|
Hujjat kuchini yo‘qotgan 05.01.2019
|
Hujjat 01.01.2011 sanasi holatiga
Amaldagi versiyaga o‘tish |
OʻZBEKISTON RESPUBLIKASI ADLIYA VAZIRINING
buyrugʻi
Notarius lavozimiga tayinlash boʻyicha tanlov oʻtkazish tartibi toʻgʻrisidagi nizomni tasdiqlash haqida
[Oʻzbekiston Respublikasi Adliya vazirligi tomonidan 2010-yil 20-dekabrda roʻyxatdan oʻtkazildi, roʻyxat raqami 2165]
LexUZ sharhiMazkur buyruq Oʻzbekiston Respublikasi adliya vazirining 2019-yil 4-yanvardagi 3-mh-sonli “Notarius lavozimiga tayinlash boʻyicha tanlov oʻtkazish tartibi toʻgʻrisidagi nizomni tasdiqlash haqida”gi buyrugʻiga (roʻyxat raqami 3114, 04.01.2019-y.) asosan oʻz kuchini yoʻqotgan.
Oʻzbekiston Respublikasining “Adliya organlari va muassasalari faoliyati takomillashtirilishi munosabati bilan Oʻzbekiston Respublikasining ayrim qonun hujjatlariga oʻzgartish va qoʻshimchalar kiritish toʻgʻrisida”gi Qonuni (Oʻzbekiston Respublikasi qonun hujjatlari toʻplami, 2010-y., 37-son, 313-modda) va Oʻzbekiston Respublikasi Vazirlar Mahkamasining 2003-yil 27-avgustdagi 370-son “Oʻzbekiston Respublikasi Adliya vazirligi faoliyatini yanada takomillashtirish chora-tadbirlari toʻgʻrisida”gi qaroriga (Oʻzbekiston Respublikasi qonun hujjatlari toʻplami, 2003-y., 15-16-son, 138-modda) muvofiq buyuraman:
Keyingi tahrirga qarang.
1. Notarius lavozimiga tayinlash boʻyicha tanlov oʻtkazish tartibi toʻgʻrisidagi nizom ilovaga muvofiq tasdiqlansin.
2. Mazkur buyruq davlat roʻyxatidan oʻtkazilsin va Idoraviy meʼyoriy hujjatlarni davlat roʻyxatidan oʻtkazish boshqarmasi (B. Boliyev) Oʻzbekiston Respublikasi vazirliklari, davlat qoʻmitalari va idoralari normativ-huquqiy hujjatlarining davlat reyestriga tegishli yozuv kiritsin.
3. Qonun hujjatlarini turkumlash va huquqiy axborot boshqarmasi (S. Nuriyev) va Notariat, FHDY va advokatura boshqarmasi (D. Yakubova) ushbu normativ-huquqiy hujjatni oʻn kun muddat ichida barcha manfaatdor shaxslarga yetkazilishi va “Oʻzbekiston Respublikasi qonun hujjatlari toʻplami” — “Sobraniye zakonodatelstva Respubliki Uzbekistan”da nashr etilishini taʼminlasin.
4. Mazkur buyruq 2011-yil 1-yanvardan boshlab kuchga kiradi.
5. Mazkur buyruq ijrosini nazorat qilish vazir oʻrinbosari E. Kanyazov zimmasiga yuklansin.
Vazir R. MUHITDINOV
Toshkent sh.,
2010-yil 20-dekabr,
303-mh-son
Oʻzbekiston Respublikasi adliya vazirining 2010-yil 20-dekabrdagi 303-mh-son buyrugʻiga
ILOVA
ILOVA
Notarius lavozimiga tayinlash boʻyicha tanlov oʻtkazish tartibi toʻgʻrisidagi
NIZOM
Mazkur Nizom “Notariat toʻgʻrisida”gi Oʻzbekiston Respublikasi Qonunining (Oʻzbekiston Respublikasi Oliy Majlisining Axborotnomasi, 1997-y., 2-son, 42-modda) 15-moddasiga muvofiq notarius lavozimiga tayinlash boʻyicha tanlov (bundan keyingi oʻrinlarda tanlov deb yuritiladi) oʻtkazish tartibini belgilaydi.
I. Umumiy qoidalar
1. Tanlov Oʻzbekiston Respublikasi Adliya vazirligi huzuridagi Oliy malaka komissiyasi (bundan keyingi oʻrinlarda komissiya deb yuritiladi) tomonidan oʻtkaziladi.
Komissiyaning ishchi organi boʻlib Oʻzbekiston Respublikasi Adliya vazirligining Notariat, FHDY va advokatura boshqarmasi (bundan keyingi oʻrinlarda ishchi organ deb yuritiladi) hisoblanadi.
Keyingi tahrirga qarang.
