|
Hujjat kuchini yo‘qotgan 08.05.2018
|
Oʻzbekiston Respublikasi Vazirlar Mahkamasining
qarori
Maʼmuriy jazoga tortilgan shaxslarni markazlashtirilgan hisobga olish tizimini tashkil etish toʻgʻrisida
LexUZ sharhiMazkur qaror Oʻzbekiston Respublikasi Vazirlar Mahkamasining 2018-yil 3-maydagi 322-sonli “Maʼmuriy huquqbuzarlik sodir etgan shaxslar va jabrlanuvchilarni markazlashtirilgan hisobga olish tizimini takomillashtirish toʻgʻrisida”gi qaroriga asosan oʻz kuchini yoʻqotgan.
Statistik axborotlarning yagona tizimini yanada rivojlantirish, maʼmuriy jazoga tortilgan shaxslarni hisobga olish tartibini takomillashtirish va ularning maʼmuriy yoki jinoiy javobgarlikdan bosh tortishiga koʻmaklashadigan shart-sharoitlarni bartaraf etish maqsadida Vazirlar Mahkamasi qaror qiladi:
1. Maʼmuriy jazoga tortilgan shaxslarni hisobga olish tartibi toʻgʻrisida nizom ilovaga muvofiq tasdiqlansin.
2. Oʻzbekiston Respublikasi Ichki ishlar vazirligi maʼmuriy jazoga tortilgan shaxslarning markazlashtirilgan hisobini yuritish yuzasidan masʼul organ etib belgilansin.
3. Oʻzbekiston Respublikasi Ichki ishlar vazirligi:
a) bir oy muddatda Oʻzbekiston Respublikasi Bosh prokuraturasi, Oʻzbekiston aloqa va axborotlashtirish agentligi, Oʻzbekiston Respublikasi Moliya vazirligi hamda boshqa manfaatdor vazirliklar va idoralar bilan birgalikda maʼmuriy jazoga tortilgan shaxslar toʻgʻrisidagi maʼlumotlarning markazlashtirilgan elektron bazasini joriy etishga doir tashkiliy tadbirlar rejasini tasdiqlasin, unda quyidagilarni nazarda tutsin:
maʼlumotlarning markazlashtirilgan elektron bazasi faoliyati konsepsiyasini ishlab chiqish va tasdiqlash;
tegishli dasturiy taʼminotni yaratish yuzasidan texnik topshiriqni ishlab chiqish va tasdiqlash;
maʼlumotlarning markazlashtirilgan elektron bazasida axborotlarni toʻplash va ishlashning tashkiliy-funksional sxemasini tasdiqlash;
maʼlumotlarning markazlashtirilgan elektron bazasini yuritish uchun zarur boʻlgan kelgusida uni takomillashtirib borish imkoniyatiga ega dasturiy taʼminotni ishlab chiqish va joriy etish;
markazlashtirilgan hisobga olish tizimini yaratish va kelgusida qoʻllab-quvvatlash boʻyicha tadbirlarni moliyalashtirish hajmini aniqlash;
maʼmuriy huquqbuzarliklar toʻgʻrisidagi ishlarni koʻrib chiqishga vakolatli organlar tomonidan markazlashtirilgan hisobga olish tizimini, shu jumladan muayyan hududda uni tajriba testidan oʻtkazish orqali bosqichma-bosqich joriy etish;
maʼlumotlarning markazlashtirilgan elektron bazasidan toʻliq foydalanishni boshlashni ushbu qarorda belgilangan muddatda taʼminlaydigan boshqa tadbirlarni amalga oshirish;
b) maʼlumotlarning markazlashtirilgan elektron bazasini va tajriba testidan oʻtkazishni joriy etishga doir tashkiliy tadbirlarni amalga oshirish yakunlariga koʻra, zarurat boʻlganda, Maʼmuriy jazoga tortilgan shaxslarni hisobga olish tartibi toʻgʻrisidagi Nizom normalarini takomillashtirish boʻyicha takliflar kiritsin.
4. Maʼmuriy huquqbuzarliklar toʻgʻrisidagi ishlarni koʻrib chiqishga vakolatli organlar:
maʼmuriy jazoga tortilgan shaxslar hisobining ushbu qaror bilan tasdiqlangan Nizom talablariga muvofiq yuritilishini taʼminlasinlar;
ikki oy muddatda idoraviy normativ-huquqiy hujjatlarni ushbu qarorga muvofiqlashtirsinlar.
5. Maʼmuriy huquqbuzarliklar toʻgʻrisidagi ishlarni koʻrib chiqishga vakolatli organlarning budjetdan tashqari mablagʻlari maʼmuriy jazoga tortilgan shaxslarni markazlashtirilgan hisobga olish tizimini yaratish va joriy etish tadbirlarini moliyalashtirish manbai etib belgilansin.
6. Belgilab qoʻyilsinki, 2012-yil 1-yanvardan boshlab sodir etilgan huquqbuzarliklar uchun maʼmuriy jazoga tortilgan shaxslar tasdiqlangan Nizomga muvofiq hisobga olinadi.
7. Oʻzbekiston Respublikasi Adliya vazirligi Oʻzbekiston Respublikasi Adliya vazirligi huzuridagi Yuristlar malakasini oshirish markazida maʼmuriy huquqbuzarliklar toʻgʻrisidagi ishlarni koʻrib chiqish huquqiga ega boʻlgan mansabdor shaxslar malakasini oshirish kurslarini tashkil etsin.
8. Oʻzbekiston Respublikasi Ichki ishlar vazirligi Adliya vazirligi bilan birgalikda ikki oy muddatda qonun hujjatlariga ushbu qarordan kelib chiqadigan oʻzgartirish va qoʻshimchalar toʻgʻrisida takliflar kiritsin.
9. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosari A.N. Aripov va Oʻzbekiston Respublikasi Ichki ishlar vaziri B.A. Matlyubov zimmasiga yuklansin.
Oʻzbekiston Respublikasining Bosh vaziri Sh. MIRZIYOYEV
Toshkent sh.,
2011-yil 17-fevral,
39-son
Vazirlar Mahkamasining 2011-yil 17-fevraldagi 39-son qaroriga
ILOVA
ILOVA
Maʼmuriy jazoga tortilgan shaxslarni hisobga olish tartibi toʻgʻrisida
NIZOM
I. Umumiy qoidalar
1. Ushbu Nizom maʼmuriy huquqbuzarliklar toʻgʻrisidagi ishlarni koʻrib chiqishga vakolatli barcha organlar (keyingi oʻrinlarda vakolatli organlar deb ataladi) uchun maʼmuriy jazoga tortilgan shaxslarni hisobga olishning yagona tartibini belgilaydi.
2. Maʼmuriy jazoga tortilgan shaxslar toʻgʻrisidagi maʼlumotlarni toʻplash, ishlash, umumlashtirish, jamlash, saqlash va ularni ruxsatsiz foydalanishdan himoya qilish, shuningdek ularni davlat organlariga taqdim etish hisobga olishning asosiy vazifalari hisoblanadi.
3. Quyidagilar hisobga olish prinsiplari hisoblanadi:
qonuniylik;
axborotlarning xolisonaligi, ishonchliligi va taqqoslanuvchanligi;
axborotlarning ushbu Nizomda va Oʻzbekiston Respublikasining boshqa qonun hujjatlarida belgilangan doirada foydalanilishi va oshkoraligi;
hisobga olishning majburiyligi va bir xildaligi.
