|
Hujjat 28.04.2011 sanasi holatiga
Amaldagi versiyaga o‘tish |
Oʻzbekiston Respublikasi Vazirlar Mahkamasining
qarori
SERTIFIKATLASHTIRISH TARTIBOTLARINI VA SIFAT MENEJMENTI TIZIMLARINI JORIY ETISHNI TAKOMILLASHTIRISHGA DOIR QOʻSHIMCHA CHORA-TADBIRLAR TOʻGʻRISIDA
Ishlab chiqaruvchi tashkilotlarga qulay shart-sharoitlar yaratish, sertifikatlashtirish tartibotlarini va sifat menejmenti tizimlarini joriy etishni takomillashtirish maqsadida, Oʻzbekiston Respublikasi Prezidentining 2011-yil 7-yanvardagi PQ-1464-son qarori bilan tasdiqlangan 2011 — 2015-yillar davrida Oʻzbekiston iqtisodiyotida islohotlar koʻlamini chuqurlashtirish va kengaytirish, mamlakatda ishbilarmonlik muhitini shakllantirish mezonlarini va baholash tizimini belgilash va amalga oshirish chora-tadbirlari dasturini, shuningdek Oʻzbekiston Respublikasi Prezidentining 2011-yil 7-fevraldagi PQ-1474-son qarori bilan tasdiqlangan “Kichik biznes va xususiy tadbirkorlik yili” Davlat dasturini bajarish yuzasidan Vazirlar Mahkamasi qaror qiladi:
1. Oʻzbekiston Respublikasi Iqtisodiyot vazirligi, Moliya vazirligi, Tashqi iqtisodiy aloqalar, investitsiyalar va savdo vazirligi hamda “Oʻzstandart” agentligining:
2011-yil 1-maydan boshlab ishlab chiqaruvchi tashkilotlar tomonidan sotilgan sertifikatlashtirilgan mahsulot hajmidan muvofiqlik belgilaridan foydalanganlik uchun sertifikatlashtirish organlariga doimiy litsenziya ajratmalarini toʻlash toʻgʻrisidagi talablarni, ularning oʻrniga Oʻzbekiston Respublikasi Moliya vazirligi bilan kelishilgan miqdordagi bir martalik toʻlovni joriy etgan holda, bekor qilish toʻgʻrisidagi;
eksportga yetkazib berish uchun ishlab chiqariladigan mahsulotlarni ixtiyoriy ravishda sertifikatlashtirish toʻgʻrisidagi;
ishlab chiqarilayotgan mahsulotlarning ayrim turlarini sertifikatlashtirishning maʼlum qilish tartibini 2011-yil 1-maydan boshlab joriy etish toʻgʻrisidagi;
xorijiy mamlakatlarning akkreditatsiya qilingan sertifikatlashtirish organi tomonidan berilgan muvofiqlik sertifikatlarini tan olish yoʻli bilan chetdan keltirilayotgan texnologik uskunalar va ularning qismlarini sertifikatlashtirish tartibini soddalashtirish toʻgʻrisidagi takliflari qabul qilinsin.
2. Quyidagilar:
Majburiy tartibda sertifikatlanadigan, Oʻzbekiston Respublikasi hududida ishlab chiqariladigan va unga olib kiriladigan mahsulotlar turlari roʻyxati 1-ilovaga* muvofiq;
* 1-ilova rus tilidagi matnda berilgan.
Keyingi tahrirga qarang.
Oʻzbekiston Respublikasiga olib kiriladigan texnologik uskunalar va ularning qismlariga xorijiy mamlakatlarning akkreditatsiya qilingan sertifikatlashtirish organlari tomonidan berilgan muvofiqlik sertifikatlarini tan olish tartibi toʻgʻrisidagi nizom 2-ilovaga muvofiq;
Keyingi tahrirga qarang.
Oʻzbekiston Respublikasida ishlab chiqarilayotgan mahsulotlarning sifat va xavfsizlik talablariga muvofiqligini ishlab chiqaruvchi tomonidan maʼlum qilish tartibi toʻgʻrisidagi nizom 3-ilovaga muvofiq tasdiqlansin.
Keyingi tahrirga qarang.
3. “Oʻzstandart” agentligining mahsulotlarni eksport qilishga koʻmaklashish byurosi (keyingi oʻrinlarda Byuro deb ataladi) tashkil etilsin, uning boshqaruv xodimlari soni 17 nafar, shu jumladan markaziy apparatida — 5 nafar va hududiy boshqarmalarida — 12 nafar etib belgilansin, “Oʻzstandart” agentligi boshqaruv xodimlarining cheklangan soni tegishli ravishda koʻpaytirilsin.
Keyingi tahrirga qarang.
Quyidagilar Byuroning asosiy vazifalari etib belgilansin:
eksportga yoʻnaltirilgan mahsulotlarni ishlab chiqaruvchi tashkilotlarga standartlar, sertifikatlashtirish, yorliqlash, qadoqlash va boshqa parametrlar boʻyicha xalqaro va mamlakatlararo talablar yuzasidan bepul konsultatsiya xizmatlari koʻrsatish;
ishlab chiqaruvchi tashkilotlar tomonidan eksportga yoʻnaltirilgan mahsulotlar ishlab chiqarishda standartlar boʻyicha xalqaro va mamlakatlararo talablarni joriy etish va ular darajasiga erishish boʻyicha takliflar ishlab chiqish;
ishlab chiqarilayotgan mahsulotlarni xorijiy bozorlarga kiritish boʻyicha zarur maʼlumotlarni olish uchun ishlab chiqaruvchi tashkilotlarga axborot-konsultatsiya yordami koʻrsatish;
standartlar, sertifikatlashtirish, mahsulotlarni yorliqlash, qadoqlash va boshqa parametrlar boʻyicha xalqaro va mamlakatlararo talablarning doimiy ravishda yangilab boriladigan maʼlumotnomasini ishlab chiqish va joriy etish, keyinchalik uni Internet tarmogʻidagi “Oʻzstandart” agentligi saytiga joylashtirish.
Keyingi tahrirga qarang.
4. Belgilab qoʻyilsinki, “Oʻzstandart” agentligining mahsulotlarni eksport qilishga koʻmaklashish byurosi:
“Oʻzstandart” agentligi markaziy apparatining tarkibiy boʻlinmasi hisoblanadi va hududiy standartlashtirish va metrologiya boshqarmalarida uning vakili boʻladi;
“Oʻzstandart” agentligining budjetdan tashqari mablagʻlari hisobiga moliyalashtiriladi.