2. Tanlov notarius lavozimi boʻsh boʻlgan taqdirda yoki qoʻshimcha (yangi) notarius lavozimi taʼsis etilganda oʻtkaziladi.
Notariusning homiladorlik va tugʻish taʼtillariga, shuningdek, bolalarni parvarishlash taʼtillariga chiqishi munosabati bilan notarius lavozimi vaqtincha boʻshagan hollarda ham tanlov oʻtkazilishi mumkin.
Keyingi tahrirga qarang.
3. Komissiya majlisining bayonnomalari har bir notarius lavozimi uchun alohida yuritilishi mumkin.
II. Tanlov oʻtkazishni tashkil etish
4. Notarius lavozimi boʻshagandan (vaqtincha boʻshagandan) keyin Qoraqalpogʻiston Respublikasi Adliya vazirligi, viloyatlar va Toshkent shahar adliya boshqarmalari (bundan keyingi oʻrinlarda adliya boshqarmalari deb yuritiladi) bu haqda buyruq chiqarilgan kunning ertasidan kechiktirmay Oʻzbekiston Respublikasi Adliya vazirligini (buyruqni ilova qilgan holda) xabardor qiladi.
Keyingi tahrirga qarang.
Tegishli adliya boshqarmasining xabarnomasi olingan yoki qoʻshimcha (yangi) notarius lavozimi taʼsis etilgan kundan boshlab yetti kun ichida ishchi organ tomonidan markaziy roʻznomalarda hamda adliya boshqarmalari orqali mahalliy roʻznomalarda tanlov oʻtkazish toʻgʻrisida eʼlon beriladi.
Keyingi tahrirga qarang.
Tanlov oʻtkazish toʻgʻrisidagi eʼlonda quyidagilar koʻrsatilishi lozim:
notarius lavozimiga tanlov oʻtkazilayotgan davlat notarial idorasining nomi;
tanlovda ishtirok etuvchilarga qoʻyiladigan talablar. Ushbu talablar mazkur Nizomning 6-bandiga muvofiq eʼlon qilinadi;
tanlovda ishtirok etish uchun taqdim etiladigan hujjatlar va ularni taqdim etishning oxirgi sanasi. Bunda hujjatlarni taqdim etish muddati kamida bir oy etib belgilanadi;
tanlov oʻtkazish joyi va ayrim hollarda tanlov oʻtkazish sanasi.
Agar tanlov notariusning homiladorlik va tugʻish taʼtillariga, shuningdek, bolalarni parvarishlash taʼtillariga chiqishi munosabati bilan oʻtkazilayotgan boʻlsa, eʼlonda bu haqda koʻrsatib oʻtilishi lozim.
Keyingi tahrirga qarang.
Tanlov oʻtkazish toʻgʻrisidagi eʼlon qoʻshimcha ravishda markaziy va mahalliy televideniye, radio hamda internet tarmogʻi orqali berilishi mumkin.
Keyingi tahrirga qarang.
5. Bitta notarial idoraning ikki yoki undan ortiq notarius lavozimlariga tanlovlar komissiyaning alohida majlislarida oʻtkaziladi.
6. Tanlovda yigirma besh yoshdan kichik boʻlmagan, oliy yuridik maʼlumotga, yuridik mutaxassislik boʻyicha kamida uch yil muddatli ish stajiga ega boʻlgan, shu jumladan davlat notarial idorasida kamida ikki yil muddatli stajirovkani oʻtagan, malaka imtihonini topshirgan Oʻzbekiston Respublikasi fuqarosi ishtirok etishi mumkin.
Keyingi tahrirga qarang.
Malaka imtihonini topshirgan, lekin notarius lavozimida uch yil mobaynida ishlamagan fuqaro malaka imtihonini qayta topshirganidan keyin tanlovda ishtirok etish huquqiga ega boʻladi.
Quyidagilar tanlovda ishtirok etishi mumkin emas:
belgilangan tartibda muomalaga layoqatsiz yoki muomala layoqati cheklangan deb topilgan shaxs;
qasddan sodir etgan jinoyati uchun sudlanganlik holati tugallanmagan yoki sudlanganligi olib tashlanmagan shaxs;
oʻz kasbiy faoliyatiga mos kelmaydigan qilmishlar sodir etganligi uchun notarius, advokat, tergovchi, prokuror, sudya yoki huquqni muhofaza qiluvchi organlarning boshqa xodimi sifatidagi vakolati belgilangan tartibda tugatilgan shaxs.
7. Tanlovda ishtirok etish istagini bildirgan shaxs (bundan keyingi oʻrinlarda talabgor deb yuritiladi) Oʻzbekiston Respublikasi Adliya vazirligiga quyidagi hujjatlarni taqdim etadi:
Keyingi tahrirga qarang.
komissiya nomiga ariza;
pasport nusxasi;
belgilangan shaklda toʻldirilgan shaxsiy varaqa;
mehnat daftarchasining notarial yoki ish joyida tasdiqlangan nusxasi;
Keyingi tahrirga qarang.