4. Ushbu Nizomda quyidagi asosiy tushunchalardan foydalaniladi:
maʼlumotlarning idoraviy bazasi — tegishli hududdagi idoraviy taalluqli huquqbuzarliklar boʻyicha bitta vakolatli organ barcha boʻlinmalarining (tuman, shahar, viloyat, respublika boʻgʻinining) qarorlari asosida maʼmuriy jazoga tortilgan shaxslar toʻgʻrisidagi maʼlumotlar mavjud boʻlgan maʼlumotlarning idoraviy elektron bazasi: Qoraqalpogʻiston Respublikasi, viloyatlar, Toshkent shahri boʻyicha;
maʼlumotlarning hududiy bazasi — tegishli hududdagi barcha vakolatli organlarning qarorlari asosida maʼmuriy jazoga tortilgan shaxslar toʻgʻrisidagi maʼlumotlar mavjud boʻlgan maʼlumotlarning hududiy elektron bazasi: Qoraqalpogʻiston Respublikasi, viloyatlar, Toshkent shahri boʻyicha;
maʼlumotlarning yagona bazasi — respublika boʻyicha maʼmuriy jazoga tortilgan shaxslar toʻgʻrisidagi maʼlumotlar mavjud boʻlgan maʼlumotlarning yagona markazlashtirilgan elektron bazasi;
vakolatli organning hududiy boʻlinmasi — viloyat (tenglashtirilgan) boʻgʻinining (Qoraqalpogʻiston Respublikasi) vakolatli organi boʻlinmasi;
vakolatli organning markaziy boʻlinmasi — respublika boʻgʻinining vakolatli organi boʻlinmasi.
5. Maʼmuriy jazoga tortilgan shaxslarning markazlashtirilgan hisobi Oʻzbekiston Respublikasi Ichki ishlar vazirligi tomonidan maʼlumotlarning yagona bazasini shakllantirish va yuritish orqali amalga oshiriladi.
Maʼlumotlarning yagona, hududiy va idoraviy bazalari cheklangan holda foydalaniladigan axborot resurslari hisoblanadi.
Maʼlumotlarning yagona bazasi maʼlumotlarning hududiy bazalari asosida shakllantiriladi.
6. Maʼlumotlarning hududiy bazalari maʼlumotlarning idoraviy bazalari asosida Qoraqalpogʻiston Respublikasi Ichki ishlar vazirligi, Toshkent shahar ichki ishlar bosh boshqarmasi, viloyatlar ichki ishlar boshqarmalari (keyingi oʻrinlarda ichki ishlar boshqarmalari deb ataladi) shakllantiriladi.
7. Maʼlumotlarning idoraviy bazalari hisobga olish hujjatlari asosida vakolatli organlarning hududiy boʻlinmalari tomonidan shakllantiriladi.
Quyidagilar hisobga olish hujjatlari hisoblanadi:
ushbu Nizomga 1-ilovaga muvofiq shakl boʻyicha maʼmuriy jazoga tortilgan shaxslarni hisobga olish № 1-AP shaklidagi kartochkasi, (keyingi oʻrinlarda № 1-AP shaklidagi kartochka deb ataladi);
ushbu Nizomga 2-ilovaga muvofiq shakl boʻyicha maʼmuriy jazoga tortilgan (protokol tuzilmasdan) shaxslarni hisobga olish № 2-AP shaklidagi kartochkasi (keyingi oʻrinlarda № 2-AP shaklidagi kartochka deb ataladi);
ushbu Nizomga 3-ilovaga muvofiq shakl boʻyicha maʼmuriy jazoni qoʻllash toʻgʻrisidagi qarorni ijro qilish haqidagi bildirishnoma (keyingi oʻrinlarda bildirishnoma deb ataladi).
Hisobga olish hujjatlari va maʼlumotlar bazalari davlat tilida yuritiladi.
8. Vakolatli organlarning barcha boʻgʻinlari (tuman, shahar, respublika) ushbu Nizomda belgilangan tartibda va muddatlarda kartochkalar va bildirishnomalarni vakolatli organning tegishli hududiy boʻlinmalariga taqdim etadilar.
Voyaga yetmaganlar ishlari boʻyicha komissiyalar qarorlari asosida maʼmuriy jazoga tortilgan shaxslarni hisobga olish ichki ishlar organlari tomonidan amalga oshiriladi.
(8-bandning ikkinchi xatboshisi Oʻzbekiston Respublikasi Vazirlar Mahkamasining 2013-yil 11-dekabrdagi 327-sonli qarori tahririda — OʻR QHT, 2013-y., 50-son, 654-modda)
Maʼmuriy jazoni qoʻllash toʻgʻrisida ularga nisbatan qaror (ajrim) chiqarilgan yoki Oʻzbekiston Respublikasining Maʼmuriy javobgarlik toʻgʻrisidagi kodeksi (MJK) 283-moddasiga muvofiq huquqbuzarlik sodir etilgan joyda jarima solingan shaxslar hisobga olinadi.
Maʼmuriy huquqbuzarlik toʻgʻrisidagi ishni koʻrib chiqish tugatilgan taqdirda kartochka toʻldirilmaydi, shu jumladan Maʼmuriy javobgarlik toʻgʻrisidagi kodeksning 21-moddasi asosida ogohlantirish munosabati bilan.
9. Maʼmuriy jazoni qoʻllash toʻgʻrisida qaror chiqargan mansabdor shaxs kartochka va bildirishnomani ushbu Nizomga qatʼiy muvofiq elektron formatda (keyingi oʻrinlarda elektron kartochka va elektron bildirishnoma deb ataladi) toʻldiradi, soʻngra ularni belgilangan namunada bir nusxada qogʻozga koʻchiradi (keyingi oʻrinlarda qogʻoz kartochka va qogʻoz bildirishnoma deb ataladi) va imzolaydi.
Kartochka va bildirishnomani imzolagan mansabdor shaxs uning ishonchliligi, toʻliq toʻldirilganligi hamda ularni taqdim etishning ushbu Nizomda belgilangan tartibi va muddatlariga rioya qilinganligi uchun javob beradi.
Kartochka va bildirishnomalar vakolatli organlarning hududiy boʻlinmalarida ushbu Nizomda belgilangan muddatlarga muvofiq saqlanadi.
Kartochka va bildirishnomalarni koʻchirish uchun qoʻllaniladigan qogʻoz sifatiga qoʻyiladigan talablar vakolatli organlar tomonidan belgilanadi.
10. Hisobga olishning toʻliqligini taʼminlash maqsadida vakolatli organning barcha boʻgʻinlari har chorakda bir marta (hisobot choragidan keyingi oyning 10-sanasigacha) taqdim etilgan kartochka va bildirishnomalarni tegishli hududiy boʻlinmada maʼlumotlarning idoraviy bazasi bilan solishtiradi. Solishtirishni oʻtkazish tartibi Oʻzbekiston Respublikasi Ichki ishlar vazirligi bilan kelishgan holda vakolatli organning markaziy boʻlinmasi tomonidan belgilanadi.
11. Vakolatli organning hududiy boʻlinmalari mavjud boʻlmagan taqdirda maʼlumotlarning idoraviy bazasini shakllantirish, kartochka va bildirishnomalarni saqlash vakolatli organning markaziy boʻlinmasi tomonidan amalga oshiriladi, ushbu Nizomning 8-bandi ikkinchi xatboshida nazarda tutilgan holatlar bundan mustasno.
12. Quyidagilar Ichki ishlar vazirligining hisobga olishni taʼminlash boʻyicha vakolatiga kiradi:
maʼmuriy jazoga tortilgan shaxslar toʻgʻrisidagi maʼlumotlarning yagona bazasini shakllantirish;
maʼmuriy jazoga tortilgan shaxslarni hisobga olish, maʼlumotlarning hududiy bazalarini shakllantirish va yuritish boʻyicha ichki ishlar organlari faoliyatini nazorat qilish;
ichki ishlar organlarida maʼmuriy jazoga tortilgan shaxslar toʻgʻrisidagi maʼlumotlarning saqlanishini va ularni ruxsatsiz foydalanishdan himoya qilishni taʼminlash;
ichki ishlar organlari tomonidan maʼmuriy jazoga tortilgan shaxslar toʻgʻrisidagi maʼlumotlarni taqdim etish tartibiga rioya etilishini nazorat qilish;
13. Quyidagilar hisobga olish boʻyicha vakolatli organlar markaziy va hududiy boʻlinmalarining vakolatiga kiradi:
maʼmuriy jazoga tortilgan shaxslarni hisobga olish, maʼlumotlarning idoraviy bazalarini shakllantirish va yuritish, maʼlumotlarni ichki ishlar organlariga berish boʻyicha idoraviy boʻysunuvchi organlar (mansabdor shaxslar) faoliyatini nazorat qilish;
maʼmuriy jazoga tortilgan shaxslar toʻgʻrisidagi maʼlumotlarning saqlanishini va ularni ruxsatsiz foydalanishdan himoya qilishni taʼminlash.
