2277-сон 11.10.2011. Oʻzbekiston Respublikasi va “Soyuzneftegaz Vostok Limited” kompaniyasi oʻrtasida 2007-yil 23-yanvardagi Oʻzbekiston Respublikasining janubiy-gʻarbiy hisor va ustyurt mintaqasi hududlaridagi konlarga nisbatan mahsulot taqsimotiga oid bitim doirasida neft va gaz kondensatini qazib olish boʻyicha yer qaʼridan foydalanganlik uchun (royalti) soliqni hisoblab chiqarish va toʻlash tartibi toʻgʻrisidagi nizomni tasdiqlash haqida

Hujjat 20.06.2016 sanasi holatiga
Amaldagi versiyaga o‘tish

OʻZBEKISTON RESPUBLIKASI MOLIYA VAZIRLIGI
OʻZBEKISTON RESPUBLIKASI DAVLAT SOLIQ QOʻMITASINING

Qarori

OʻZBEKISTON RESPUBLIKASI VA “SOYUZNEFTEGAZ VOSTOK LIMITED” KOMPANIYASI OʻRTASIDA 2007-YIL 23-YANVARDAGI OʻZBEKISTON RESPUBLIKASINING JANUBIY-GʻARBIY HISOR VA USTYURT MINTAQASI HUDUDLARIDAGI KONLARGA NISBATAN MAHSULOT TAQSIMOTIGA OID BITIM DOIRASIDA NEFT VA GAZ KONDENSATINI QAZIB OLISH BOʻYICHA YER QAʼRIDAN FOYDALANGANLIK UCHUN (ROYALTI) SOLIQNI HISOBLAB CHIQARISH VA TOʻLASH TARTIBI TOʻGʻRISIDAGI NIZOMNI TASDIQLASH HAQIDA

[Oʻzbekiston Respublikasi Adliya vazirligi tomonidan 2011-yil 11-oktabrda roʻyxatdan oʻtkazildi, roʻyxat raqami 2277]

Oʻzbekiston Respublikasi Soliq kodeksi (Oʻzbekiston Respublikasi qonun hujjatlari toʻplami, 2007-y., 52 (I)-son), Oʻzbekiston Respublikasi “Davlat soliq xizmati toʻgʻrisida”gi Qonunining (Oʻzbekiston Respublikasi Oliy Majlisi Axborotnomasi, 1997-y., 9-son, 232-modda) 7-moddasi hamda Oʻzbekiston Respublikasi va “Soyuzneftegaz Vostok Limited” kompaniyasi oʻrtasida 2007-yil 23-yanvardagi Oʻzbekiston Respublikasining Janubiy-Gʻarbiy Hisor va Ustyurt mintaqasi hududlaridagi konlarga nisbatan Mahsulotni taqsimotiga oid bitimga muvofiq Oʻzbekiston Respublikasi Moliya vazirligi va Davlat soliq qoʻmitasi qaror qiladilar:

Keyingi tahrirga qarang.

1. Oʻzbekiston Respublikasi va “Soyuzneftegaz Vostok Limited” kompaniyasi oʻrtasida 2007-yil 23-yanvardagi Oʻzbekiston Respublikasining Janubiy-Gʻarbiy Hisor va Ustyurt mintaqasi hududlaridagi konlarga nisbatan Mahsulot taqsimotiga oid bitim doirasida Neft va Gaz kondensatini qazib olish boʻyicha yer qaʼridan foydalanganlik uchun (royalti) soliqni hisoblab chiqarish va toʻlash tartibi toʻgʻrisidagi nizom ilovaga muvofiq tasdiqlansin.

2. Mazkur qaror Oʻzbekiston Respublikasi Adliya vazirligida davlat roʻyxatidan oʻtkazilgan kundan boshlab oʻn kun oʻtgandan keyin kuchga kiradi.