Keyingi tahrirga qarang.
5. Quyidagilar:
“Oʻzstandart” agentligi markaziy apparatining xodimlarning cheklangan umumiy soni 45 nafar, shu jumladan boshqaruv xodimlari soni 35 nafar boʻlgan tuzilmasi 4-ilovaga muvofiq;
Keyingi tahrirga qarang.
“Oʻzstandart” agentligining hududiy standartlashtirish va metrologiya boshqarmalarining namunaviy tuzilmasi va xodimlarining cheklangan soni 5 va 6-ilovalarga muvofiq;
Keyingi tahrirga qarang.
“Oʻzstandart” agentligining mahsulotlarni eksport qilishga koʻmaklashish byurosining xodimlarning cheklangan umumiy soni 17 nafar boʻlgan tuzilmasi 7-ilovaga muvofiq;
Keyingi tahrirga qarang.
“Oʻzstandart” agentligining mahsulotlarni eksport qilishga koʻmaklashish byurosi toʻgʻrisidagi nizom 8-ilovaga muvofiq tasdiqlansin.
Keyingi tahrirga qarang.
6. “Oʻzstandart” agentligi ikki oy muddatda:
“Oʻzstandart” agentligining mahsulotlarni eksport qilishga koʻmaklashish byurosi faoliyatini tashkil etsin, uni belgilangan tartibda joylashtirishni, tegishli soha boʻyicha malakali mutaxassislar va boshqa xodimlar, inventarlar va zarur texnik asbob-uskunalar bilan taʼminlasin;
Oʻzbekiston Respublikasi Savdo-sanoat palatasi bilan birgalikda xalqaro va mamlakatlararo standartlar talablariga muvofiq boʻlgan sifat menejmenti tizimlarini ishlab chiqish va ishlab chiqaruvchi tashkilotlarda joriy etish boʻyicha namunaviy hujjatlarni tasdiqlasin hamda ishlab chiqaruvchi tashkilotlarga ularning bepul taqdim etilishini taʼminlasin;
manfaatdor vazirliklar va idoralar bilan birgalikda idoraviy normativ-huquqiy hujjatlarni ushbu qarorga muvofiqlashtirsin.
7. Oʻzbekiston Respublikasi Hukumatining 9-ilovaga muvofiq ayrim qarorlariga oʻzgartirish va qoʻshimchalar kiritilsin.
8. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosari U.U. Rozuqulov zimmasiga yuklansin.
Oʻzbekiston Respublikasining Bosh vaziri Sh. MIRZIYOYEV
Toshkent sh.,
2011-yil 28-aprel,
122-son
Vazirlar Mahkamasining 2011-yil 28-apreldagi 122-son qaroriga
2-ILOVA
2-ILOVA
Oʻzbekiston Respublikasi hududiga olib kiriladigan texnologik uskunalar va ularning qismlariga xorijiy mamlakatlarning akkreditatsiya qilingan sertifikatlashtirish organlari tomonidan berilgan muvofiqlik sertifikatlarini tan olish tartibi toʻgʻrisida
NIZOM
I. Umumiy qoidalar
1. Ushbu Nizom Oʻzbekiston Respublikasi Vazirlar Mahkamasi tomonidan belgilanadigan roʻyxat boʻyicha olib kirilayotgan texnologik uskuna va uning qismlarini Oʻzbekiston Respublikasi hududiga kiritishda ushbu Nizomga 1-ilovada* koʻrsatilgan xorijiy mamlakatlarning akkreditatsiya qilingan sertifikatlashtirish organlari tomonidan berilgan muvofiqlik sertifikatlarini tan olish tartibini belgilaydi.
*1-ilova rus tilidagi matnda berilgan.
2. Oʻzbekiston Respublikasi hududida akkreditatsiya qilingan xorijiy mamlakatlar sertifikatlashtirish organlari tomonidan berilgan muvofiqlik sertifikatlarini tan olish qonun hujjatlarida belgilangan tartibda “Oʻzstandart” agentligi tomonidan akkreditatsiya qilingan bir turdagi mahsulotlarni sertifikatlashtirish organlari (keyingi oʻrinlarda sertifikatlashtirish organlari deb ataladi) tomonidan amalga oshiriladi.
3. Texnologik uskuna va uning qismlari (keyingi oʻrinlarda mahsulot deb ataladi) toʻplamiga kiruvchi oʻlchash va sinash vositalarini sertifikatlashtirish “Metrologiya toʻgʻrisida”gi Oʻzbekiston Respublikasi Qonuniga va Oʻzbekiston Respublikasining oʻlchashlar birligini taʼminlash boʻyicha normativ hujjatlariga muvofiq davlat sinovlari va metrologik attestatsiya natijalari yoki xorijiy mamlakatlarning vakolatli organlari tomonidan berilgan sinovlar va attestatsiya maʼlumotlari natijalari toʻgʻrisidagi taqdim etilayotgan hujjatlarni tan olish asosida amalga oshiriladi.
II. Xorijiy muvofiqlik sertifikatlarini tan olish tartibi
4. Xorijiy mamlakatlarning akkreditatsiya qilingan sertifikatlashtirish organlari tomonidan mahsulotlarga berilgan muvofiqlik sertifikatlarini tan olish uchun, ariza beruvchi sertifikatlashtirish organiga ushbu Nizomga 2-ilovaga muvofiq shakl boʻyicha buyurtmanoma beradi. Buyurtmanoma jismoniy yoki yuridik shaxs (keyingi oʻrinlarda ariza beruvchi deb ataladi) tomonidan berilishi mumkin.