II. Maʼmuriy huquqbuzarliklarni va ularni sodir etgan shaxslarni hisobga olish daftarini rasmiylashtirish, yuritish, saqlash
14. Vakolatli organlar tomonidan Maʼmuriy huquqbuzarliklarni va ularni sodir etgan shaxslarni hisobga olish daftari (keyingi oʻrinlarda Daftar deb ataladi) ushbu Nizomga 4-ilovaga muvofiq yuritiladi.
Daftarga barcha maʼmuriy huquqbuzarliklar va ularni sodir etgan shaxslar toʻgʻrisidagi maʼlumotlar yoziladi. Maʼmuriy huquqbuzarlik toʻgʻrisidagi ish tugatilgan taqdirda Daftarning 6-ustunida tegishli yozuv qayd etiladi.
15. Daftar kalendar yil boshidan eʼtiboran yuritiladi. U tartib raqami qoʻyilgan va ip oʻtkazib bogʻlangan boʻlishi kerak. Oxirgi sahifasida ipning bogʻlangan joyiga qogʻoz yelimlanadi, unga vakolatli organ muhri tushiriladi va unda mazkur organ Rahbari tasdiqlagan ishonch yozuvi boʻladi.
16. Daftardagi barcha yozuvlar aniq holda, koʻk yoki qora rangli siyohlar (pasta) bilan qayd etiladi. Unda oʻchirib yozishga, tuzatishga yoki ilgari qayd etilgan yozuvlarni tuzatish vositalari yordamida yoʻqotishga yoʻl qoʻyilmaydi.
Zarur holatlarda, xato bilan qayd etilgan yozuvlar ilgari qayd etilgan matnni aniq oʻqish mumkin boʻlgan holda oʻchiriladi. Yangi yozuv aynan shu ustunda qayd etiladi. Bu holda Daftarning yuritilishi uchun masʼul boʻlgan mansabdor shaxs tuzatishni sana koʻrsatilgan holdagi imzosi bilan tasdiqlaydi.
17. Daftar 3 yil saqlanadi, soʻngra dalolatnomaga muvofiq yoʻq qilinadi.
18. Daftarning saqlanishi, undagi maʼlumotlarning oʻz vaqtida, toʻliq va ishonchli holda qayd etilganligi uchun javobgarlik hisobga olish-roʻyxatdan oʻtkazish boʻlimlari boshliqlari, ular boʻlmaganda esa — vakolatli organning Rahbari zimmasiga yuklanadi.
III. Hisobga olish hujjatlarini tuzish va ishlash
1-§. Maʼmuriy jazoga tortilgan shaxslarni hisobga olish kartochkalari, № 1-AP va № 2-AP shakllari
19. Vakolatli organlarning barcha boʻgʻinlari (tuman, shahar, respublika boʻgʻinining) № 1-AP va № 2-AP shakllaridagi elektron kartochkalarni qaror chiqarilgandan keyin bir sutka mobaynida maʼlumotlarning idoraviy bazasiga kiritadilar.
Qogʻoz kartochkalar har oʻn kunda — har qaysi oyning 10, 20 va 30-sanasida vakolatli organning hududiy boʻlinmasiga yuboriladi. Agar koʻrsatib oʻtilgan sanalar ishlanmaydigan kunga (dam olish, bayram kunlariga) toʻgʻri kelsa kartochkalar ishlanmaydigan kundan keyingi birinchi kunda joʻnatiladi.
20. Voyaga yetmaganlar ishlari boʻyicha komissiyalar kartochkalarni ushbu Nizomning 19-bandiga muvofiq tuman (shahar boʻgʻini) ichki ishlar organlariga yuboradilar.
(20-band Oʻzbekiston Respublikasi Vazirlar Mahkamasining 2013-yil 11-dekabrdagi 327-sonli qarori tahririda — OʻR QHT, 2013-y., 50-son, 654-modda)
21. Agar kartochkalarning ushbu Nizom talablari buzilgan holda toʻldirilganligi aniqlansa ular darhol vakolatli organ tomonidan tuzatiladi. Tuzatilgan elektron kartochkalar qogʻoz kartochkalarga majburiy almashtirilgan holda ushbu Nizomning 19-bandiga muvofiq maʼlumotlarning idoraviy bazasiga kiritiladi.
22. Vakolatli organlarning hududiy boʻlinmalari har kuni, yangi maʼlumotlar boʻlmagan taqdirda esa — ularning idoraviy bazaga tushishiga koʻra elektron kartochkalarni maʼlumotlarning hududiy bazasiga joʻnatadi.
Vakolatli organda hududiy boʻlinmalar boʻlmagan taqdirda elektron kartochkalarni maʼlumotlarning hududiy bazasiga joʻnatish vakolatli organning markaziy boʻlinmasi tomonidan amalga oshiriladi.
23. Ichki ishlar boshqarmalari har kuni elektron kartochkalarni maʼlumotlarning yagona bazasiga joʻnatadi.
24. Maʼmuriy jazoga tortilgan shaxslar toʻgʻrisidagi maʼlumotlar jazoni ijro etish tugagan kundan boshlab bir yil mobaynida saqlanadi. Saqlash muddati tugagach elektron kartochkalar maʼlumotlar bazasidan chiqariladi, kartochkalari chiqarilgan shaxslar toʻgʻrisidagi qisqacha maʼlumotlardan iborat boʻlgan hisobot yoziladi. Ayni bir vaqtda qogʻoz kartochkalar va bildirishnomalar dalolatnoma boʻyicha, yoʻq qilingan hisobga olish hujjatlarining umumiy soni koʻrsatilgan va hisobotga asoslangan holda yoʻq qilinadi. Yoʻq qilinganlik toʻgʻrisidagi hisobotlar va dalolatnomalar 3 yil saqlanadi.
25. № 2-AP shaklidagi kartochka Maʼmuriy javobgarlik toʻgʻrisidagi kodeksning 283-moddasiga muvofiq, huquqbuzarlik sodir etilgan joyda jarima solingan taqdirda tuziladi.
2-§. № 1-AP shaklidagi kartochka tarkibi va uni toʻldirish tartibi
26. № 1-AP shaklidagi elektron kartochkani toʻldirish “Maʼmuriy jazoga tortilgan shaxsning familiyasi, ismi, otasining ismi va tugʻilgan sanasi” rekvizitlari bilan boshlanadi.
27. 1 va 3-satrlarda huquqbuzarlikni aniqlagan (protokol tuzgan, maʼmuriy huquqbuzarlik toʻgʻrisida ish qoʻzgʻagan), shuningdek maʼmuriy huquqbuzarlik toʻgʻrisidagi ishni/protokolni koʻrib chiqqan va qaror chiqargan vakolatli organning (mansabdor shaxsning) nomi koʻrsatiladi, ushbu Nizomga 5-ilovaga muvofiq ularning kodi qayd etiladi.
Agar maʼmuriy huquqbuzarlikni aniqlagan (protokol tuzgan, huquqbuzarlik toʻgʻrisida ish qoʻzgʻagan), shuningdek maʼmuriy huquqbuzarlik toʻgʻrisidagi ishni/protokolni koʻrib chiqqan va qaror chiqargan organ (mansabdor shaxs) aynan bitta organ boʻlsa 3-satr toʻldirilmaydi.
28. “Huquqbuzarlik sodir etilgan joy” deb nomlangan 2-satrda aholi punkti, tuman, shahar, viloyat (respublika) nomi koʻrsatiladi, mintaqa kodi qayd etiladi (ushbu Nizomga 6-ilova).