Keyingi tahrirga qarang.
talabgorning malaka imtihonini topshirganligi toʻgʻrisida malaka komissiyasining (qonun hujjatlarida nazarda tutilgan hollarda komissiyaning) qaroridan koʻchirma, mazkur bandning sakkizinchi va toʻqqizinchi xatboshilarida koʻrsatilgan hollar bundan mustasno;
Keyingi tahrirga qarang.
oxirgi ish joyidan berilgan mehnat faoliyati toʻgʻrisidagi tavsifnoma.
Mazkur Nizomning 6-bandi ikkinchi xatboshisida koʻrsatilgan talabgorlar malaka imtihonini qayta topshirganligi toʻgʻrisida malaka komissiyasining (qonun hujjatlarida nazarda tutilgan hollarda komissiyaning) qaroridan koʻchirma taqdim etadi.
Oxirgi uch yil mobaynida notarius lavozimida ishlagan shaxslardan malaka imtihonini topshirganligi yoki qayta topshirganligi toʻgʻrisida malaka komissiyasining qaroridan koʻchirma talab qilinmaydi.
Keyingi tahrirga qarang.
Keyingi tahrirga qarang.
8. Tanlovda ishtirok etish uchun taqdim etilgan hujjatlar ishchi organ tomonidan qabul qilinadi va talabgorga qabul qilib olingan hujjatlar roʻyxati va sanasi koʻrsatilgan tilxat beriladi. Hujjatlar Oʻzbekiston Respublikasi Adliya vazirligining devonxonasida roʻyxatdan oʻtkaziladi.
Ishchi organ talabgor tomonidan taqdim etilgan hujjatlarni qabul qilishni rad etishga haqli emas. Hujjatlar taqdim etishning oxirgi sanasidan soʻng taqdim etilgan hujjatlar qabul qilinmaydi, hujjatlarni taqdim etish muddati davomida hujjatlarni topshirishda yoʻl qoʻyilgan kamchiliklarni bartaraf etish maqsadida topshirilgan hujjatlar bundan mustasno.
Keyingi tahrirga qarang.
9. Ishchi organ tomonidan har bir talabgorning hujjatlari alohida oʻrganib chiqiladi. Talabgorni tanlovda ishtirok etishini rad etishga asoslar mavjud boʻlsa, ishchi organ tomonidan bu haqda xulosa tuziladi. Mazkur xulosa komissiya raisi tomonidan tasdiqlanadi.
Keyingi tahrirga qarang.
Barcha talabgorlarning hujjatlarini oʻrganish natijalariga koʻra, ishchi organ tomonidan tanlov oʻtkazish toʻgʻrisida yoki tanlov oʻtkazishga qayta eʼlon berish toʻgʻrisida xulosa tuziladi va u komissiya raisi tomonidan tasdiqlanadi. Tanlov oʻtkazish toʻgʻrisidagi xulosada tanlov oʻtkaziladigan sana koʻrsatib oʻtilishi lozim, agar tanlov oʻtkazish toʻgʻrisidagi eʼlonda tanlov oʻtkaziladigan sana koʻrsatilmagan boʻlsa.
10. Quyidagi hollarda ishchi organ tomonidan tanlov oʻtkazishga qayta eʼlon berish toʻgʻrisida xulosa tuziladi:
tanlovda ishtirok etish uchun birorta ham talabgor boʻlmasa;
tanlovda ishtirok etish uchun faqatgina bitta talabgor tomonidan hujjatlar taqdim etilgan boʻlsa, mazkur Nizomning 11-bandida nazarda tutilgan holatlar bundan mustasno;
tanlovda ishtirok etish uchun taqdim etilgan hujjatlarni koʻrib chiqish natijalariga koʻra barcha talabgorlarga tanlovda ishtirok etish rad etilgan boʻlsa;
tanlovda ishtirok etish uchun taqdim etilgan hujjatlarni koʻrib chiqish natijalariga koʻra faqatgina bitta talabgor tanlovda ishtirok etishga qoʻyilgan boʻlsa, mazkur Nizomning 11-bandida nazarda tutilgan holatlar bundan mustasno;
mazkur Nizomda belgilangan boshqa hollarda.
Tanlov oʻtkazishga qayta eʼlon tegishli xulosa komissiya raisi tomonidan tasdiqlangan kundan boshlab yetti kun muddat ichida berilishi lozim. Mazkur Nizomning 17-bandi ikkinchi xatboshisi va 27-bandi uchinchi xatboshisida nazarda tutilgan hollarda, tanlov oʻtkazishga qayta eʼlon berish koʻrsatilgan muddat ichida komissiya qaroriga asosan amalga oshiriladi.
