“Dehqon xo‘jaligi to‘g‘risida”, “Fermer xo‘jaligi to‘g‘risida” O‘zbekiston Respublikasining Qonunlariga muvofiq hamda qishloq xo‘jaligi tovar ishlab chiqaruvchilari uchun yagona yer solig‘i joriy etilishi munosabati bilan:

1. “Shaxsiy yordamchi va dehqon xo‘jaliklarini davlat yo‘li bilan qo‘llab-quvvatlash hamda mamlakatni oziq-ovqat bilan ta’minlashda ularning rolini kuchaytirish borasidagi chora-tadbirlar to‘g‘risida” O‘zbekiston Respublikasi Prezidentining 1997-yil 18-martdagi PF-1737-son Farmoni 4-bandining uchinchi xatboshi quyidagi tahrirda bayon etilsin:

“dehqon xo‘jaliklaridan undirib olinadigan yer solig‘i summasi mablag‘larining 5 foizi hamda fermer xo‘jaliklaridan undirib olinadigan yagona yer solig‘i summasi mablag‘larining 2,5 foizi”.

2. O‘zbekiston Respublikasi Prezidentining 1997-yil 18-martdagi PF-1737-son Farmonining sarlavhasi va matniga ilovaga muvofiq o‘zgartirishlar kiritilsin.

1. Farmonning sarlavhasi va matnidagi “shaxsiy yordamchi va dehqon xo‘jaliklari” degan so‘zlar o‘rniga “dehqon va fermer xo‘jaliklari” so‘zlari yozilsin.

2. Farmonning 3, 4, 5 va 6-bandlaridagi “Shaxsiy yordamchi va dehqon xo‘jaliklari uyushmasi” so‘zlari almashtirilib, “Dehqon va fermer xo‘jaliklari uyushmasi” deb yozilsin.

3. 4 va 7-bandlaridagi “Shaxsiy yordamchi va dehqon xo‘jaliklarini qo‘llab-quvvatlash jamg‘armasi” so‘zlari o‘zgartirilib, “Dehqon va fermer xo‘jaliklarini qo‘llab-quvvatlash jamg‘armasi” deb yozilsin.