29. 4-satrda vakolatli organ Daftari boʻyicha ishning roʻyxatdan oʻtkazish tartib raqami yoki maʼmuriy huquqbuzarlik toʻgʻrisidagi protokolning tartib raqami va uning qoʻzgʻalgan/tuzilgan sanasi koʻrsatiladi.
Agar Oʻzbekiston Respublikasi Jinoyat-protsessual kodeksining 272-moddasiga hamda “Sud hujjatlari va boshqa organlar hujjatlarini ijro etish toʻgʻrisida”gi Oʻzbekiston Respublikasi Qonunining 86-moddasi uchinchi qismiga muvofiq maʼmuriy huquqbuzarlik toʻgʻrisida protokol tuzilmagan boʻlsa, u holda “ish/protokol/tartib raqami” ustuniga P/T (“protokol tuzilmagan” soʻzlari) yoziladi.
30. 5-satrda maʼmuriy huquqbuzarlik toʻgʻrisidagi ishni koʻrib chiqqan va qaror chiqargan shaxsning familiyasi, ismi, otasining ismi va lavozimi, 6-satrda ish koʻrib chiqilgan sana, 7-satrda — kartochkaga tuzatish kiritilgan sana, 7.1-satrda tuzatish kiritish sababi: “1” — toʻldirishdagi xato; “2” — qaror qayta koʻrib chiqilgan soʻzlari qayd etiladi.
31. 8-satrda Maʼmuriy javobgarlik toʻgʻrisidagi kodeks normalari boʻyicha huquqbuzarlikning kvalifikatsiyasi koʻrsatiladi.
8.1-satrda maʼmuriy huquqbuzarlik sodir etilgan (aniqlangan) sana aks ettiriladi.
32. 9-satrda Maʼmuriy javobgarlik toʻgʻrisidagi kodeksning 23 va 24-moddalariga muvofiq maʼmuriy jazo choralari aks ettiriladi.
9.1-satrida quyidagi kodlarni qoʻyish yoʻli bilan asosiy jazo choralari koʻrsatiladi:
“1” — jarima;
“2” — maʼmuriy huquqbuzarlikni sodir etish uchun qurol hisoblangan yoki bevosita shunday narsa boʻlgan predmetni haqini toʻlash sharti bilan olib qoʻyish;
“3” — maʼmuriy huquqbuzarlikni sodir etish quroli hisoblangan yoki shunday narsa boʻlgan predmetni musodara qilish;
“4” — mazkur shaxsga berilgan maxsus huquqdan (transport vositalarini boshqarish huquqidan, ov qilish huquqidan) mahrum qilish;
“5” — maʼmuriy qamoqqa olish.
9.2-satrda jazoni ijro etish tugagan sana koʻrsatiladi.
Agar qoʻshimcha jazo sifatida predmetlarni haqini toʻlash sharti bilan olib qoʻyish yoki musodara qilish qoʻllansa, u holda unga muvofiq boʻlgan kod 9.3-satriga qoʻyiladi. 9.4-satrda “6”-kodni qoʻyish yoʻli bilan xorijiy fuqarolarni yoki fuqaroligi yoʻq shaxslarni mamlakatdan maʼmuriy tartibda chiqarib yuborish koʻrsatiladi.
33. 10.1 va 10.2-satrlarda yozilgan va undirilgan jarima miqdori soʻmlarda, 11.1 va 11.2-satrlarda tegishli ravishda haqini toʻlash sharti bilan olib qoʻyilgan va musodara qilingan predmet qiymatlari koʻrsatiladi.
34. 12-satrda maʼmuriy huquqbuzarlikni sodir etgan shaxs toʻgʻrisidagi maʼlumotlar — familiyasi, ismi, otasining ismi, shuningdek quyidagi maʼlumotlar mavjud boʻladi:
12.1 va 12.2-satrlarda — huquqbuzarning tugʻilgan sanasi, oyi, yili va yashash joyi (qisqartirmasdan);
12.3-satrda shaxsini tasdiqlovchi hujjat: “1” — pasport, “2” — yashash guvohnomasi, “3” — fuqaroligi boʻlmagan shaxs guvohnomasi, “4” — haydovchilik guvohnomasi, “5” — harbiy guvohnomasi yoki shaxsini tasdiqlovchi guvohnoma;
12.4-satrda — soliq toʻlovchining identifikatsiyalash tartib raqami;
12.5-satrda — huquqbuzarning jinsi: “1” — er, “2” — ayol;
12.6-satrda — huquqbuzarning fuqaroligi: “1” — Oʻzbekiston Respublikasi fuqarosi, “2” — xorijiy fuqaro, “3” — fuqaroligi boʻlmagan shaxs;
12.7-satrda — mashgʻulotlarining turi: “1” — oʻqish, “2” — ish, “3” — mashgʻulotining turi noaniq, shuningdek oʻqish, ish joyi va lavozimi;
12.8-satrda — huquqbuzarlikni sodir etish vaqtidagi holati: “1” — alkogolli, “2” — giyohvandlik, “3” — boshqacha holatdagi mastlik.
35. Maʼmuriy huquqbuzarlik toʻgʻrisidagi ish yuzasidan shikoyat yoki protest bildirish 13-satrda aks ettiriladi. Quyidagi koʻrib chiqish natijalari 13.1-satrda koʻrsatiladi:
“1” — qaror oʻzgarishsiz qoldirilgan;
“2” — ish yangidan koʻrib chiqishga joʻnatilgan;
“3” — ishni koʻrib chiqish tugatilgan;
“4” — jazo chorasi oʻzgartirilgan.
Maʼmuriy huquqbuzarlik toʻgʻrisidagi ishni koʻrib chiqish tugatilgan taqdirda kartochka maʼlumotlar bazasidan chiqariladi.
Jazo choralari oʻzgartirilganda yoki ishni yangidan koʻrib chiqish natijalari boʻyicha boshqacha qaror chiqarilganda kartochkaga ushbu Nizomning 21-bandida nazarda tutilgan tartibga rioya qilingan holda, yakuniy qaror qabul qilgan organ tomonidan tuzatish kiritiladi. Bunda 13-satrda ish yuzasidan shikoyat yoki protest bildirilganligi toʻgʻrisida yozuv qayd etiladi.
36. 14-satrda kartochka toʻldirilgan sana koʻrsatiladi va ishni koʻrib chiqqan shaxsning imzosi qoʻyiladi.
37. Ushbu Nizomning 26—36-bandlari qoidalari № 2-AP shaklidagi kartochkani tegishli rekvizitlar boʻyicha toʻldirishda qoʻllanadi.
3-§. Maʼmuriy jazoni qoʻllash toʻgʻrisidagi qarorni ijro etish haqidagi bildirishnoma
38. Huquqbuzardan yoki qarorni ijro etish zimmasiga yuklangan mansabdor shaxsdan maʼmuriy jazoni qoʻllash toʻgʻrisidagi qarorni (ajrimni) ijro etish haqidagi tasdiqlovchi hujjatlar (kvitansiya, toʻlanganlik toʻgʻrisidagi toʻlov topshiriqnomasi, ijro etish tugaganligi toʻgʻrisidagi qaror va boshqalar) olingan taqdirda vakolatli organ ushbu Nizomning 19-bandida nazarda tutilgan tartibda bildirishnoma joʻnatadi.
Vakolatli organ tomonidan jarima summasi, uni № 1-AP shaklidagi kartochkaning 10.2-satrida koʻrsatgan holda toʻliq undirilgan taqdirda bildirishnoma joʻnatilmaydi.
Maʼmuriy javobgarlik toʻgʻrisidagi kodeksning 283-moddasiga muvofiq huquqbuzarlik sodir etilgan joyda jarima solingan taqdirda ham bildirishnoma tuzilmaydi.
39. Elektron bildirishnomani maʼlumotlarning hududiy va yagona bazasiga joʻnatish ushbu Nizomning 22 va 23-bandlarida nazarda tutilgan tartibda amalga oshiriladi.