Moliya vaziri R. AZIMOV

Toshkent sh.,

2011-yil 27-sentabr,

24-son

Davlat soliq qoʻmitasi raisi B. PARPIYEV

Toshkent sh.,

2011-yil 27-sentabr,

2010-47-son

Oʻzbekiston Respublikasi Moliya vazirligi va Davlat soliq qoʻmitasining 2011-yil 27-sentabrdagi 24, 2010-47-sonli qaroriga
ILOVA

Oʻzbekiston Respublikasi va “Soyuzneftegaz Vostok Limited” kompaniyasi oʻrtasida 2007-yil 23-yanvardagi Oʻzbekiston Respublikasining Janubiy-Gʻarbiy Hisor va Ustyurt mintaqasi hududlaridagi konlarga nisbatan Mahsulot taqsimotiga oid bitim doirasida Neft va Gaz kondensatini qazib olish boʻyicha yer qaʼridan foydalanganlik uchun (royalti) soliqni hisoblab chiqarish va toʻlash tartibi toʻgʻrisidagi

NIZOM

Mazkur Nizom Oʻzbekiston Respublikasi Soliq kodeksiga (Oʻzbekiston Respublikasi qonun hujjatlari toʻplami, 2007-y., 52-son (I)), Oʻzbekiston Respublikasi “Davlat soliq xizmati toʻgʻrisida”gi Qonunining 7-moddasi (Oʻzbekiston Respublikasi Oliy Majlisi Axborotnomasi, 1997-y., 9-son, 232-modda) hamda Oʻzbekiston Respublikasi va “Soyuzneftegaz Vostok Limited” kompaniyasi oʻrtasida 2007-yil 23-yanvardagi Oʻzbekiston Respublikasining Janubiy-Gʻarbiy Hisor va Ustyurt mintaqasi hududlaridagi konlarga nisbatan Mahsulot taqsimotiga oid bitim (keyingi oʻrinlarda MTB deb yuritiladi) doirasida Oʻzbekiston Respublikasining Janubiy-Gʻarbiy Hisor va Ustyurt mintaqasi hududlaridagi Neft va Gaz kondensatini qazib olish boʻyicha yer qaʼridan foydalanganlik uchun (royalti) soliqni hisoblab chiqarish va toʻlash tartibini belgilaydi.

Keyingi tahrirga qarang.

I. Umumiy qoida

1. Mazkur Nizomda foydalanadigan bosh harf bilan berilgan tushunchalar, agar mazkur Nizomda boshqacha hol toʻgʻridan-toʻgʻri koʻrsatilmagan boʻlsa, MTBda belgilangan maʼnoni anglatadi.

II. Soliq toʻlovchilar

2. Neft va Gaz kondensatiga nisbatan yer qaʼridan foydalanganlik (royalti) uchun soliq toʻlovchi boʻlib Investor hisoblanadi. Bunda yer qaʼridan foydalanganlik uchun (royalti) soliqni Investorning vakillari — Marketing kompaniyasi yoki MTBga muvofiq vakolatga ega boʻlgan boshqa shaxslar toʻlashlari mumkin.

Keyingi tahrirga qarang.

III. Soliq solish obyekti. Soliq solinadigan baza

Keyingi tahrirga qarang.

3. Neft boʻyicha yer qaʼridan foydalanganlik uchun (royalti) soliq solish obyekti boʻlib MTB shartlariga koʻra, MTBning 11.9 boʻlimida belgilab berilgan tegishli neft konlaridagi neftni tayyorlash qurilmalarining chiqish joyida oʻlchov bogʻlamalaridagi neft hajmi hisoblanadi.

Keyingi tahrirga qarang.

4. Gaz kondensati boʻyicha yer qaʼridan foydalanganlik uchun (royalti) soliq solish obyekti boʻlib MTB shartlariga koʻra, MTBning 11.9 boʻlimida belgilab berilgan gazni dastlabki tayyorlash qurilmalarining chiqish joyida, shuningdek Shoʻrton gaz-kimyo kompleksidagi quyish estakadasidagi oʻlchov bogʻlamalaridagi Gaz kondensatining hajmi hisoblanadi.

Keyingi tahrirga qarang.