5. Buyurtmanomaga quyidagilar ilova qilinadi:
xorijiy mamlakatning akkreditatsiya qilingan sertifikatlashtirish organi tomonidan berilgan sertifikatning asl nusxasi egasining yoki sertifikat bergan organning muhri bilan tasdiqlangan sertifikatning asli yoki nusxasi;
xorijiy mamlakatning ishlab chiqarilayotgan mahsulotga normativ hujjati nusxasi (mavjud boʻlsa);
yetkazib berilayotgan uskunaning pasporti va/yoki undan foydalanish boʻyicha yoʻriqnomasi — davlat tili yoki rus tilidagi tarjimasi bilan;
xorijiy mamlakatning vakolatli organi tomonidan berilgan oʻlchash vositalari turini tasdiqlovchi (metrologik attestatsiya) sertifikat — oʻlchash vositalari turining davlat tiliga tarjima qilingan yoʻriqnomasi bilan;
Oʻzbekiston Respublikasi bojxona hududiga kirganligini belgilovchi tovarga ilova qilingan hujjat (tovar-transport hujjati, invoys, hisob-faktura);
Oʻzbekiston Respublikasi davlat sanitariya nazorati organi laboratoriyalarida oʻtkazilgan sinov natijalarini oʻzida aks ettirgan gigiyenik sertifikat nusxasi va Oʻzbekiston Respublikasi hududida amalda boʻlgan normativ hujjatlarda belgilangan boshqa talablarga muvofiqlik toʻgʻrisidagi maʼlumotlar (tan olish uchun taqdim etilgan sertifikatda koʻrsatilgan maʼlumotlar mavjud boʻlmaganda).
6. Ariza beruvchi, agar mavjud boʻlsa, oʻz xohishiga koʻra qoʻshimcha tarzda quyidagi hujjatlarni taqdim etishi mumkin:
mahsulotlarning texnik tavsiflari;
mahsulotni ishlab chiqish va ishlab chiqarishda oʻtkazilgan sinovlar bayonnomalari yoki xorijiy mamlakatlarning akkreditatsiya qilingan sinov laboratoriyalarida bajarilgan sinovlar haqidagi hujjatlar;
xorijiy mamlakatning akkreditatsiya qilingan sertifikatlashtirish organi tomonidan sifat menejmenti tizimiga (ishlab chiqarish uchun) berilgan sertifikat.
7. Agar qoʻshimcha hujjatlarda akkreditatsiya qilingan sinov laboratoriyalarida oʻtkazilgan aniq koʻrsatkichlar boʻyicha sinov natijalari mavjud boʻlsa, u holda sertifikatlashtirish organi qoʻshimcha sinovlar oʻtkazmasdan, ushbu xulosalardan muvofiqlik sertifikatini tan olish uchun foydalanishi mumkin.
8. Sertifikatlashtirish organi taqdim etilgan hujjatlarni tahlil qilishda quyidagilarni nazarda tutadi:
ariza beruvchi taqdim etgan hujjatlarda koʻrsatilgan maʼlumotlarning toʻgʻri va toʻliqligini aniqlash;
muvofiqligi boʻyicha sertifikatlangan mahsulot ishlab chiqarilgan mamlakatdagi normativ hujjatlar va talablarning Oʻzbekiston Respublikasida olib kirilayotgan mahsulotlar yuzasidan qabul qilingan normativ hujjatlarga va talablarga muvofiqligini taqqoslash.
9. Sertifikatlashtirish organi ariza beruvchi taqdim etgan hujjatlar va materiallarni tahlil qilish, shuningdek mahsulotni identifikatsiyalash asosida bir ish kunidan koʻp boʻlmagan muddatda xorijiy muvofiqlik sertifikati tan olingani yoki tan olinmagani haqida qaror qabul qiladi.
10. Muvofiqlik sertifikatida koʻrsatilgan va ariza beruvchi tomonidan taqdim etilgan boshqa hujjatlarda koʻrsatilgan maʼlumotlar tahlilining ijobiy natijalari muvofiqlik sertifikatining tan olinishi uchun asos hisoblanadi.
11. Eksport qiluvchi mamlakatning sertifikatlashtirish organi tomonidan berilgan muvofiqlik sertifikatini tan olish uni Oʻzbekiston Respublikasining muvofiqlik sertifikatiga qayta rasmiylashtirish va davlat yagona reyestriga kiritish yoʻli bilan amalga oshiriladi.
12. Identifikatsiyalash natijalariga koʻra, ariza beruvchi tomonidan taqdim etilgan namunalarning tan olinayotgan sertifikatda, shuningdek buyurtmanomada va unga ilova qilinadigan boshqa hujjatlarda koʻrsatilgan maʼlumotlarga mos kelmasligi aniqlansa, ariza beruvchiga muvofiqlik sertifikatining tan olinmasligi haqida asosli radnoma taqdim etiladi.
III. Yakunlovchi qoidalar
13. Oʻzbekiston Respublikasiga olib kirilayotgan mahsulotga xorijiy mamlakatlarning akkreditatsiya qilingan sertifikatlashtirish organi tomonidan berilgan muvofiqlik sertifikatlarini tan olish tartibotlarini amalga oshirish uchun toʻlov tartibi Oʻzbekiston Respublikasi Moliya vazirligi bilan kelishilgan holda “Oʻzstandart” agentligi tomonidan belgilanadi.
14. Ushbu Nizomning buzilishida aybdor boʻlgan shaxslar qonun hujjatlariga muvofiq javob beradi.
Oʻzbekiston Respublikasi hududiga olib kiriladigan texnologik uskunalar va ularning qismlariga xorijiy mamlakatlarning akkreditatsiya qilingan sertifikatlashtirish organlari tomonidan berilgan muvofiqlik sertifikatlarini tan olish tartibi toʻgʻrisidagi nizomga
2-ILOVA
2-ILOVA
|
Muvofiqlik sertifikatini tan olish yuzasidan | |
|
B U Yu R T M A N O M A | |
| ______________________________________da ishlab chiqarilgan, | |
| (ishlab chiqaruvchi tashkilotning nomi va manzili) | |
| ___________________________________ da sinovdan oʻtkazilgan | |
| (sinov laboratoriyasining nomi, manzili) | |
| ________________________________________________________ | |
|
(mahsulotning nomi, turi, modeli, markasi) | |
| _________________________________________ sertifikatining | |
| _____________________________________________ talablariga | |
|
(talablariga muvofiq sertifikatlashtirish oʻtkazilgan hujjatning nomi, turi) | |
| muvofiqligi tan olinishini soʻraymiz. | |
| Sertifikat _________________________ da joylashgan _______ | |
|
(manzili) |
|
| ______________________________________________ tomonidan | |
| (sertifikatni bergan organ (tashkilot, firma)ning nomi) | |
| ________________________________________________________ | |
|
(sertifikatlashtirish tizimining nomi yoki bitimning tartib raqami) | |
| qoidalariga muvofiq ____________dan _____________gacha muddatga berildi. | |
| Qoʻshimcha maʼlumotlar ____________________________________ | |
|
(sifat tizimiga muvofiqlik sertifikati va boshqalar) | |
| Buyurtmanomaga quyidagilarni ilova qilamiz: | |
| ________________________________________________________ | |
|
(hujjatlar va materiallar roʻyxati) | |
| Ariza beruvchining nomi va manzili ________________________ ________________________________________________________ | |
Ariza beruvchining telefoni/faksi _________________________ | |
| Shaharlararo telefoni ____________________________________ | |
| Buyurtmanoma bilan shugʻullanayotgan xodimning F.I.O., lavozimi va telefoni _____________________________________ | |
Keyingi tahrirga qarang.