40. Maʼmuriy jazoni qoʻllash toʻgʻrisidagi qarorni majburiy ijro etishni amalga oshiruvchi organ huquqbuzardan maʼmuriy jazoga tortish toʻgʻrisidagi qaror (ajrim)ning ijro etilganligi haqidagi tasdiqlovchi hujjatlar (kvitansiya, toʻlov toʻgʻrisidagi toʻlov topshiriqnomasi va boshqalar) olingan taqdirda, amalga oshirilgan undirish toʻgʻrisidagi yozuvni qayd etgan holda, 3 ish kuni mobaynida ularni maʼmuriy jazoga tortish toʻgʻrisida qaror qabul qilgan organga (mansabdor shaxsga) qaytaradi.
IV. Maʼlumotlarning yagona bazasiga murojaat qilish tartibi
42. Talabnoma tekshirilayotgan har bir shaxs uchun alohida rasmiylashtiriladi.
Talabnoma ushbu Nizomga aniq muvofiq holda toʻldiriladi, vakolatli mansabdor shaxs tomonidan imzolanadi va vakolatli organ muhri (shtampi) bilan tasdiqlanadi.
Elektron aloqa mavjud boʻlgan taqdirda talabnoma Oʻzbekiston Respublikasi Ichki ishlar vazirligi tomonidan belgilanadigan avtomatlashtirilgan elektron formatda bajariladi.
Soʻrovsiz rejimda zarur axborot olish uchun vakolatli organning markaziy boʻlinmasida maʼlumotlarning yagona bazasidan elektron tartibida uzoqdan turib foydalanishga yoʻl qoʻyiladi.
43. Talabnomani rasmiylashtirishda tekshirilayotgan shaxsning familiyasi, ismi, otasining ismi, tugʻilgan sanasi hamda yashash joyi bosh kelishikda, qisqartirishlarsiz koʻrsatiladi.
44. Ushbu Nizomni buzgan holda rasmiylashtirilgan talabnoma ijro etilmasdan qaytariladi, bu haqda talabnomada tegishli yozuv qayd etiladi.
45. Talabnoma u Oʻzbekiston Respublikasi Ichki ishlar vazirligiga tushgan vaqtdan boshlab bir sutka mobaynida ijro etiladi va soʻrovnomani yuborgan organga pochta orqali joʻnatiladi yoki shaxsan taqdim etiladi.
46. Maʼlumotlar bazasida tekshirilayotgan shaxsga oid maʼlumot boʻlmasa, talabnomaning orqa tomoniga “Maʼlumotlarga ega emasmiz”, “Maʼlumotnoma OʻzIIV xodimi (familiyasi, ismi) tomonidan berildi” matni bilan shtamp qoʻyiladi va tekshirish sanasi koʻrsatiladi.
Hisobga olish hujjatida tekshirilayotgan shaxsga doir maʼlumotlar topilganda ular talabnomaning orqa tomonida koʻrsatiladi va “Maʼlumotnoma OʻzIIV xodimi (familiyasi, ismi) tomonidan berildi” matni yozilib, shtamp bilan tasdiqlanadi va tekshirish sanasi qayd etiladi.
U yoki bu shaxsni maʼmuriy javobgarlikka tortish toʻgʻrisida axborot talab qilgan davlat organlari olingan axborotni oshkor qilganlik uchun qonunda belgilangan tartibda javob beradilar.
Maʼmuriy jazoga tortilgan shaxslarni hisobga olish tartibi toʻgʻrisidagi nizomga
1-ILOVA
1-ILOVA
Maʼmuriy jazolangan shaxslarni hisobga olish
KARTOChKASI
|
№ 1-AP shakli | |
|
1.___________________________________________________________ |
1. /_/_/_/ |
|
2. ___________________________________________________________ |
2. /_/_/_/_/_/ |
|
3. ___________________________________________________________ |
3. /_/_/_/ |
|
4. ___________________________________________________________ |
4. /_/_/_/_// /_/_/_/_// /_/_/_/_// |
| 4.1. Protokol tuzilgan/ish qoʻzgʻatilgan sana: _____ yil “___” ________________ | |
|
5. ___________________________________________________________ |
7.1. /_/ |
| 6. Ish koʻrib chiqilgan sana: _______ yil “____” __________________ | |
| 7. Kartochkaga tuzatish kiritilgan sana: _______ yil “____” _________________ | |
| 7.1. Tuzatish kiritish sabablari: “1” — toʻldirishdagi xato; “2” — qarorni qayta koʻrib chiqish | |
|
8. Huquqbuzarlikning kvalifikatsiyasi: MJK ____ qismi____-moddasi | |
| 9. Maʼmuriy jazo choralari (MJKning 23, 24-moddalari): 9.1. asosiylari: “1” — jarima; “2” — predmetni haqini toʻlash sharti bilan olib qoʻyish; “3” — predmetni musodara qilish; “4” — maxsus huquqdan mahrum qilish; “5” — maʼmuriy qamoqqa olish. 9.2. muddati: ______ yil “____” _____________________ga�a 9.3. qoʻshimcha ravishda: “2” — predmetni haqini toʻlash sharti bilan olib qoʻyish; “3” — predmetni musodara qilish; 9.4. xorijiy fuqarolar yoki fuqaroligi boʻlmagan shaxslarni mamlakatdan maʼmuriy chiqarib yuborish — “6”. |
9.1. /_/ 9.3. /_/ 9.4. /_/ |
| 10. Jarima miqdori: 10.1. qoʻllanilgani:______________ soʻm; 10.2. undirilgani:_______________soʻm. |
|
| 11. Predmetning qiymati: 11.1. haqini toʻlash sharti bilan olib qoʻyilganiniki: _____ soʻm; 11.2. musodara qilinganiniki:_____soʻm. |
|
|
12. __________________________________________________________ |
|
| 12.1. Tugʻilgan sanasi: ______ yil “___” ___________________ | |
|
12.2. ________________________________________________________ | |
|
12.3. Shaxsini tasdiqlovchi hujjat: “1” — pasport, “2” — yashash guvohnomasi, “3” — fuqaroligi boʻlmagan shaxs guvohnomasi, “4” — haydovchilik guvohnomasi, “5” — harbiy guvohnoma yoki shaxsni tasdiqlovchi guvohnomasi № _____________ _______ yil “___” _______________da berilgan |
12.3. /_/ |
| 12.4. Soliq toʻlovchining identifikatsiyalash raqami: _______________ | |
| 12.5. Huquqbuzarning jinsi : “1” — er; “2” — ayol. | 12.5. /_/ |
| 12.6. Fuqaroligi: “1” — Oʻzbekiston fuqarosi; “2” — xorijiy fuqaro; “3” — fuqaroligi boʻlmagan shaxs. | 12.6. /_/ |
| 12.7. Mashgʻulotlarining turi: “1” — oʻqish; “2” — ish; “3” — mashgʻulotlarining turi noaniq. Oʻqish, ish joyi, lavozimi:______________________________________ _____________________________________________________________ |
12.7. /_/ |
| 12.8. Mastlik holatidaligi: “1” — alkogolli; “2” — giyohvandlik; “3” — boshqacha mastlik. | 12.8. /_/ |
| 13. Qaror: “1” — shikoyat bildirilgan; “2” — protest bildirilgan. | 13. /_/ |
| 13.1. Shikoyat yoki protestni koʻrib chiqish natijasi: “1” — qaror oʻzgarishsiz qoldirilgan; “2” — ish yangidan koʻrib chiqish uchun joʻnatilgan; “3” — ishni koʻrib chiqish tugatilgan; “4” — jazo chorasi oʻzgartirilgan. | 13.1. /_/ |
|
14. _______ yil “___” _____________ ____________ |
|
Maʼmuriy jazoga tortilgan shaxslarni hisobga olish tartibi toʻgʻrisidagi nizomga
2-ILOVA
2-ILOVA
Maʼmuriy jazolangan shaxslarni hisobga olish