5. Neft va/yoki Gaz kondensatini ularga qayta ishlov berilmasdan sotilgan xolda tegishli hajmlar boʻyicha yer qaʼridan foydalanganlik uchun (royalti) soliqni hisoblash Oʻzbekiston Respublikasi Soliq kodeksining 43-bobi va MTBning 11.9 boʻlimiga muvofiq amalga oshiriladi. Bunda soliq solinadigan bazani aniqlash uchun MTBning 11.9 boʻlimiga muvofiq Yetkazib berish punktidagi hisoblangan Narxdan foydalaniladi.

Keyingi tahrirga qarang.

6. Agar MTB doirasida qazib olingan Neft va/yoki Gaz kondensati keyinchalik qayta ishlangan mahsulot (keyingi oʻrinlarda Neft mahsulotlari deb yuritiladi) sotilishi bilan xom ashyo berish asosida qayta ishlansa, soliq solinadigan bazani aniqlash uchun “orqaga qaytish” (“Netback”) prinsipiga asoslanib aniqlanadigan Neft va/yoki Gaz kondensatini Yetkazib berish punktidagi hisoblangan Narx qoʻllaniladi.

Keyingi tahrirga qarang.

Neft mahsulotlari sotilayotganda soliq solinadigan bazani aniqlash uchun Yetkazib berish punktidagi Hisob-kitob narxi (keyingi oʻrinlarda “Netback” narx deb yuritiladi) quyidagicha hisoblanadi:

Keyingi tahrirga qarang.

YEPHN = SNHQ / FNFH, bu yerda:

YEPHN — Neftgaz mahsulotlarini sotishda soliq solinadigan bazani aniqlash uchun Yetkazib berish punktidagi oʻrtacha hisob-kitob narxi;

Keyingi tahrirga qarang.

SNHQ — Neft mahsulotlarini qayta ishlash natijasida olingan mahsulotlarning hisobot davri uchun quyidagilarni chiqarib tashlangan haqiqiy qiymati:

ushbu Neft mahsulotlarini sotishga qilingan Sarf-xarajatlar (MTBning 13.3 boʻlimida koʻrsatilgan taʼrifga asosan Neft va Gaz kondensatini qayta ishlashdan olingan mahsulotlarini Yetkazib berish punktidan Sotish punktigacha yetkazib berish uchun qilingan xarajatlar);

tegishli Neft mahsulotlarini olishda (texnik shartlar, qonun hujjatlarining talablari va hokazolarga koʻra) muqarrar yuzaga keladigan Neft yoki Gaz kondensatini Yetkazib berish punktidan sotish uchun moʻljallangan Neft mahsulotlarini Yetkazib berish punktigacha yetkazib berish uchun qilingan sarf-xarajatlar, shu jumladan, lekin cheklanmagan holda: yuklash xarajatlari, transportda tashish, qayta ishlash, shuningdek namunalar tahlili, Neft yoki Gaz kondensati va Neft mahsulotlarining sifat va miqdorini aniqlash boʻyicha xarajatlari;

Keyingi tahrirga qarang.

FNFH — hisobot davrida sotilgan Neft mahsulotlarining tegishli hajmini tayyorlash uchun foydalanilgan Neft va Gaz kondensatining, Neft va/yoki Gaz kondensatini Yetkazib berish punktidan boshlab texnologik xarajat va Neft va Gaz kondensatining yoʻqotilishini hisobga olgan holdagi umumiy fizik hajmi.

7. Har bir hisobot davrida yer qaʼridan foydalanganlik uchun (royalti) soliqni hisoblash hisobot davrida Neft va/yoki Gaz kondensatining sotiladigan hajmlarini Yetkazib berish punktidagi Neft va/yoki Gaz kondensatining narxi va yil boshidan hisobot davrining yakunigacha qayta ishlashga joʻnatilgan Neftning “Netback” narxi va/yoki Gaz kondensatini “Netback” narxi boʻyicha sotishning oʻrtacha narxi boʻlgan hisob-kitob narxi boʻyicha amalga oshiriladi.

Neft mahsulotlarining birinchi sotilishi amalga oshirilgan hisobot davrida hisob-kitob “Netback” narxi Qazib olish boshlanishidan hisobot davrining yakuniga qadar Neft va Gaz kondensatining qazib olingan (chiqarib olingan) va qayta ishlashga yuborilgan hajmiga nisbatan qoʻllaniladi.

