1.02.00.00.00 Davlat boshqaruvi asoslari / 02.08.00.00 Iqtisodiyot, ijtimoiy-madaniy qurilish sohasidagi davlat boshqaruvining umumiy masalalari / 02.08.01.00 Davlat dasturlari, konsepsiyalar va boshqalar;
2.12.00.00.00 Axborot va axborotlashtirish / 12.03.00.00 Axborot resurslari. Axborot resurslaridan foydalanish / 12.03.02.00 Axborotni hujjatlashtirish. Elektron hujjat aylanishi / 12.03.02.01 Elektron hujjat aylanishi]
[TSZ:
1.Iqtisodiyot / Axborot va axborotlashtirish. Elektron tijorat (hujjat aylanishi)]
VAZIRLAR MAHKAMASINING IJRO ETUVCHI APPARATIDA, DAVLAT VA XOʻJALIK BOSHQARUVI, MAHALLIY DAVLAT HOKIMIYATI ORGANLARIDA YAGONA HIMOYALANGAN ELEKTRON POCHTANI VA ELEKTRON HUJJAT AYLANISHI TIZIMINI JORIY ETISH HAMDA ULARDAN FOYDALANISH CHORA-TADBIRLARI TOʻGʻRISIDA
Hujjatlarni koʻrib chiqish, ijro etish va saqlash yuzasidan nazoratni kuchaytirish, axborotlarning qogʻoz va elektron manbalardagi oqimini maqbullashtirish, hujjatlarni kiritish, koʻrib chiqish, tahlil qilish va saqlash uchun yagona axborot makonini yaratish, axborot ayirboshlashning himoyalanganligini taʼminlash, qogʻozni tejash va undan oqilona foydalanish, shuningdek Oʻzbekiston Respublikasi Vazirlar Mahkamasining Ijro etuvchi apparati bilan davlat va xoʻjalik boshqaruvi, mahalliy davlat hokimiyati organlari oʻrtasida oʻzaro hamkorlik samaradorligini oshirish maqsadida Vazirlar Mahkamasi qaror qiladi:
[OKOZ:
1.12.00.00.00 Axborot va axborotlashtirish / 12.02.00.00 Axborot va axborotlashtirish sohasida boshqaruv. Elektron hukumat / 12.02.04.00 Boshqa masalalar;
2.12.00.00.00 Axborot va axborotlashtirish / 12.04.00.00 Axborotlashtirish. Axborot tizimlari, texnologiyalari va ularni taʼminlash vositalari / 12.04.01.00 Axborotlashtirish]
1. Vazirlar Mahkamasining Ijro etuvchi apparati bilan davlat va xoʻjalik boshqaruvi, mahalliy davlat hokimiyati organlari oʻrtasida yagona himoyalangan elektron pochtaga va elektron hujjat aylanishi tizimiga bosqichma-bosqich oʻtish va ulardan foydalanish tadbirlari rejasi, shuningdek uni amalga oshirish Sxemasi ilovaga* muvofiq tasdiqlansin.
*Ilova berilmaydi.
[OKOZ:
1.12.00.00.00 Axborot va axborotlashtirish / 12.02.00.00 Axborot va axborotlashtirish sohasida boshqaruv. Elektron hukumat / 12.02.04.00 Boshqa masalalar;
2.12.00.00.00 Axborot va axborotlashtirish / 12.04.00.00 Axborotlashtirish. Axborot tizimlari, texnologiyalari va ularni taʼminlash vositalari / 12.04.01.00 Axborotlashtirish]
2. Kompyuterlashtirish va axborot-kommunikatsiya texnologiyalarini rivojlantirish boʻyicha muvofiqlashtiruvchi kengash (A.Aripov) Vazirlar Mahkamasining Ijro etuvchi apparatida, davlat va xoʻjalik boshqaruvi, mahalliy davlat hokimiyati organlarida yagona himoyalangan elektron pochta va elektron hujjat aylanishi tizimi joriy etilishini, shuningdek 2012-yil 1-yanvardan boshlab ular oʻrtasida elektron axborot ayirboshlanishini taʼminlasin.
3. Tadbirlar rejasining sifatli tayyorlanishi va oʻz vaqtida bajarilishi yuzasidan shaxsiy masʼuliyat davlat va xoʻjalik boshqaruvi, mahalliy ijro etuvchi hokimiyat organlari rahbarlari, Axborot tizimlari va telekommunikatsiyalar masalalari axborot-tahlil departamentining mudiri, Vazirlar Mahkamasining Ijro etuvchi apparati boshqaruvchisi zimmasiga yuklansin.
(3-band Oʻzbekiston Respublikasi Vazirlar Mahkamasining 2025-yil 15-dekabrdagi 791-sonli qarori tahririda — Qonunchilik maʼlumotlari milliy bazasi, 16.12.2025-y., 09/25/791/1167-son)
4. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosari A.N. Aripov zimmasiga yuklansin.
Oʻzbekiston Respublikasi Bosh vaziri Sh. MIRZIYOYEV
Toshkent sh.,
2011-yil 4-may,
126-son
(Oʻzbekiston Respublikasi qonun hujjatlari toʻplami, 2011-y., 18-son, 181-modda; Qonunchilik maʼlumotlari milliy bazasi, 16.12.2025-y., 09/25/791/1167-son)