KARTOChKASI
(protokol tuzilmasdan)
(protokol tuzilmasdan)
|
Forma № 2-AP | |
|
1.___________________________________________________________ |
1. /_/_/_/ |
|
2. ___________________________________________________________ |
2. /_/_/_/_/_/ |
|
3. ___________________________________________________________ |
3. /_/_/_/_/_/_/ /_/_/_/_/_/_/_/ /_/_/_/_/_/_/_/ |
|
4. _____________________________________________________________ |
6.1. /_/ |
| 5. Ish koʻrib chiqilgan sana: _______ yil “____” ______________________ 6. Kartochkaga tuzatish kiritilgan sana: ______ yil “____” _____________ 6.1. Tuzatish kiritish sabablari: “1” — toʻldirishdagi xato. | |
| 7. Huquqbuzarlikning kvalifikatsiyasi: MJK ____ qismi _____-moddasi 7.1. Huquqbuzarlik sodir etilgan (aniqlangan sana): _____ yil “____” ___________________ |
|
| 8. Maʼmuriy jazo choralari (MJKning 23-moddasi): 8.1. asosiylari: “1” — jarima |
8.1. /_/ |
| 9. Jarima miqdori ________________________________soʻm. | |
| 10. ____________________________________________________________ _______________________________________________________________ (huquqbuzarlikni sodir etgan shaxsning F.I.O.) |
|
| 10.1. Tugʻilgan sanasi: ______ yil “___” ___________________ | |
|
11. Shaxsini tasdiqlovchi hujjat: “1” — pasport, “2” — yashash guvohnomasi, “3” — fuqaroligi boʻlmagan shaxs guvohnomasi, “4” — haydovchilik guvohnomasi, “5” — harbiy guvohn�ma yoki shaxsni tasdiqlovchi guvohnomasi |
11. /_/ |
| 12. _______ yil “___” _____________ _____________________________ (ish koʻrib chiqilgan sana va koʻrib chiqqan shaxsning imzosi) |
|
Maʼmuriy jazoga tortilgan shaxslarni hisobga olish tartibi toʻgʻrisidagi nizomga
3-ILOVA
3-ILOVA
Maʼmuriy jazoni qoʻllash toʻgʻrisidagi qarorni ijro etish haqida
BILDIRIShNOMA
|
________________________________________________________________ | |
|
(bildirishnoma yuborgan organning nomi) | |
| Familiyasi _____________________________________________________________ | |
| Ismi __________________________________________________________________ | |
| Otasining ismi _________________________________________________________ | |
| Tugʻilgan sanasi _____ yil “___” _____________ | |
|
Yashash joyi _____________________________________________________________ | |
| Ish/protokolning tartib raqami: 2___ yil ___________ “___”__________________ | |
|
(keragining ostiga chizilsin) |
(tuzilgan sanasi) |
| Huquqbuzarlik kvalifikatsiyasi: MJK (_____)____ qismi, _____-moddasi | |
|
(ostiga chizilsin yoki boshqa hujjat nomi koʻrsatilsin) | |
| Qoʻllanilgan jarima summasi: ________________________ soʻm. | |
| Undirilgan jarima summasi: _____________________ soʻm. | |
| Toʻlangan sana: 2____ yil “____” ________________ | |
| Haqini toʻlash sharti bilan olib qoʻyilgan/musodara qilingan sana: | |
| 2___ yil “___” _______________ | |
| ___________________________________ |
____________________ |
|
(masʼul mansabdor shaxsning F.I.O.) |
(imzosi) |
| Sana: 2____ yil “___” ________________ | |
Maʼmuriy jazoga tortilgan shaxslarni hisobga olish tartibi toʻgʻrisidagi nizomga
4-ILOVA
4-ILOVA
|
_______________________________________________________ | ||||
|
(vakolatli organning nomi) | ||||
|
Maʼmuriy huquqbuzarliklarni va ularni sodir etgan shaxslarni hisobga olish | ||||
|
DAFTARI | ||||
| |
Boshlangan: 20__ yil “___” ___________ № ___________dan | |||
| |
Tugagan: 20__ yil “___” ______________ № ____________da | |||
|
| ||||
| T/r | Maʼmuriy huquqbuzarlik toʻgʻrisida ish qoʻzgʻatilgan sana, protokolni tuzgan, ishni qoʻzgʻash toʻgʻrisida qaror, ajrim chiqargan organ (mansabdor shaxs) | Huquqbuzarlikni sodir etgan shaxs toʻgʻrisidagi maʼlumotlar: familiyasi, ismi, otasining ismi, tugʻilgan sanasi va joyi, fuqaroligi, yashash joyi, manzili, ish joyi va lavozimi, pasporti maʼlumotlari | Olib qoʻyilgan buyumlar, hujjatlar, ushlangan transport vositalari toʻgʻrisidagi maʼlumotlar | Maʼmuriy huquqbuzarlik toʻgʻrisidagi ish boʻyicha qaror chiqarilgan sana, qaror chiqargan vakolatli organ |
| 1 | 2 | 3 | 4 | 5 |
| jadvalning davomi | | | | |
| Huquqbuzarlikning MJK yoki boshqa normativ-huquqiy hujjat normalari (modda, qism, band) boʻyicha kvalifikatsiyasi, undirish turi va miqdori | Olib qoʻyilgan buyumlar, hujjatlar, ushlangan transport vositalariga nisbatan qabul qilingan qaror (shu jumladan qaytarilgan sanasi, hujjatning turi va tartib raqami) | Maʼmuriy huquqbuzarlik toʻgʻrisidagi ish boʻyicha yuqori organ (sud) tomonidan chiqarilgan qaror | Maʼmuriy jazo qoʻllash toʻgʻrisidagi qarorning kuchga kirish sanasi, uni ijro etish toʻgʻrisidagi maʼlumotlar, jazoning ijrosi tugagan sana | № 1-AP shaklli kartochkani kiritgan mansabdor shaxs |
| 1 | 2 | 3 | 4 | 5 |
Maʼmuriy jazoga tortilgan shaxslarni hisobga olish tartibi toʻgʻrisidagi nizomga
5-ILOVA
5-ILOVA
Maʼmuriy huquqbuzarliklar toʻgʻrisidagi ishni/protokolni koʻrib chiqishga (maʼmuriy huquqbuzarlik toʻgʻrisidagi protokolni tuzishga, ish qoʻzgʻashga) vakolatli organlar
KLASSIFIKATORI
| Kod | Maʼmuriy huquqbuzarliklar toʻgʻrisidagi ishni koʻrib chiqishga (ish boʻyicha koʻrib chiqishni qoʻzgʻashga) vakolatli organlar |
| 010 | Maʼmuriy sudlar |
| 020 | Iqtisodiy sudlar |
| 030 | Adliya organlari |
| 040 | Oʻzbekiston Respublikasi Adliya vazirligi huzuridagi Sud qarorlarini ijro etish, sudlar faoliyatini moddiy-texnika va moliyaviy taʼminlash departamenti organlari |
| 060 | Voyaga yetmaganlar ishlari boʻyicha komissiyalar |
| 070 | Ichki ishlar organlari (militsiya) |
| 071 | Yoʻl harakati xavfsizligi bosh boshqarmasi |
| 072 | Patrul-post xizmati va jamoat tartibini saqlash bosh boshqarmasi |
| 073 | Huquqbuzarliklarning oldini olish bosh boshqarmasi |
| 074 | Yongʻin xavfsizligi bosh boshqarmasi |
| 075 | Oʻzbekiston Respublikasi Ichki ishlar vazirligining Xorijga chiqish-kirish va fuqarolikni rasmiylashtirish boshqarmasi |
