR QHT, 2011-y., 41-son, 449-modda)
IX. MONUMENTAL SANʼAT ASARLARIGA NOM BERISh
(IX boʻlim nomi Oʻzbekiston Respublikasining 2011-yil 12-oktabrdagi OʻRQ-304-sonli Qonuni tahririda — OʻR QHT, 2011-y., 41-son, 449-modda)
Oldingi tahrirga qarang.
(24-modda Oʻzbekiston Respublikasining 2011-yil 12-oktabrdagi OʻRQ-304-sonli Qonuniga asosan chiqarilgan — OʻR QHT, 2011-y., 41-son, 449-modda)
Oldingi tahrirga qarang.
(25-modda Oʻzbekiston Respublikasining 2011-yil 12-oktabrdagi OʻRQ-304-sonli Qonuniga asosan chiqarilgan — OʻR QHT, 2011-y., 41-son, 449-modda)
Oldingi tahrirga qarang.
(26-modda Oʻzbekiston Respublikasining 2011-yil 12-oktabrdagi OʻRQ-304-sonli Qonuniga asosan chiqarilgan — OʻR QHT, 2011-y., 41-son, 449-modda)
27-modda.
Monumental sanʼat asarlariga nom berish, ularga oid tagsoʻz matnlarini tasdiqlash Qoraqalpogʻiston Respublikasi hukumati, viloyatlar, Toshkent shahri hokimliklari bilan kelishilgan holda Oʻzbekiston Respublikasi Madaniyat vazirligi tomonidan amalga oshiriladi.
(27-moddaning matni Oʻzbekiston Respublikasining 2017-yil 13-iyundagi OʻRQ-436-son Qonuni tahririda — OʻR QHT, 2017-y., 24-son, 487-modda)
Oldingi tahrirga qarang.
(X boʻlim Oʻzbekiston Respublikasining 2011-yil 12-oktabrdagi OʻRQ-304-sonli Qonuniga asosan chiqarilgan — OʻR QHT, 2011-y., 41-son, 449-modda)
XI. YAKUNIY QOIDALAR
30-modda.
Viloyatlar, tumanlar, shaharlar, shaharchalar, qishloqlar, ovullarni tuzish, tugatish, chegaralarini oʻzgartirish, maʼmuriy markazlarni koʻchirish, aholi punktlarini shahar, shaharchalar turkumiga oʻtkazish haqidagi qarorlar Oʻzbekiston Respublikasi Oliy Majlisi Axborotnomasida eʼlon qilinishi shart.
(30-modda birinchi qismi Oʻzbekiston Respublikasining 2011-yil 12-oktabrdagi OʻRQ-304-sonli Qonuni tahririda — OʻR QHT, 2011-y., 41-son, 449-modda)
Mavjud aholi punktlari hisobining yuritilishini hamda yangi paydo boʻlganlari roʻyxatdan oʻtkazilishini tegishli ravishda Joʻqorgʻi Kenges, viloyat hokimliklari taʼminlaydilar.
Oldingi tahrirga qarang.
(31-modda Oʻzbekiston Respublikasining 2011-yil 12-oktabrdagi OʻRQ-304-sonli Qonuniga asosan chiqarilgan — OʻR QHT, 2011-y., 41-son, 449-modda)
Oʻzbekiston Respublikasi Prezidenti I. KARIMOV
Toshkent sh.,
1996-yil 30-avgust,
276-I-son
(Oʻzbekiston Respublikasi Oliy Majlisining Axborotnomasi, 1996-y., 9-son, 139-modda; Oʻzbekiston Respublikasi qonun hujjatlari toʻplami, 2004-y., 51-son, 514-modda;2011-y., 41-son, 449-modda; 2017-y., 24-son, 487-modda)