8. Agar hisobot davrida sotilishi nazarda tutilgan Neft va Gaz kondensati, shuningdek ularning Neft mahsulotlari sotilmagan boʻlsa, qazib olingan (ishlab chiqarilgan) Neft va/yoki Gaz kondensatining sotilmagan qismi uchun yer qaʼridan foydalanganlik uchun (royalti) soligʻini solish maqsadida soliq solinadigan baza, Neft va/yoki Gaz kondensati yoki Neft mahsulotlari sotilgan soʻnggi hisobot davridagi hisob-kitob narxidan kelib chiqqan holda aniqlanadi.

Keyingi tahrirga qarang.

IV. Soliq davri. Hisobot davri

9. Soliq davri boʻlib kalendar yil hisoblanadi.

Keyingi tahrirga qarang.

10. Hisobot davri boʻlib oy hisoblanadi.

V. Soliq hisob-kitobini taqdim etish va toʻlash tartibi

Keyingi tahrirga qarang.

Oldingi tahrirga qarang.

11. Yer qaʼridan foydalanganlik uchun soliq hisob-kitobi, Investor yoki Operator soliq boʻyicha hisobga olish joyidagi Oʻzbekiston Respublikasi Davlat soliq xizmati organlariga ortib boruvchi yakun bilan yilning har choragida, hisobot davridan keyingi oyning 25-kunidan kechiktirmay, yil yakunlari boʻyicha esa — yillik moliyaviy hisobot taqdim etiladigan muddatda Oʻzbekiston Respublikasi Moliya vazirligi va Davlat soliq qoʻmitasining 2013-yil 4-martdagi 23, 2013-8-son “Soliq hisobotining shakllarini tasdiqlash toʻgʻrisida”gi qarorining (roʻyxat raqami 2439, 2013-yil 22-mart) 5-ilovasiga muvofiq shaklda taqdim etiladi.

(11-band Oʻzbekiston Respublikasi Moliya vazirligi, Davlat soliq qoʻmitasining 2016-yil 6-iyundagi 42, 2016-23-sonli (roʻyxat raqami 2277-1, 14.06.2016-y.) qarori tahririda— OʻR QHT, 2016-y., 24-son, 300-modda)

Keyingi tahrirga qarang.

12. Yer qaʼridan foydalanganlik uchun soliq hisob-kitobi shaklini toʻldirish tartibi mazkur Nizomning 1-ilovasida keltirilgan.

Keyingi tahrirga qarang.

13. Yer qaʼridan foydalanganlik uchun soliqni hisoblab chiqarishning shartli namunasi mazkur Nizomning 2-ilovasida keltirilgan.

Keyingi tahrirga qarang.

14. Yer qaʼridan foydalanganlik uchun (royalti) soliqni toʻlash hisob-kitobni taqdim etishdan kech boʻlmagan muddatda amalga oshiriladi.

Keyingi tahrirga qarang.

VI. Yakuniy qoidalar

15. Investor yer qaʼridan foydalanganlik uchun (royalti) soliqning toʻgʻri hisoblanishi va toʻlanishi uchun Oʻzbekiston Respublikasi qonun hujjatlari va MTBga muvofiq javobgar boʻladi.

Keyingi tahrirga qarang.

16. Yer qaʼridan foydalanganlik uchun (royalti) soliqning toʻgʻri hisoblanishi va toʻlanishi ustidan nazorat Oʻzbekiston Respublikasi davlat soliq xizmati organlari tomonidan Oʻzbekiston Respublikasi qonun hujjatlariga muvofiq amalga oshiriladi.

Keyingi tahrirga qarang.

Yer qaʼridan foydalanganlik uchun soliq hisob-kitobi shaklini toʻldirish

TARTIBI

Yer qaʼridan foydalanganlik uchun soliq hisob-kitobi ilovasida quyidagilar koʻrsatiladi:

010 grafasida — tayyor mahsulotning nomlanishi — Neft va/yoki Gaz kondensati;

020 grafasida — hisobot davrida qazib olingan Neft yoki Gaz kondensatining umumiy hajmi, tonnada;

030 grafasida — sotilishi moʻljallangan (rejalashtirilgan) qazib olingan Neft yoki Gaz kondensatining hajmi, ushbu hajm Neft uchun mazkur Nizomning 3-bandiga koʻra, Gaz kondensati uchun — 4-bandiga koʻra aniqlanadi.