11. Agar qayta eʼlon berilgandan keyin tanlovda ishtirok etish uchun bitta talabgor qolgan boʻlsa, u muqobil nomzodsiz tanlovda ishtirok etishga qoʻyiladi.
12. Mazkur Nizomning 6-bandida belgilangan talablarga javob bermaganda va tanlovda ishtirok etish uchun ushbu Nizomning 7-bandida nazarda tutilgan tegishli hujjatlarni toʻliq hajmda taqdim qilmaganda, shuningdek mazkur Nizomning 24, 36 va 38-bandlarida nazarda tutilgan asoslar mavjud boʻlgan taqdirda talabgorga tanlovda ishtirok etish rad etiladi.
Keyingi tahrirga qarang.
13. Tanlovda ishtirok etishi rad etilgan har bir talabgorga komissiya raisi tomonidan tegishli xulosa tasdiqlangandan keyin ikki kunlik muddatda ishchi organ tomonidan mazkur Nizomning 1-ilovasiga muvofiq shaklda yozma xabarnoma yuboriladi.
Keyingi tahrirga qarang.
Tanlov oʻtkazishga qayta eʼlon berish toʻgʻrisida xulosa tasdiqlangan taqdirda, keyingi kundan kechiktirmay bu haqda talabgorlarga mazkur Nizomning 2-ilovasiga muvofiq shaklda yozma xabarnoma yuboriladi.
14. Tanlov tanlov oʻtkazish toʻgʻrisidagi xulosa tasdiqlangan kundan boshlab besh kundan soʻng, lekin oʻn besh kundan kechiktirmay oʻtkaziladi.
Tanlov kuni haqida talabgorlarga tanlov oʻtkaziladigan kundan kamida bir hafta oldin xabarnoma yuboriladi.
Keyingi tahrirga qarang.
15. Tanlovda ishtirok etishga qoʻyilgan talabgorlar roʻyxati tanlov oʻtkazilishidan besh kun oldin Oʻzbekiston Respublikasi Adliya vazirligining fuqarolarni qabul qilish xonasiga osib qoʻyiladi.
III. Tanlov oʻtkazish tartibi
16. Tanlov komissiya tomonidan talabgorlarning kasbiy bilimlarini aniqlash maqsadida yozma-ogʻzaki ravishda oʻtkaziladi.
Keyingi tahrirga qarang.
17. Agar tanlov kuni talabgorlarning barchasi kelmasa yoki talabgor (talabgorlar) kelmaganligi oqibatida bitta talabgor qolgan taqdirda, komissiya tanlov kunini kamida bir haftagacha boʻlgan muddatga kechiktirish toʻgʻrisida qaror qabul qiladi. Bu haqda tanlovda ishtirok etishga qoʻyilgan barcha talabgorlarga tanlov oʻtkazish joyi, sanasi va vaqti koʻrsatilgan yozma xabarnoma yuboriladi.
Agar keyingi tanlov kuni ham talabgorlarning barchasi kelmasa yoki talabgor (talabgorlar) kelmaganligi oqibatida bitta talabgor qolgan taqdirda, komissiya tanlov oʻtkazishga qayta eʼlon berish toʻgʻrisida qaror qabul qiladi, mazkur Nizomning 11-bandida nazarda tutilgan holatlar bundan mustasno.
Keyingi tahrirga qarang.
18. Tanlov barcha talabgorlar uchun bir yoʻla bir xonada oʻtkaziladi.
Tanlov jarayonida komissiya aʼzolari va talabgorlardan tashqari begona shaxslarning hozir boʻlishiga ruxsat berilmaydi.
Keyingi tahrirga qarang.
19. Komissiyaning masʼul kotibi mazkur Nizomning 7-bandida koʻrsatilgan hujjatlar asosida talabgorlar boʻyicha maʼlumot tayyorlaydi va komissiyaning har bir aʼzosiga taqdim etadi.
Komissiya majlisida masʼul kotib unda ishtirok etayotgan komissiya aʼzolarini hamda tanlovda ishtirok etishga qoʻyilgan talabgorlar roʻyxatini, shu jumladan tanlov kuni kelgan va kelmagan talabgorlarning roʻyxatini oʻqib eshittiradi. Shuningdek, masʼul kotib tanlov oʻtkazishning qisqacha mazmunini, shu jumladan mazkur Nizomning 23-bandida nazarda tutilgan talablarni tushuntiradi.
Keyingi tahrirga qarang.
20. Tanlov oʻtkazish tartibi tushuntirilgandan soʻng har bir talabgorga mazkur Nizomning 3-ilovasiga muvofiq shaklda tanlov varaqasi, komissiya aʼzolariga esa mazkur Nizomning 4-ilovasiga muvofiq shaklda baholash byulletenlari tarqatiladi.
Baholash byulletenlari komissiya aʼzolariga mazkur Nizomning 5-ilovasiga muvofiq shakldagi roʻyxat asosida tarqatiladi.