Vazirlar Mahkamasining 2011-yil 28-apreldagi 122-son qaroriga
3-ILOVA
3-ILOVA
Oʻzbekiston Respublikasida ishlab chiqarilayotgan mahsulotlarning sifat va xavfsizlik talablariga muvofiqligini ishlab chiqaruvchi tomonidan maʼlum qilish tartibi toʻgʻrisida
NIZOM
1. Ushbu Nizom Oʻzbekiston Respublikasida ishlab chiqarilayotgan va xavflilik toifasi past boʻlgan, roʻyxati Oʻzbekiston Respublikasi Vazirlar Mahkamasi tomonidan belgilanadigan mahsulotlarning muvofiqligini tasdiqlash tartibotlarini ishlab chiqaruvchi tomonidan ularning sifat va xavfsizlik talablariga muvofiqligi haqida maʼlum qilish yoʻli bilan (keyingi oʻrinlarda muvofiqligini maʼlum qilish deb ataladi) belgilaydi va faqat koʻrsatib oʻtilgan mahsulotni ishlab chiqaruvchiga nisbatan qoʻllanadi.
2. Ishlab chiqarilayotgan mahsulotlarning qonunchilik talablariga va mahsulotlar ularga muvofiq ishlab chiqarilgan normativ hujjatlarga muvofiqligini tasdiqlash uchun mahsulotni ishlab chiqaruvchi ushbu Nizomga 1-ilovaga muvofiq shakl boʻyicha muvofiqlik xabarnomasini toʻldiradi.
3. Ishlab chiqarilgan mahsulotning muvofiqligi toʻgʻrisidagi xabarnomani ishlab chiqaruvchining vakili “Oʻzstandart” agentligi tomonidan akkreditatsiya qilingan sertifikatlashtirish organiga (keyingi oʻrinlarda sertifikatlashtirish organi deb ataladi) ikki nusxada taqdim etadi.
Keyingi tahrirga qarang.
4. Sertifikatlashtirish organi ishlab chiqarilgan mahsulotning muvofiqligi toʻgʻrisidagi xabarnomani ushbu Nizomga 2-ilovaga muvofiq shakl boʻyicha daftarda roʻyxatdan oʻtkazadi, ishlab chiqarilgan mahsulotning muvofiqligi toʻgʻrisidagi xabarnomaga roʻyxatdan oʻtkazish tartib raqamini qoʻyadi va uning sertifikatlashtirish organi muhri qoʻyilgan bir nusxasini mahsulot ishlab chiqaruvchining vakiliga beradi.
5. Ishlab chiqarilgan mahsulot muvofiqlik xabarnomasining amal qilish muddati muvofiqlik xabarnomasi roʻyxatdan oʻtkazilgan sanadan boshlab 3 yildan iborat boʻladi.
Muvofiqlik xabarnomasi roʻyxatdan oʻtkazilgandan soʻng 3 yil oʻtgach mahsulotni ishlab chiqaruvchi sertifikatlashtirish organiga yangi xabarnomani taqdim etadi.
6. Ishlab chiqarilayotgan mahsulotning normativ hujjatlardagi talablarga uning sifat va xavfsizlik koʻrsatkichlariga taʼsir qiluvchi oʻzgartirishlar kiritilsa muvofiqlik xabarnomasi qayta roʻyxatdan oʻtkaziladi.
7. Normativ hujjatlarga oʻzgartirishlar kiritilgan kundan boshlab 10 kun mobaynida ishlab chiqaruvchi sertifikatlashtirish organiga muvofiqlik xabarnomasini qayta roʻyxatdan oʻtkazish uchun murojaat qiladi.
8. Ishlab chiqarilgan mahsulotning muvofiqlik xabarnomasini roʻyxatdan oʻtkazish sertifikatlashtirish organi tomonidan bir ish kuni mobaynida, bepul amalga oshiriladi.
9. Ishlab chiqarilgan mahsulotning roʻyxatdan oʻtkazilgan muvofiqlik xabarnomasi ushbu mahsulotni Oʻzbekiston Respublikasi hududida sotish uchun asos hisoblanadi.
10. Eksportga yetkazib berish uchun ishlab chiqarilgan mahsulotlarni sertifikatlashtirish ixtiyoriy asosda amalga oshiriladi.
11. Sertifikatlashtirish organida roʻyxatdan oʻtkazilgan va ishlab chiqaruvchining muhri bilan tasdiqlangan muvofiqlik xabarnomasi ishlab chiqarilgan mahsulotning yoʻl hujjati uchun asos boʻlishi mumkin.
Keyingi tahrirga qarang.
12. Ishlab chiqarilgan mahsulotning xavfsizligi va sifat koʻrsatkichlarining normativ hujjatlardagi majburiy talablarga muvofiqlik xabarnomasida koʻrsatilgan maʼlumotlarning haqqoniyligi, shuningdek ishlab chiqarilayotgan mahsulotning sifati va xavfsizligiga nisbatan qoʻyiladigan normativ hujjatlarning majburiy talablariga rioya etilishini taʼminlash yuzasidan ishlab chiqaruvchi korxona qonun hujjatlariga muvofiq javob beradi.
Keyingi tahrirga qarang.