050 grafasida — 1-formula bilan hisoblanadigan hisobot davrida sotilgan Neft yoki Gaz kondensatining natural koʻrinishdagi haqiqiy hajmi, tonnalarda:

(1-formula)

V_sot. = V_{sot. Neft/Gaz kond.} + V_{n/m.sot. Neft/Gaz kond.} bu yerda:

V_sot. — hisobot davrida sotilgan Neft yoki Gaz kondensatining natural koʻrinishdagi haqiqiy hajmi;

V_{sot. Neft/Gaz kond.} — Neft va Gaz kondensatini hisobot davrida Yetkazib berish punktida sotilgan hajmi (tn);

V_{n/m.sot. Neft/Gaz kond.} — Neft mahsulotlarining hisobot davrida sotilgan hajmlaridan kelib chiqqan holda 2-formula yordamida hisoblangan Neft va Gaz kondensati hajmi (tn);

(2-formula)

V_{n/m.sot. Neft/Gaz kond.} = V_{sot. n/m./}(V_{n/mahsulotlari} _/ V_{neft qayt. ish./Gaz kond. qayta ish.}) bu yerda:

V_{sot. n/m}— hisobot davrida sotilgan Neft mahsulotlarining hajmi (tn);

V_{n/ mahsulotlari} — hisobot davrida sotishga moʻljallangan va soliq davrining boshlanishiga Neft mahsulotlarining qoldigʻi bilan birga hisobga olingan tayyorlangan Neft mahsulotlarining hajmi (tn);

V_{neft qayta ish./Gaz kond. qayta ish.} — hisobot davrida qayta ishlashga joʻnatilgan Neft yoki Gaz kondensatining hajmi (tn).

060 grafasida — 3-formula bilan hisoblanadigan 050 grafada koʻrsatilgan Neft va Gaz kondensati hajmlari sotilishidan tushadigan sof tushumlar (soʻmda):

(3-formula)

S_sot. = S_{sot. Neft/Gaz kond.} + S_Netbackbu yerda:

S _{sot. Neft/Gaz kond.} — hisobot davrida Yetkazib berish punktida sotilgan Neft yoki Gaz kondensatining narxi (soʻmda);

S _Netback — Yetkazib berish punktida “orqaga qaytish” (“Netback”) prinsipiga asosan 4-formula yordamida aniqlanadigan Neft yoki Gaz kondensatining hisoblangan narxi:

(4-formula)

S_Netback= S_{sot. n/mahsulotlari}– S_{sot. xarajatlari} – S_{qayta ishlash xarajatlari} bu yerda:

S_{sot. n/ mahsulotlari} — hisobot davrida sotilgan Neft mahsulotlarining narxi (soʻm);

S_{sot. xarajatlari} — hisobot davrida ushbu Neft mahsulotlarini sotish uchun sarflangan xarajatlar (MTBning 13.3 boʻlimida koʻrsatilgan taʼrifga asosan Neft mahsulotlarini Yetkazib berish punktidan Sotish punktigacha yetkazib berish uchun qilingan xarajatlar) summasi (soʻm);

S_{qayta ishlash xarajatlari} — 5-formula bilan hisoblanadigan muayyan Neft mahsulotlarini olishda (texnik shartlar, qonun hujjatlarining talablari va hokazolarga koʻra) muqarrar yuzaga keladigan Neft yoki Gaz kondensatini Yetkazib berish punktidan sotish uchun moʻljallangan Neft mahsulotlarini Yetkazib berish punktigacha qilingan sarf-xarajatlar summasi, shu jumladan, lekin cheklanmagan holda: yuklash xarajatlari, transportda tashish, qayta ishlash, shuningdek namunalar analizi, Neft yoki Gaz kondensati va Neft mahsulotlarining sifat va miqdorini aniqlash bilan bogʻliq xarajatlar:

Keyingi tahrirga qarang.