Har bir tanlov varaqasi tanlovda ishtirok etayotgan barcha komissiya aʼzolari tomonidan imzolangan boʻlishi shart. Tanlov varaqasining birinchi varagʻi Oʻzbekiston Respublikasi Adliya vazirligining gerbli muhri bilan tasdiqlanadi.
Har bir baholash byulleteni komissiya raisi tomonidan imzolangan va Oʻzbekiston Respublikasi Adliya vazirligining gerbli muhri bilan tasdiqlangan boʻlishi lozim.
Keyingi tahrirga qarang.
21. Tanlov biletidagi savollarga yozma javob yozish va ular boʻyicha ogʻzaki javobga tayyorlanish uchun ikki soat vaqt ajratiladi.
Keyingi tahrirga qarang.
22. Tanlov beshta savoldan iborat boʻlgan bilet asosida oʻtkazilib, bunda har bir biletning orqa tomonida komissiya raisi va masʼul kotibining imzolari boʻlishi lozim. Tanlov biletidagi savollarga yozma javoblar faqatgina tanlov varaqasiga yoziladi. Talabgorga javob yozish uchun tanlov varaqasi yetarli boʻlmagan taqdirda, unga qoʻshimcha tanlov varaqasi beriladi.
Keyingi tahrirga qarang.
23. Tanlov biletidagi savollarga tayyorlanish jarayonida talabgorlarga quyidagilar taqiqlanadi:
Keyingi tahrirga qarang.
qonunchilik hujjatlaridan, maʼlumot beruvchi va maxsus adabiyotlardan har qanday turdagi texnika vositalaridan yoki boshqa materiallardan (maʼlumotlardan) foydalanish;
boshqa talabgorlar bilan suhbatlashish;
oʻz tanlov varaqasini topshirgunga qadar tanlov oʻtkazilayotgan xonadan tashqariga chiqish.
Keyingi tahrirga qarang.
24. Agar talabgor oʻz tanlov varaqasini topshirgunga qadar tanlovda qatnashishni davom ettirishdan bosh tortsa, u bir yil davomida keyingi tanlovlarga qoʻyilmaydi. Ushbu holat komissiya majlisining bayonnomasida aks ettiriladi.
Keyingi tahrirga qarang.
25. Tanlov biletidagi savollarga javob tayyorlab boʻlgan talabgor komissiyaga javob beradi. Komissiya aʼzolari ayrim javoblarni aniqlashtirish maqsadida savollar berishi mumkin.
Keyingi tahrirga qarang.
Komissiya aʼzolari baholash byulletenida talabgorning savollarga bergan javobini oʻn ballik tizimda baholaydi.
Savollarga javob berib boʻlgan talabgorga oʻz tanlov varaqasini topshirgandan soʻng xonadan chiqishga ruxsat beriladi.
26. Baholash byulletenida ballarni hisoblab chiqish uchun komissiya aʼzolari orasidan 3 kishidan iborat hisoblash guruhi tuziladi.
Baholash byulletenidagi ballar hisoblab chiqiladi, hisoblash natijasi yuzasidan hisoblash guruhi tomonidan imzolangan dalolatnoma tuziladi va komissiya aʼzolariga eʼlon qilinadi.
Keyingi tahrirga qarang.
Keyingi tahrirga qarang.
27. Tanlov natijasiga koʻra eng koʻp ball olgan talabgor tanlovda gʻolib deb topiladi.
Gʻolib deb topilgan talabgorning balli tanlovda olinishi mumkin boʻlgan eng yuqori ballning 50 foizidan kam boʻlmasligi lozim.
Eng koʻp ball toʻplagan talabgorning yoki mazkur Nizomning 11-bandida belgilangan asoslarga koʻra tanlovda ishtirok etgan talabgorning balli tanlovda olinishi mumkin boʻlgan eng yuqori ballning 50 foizidan kam boʻlsa, komissiya tanlov oʻtkazishga qayta eʼlon berish toʻgʻrisida qaror qabul qiladi.
Keyingi tahrirga qarang.
28. Ballar teng boʻlib qolganda, tanlov gʻolibi eng koʻp bir xil ball olgan talabgorlar orasidan ovoz berish yoʻli bilan aniqlanadi.
Eng koʻp ovoz olgan talabgor tanlovda gʻolib deb topiladi. Ovozlar takroran teng boʻlib qolsa, komissiya raisining ovozi hal qiluvchi boʻlib hisoblanadi.
Keyingi tahrirga qarang.
29. Tanlov oʻtkazish boʻyicha komissiya majlisida bayonnoma yuritiladi va u komissiya raisi, masʼul kotibi va tanlovda qatnashgan boshqa komissiya aʼzolari tomonidan imzolanadi.