Oʻzbekiston Respublikasida ishlab chiqarilayotgan mahsulotlarning sifat va xavfsizlik talablariga muvofiqligini ishlab chiqaruvchi tomonidan maʼlum qilish tartibi toʻgʻrisidagi nizomga
1-ILOVA
1-ILOVA
|
MUVOFIQLIK XABARNOMASI | |||
|
20___ y. “___” _____________ | |||
| ____________________________________________ da joylashgan | |||
| ________________________________________________ nomidan | |||
|
(tashkilotning toʻliq nomi) | |||
| ________________________________________________________ | |||
|
(rahbarning F.I.O., lavozimi (bosh direktor, direktor, xususiy tadbirkor) | |||
| ushbu bilan xabar qiladiki, _________________________ boʻyicha | |||
| |
(normativ hujjat nomi, tartib raqami) | ||
| ishlab chiqarilayotgan _____________________________________ | |||
| |
(mahsulotning nomi, turi, rusumi) | ||
| koʻrsatib oʻtilgan hujjatning barcha talablariga, shuningdek____ _______________________________________________________ga | |||
|
(ishlab chiqarilayotgan mahsulotning sifati va xavfsizligiga nisbatan talablar belgilangan normativ hujjatlar va qoidalar nomi, tartib raqami) | |||
| toʻliq muvofiq keladi. | |||
|
Tashkilotda ishlab chiqarilayotgan mahsulotni normativ hujjatlarda belgilangan barcha sifat va xavfsizlik koʻrsatkichlari boʻyicha ishlab chiqarish va sinovlar oʻtkazish uchun barcha zarur shart-sharoitlar mavjud. | |||
| ________________________________________________________ | |||
|
(agar tashkilot sinovlarni (yoki sinovlarning bir qismini) boshqa laboratoriyalarda oʻtkazayotgan boʻlsa, ushbu laboratoriyalar koʻrsatilishi lozim) | |||
| ________________________________________________________ | |||
|
(sinov laboratoriyasining nomi, manzili, shuningdek uning akkreditatsiyadan (attestatsiyadan) oʻtkazilganligi toʻgʻrisidagi hujjatga (tartib raqami, berilgan sanasi, amal qilish muddati) havola, agar laboratoriya ushbu tartibotlardan oʻtgan boʻlsa) | |||
| Tashkilot sifatli va xavfsiz mahsulot ishlab chiqarish uchun barcha shartlarga rioya qilinishini taʼminlaydi. | |||
|
Ushbu muvofiqlik xabarnomasining haqqoniyligi, shuningdek muvofiqlik xabarnomasida koʻrsatilgan mahsulotning sifati va xavfsizligi yuzasidan ishlab chiqaruvchining qonun hujjatlariga muvofiq javob berishi toʻgʻrisida tanishdim. | |||
_____________ |
_____________ |
___________________________ | |
|
(lavozim) |
(imzo) |
(F.I.O.) | |
| | (M.Oʻ) | | |
| Toʻldirilgan sanasi 20__ y. “___” ________________ | |||
| Amal qilish muddati 20__ y. “___” _______________ | |||
| | |
Xabarnomaning orqa beti | |
|
ROʻYXATDAN OʻTKAZILGANLIGI (HISOBGA OLINGANLIGI) TOʻGʻRISIDA MAʼLUMOTLAR | |||
| Sertifikatlashtirish organi - _____________________________ | |||
| ______________________________________________ tomonidan | |||
| (sertifikatlashtirish organining nomi, Davlat reyestri boʻyicha tartib raqami) | |||
| ___-son tartib raqami bilan roʻyxatdan oʻtkazildi (hisobga olindi). | |||
|
|
___________________________ | ||
| |
(imzo) |
(F.I.O.) | |
| | M.Oʻ. | 20___ yil “___” _____________ | |
Izoh. Sifatli va xavfsiz mahsulot ishlab chiqarishning taʼminlanishini tasdiqlovchi qoʻshimcha axborot mavjud boʻlganda ishlab chiqaruvchi ularni qoʻshimcha ravishda keltirishi mumkin.
Keyingi tahrirga qarang.
Oʻzbekiston Respublikasida ishlab chiqarilayotgan mahsulotlarning sifat va xavfsizlik talablariga muvofiqligini ishlab chiqaruvchi tomonidan maʼlum qilish tartibi toʻgʻrisidagi nizomga
2-ILOVA
2-ILOVA
Ishlab chiqarilayotgan mahsulotlarning sifat va xavfsizlik talablariga muvofiqligi haqidagi xabarnomani roʻyxatdan oʻtkazish
DAFTARI SHAKLI
| T/r | Mahsulotning nomi | Xabarnoma yuboruvchining manzili | Xabarnoma kelib tushgan sana | Tashkilot rahbari | Roʻyxatdan oʻtkazilgan sanasi va tartib raqami* | Roʻyxatdan oʻtkazishning amal qilish muddati |
| 1 | 2 | 3 | 4 | 5 | 6 | 7 |
| | | | | | | |
| | | | | | | |
| | | | | | | |
| | | | | | | |
| | | | | | | |
* Roʻyxatdan oʻtkazish tartib raqamini koʻrsatish namunasi: № UZ.SMT.XX.XXX.XXXXXX
Keyingi tahrirga qarang.
Vazirlar Mahkamasining 2011-yil 28-apreldagi 122-son qaroriga
4-ILOVA
4-ILOVA
“Oʻzstandart” agentligi markaziy apparatining
TUZILMASI
* Budjetdan tashqari va qonunchilikda taqiqlanmagan boshqa manbalar mablagʻlari hisobidan moliyalashtiriladi.
Keyingi tahrirga qarang.
Vazirlar Mahkamasining 2011-yil 28-apreldagi 122-son qaroriga
5-ILOVA
5-ILOVA
“Oʻzstandart” agentligi hududiy standartlashtirish va metrologiya boshqarmalarining namunaviy tuzilmasi va xodimlari soni
* Budjetdan tashqari va qonunchilikda taqiqlanmagan boshqa manbalar mablagʻlari hisobidan moliyalashtiriladi.
Keyingi tahrirga qarang.