(5-formula)

S_{qayt.ish. xarajatlari} = S_{jami qayta ish. xarajatlari}/ V_{neft qayta ish. / Gaz kondensati qayta ish.}x V_{Neft mahs. sotish Neft/Gaz kondensati}bu yerda:

S_{jami qayta ish. xarajatlari} — hisobot davri uchun yuklash, transportda tashish, qayta ishlash xarajatlari, shuningdek namunalar analizi, Neft yoki Gaz kondensati va Neft mahsulotlarining sifat va miqdorini aniqlash bilan bogʻliq xarajatlar summasi (soʻm);

V_{neft qayta ish./Gaz kondensati qayta ish.} — hisobot davrida qayta ishlash uchun yuborilgan Neft yoki Gaz kondensatining hajmi (tn);

V_{Neft mahs. sotish Neft/Gaz kondensati}— hisobot davrida sotilgan Neft mahsulotlarining hajmidan kelib chiqqan holda 2-formulaga asosan hisoblab chiqilgan Neft yoki Gaz kondensatining hajmi (tn);

070 grafasi — 060 grafasidagi qiymatni 050 grafasidagi soʻmda berilgan qiymatga boʻlinib topiladigan Neft yoki Gaz kondensati birligini (1 tonna yoki 1 m kub. uchun) oʻrtacha sotilish narxi;

090 grafasida — 100 va 110 grafalaridagi koʻrsatkichlarni tegishli satrlar boʻyicha qoʻshish yoʻli bilan aniqlanadigan Neft va Gaz kondensati boʻyicha alohida soliq solinadigan bazaning yakuniy summasi. Ushbu grafadagi qiymatlar yer qaʼridan foydalanganlik uchun soliq hisob-kitobining 020 grafasining tegishli satriga koʻchiriladi;

100 grafasida — sotilishi koʻzda tutilgan Neft yoki Gaz kondensatining qazib olingan hajmiga bogʻliq ravishda hisoblangan soliq solinadigan baza (soʻmda) (030 grafasi x 070 grafasiga).

Keyingi tahrirga qarang.