Bayonnomada quyidagilar koʻrsatilishi shart:
tanlov oʻtkazish joyi va sanasi, tanlovning boshlanish va yakunlanish vaqti;
tanlovda qatnashgan komissiya aʼzolarining roʻyxati;
tanlovga kelgan va kelmagan talabgorlar roʻyxati;
Keyingi tahrirga qarang.
har bir talabgor tomonidan olingan bilet raqami va undagi savollar mazmuni;
Keyingi tahrirga qarang.
talabgor tomonidan biletdagi savollarga javob bergan yoki javob bera olmaganligi toʻgʻrisidagi maʼlumotlar;
Keyingi tahrirga qarang.
ayrim javoblarni aniqlashtirish maqsadida komissiya aʼzolari tomonidan berilgan savollar va talabgorning unga bergan javoblari mazmuni;
Keyingi tahrirga qarang.
baholash byulletenlaridagi ballarni hisoblash natijalari, shu jumladan har bir talabgor tomonidan toʻplangan ballar;
Keyingi tahrirga qarang.
tanlov gʻolibi mazkur Nizom talablariga koʻra ovoz berish yoʻli bilan aniqlangan boʻlsa — ovoz berish natijalari;
tanlov oʻtkazish jarayoniga taalluqli boʻlgan boshqa maʼlumotlar;
tanlov yakunlari boʻyicha komissiya qarori, shu jumladan tanlovda gʻolib deb topilgan talabgor;
komissiya qarori ustidan shikoyat qilish tartibi.
Talabgorlar tomonidan toʻplangan ballar, ovoz berish natijalari hamda komissiya qarori shu kunning oʻzida tanlovda ishtirok etgan talabgorlarga oʻqib eshittiriladi.
Tanlov varaqalari, baholash byulletenlari va mazkur Nizomning 20-bandi ikkinchi xatboshisiga muvofiq tuzilgan komissiya aʼzolari roʻyxati majlis bayonnomasiga ilova qilinadi.
Keyingi tahrirga qarang.
30. Komissiya majlisining bayonnomasi bir nusxada tuziladi. Tanlovdan soʻng uch kun ichida bayonnomadan koʻchirma tanlov gʻolibi bilan mehnat shartnomasini tuzish va uni notarius lavozimiga tayinlash toʻgʻrisidagi buyruq qabul qilish uchun adliya boshqarmasiga yuboriladi. Bayonnoma tanlov boʻyicha yigʻmajildga tikib qoʻyiladi.
Komissiya bayonnomasidan koʻchirma mazkur bandning birinchi xatboshisida koʻrsatilgan muddat ichida tanlovda ishtirok etgan barcha talabgorlarga yuboriladi.
Keyingi tahrirga qarang.
IV. Talabgordan notarius qasamyodini qabul qilish
31. Tanlovda gʻolib deb topilgan talabgor komissiya majlisida “Notariat toʻgʻrisida”gi Oʻzbekiston Respublikasi Qonunining 3-moddasiga asosan quyidagi mazmunda qasamyod qabul qiladi:
“Notarius vazifasini halol va vijdonan bajarishga, Oʻzbekiston Respublikasining Konstitutsiyasi va qonunlariga qatʼiy rioya etishga tantanali qasamyod qilaman”.
32. Talabgor notarius qasamyodi matnini ovoz chiqarib oʻqiydi va talabgor toʻgʻrisidagi maʼlumotlar, qasamyod qabul qilingan sana va joy bayon etilgan tegishli hujjatni imzolaydi.
Mazkur hujjat ham komissiya majlisining bayonnomasiga ilova qilinadi.
33. Tanlovda gʻolib deb topilgan talabgorning notarius qasamyodini qabul qilishdan bosh tortishi uning notarius lavozimiga tayinlanishdan voz kechishi deb hisoblanadi.
V. Notarius lavozimiga tayinlash
34. Komissiyaning tanlov yakunlari boʻyicha qabul qilgan qarori adliya boshqarmasi uchun tanlovda gʻolib deb topilgan talabgor bilan mehnat shartnomasini tuzish va uni notarius lavozimiga tayinlashga asos boʻladi.
Agar tanlov notariusning homiladorlik va tugʻish taʼtillariga, shuningdek, bolalarni parvarishlash taʼtillariga chiqishi munosabati bilan oʻtkazilgan boʻlsa, tanlov gʻolibi bilan muddatli mehnat shartnomasi tuziladi va adliya boshqarmasi tomonidan tegishli buyruq chiqariladi.
Keyingi tahrirga qarang.
Keyingi tahrirga qarang.
Keyingi tahrirga qarang.
35. Tanlov gʻolibi bilan mehnat shartnomasini tuzish va uni notarius lavozimiga tayinlash haqidagi adliya boshqarmasining buyrugʻi komissiya bayonnomasidan koʻchirma olingan kundan boshlab uch kundan kechiktirmay chiqariladi.