Vazirlar Mahkamasining 2011-yil 28-apreldagi 122-son qaroriga
6-ILOVA
6-ILOVA
Hududiy standartlashtirish va metrologiya boshqarmalari (SMB) xodimlarining
CHEKLANGAN SONI
| T/r | Hududiy boshqarmalar | Xodimlarning cheklangan soni | Shu jumladan | |||
| boshqaruv xodimlari | ulardan | xizmat koʻrsatuvchi xodimlar | texnik xodimlar | |||
| mahsulotlarni eksport qilishga koʻmaklashish byurosi xodimlari | ||||||
| 1. | Qoraqalpogʻiston SMB | 9 | 7 | 1 | 1 | 1 |
| 2. | Andijon SMB | 10 | 8 | 1 | 1 | 1 |
| 3. | Buxoro SMB | 9 | 7 | 1 | 1 | 1 |
| 4. | Jizzax SMB | 9 | 7 | 1 | 1 | 1 |
| 5. | Qashqadaryo SMB | 9 | 7 | 1 | 1 | 1 |
| 6. | Navoiy SMB | 9 | 7 | 1 | 1 | 1 |
| 7. | Namangan SMB | 9 | 7 | 1 | 1 | 1 |
| 8. | Samarqand SMB | 13 | 10 | 1 | 1 | 2 |
| 9. | Surxondaryo SMB | 9 | 7 | 1 | 1 | 1 |
| 10. | Sirdaryo SMB | 9 | 7 | 1 | 1 | 1 |
| 11. | Fargʻona SMB | 15 | 12 | 1 | 2 | 1 |
| 12. | Xorazm SMB | 9 | 7 | 1 | 1 | 1 |
| 13. | Toshkent viloyat SMB | 14 | 11 | — | 1 | 2 |
| 14. | Toshkent shahar SMB | 17 | 12 | — | 3 | 2 |
| JAMI | 150 | 116 | 12 | 17 | 17 | |
Keyingi tahrirga qarang.
Vazirlar Mahkamasining 2011-yil 28-apreldagi 122-son qaroriga
7-ILOVA
7-ILOVA
“Oʻzstandart” agentligining mahsulotni eksport qilishga koʻmaklashish byurosi
TUZILMASI
* Toshkent viloyati va Toshkent shahridan tashqari.
Keyingi tahrirga qarang.
Vazirlar Mahkamasining 2011-yil 28-apreldagi 122-son qaroriga
8-ILOVA
8-ILOVA
Keyingi tahrirga qarang.
NIZOM
I. Umumiy qoidalar
1. Mahsulotni eksport qilishga koʻmaklashish byurosi (keyingi oʻrinlarda Byuro deb ataladi) “Oʻzstandart” agentligi markaziy apparatining tarkibiy boʻlinmasi hisoblanadi hamda hududiy standartlashtirish va metrologiya boshqarmalarida (Toshkent shahar va viloyat standartlashtirish va metrologiya boshqarmalaridan tashqari) bittadan vakilga ega.
Keyingi tahrirga qarang.
2. Byuro oʻz faoliyatida Oʻzbekiston Respublikasi Konstitutsiyasiga, Oʻzbekiston Respublikasi qonunlariga, Oʻzbekiston Respublikasi Oliy Majlisi palatalarining qarorlariga, Oʻzbekiston Respublikasi Prezidentining farmonlari, qarorlari va farmoyishlariga, Oʻzbekiston Respublikasi Vazirlar Mahkamasining qarorlari va farmoyishlariga, “Oʻzstandart” agentligining qarorlariga, shuningdek ushbu Nizomga amal qiladi.
Keyingi tahrirga qarang.
3. Byuro oʻz faoliyatini “Oʻzstandart” agentligining boshqa tarkibiy boʻlinmalari hamda davlat va xoʻjalik boshqaruvi organlari bilan oʻzaro hamkorlikda amalga oshiradi.
Keyingi tahrirga qarang.
II. Byuroning vazifalari, funksiyalari va huquqlari
4. Quyidagilar Byuroning asosiy vazifalari hisoblanadi:
eksportga moʻljallangan mahsulot ishlab chiqaruvchi korxonalarga standartlar, mahsulotni sertifikatlash, yorliqlash, oʻrash va boshqa parametrlar yuzasidan xalqaro va mamlakatlararo talablar boʻyicha bepul maslahat xizmatlari koʻrsatish;
ishlab chiqaruvchi korxonalar tomonidan eksportga moʻljallangan mahsulot ishlab chiqarishda xalqaro va mamlakatlararo standartlar talablarini joriy etish va ularga erishish boʻyicha takliflar ishlab chiqish;
ishlab chiqaruvchi korxonalarga ishlab chiqarilayotgan mahsulotni xorijiy bozorlarga kiritish boʻyicha zarur axborotlar olish uchun axborot-maslahat yordami koʻrsatish;
standartlar, mahsulotni sertifikatlash, yorliqlash, oʻrash va boshqa parametrlar yuzasidan xalqaro va mamlakatlararo talablar boʻyicha doimiy yangilab turiladigan maʼlumotnomani ishlab chiqish va joriy etish, keyinchalik uni “Oʻzstandart” agentligining Internet tarmogʻidagi saytiga joylashtirish.
Keyingi tahrirga qarang.
5. Byuro oʻziga yuklangan vazifalarga muvofiq quyidagi funksiyalarni amalga oshiradi:
eksportga moʻljallangan mahsulot ishlab chiqaruvchi korxonalardan tushgan masalalarni oʻrganadi va ularga zarur axborotlar taqdim etadi;
mahsulot eksporti masalalari boʻyicha maslahat xizmatlari koʻrsatish yuzasidan bajarilgan ishlar toʻgʻrisidagi materiallarni umumlashtiradi, tayyorlaydi va “Oʻzstandart” agentligiga taqdim etadi;
Keyingi tahrirga qarang.
mahsulotlarni xorijiy bozorlarga kiritishga doir mavjud muammolarni tahlil qiladi va ularni hal etish yuzasidan “Oʻzstandart” agentligiga takliflar kiritadi;
Keyingi tahrirga qarang.
mahsulotlarni xorijiy bozorlarga kiritish boʻyicha dasturlar va tadbirlar tayyorlashda qatnashadi;
mahsulotni standartlashtirish, sertifikatlash, yorliqlash, oʻrash va boshqa parametrlar boʻyicha xalqaro va mamlakatlararo talablarni tahlil qiladi;
Keyingi tahrirga qarang.
mahsulotni standartlashtirish, sertifikatlash, yorliqlash, oʻrash va boshqa parametrlar boʻyicha xalqaro va mamlakatlararo talablar boʻyicha yagona maʼlumotlar bazasini shakllantiradi va doimiy yangilab boradi.
Keyingi tahrirga qarang.