Yer qaʼridan foydalanganlik uchun soliqni hisoblab chiqarishning

SHARTLI NAMUNASI

‎‎Hisobot davri uchun boshlangʻich maʼlumotlar:
‎‎Neftni tayyorlash qurilmasidagi neft hajmi — 100 tn;
‎‎Neftni tayyorlash qurilmasidagi sotilgan neft hajmi — 30 tn;
‎‎Neftni tayyorlash qurilmasidagi qayta ishlashga yuborilgan neft hajmi — 70 tn;
‎‎Ishlab chiqarilgan neft mahsulotlarining hajmi — 63 tn;
‎‎Yetkazib berish punktida sotilgan neft narxi — 3 000 000 soʻm;
‎‎Sotilgan neft mahsulotlarining hajmi — 30 tn;
‎‎Sotilgan neft mahsulotlarining narxi — 6 000 000 soʻm;
‎‎Sotishdagi sarf-xarajatlar — 6 000 soʻm;
‎‎Neftni transportda tashish va qayta ishlash sarf-xarajatlari — 2 800 000 soʻm;
‎‎Avvalgi hisob-kitob boʻyicha aniqlangan soliq summasi — 1 820 000 soʻm;
‎	‎	‎	‎	‎	‎	‎	‎	‎	‎	‎
‎‏Tayyor mahsulotning nomlanishi	‎‎Qazib olish hajmi, t, m³			‎‎Sotish hajmi			Oʻz ehtiyojlari uchun foydalanadigan tayyor mahsulotning tannarxi	‎‎Soliq solinadigan baza
	‎‏jami	‎‎shu jumladan‎		natural koʻrinishda (t, m³)	pul koʻrinishida (soʻm)	oʻrtacha sotish narxi (060 gr. / 050 gr.)		‎‏jami	shu jumladan
		sotish uchun	oʻz ehtiyojlari uchun‎						sotish uchun‎	oʻz ehtiyojlari uchun‎
‎010	020‎	030‎	‎040	‎050	060‎	070‎	‎080	090‎	100‎	110‎
Neft‎	100‎	100‎	—‎	63,333‎	7 660 680‎	120 958,74‎	—‎	12 095 874,00‎	12 095 874,00‎	—‎
‎	‎	‎	‎	‎	‎	‎	‎	‎	‎	‎
‎‎‎020 grafasi: 030 grafasi + 040 grafasi;
‎‎030 grafasi: soliq davrining boshlanishidagi neftni tayyorlash qurilmasida neft hajmi — 100 tn;
‎‎040 grafasi — yoʻq;
‎‎050 grafasi — V_sot. = V_{sot. Neft/Gaz kond.} + V_{n/m.sot. Neft/Gaz kond.} = 30 tn + 33,333 tn = 63,333 tn, bu yerda:
V_{sot. Neft/Gaz kond.} = 30 tn;
V^{n/m.sot. Neft/Gaz kond.} = V _{sot. n/m.}/ (V_n/m/ V_{Neft qayta ish./Gaz qayta ish.}) = 30/(63/70) = 33,333 tn;
‎‎060 grafasi: S_sot. = S_{sot. Neft/Gaz kond.} + S_Netback = 3 000 000 soʻm + 4 660 680 soʻm = 7 660 680 soʻm, bu yerda:
‎‎S_{sot. Neft/Gaz kond.} = 3 000 000 soʻm;
‎‎S_Netback = S_{sot. n/m}– S_{sot. xarajatlari} – S_{qayta ishlash xarajatlari} = 6 000 000 soʻm – 6 000 soʻm – 1 333 320 soʻm = 4 660 680 soʻm,
bu yerda:‎	‎	‎	‎	‎	‎	‎	‎	‎	‎	‎
‎‎S_{sot. xarajatlari} = 6 000 soʻm;
‎‎S_{qayt.ish. xarajatlari} = S_{jami qayta ish. xarajatlari} / V_{neft qayta ish.} _{/Gaz kondensati qayta ish.} x V_{Neft mahs. sotish Neft/Gaz kondensati.} = 2 800 000 soʻm / 70 tn x 33,333 = 1 333 320 soʻm;
070 grafasi: 060 grafasi / 050 grafasi = 7 660 680 / 63,333 tn = 120 958,74 soʻm;
‎‎090 grafasi: 100 grafasi + 110 grafasi = 12 095 874,00 soʻm;
‎‎100 grafasi: 020 grafasi x 070 = 100 tn x 120 958,74 soʻm = 12 095 874,00 soʻm.

Tayyor mahsulotning nomlanishi	Soliq solinadigan baza (hisob-kitobga ilovaning 090 gr.)‎‏	Soliq stavkalari, %	Yer qaʼridan foydalanganlik uchun hisoblangan soliq summasi	Avvalgi hisob-kitob boʻyicha yer qaʼridan foydalanganlik uchun soliq summasi (avvalgi hisob-kitobning 040 gr.)	Yer qaʼridan foydalanganlik uchun soliq summasi (040 gr. — 050 gr.) ‎‎
Tayyor mahsulotning nomlanishi	Soliq solinadigan baza (hisob-kitobga ilovaning 090 gr.)‎‏	Soliq stavkalari, %	Yer qaʼridan foydalanganlik uchun hisoblangan soliq summasi		qoʻshimcha toʻlashga‎	kamaytirishga‎
010‎	020‎	030‎	040‎	050‎	060‎	070‎
‎Neft	‎12 095 874,00	20‎	2 419 174,80‎	‎1 820 000	599 174,80‎	—‎
‎	‎	‎	‎	‎	‎	‎

Izoh: NQZda qayta ishlanadigan xom ashyodan chiqadigan Neft mahsulotlari hajmlari ikki tomonlama xom ashyoni qayta ishlash dalolatnomasi bilan tasdiqlanadi.

Keyingi tahrirga qarang.

(Oʻzbekiston Respublikasi qonun hujjatlari toʻplami, 2011-y., 41-son, 451-modda; 2016-y., 24-son, 300-modda; Qonunchilik maʼlumotlari milliy bazasi, 30.11.2021-y., 10/21/3338/1117-son; 09.08.2023-y., 10/23/2277-2/0576-son)