Tanlov gʻolibini notarius lavozimiga tayinlash haqidagi adliya boshqarmasining buyrugʻi nusxasi uch kun ichida Oʻzbekiston Respublikasi Adliya vazirligiga yuboriladi.
Keyingi tahrirga qarang.
VI. Tanlovda ishtirok etishdan yoki notarius lavozimiga tayinlanishdan voz kechish
36. Talabgor tanlovning har qanday bosqichida, shuningdek notarius lavozimiga tayinlash toʻgʻrisidagi adliya boshqarmasining buyrugʻi qabul qilingunga qadar tanlovda ishtirok etishdan yoki notarius lavozimiga tayinlanishdan voz kechishga haqli. Buning uchun talabgor Oʻzbekiston Respublikasi Adliya vazirligiga ariza bilan murojaat etishi lozim. Bunday talabgorlar bir yil davomida keyingi tanlovlarga qoʻyilmaydi.
Keyingi tahrirga qarang.
Agar tanlovda gʻolib deb topilgan talabgor tanlov oʻtkazilgan kundan boshlab oʻn kun ichida tegishli adliya boshqarmasiga mehnat shartnomasini tuzish va notarius lavozimiga tayinlanish uchun murojaat qilmasa, bu holat notarius lavozimiga tayinlanishdan voz kechish deb hisoblanadi, kelmaganlik sababi uzrli deb topilgan hollar bundan mustasno.
Keyingi tahrirga qarang.
37. Agar tanlovda gʻolib deb topilgan talabgor notarius lavozimiga tayinlash toʻgʻrisidagi adliya boshqarmasining buyrugʻi qabul qilingunga qadar notarius lavozimiga tayinlanishdan voz kechsa, tanlovda mazkur talabgordan soʻng eng yuqori ball olgan talabgor komissiya qarori asosida notarius lavozimiga tayinlanadi.
Keyingi tahrirga qarang.
38. Mazkur Nizomning 17-bandi ikkinchi xatboshisiga muvofiq tanlov kuni kelmaganligi sababli tanlovda ishtirok etmagan talabgorlar bir yil davomida keyingi tanlovlarga qoʻyilmaydi, kelmaganlik sababi uzrli deb topilgan hollar bundan mustasno.
VII. Tanlov boʻyicha hujjatlarni yuritish
39. Oʻtkazilgan har bir tanlov boʻyicha materiallar ishchi organning alohida yigʻma jildida yuritiladi.
40. Tanlovni oʻtkazish bilan bogʻliq boʻlgan barcha hujjatlar har bir tanlov boʻyicha yigʻma jildlarga tikilgan holda Oʻzbekiston Respublikasi Adliya vazirligida (doimiy saqlanishi nazarda tutilgan komissiya qarori va bayonnomasidan tashqari) oʻn yil mobaynida saqlanadi.
VIII. Yakuniy qoidalar
41. Komissiya qarorlari ustidan sudga shikoyat qilinishi mumkin.
Keyingi tahrirga qarang.
42. Mazkur Nizom talablarining buzilishida aybdor shaxslar qonun hujjatlarida belgilangan tartibda javobgarlikka tortiladi.
Notarius lavozimiga tayinlash boʻyicha tanlov oʻtkazish tartibi toʻgʻrisidagi nizomga
1-ILOVA
1-ILOVA
| 20__ yil “___” __________ |
Talabgor__________________________ga | |
| ________-son | | (talabgorning F.I.O.) |
| |
___________________________________ | |
| | | (talabgorning yashash manzili) |
|
| ||
| Oʻzbekiston Respublikasi Adliya vazirligi tomonidan________________________ _____________________________________________________notarius lavozimiga | ||
|
(notarius lavozimiga tanlov oʻtkazilayotgan davlat notarial idorasining nomi) | ||
| oʻtkaziladigan tanlovda ishtirok etish uchun taqdim etgan hujjatlaringiz koʻrib chiqildi. | ||
| _______________________________________________________________________ | ||
|
(tanlovda ishtirok etishni rad etish sabablari, Nizomning qaysi bandlari | ||
| _______________________________________________________________________ | ||
|
buzilganligini koʻrsatgan holda sanab oʻtiladi) | ||
| _______________________________________________________ sababli Notarius lavozimiga tayinlash boʻyicha tanlov oʻtkazish tartibi toʻgʻrisidagi nizomning 12-bandiga muvofiq Sizga tanlovda ishtirok etish rad etildi. | ||
Oliy malaka komissiyasi ishchi organi rahbari |
_______________________ |
_______________________ |
| |
(imzo) |
(F.I.O.) |
Keyingi tahrirga qarang.