6. Byuro quyidagi huquqlarga ega:
mahsulot ishlab chiqaruvchi korxonalardan mahsulotlarni xorijiy bozorlarga kiritishga doir zarur axborotlarni soʻrab olish;
standartlashtirish va sertifikatlash sohasida xorijiy kompaniyalar va firmalar bilan oʻz vakolatlari doirasida bevosita hamkorlik qilish;
Keyingi tahrirga qarang.
zarurat boʻlganda, mazkur Nizomda nazarda tutilgan funksiyalarni bajarish uchun tegishli mutaxassislarni jalb qilish.
III. Byuro faoliyatini tashkil etish
7. Byuroga “Oʻzstandart” agentligi bosh direktori tomonidan lavozimga tayinlanadigan va lavozimdan ozod qilinadigan Direktor boshchilik qiladi.
Keyingi tahrirga qarang.
Byuro direktori:
Keyingi tahrirga qarang.
Byuroning joriy faoliyatini tashkil etadi va amalga oshiradi;
oʻziga yuklangan vazifalarning bajarilishi uchun javob beradi;
chiquvchi xat-xabarlarni imzolaydi;
Byuro xodimlarini va hududiy standartlashtirish va metrologiya boshqarmalaridagi vakillarni lavozimga tayinlash va lavozimdan ozod qilish boʻyicha belgilangan tartibda “Oʻzstandart” agentligi bosh direktoriga takliflar kiritadi;
Keyingi tahrirga qarang.
oʻz vakolatlari doirasida, belgilangan tartibda boshqa funksiyalarni amalga oshiradi.
Keyingi tahrirga qarang.
8. Byuroning xodimlari va hududiy standartlashtirish va metrologiya boshqarmalaridagi vakillari “Oʻzstandart” agentligi bosh direktori tomonidan, belgilangan tartibda lavozimga tayinlanadi va lavozimdan ozod qilinadi.
Byuroning hududiy standartlashtirish va metrologiya boshqarmalaridagi vakillari Byuro direktoriga va tegishli hududiy standartlashtirish va metrologiya boshqarmasi rahbariga boʻysunadi.
Byuro xodimlarining funksional vazifalari “Oʻzstandart” agentligi tomonidan belgilanadi.
Keyingi tahrirga qarang.
9. Byuro “Oʻzstandart” agentligining budjetdan tashqari mablagʻlari va qonun hujjatlarida taqiqlanmagan boshqa manbalar mablagʻlari hisobiga moliyalashtiriladi.
Keyingi tahrirga qarang.
10. Hududiy standartlashtirish va metrologiya boshqarmalari rahbarlari Byuroga mazkur Nizom bilan yuklangan vazifalarning zarur darajada va oʻz vaqtida bajarilishi uchun shaxsan javob beradilar.
Keyingi tahrirga qarang.
Vazirlar Mahkamasining 2011-yil 28-apreldagi 122-son qaroriga
9-ILOVA
9-ILOVA
Oʻzbekiston Respublikasi Hukumatining ayrim qarorlariga kiritilayotgan oʻzgartirish va qoʻshimchalar
1. Vazirlar Mahkamasining “Xavfsizligini tasdiqlash talab etiladigan tovarlarni Oʻzbekiston Respublikasi hududiga keltirish va ularni uning tashqarisiga chiqarish tartibini tasdiqlash haqida” 1994-yil 12-avgustdagi 409-son qarorining 1-bandi va qarorga 2-ilova (Oʻzbekiston Respublikasi QT, 1994-y., 8-son, 38-modda) oʻz kuchini yoʻqotgan deb hisoblansin.
Keyingi tahrirga qarang.
2. Vazirlar Mahkamasining “Oʻzbekiston Respublikasi Hukumatining baʼzi qarorlarini toʻliq yoki qisman oʻz kuchini yoʻqotgan deb hisoblash hamda ayrim qarorlariga oʻzgartirishlar kiritish toʻgʻrisida” 1998-yil 16-apreldagi 161-son qaroriga 2-ilovaning 3-bandi oʻz kuchini yoʻqotgan deb hisoblansin.
3. Vazirlar Mahkamasining “Mahsulotlarni sertifikatlashtirish tartibotini soddalashtirishga doir qoʻshimcha chora-tadbirlar toʻgʻrisida” 2004-yil 6-iyuldagi 318-son qarori 1-bandining uchinchi xatboshi va qarorga 2-ilova (Oʻzbekiston Respublikasi QT, 2004-y., 7-son, 63-modda) oʻz kuchini yoʻqotgan deb hisoblansin.