| 076 | (Qoʻriqlash bosh boshqarmasi) |
| 080 | Temir yoʻl transporti va metropoliten organlari |
| 090 | Havo transporti organlari |
| 100 | Suv transporti organlari |
| 110 | Ki�ik hajmli kemalar boʻyicha davlat inspeksiyasi organlari |
| 120 | Shahar hamda shaharlararo avtomobil transporti va elektrotransportda yoʻlovchilar tashish organlari |
| 130 | Mehnat boʻyicha davlat huquq va texnika inspektorlari |
| 140 | Mudofaa vazirligi organlari |
| 150 | Oʻzbekiston Respublikasi Davlat sanitariya nazorati organlari |
| 160 | Oʻzbekiston Respublikasi Mudofaa vazirligining sanitariya nazoratini amalga oshiruvchi tibbiy xizmatlari |
| 170 | Oʻzbekiston Respublikasi Ichki ishlar vazirligining sanitariya nazoratini amalga oshiruvchi tibbiy xizmatlari |
| 180 | Oʻzbekiston Respublikasi Milliy xavfsizlik xizmatining sanitariya nazoratini amalga oshiruvchi tibbiy xizmatlari |
| 190 | Davlat veterinariya nazorati organlari |
| 200 | Oʻzbekiston Respublikasi Vazirlar Mahkamasi huzuridagi Yer osti boyliklarini geologik oʻrganish, sanoatda, konchilikda va kommunal maishiy sektorda ishlarning bexatar olib borilishini nazorat qilish davlat inspeksiyasi organlari |
| 210 | Ekologiya va atrof muhitni muhofaza qilish davlat organlari |
| 220 | Bojxona organlari |
| 230 | Oʻzbekiston Respublikasi Axborot texnologiyalari va kommunikatsiyalarini rivojlantirish vazirligining davlat inspeksiyasi organlari |
| 240 | Davlat soliq organlari |
| 250 | Oʻzbekiston Respublikasi Bosh prokuraturasi huzuridagi Soliq, valyutaga oid jinoyatlarga va jinoiy faoliyatdan olingan daromadlarni legallashtirishga qarshi kurashish departamenti hamda uning mahalliy boʻlinmalari |
| 260 | Oʻzbekiston Respublikasi Moliya vazirligining Nazorat-taftish bosh boshqarmasi organlari |
| 270 | Standartlashtirish, metrologiya va sertifikatlashtirish organlari |
| 280 | Oʻzbekiston Respublikasi Qishloq va suv xoʻjaligi vazirligining Mashinalar va asbob-uskunalarning texnik holatini nazorat qilish bosh davlat inspeksiyasi (“Oʻzdavtexnazorat” inspeksiyasi) organlari |
| 290 | Oʻzbekiston Respublikasi Yer resurslari, geodeziya, kartografiya va davlat kadastri davlat qoʻmitasi organlari |
| 300 | Oʻzbekiston Respublikasi Qishloq va suv xoʻjaligi vazirligining “Oʻzsuvnazorat” respublika suv inspeksiyasi organlari |
| 310 | Oʻzbekiston Respublikasi Qishloq va suv xoʻjaligi vazirligi huzuridagi Qishloq xoʻjaligi ekinlari urugʻlarini sertifikatlashtirish va sifatini nazorat qilish davlat markazi organlari |
| 320 | Davlat statistika organlari |
| 330 | Davlat probir nazorati organlari |
| 340 | Oʻzbekiston Respublikasining Xususiylashtirilgan korxonalarga koʻmaklashish va raqobatni rivojlantirish davlat qoʻmitasi organlari |
| 350 | Arxitektura va qurilish organlari |
| 360 | Prokuror |
(5-ilova Oʻzbekiston Respublikasi Vazirlar Mahkamasining 2018-yil 19-yanvardagi 34-sonli qarori tahririda — Qonun hujjatlari maʼlumotlari milliy bazasi, 23.01.2018-y., 09/18/34/0605-son)
Maʼmuriy jazoga tortilgan shaxslarni hisobga olish tartibi toʻgʻrisidagi nizomga
6-ILOVA
6-ILOVA
Mintaqalar, tumanlar (shaharlar)
KODLARI
| Andijon viloyati | 03000 |
| Andijon tumani | 03201 |
| Buloqboshi tumani | 03202 |
| Baliqchi tumani | 03206 |
| Boʻz tumani | 03209 |
| Jalolquduq tumani | 03211 |
| Izboskan tumani | 03214 |
| Ulugʻnor tumani | 03216 |
| Koʻrgʻontepa tumani | 03220 |
| Oltinkoʻl tumani | 03223 |
| Marhamat tumani | 03227 |
| Shahrixon tumani | 03230 |
| Paxtaobod tumani | 03232 |
| Asaka tumani | 03234 |
| Xoʻjaobod tumani | 03236 |
| Andijon shahri | 03401 |
| Xonobod shahri | 03408 |
| Buxoro viloyati | 06000 |
| Buxoro shahri | 06212 |
| Olot tumani | 06215 |
| Buxoro tumani | 06218 |
| Vobkent tumani | 06221 |
| Gʻijduvon tumani | 06224 |
| Qorakoʻl tumani | 06230 |
| Qorovulbozor tumani | 06232 |
| Peshku tumani | 06234 |
| Romitan tumani | 06238 |
| Jondor tumani | 06242 |
| Shofirkon tumani | 06246 |
| Kogon tumani | 06400 |
| Kogon shahri | 06401 |
| Jizzax viloyati | 08000 |
| Arnasoy tumani | 08201 |
| Baxmal tumani | 08204 |
| Gʻallaorol tumani | 08209 |
| Jizzax tumani | 08212 |
| Doʻstlik tumani | 08215 |
| Zomin tumani | 08218 |
| Zarbdor tumani | 08220 |
| Yangiobod tumani | 08221 |
| Mirzachoʻl tumani | 08223 |
| Zafarobod tumani | 08225 |
| Paxtakor tumani | 08228 |
| Forish tumani | 08235 |
| Jizzax shahri | 08401 |
| Qashqadaryo viloyati | 10000 |
| Gʻuzor tumani | 10207 |
| Shahrisabz tumani | 10208 |
| Dehqonobod tumani | 10212 |
| Qamashi tumani | 10220 |
| Qarshi tumani | 10224 |
| Muborak tumani | 10226 |
| Koson tumani | 10229 |
| Kitob tumani | 10232 |
| Nishon tumani | 10235 |
| Kasbi tumani | 10237 |
| Mirishkor tumani | 10239 |
| Chiroqchi tumani | 10242 |
| Yakkabogʻ tumani | 10250 |
| Qarshi shahri | 10401 |
| Navoiy viloyati | 12000 |
| Konimex tumani | 12204 |
| Qiziltepa tumani | 12208 |
| Karmana tumani | 12214 |
| Navbahor tumani | 12215 |
| Nurota tumani | 12218 |
| Tomdi tumani | 12221 |
| Xatirchi tumani | 12224 |
| Navoiy shahri | 12401 |
| Zarafshan shahri | 12404 |
| Uchquduq tumani | 12406 |
| Namangan viloyati | 14000 |
| Mingbuloq tumani | 14204 |
| Kosonsoy tumani | 14207 |
| Namangan tumani | 14212 |
| Chortoq tumani | 14215 |
| Norin tumani | 14216 |
| Pop tumani | 14219 |
| Toʻraqoʻrgʻon tumani | 14224 |
| Uychi tumani | 14229 |
| Uchqoʻrgʻon tumani | 14234 |
| Yangiqoʻrgʻon tumani | 14242 |
| Namangan shahri | 14401 |
| Chust tumani | 14405 |
| Samarqand viloyati | 18000 |
| Oqdaryo tumani | 18203 |
| Bulungʻur tumani | 18206 |
| Jomboy tumani | 18209 |
| Ishtixon tumani | 18212 |
| Kattaqoʻrgʻon tumani | 18215 |
| Narpay tumani | 18218 |
| Qoʻshrabod tumani | 18221 |
| Payariq tumani | 18224 |
| Pastdargʻom tumani | 18227 |
| Paxtachi tumani | 18230 |
| Samarqand tumani | 18233 |
| Nurobod tumani | 18235 |
| Urgut tumani | 18236 |
| Toyloq tumani | 18253 |