4. Vazirlar Mahkamasining “Oʻzbekiston davlat standartlashtirish, metrologiya va sertifikatlashtirish agentligi tuzilmasini takomillashtirish va uning faoliyatini tashkil etish toʻgʻrisida” 2004-yil 5-avgustdagi 373-son qarorida (Oʻzbekiston Respublikasi QT, 2004-y., 8-son, 77-modda):
a) 2-bandning uchinchi xatboshi va qarorga 2-ilova oʻz kuchini yoʻqotgan deb hisoblansin;
b) 2-bandning toʻrtinchi—oltinchi xatboshi tegishli ravishda uchinchi — beshinchi xatboshi deb hisoblansin;
v) 3-banddagi “oʻrinbosarlari” va “lavozimga tayinlanadilar va lavozimdan ozod qilinadilar” soʻzlari tegishli ravishda “oʻrinbosari” va “lavozimga tayinlanadi va lavozimdan ozod qilinadi” soʻzlari bilan almashtirilsin;
g) Oʻzbekiston standartlashtirish, metrologiya va sertifikatlashtirish agentligi toʻgʻrisidagi nizomda (3-ilova):
1-bandning birinchi xatboshidagi va 7-bandning ikkinchi xatboshidagi “standartlashtirish” soʻzidan oldin “texnik jihatdan tartibga solish” soʻzlari qoʻshilsin;
7-bandning ikkinchi xatboshidagi va 8-band “a” kichik bandining birinchi xatboshidagi “Standartlashtirish toʻgʻrisida” soʻzlaridan oldin “Texnik jihatdan tartibga solish toʻgʻrisida” soʻzlari qoʻshilsin;
8-bandning “a” kichik bandiga quyidagi tahrirdagi ikkinchi — oltinchi xatboshilar qoʻshilsin:
“Oʻzbekiston Respublikasi Vazirlar Mahkamasiga texnik jihatdan tartibga solish sohasidagi vakolatli davlat organlari hamda davlat va xoʻjalik boshqaruvi organlari tomonidan kiritilgan texnik reglamentlarni ishlab chiqish dasturi loyihalari boʻyicha umumlashgan takliflar kiritadi;
oʻz vakolati doirasida, davlat va xoʻjalik boshqaruvi organlarining umumiy va maxsus reglamentlarni ishlab chiqish boʻyicha faoliyatini muvofiqlashtiradi va tashkil etadi;
Oʻzbekiston Respublikasi Vazirlar Mahkamasiga umumiy texnik reglamentlarni tasdiqlash, ularga oʻzgartirish va qoʻshimchalar kiritish, shuningdek ushbu reglamentlarni bekor qilish toʻgʻrisida takliflar kiritadi;
oʻz vakolati doirasida umumiy va maxsus texnik reglamentlarga rioya qilinishi ustidan davlat nazoratini amalga oshiradi;
texnik jihatdan tartibga solish sohasida normativ hujjatlar davlat fondini shakllantiradi”;
8-band “a” kichik bandining ikkinchi—oltinchi xatboshilari yettinchi — oʻn birinchi xatboshilar deb hisoblansin;
10-bandga quyidagi tahrirdagi toʻrtinchi — oltinchi xatboshilar qoʻshilsin:
“texnik jihatdan tartibga solish sohasida ekspert komissiyani tashkil etish;
oʻz vakolati doirasida davlat va xoʻjalik boshqaruvi organlari tomonidan ishlab chiqilgan umumiy va maxsus texnik reglamentlarni ekspertiza qilish;
oʻz vakolati doirasida davlat va xoʻjalik boshqaruvi organlari tomonidan ishlab chiqilgan maxsus texnik reglamentlarni tasdiqlash, ularga oʻzgartirish va qoʻshimchalar kiritish, shuningdek ushbu reglamentlarni bekor qilish”;
10-bandning toʻrtinchi—oʻn sakkizinchi xatboshilari yettinchi — yigirma birinchi xatboshilar deb hisoblansin;
13-bandning ikkinchi va uchinchi xatboshilari quyidagi tahrirda bayon qilinsin:
“Bosh direktorning bir nafar oʻrinbosari boʻladi. Bosh direktorning oʻrinbosari maqomiga koʻra vazir oʻrinbosariga tenglashtiriladi”.
“Oʻzstandart” agentligining bosh direktori Oʻzbekiston Respublikasi Prezidenti tomonidan lavozimga tayinlanadi va lavozimdan ozod qilinadi. “Oʻzstandart” agentligi bosh direktorining oʻrinbosari belgilangan tartibda Oʻzbekiston Respublikasi Vazirlar Mahkamasi tomonidan lavozimga tayinlanadi va lavozimdan ozod qilinadi”;
14-banddagi “oʻrinbosarlari” soʻzi “oʻrinbosari” soʻzi bilan almashtirilsin;
toʻrtinchi xatboshidagi “oʻz oʻrinbosarlarining vakolatlarini belgilaydi, ular oʻrtasida vazifalarni taqsimlaydi” va “oʻz oʻrinbosarlari” soʻzlari tegishli ravishda “oʻz oʻrinbosari vakolatini belgilaydi” va “oʻz oʻrinbosari” soʻzlari bilan almashtirilsin;
toʻqqizinchi xatboshidagi “standartlashtirish” soʻzidan oldin “texnik jihatdan tartibga solish” soʻzlari qoʻshilsin;
16-bandning birinchi xatboshidagi “uning oʻrinbosarlari” soʻzlari “uning oʻrinbosari” soʻzlari bilan almashtirilsin.
Keyingi tahrirga qarang.
5. Vazirlar Mahkamasining “Oʻzbekiston Respublikasining ayrim qonun hujjatlariga oʻzgartirish va qoʻshimchalar kiritish hamda baʼzilarini oʻz kuchini yoʻqotgan deb hisoblash toʻgʻrisida” (Oʻzbekiston Respublikasining “Mahsulotlar va xizmatlarni sertifikatlashtirish tartib-taomillari soddalashtirilganligi munosabati bilan Oʻzbekiston Respublikasining ayrim qonun hujjatlariga oʻzgartish va qoʻshimchalar kiritish toʻgʻrisida” 2006-yil 6-apreldagi OʻRQ-31-son Qonuni) 2006-yil 14-sentabrdagi 194-son qaroriga ilova 1-bandining “b” kichik bandi (Oʻzbekiston Respublikasi QT, 2006-y., 9-son, 66-modda) oʻz kuchini yoʻqotgan deb hisoblansin.
6. Vazirlar Mahkamasining “Etil spirtining sifati ustidan nazoratni taʼminlashga doir qoʻshimcha chora-tadbirlar toʻgʻrisida” 2007-yil 31-iyuldagi 159-son qarorida:
b) 1-ilovadagi “4” va “25” raqamlari, tegishli ravishda “2” va “23” raqamlari bilan almashtirilsin.
Keyingi tahrirga qarang.
(Oʻzbekiston Respublikasi qonun hujjatlari toʻplami, 2011-y., 18-son, 178-modda; 2012-y., 38-son, 436-modda; 2013-y., 2-son, 24-modda; 2014-y., 45-son, 548-modda; 2015-y., 42-son, 534-modda; 2016-y., 24-son, 290-modda; 2017-y., 23-son, 473-modda, 28-son, 652-modda; Qonun hujjatlari maʼlumotlari milliy bazasi, 25.09.2018-y., 09/18/759/2026-son, 25.04.2019-y., 09/19/348/3006-son, 11.08.2019-y., 09/19/661/3571-son; 18.02.2020-y., 09/20/89/0179-son; 01.02.2021-y., 09/21/43/0071-son, 22.02.2021-y., 09/21/87/0134-son, Qonunchilik maʼlumotlari milliy bazasi, 12.03.2022-y., 09/22/114/0209-son, 05.04.2022-y., 09/22/153/0266-son; 10.06.2022-y., 09/22/324/0510-son; 22.08.2022-y., 09/22/471/0767-son; 04.07.2024-y., 09/24/370/0468-son; 12.07.2024-y., 09/24/371/0499-son; 24.08.2024-y., 09/24/502/0644-son)