| Samarqand shahri | 18360 |
| Kattaqoʻrgʻon shahri | 18405 |
| Surxondaryo viloyati | 22000 |
| Boysun tumani | 22204 |
| Muzrabot tumani | 22207 |
| Denov tumani | 22209 |
| Jarqoʻrgʻon tumani | 22212 |
| Qiziriq tumani | 22215 |
| Sariosiyo tumani | 22217 |
| Termiz tumani | 22220 |
| Sherobod tumani | 22223 |
| Shoʻrchi tumani | 22224 |
| Qumqoʻrgʻon tumani | 22226 |
| Angor tumani | 22229 |
| Oltinsoy tumani | 22232 |
| Uzun tumani | 22233 |
| Termiz shahri | 22401 |
| Sirdaryo viloyati | 24000 |
| Oqoltin tumani | 24206 |
| Boyovut tumani | 24212 |
| Sayxunobod tumani | 24216 |
| Guliston tumani | 24220 |
| Sardoba tumani | 24226 |
| Mirzaobod tumani | 24235 |
| Xovos tumani | 24255 |
| Guliston shahri | 24401 |
| Sirdaryo tumani | 24407 |
| Shirin shahri | 24410 |
| Yangiyer shahri | 24413 |
| Toshkent shahri | 26000 |
| Uchtepa tumani | 26263 |
| Bektemir tumani | 26264 |
| Yunusobod tumani | 26266 |
| Mirobod tumani | 26273 |
| Shayxontohur tumani | 26277 |
| Olmazor tumani | 26280 |
| Sirgʻali tumani | 26283 |
| Yakkasaroy tumani | 26287 |
| Hamza tumani | 26290 |
| Chilonzor tumani | 26294 |
| M. Ulugʻbek tumani | 26296 |
| Toshkent viloyati | 27000 |
| Oqqoʻrgʻon tumani | 27206 |
| Ohangaron tumani | 27212 |
| Bekobod tumani | 27220 |
| Boʻstonliq tumani | 27224 |
| Boʻka tumani | 27228 |
| Yuqori Chirchiq tumani | 27232 |
| Zangiota tumani | 27237 |
| Quyi Chirchiq tumani | 27242 |
| Parkent tumani | 27246 |
| Qibray tumani | 27248 |
| Piskent tumani | 27250 |
| Oʻrta Chirchiq tumani | 27253 |
| Chinoz tumani | 27256 |
| Yangiyoʻl tumani | 27259 |
| Olmaliq shahri | 27404 |
| Angren shahri | 27407 |
| Bekobod shahri | 27413 |
| Chirchiq shahri | 27419 |
| Fargʻona viloyati | 30000 |
| Oltiariq tumani | 30203 |
| Qoʻshtepa tumani | 30206 |
| Bogʻdod tumani | 30209 |
| Buvayda tumani | 30212 |
| Beshariq tumani | 30215 |
| Quva tumani | 30221 |
| Uchkoʻprik tumani | 30221 |
| Rishton tumani | 30224 |
| Toshloq tumani | 30227 |
| Oʻzbekiston tumani | 30230 |
| Fargʻona tumani | 30233 |
| Dangʻara tumani | 30236 |
| Yozʼyovon tumani | 30241 |
| Soʻx tumani | 30243 |
| Furqat tumani | 30245 |
| Fargʻona shahri | 30401 |
| Qoʻqon shahri | 30405 |
| Quvasoy shahri | 30408 |
| Margʻilon shahri | 30412 |
| Xorazm viloyati | 33000 |
| Bogʻot tumani | 33204 |
| Gurlan tumani | 33208 |
| Qoʻshkoʻpir tumani | 33212 |
| Urganch tumani | 33217 |
| Hazorasp tumani | 33220 |
| Xonqa tumani | 33223 |
| Yangibozor tumani | 33225 |
| Shovot tumani | 33230 |
| Yangiariq tumani | 33233 |
| Urganch shahri | 33401 |
| Xiva tumani | 33408 |
| Qoraqalpogʻiston Respublikasi | 35000 |
| Amudaryo tumani | 35041 |
| Qoraoʻzak tumani | 35208 |
| Ellikqalʼa tumani | 35210 |
| Kegeyli tumani | 35212 |
| Qonlikoʻl tumani | 35218 |
| Moʻynoq tumani | 35222 |
| Nukus tumani | 35225 |
| Taxtakoʻpir tumani | 35230 |
| Toʻrtkoʻl tumani | 35233 |
| Chimboy tumani | 35240 |
| Shumanay tumani | 35243 |
| Nukus shahri | 35401 |
| Beruniy tumani | 35405 |
| Qoʻngʻirot tumani | 35409 |
| Taxiatosh shahri | 35411 |
| Xoʻjayli tumani | 35416 |
| Transportdagi ichki ishlar boshqarmasi | 41000 |
| Toshkent-shimol stansiyasidagi ichki ishlar tarmoq boshqarmasi (IITB) | 41101 |
| Andijon stansiyasidagi IITB | 41103 |
| Samarqand stansiyasidagi IITB | 41104 |
| Qoʻqon stansiyasidagi IITB | 41105 |
| Xovos stansiyasidagi IITB | 41106 |
| Buxoro stansiyasidagi IITB | 41107 |
| Qarshi stansiyasidagi IITB | 41208 |
| Urganch stansiyasidagi IITB | 41209 |
| Margʻilon stansiyasidagi IITB | 41210 |
| Qoʻngʻrot stansiyasidagi IITB | 41211 |
| Xoʻjayli stansiyasidagi IITB | 41212 |
| Termiz stansiyasidagi IITB | 41215 |
| Toshkent-janubiy stansiyasidagi IITB | 41216 |
| Toshkent-aeroport IITB | 41217 |
| Nukus aeroportining militsiya tarmoq boʻlimi | 41418 |
| Urganch shahri aeroportining militsiya tarmoq boʻlimi | 41421 |
| Namangan shahri aeroportining militsiya tarmoq boʻlimi | 41422 |
Maʼmuriy jazoga tortilgan shaxslarni hisobga olish tartibi toʻgʻrisidagi nizomga
7-ILOVA
7-ILOVA
Shaxslarning maʼmuriy javobgarlikka tortilishini tekshirish toʻgʻrisida
TALABNOMA
| №_______ |
2____ yil “___”____________ |
olinsin: pochta orqali/ IIVda |
|
| (keragining ostiga chizilsin) | |
| 1. Familiyasi: ___________________________________________________________ | |
| 2. Ismi: ________________________________________________________________ | |
| 3. Otasining ismi: ______________________________________________________ | |
| 4. Tugʻilgan sanasi: _____ yil “____” _______________ | |
| 5. Yashash joyi: __________________________________________________________ _______________________________________________________________________ | |
| 6. Tekshirishning asosi: __________________________________________________ | |
| 7. Davlat organi rahbari: _________________________________________________ | |
| | (F.I.O, imzo) |
| 8. Bajaruvchi ____________________________________________________________ | |
|
(F.I.O., �avozimi) | |
| 9. Joʻnatuvchining manzili: indeksi /__/__/__/__/__/__/ | |
| __________________ viloyati |
__________________ shahri |
| __________________ tumani |
________________ qishlogʻi |
| __________________ koʻchasi |
____________________ -uy |
| Davlat organi __________________________________________________________ _______________________________________________________________________ | |
|
(toʻliq nomi, qisqartirishlarsiz) | |
|
“M.Oʻ.” | |
|
(talabnomani joʻnatgan organ muhrining oʻrni) | |
(Oʻzbekiston Respublikasi qonun hujjatlari toʻplami, 2011-y., 7-8-son, 61-modda; 2013-y., 5-son, 55-modda, 37-son, 485-modda, 50-son, 654-modda; 2014-y., 37-son, 473-modda; 2015-y., 26-son, 338-modda; 2017-y., 26-son, 589-modda, 33-son, 863-modda; Qonun hujjatlari maʼlumotlari milliy bazasi, 15.11.2017-y., 09/17/915/0259-son, 23.01.2018-y., 09/18/34/0605-son)