Notarius lavozimiga tayinlash boʻyicha tanlov oʻtkazish tartibi toʻgʻrisidagi nizomga
2-ILOVA
2-ILOVA
| 20__ yil “___” __________ |
Talabgor__________________________ga | |
| ________-son | | (talabgorning F.I.O.) |
| |
___________________________________ | |
| | | (talabgorning yashash manzili) |
|
| ||
| Oʻzbekiston Respublikasi Adliya vazirligi tomonidan________________________ _____________________________________________________notarius lavozimiga | ||
|
(notarius lavozimiga tanlov oʻtkazilayotgan davlat notarial idorasining nomi) | ||
| oʻtkaziladigan tanlov boʻyicha _____________________________________________ ___________________________________________________________ sababli hamda | ||
|
(tanlov oʻtkazishga qayta eʼlon berish sabablari aniq koʻrsatilishi lozim) | ||
| Notarius lavozimiga tayinlash boʻyicha tanlov oʻtkazish tartibi toʻgʻrisidagi nizomning ___-bandiga muvofiq tanlov oʻtkazishga qayta eʼlon berish toʻgʻrisida xulosaga kelindi. | ||
|
Qayta eʼlon beriladigan tanlovda ishtirok etish uchun takroran hujjatlar topshirishingiz mumkinligi bildiriladi*. | ||
Oliy malaka komissiyasi ishchi organi rahbari |
_______________________ |
_______________________ |
| |
(imzo) |
(F.I.O.) |
* Tanlovda ishtirok etish kuni kelmagan yoki tanlovda ishtirok etishdan yoxud tanlovda qatnashishni davom ettirishdan voz kechgan talabgorlarga yuborilgan xabarnomada mazkur xatboshi yozilmaydi.
Keyingi tahrirga qarang.
Notarius lavozimiga tayinlash boʻyicha tanlov oʻtkazish tartibi toʻgʻrisidagi nizomga
3-ILOVA
3-ILOVA
| | |
Oʻzbekiston Respublikasi Adliya vazirligining muhri |
| ______________________________________ notarius lavozimiga tanlov boʻyicha | ||
|
(notarius lavozimiga tanlov oʻtkazilayotgan davlat notarial idorasining nomi) |
| |
|
| ||
| Talabgorning (F.I.O.) __________________________________________________ | ||
| Bilet raqami: _________ | | |
| 1-savol: _______________________________________________________________ | ||
| 2-savol: _______________________________________________________________ | ||
| 3-savol: _______________________________________________________________ | ||
| 4-savol: _______________________________________________________________ | ||
| 5-savol: _______________________________________________________________ | ||
| Javoblar: _____________________________________________________________ | ||
Komissiya aʼzosi: _______ |
Komissiya aʼzosi: ______ |
Komissiya aʼzosi: ______ |
|
(imzo) |
(imzo) |
(imzo) |
| Komissiya aʼzosi: _______ | Komissiya aʼzosi: ______ | Komissiya aʼzosi: ______ |
|
(imzo) |
(imzo) |
(imzo) |
| Komissiya aʼzosi: _______ | Komissiya aʼzosi: ______ | Komissiya aʼzosi: ______ |
|
(imzo) |
(imzo) |
(imzo) |
| Komissiya aʼzosi: _______ | Komissiya aʼzosi: ______ | Talabgor: _____________ |
|
(imzo) |
(imzo) |
(imzo) |
(Tanlov varaqasining har bir varagʻida komissiya aʼzolarining va talabgorning imzolari boʻlishi shart)
Keyingi tahrirga qarang.
Notarius lavozimiga tayinlash boʻyicha tanlov oʻtkazish tartibi toʻgʻrisidagi nizomga
4-ILOVA
4-ILOVA
|
______________________________________ | |
|
(Oliy malaka komissiyasi raisining F.I.O., imzosi) | |
|
Oʻzbekiston Respublikasi Adliya vazirligining muhri | |
|
| |
|
BAHOLASh BYuLLETENI | |
| _______________________________________________________________ notarius | |
|
(notarius lavozimiga tanlov oʻtkazilayotgan davlat notarial idorasining nomi) | |
| lavozimiga oʻtkazilayotgan tanlovda talabgorlarni baholash natijasi | |
|
Talabgorning F.I.O. |
Ball |
| | |
| | |
| | |
| | |
| | |
| | |
| | |
| Komissiya aʼzosi: ________________________________ /__________/ | |
|
(F.I.O.) |
(imzo) |
Keyingi tahrirga qarang.
Notarius lavozimiga tayinlash boʻyicha tanlov oʻtkazish tartibi toʻgʻrisidagi nizomga
5-ILOVA
5-ILOVA
| |
______________________________________ | ||
| |
(Oliy malaka komissiyasi raisining F.I.O., imzosi) | ||
| |
Oʻzbekiston Respublikasi Adliya vazirligining muhri | ||
|
______________________________________________________________ notarius | |||
|
(notarius lavozimiga tanlov oʻtkazilayotgan davlat notarial idorasining nomi) | |||
|
lavozimiga oʻtkazilayotgan tanlovda qatnashgan Oʻzbekiston Respublikasi Adliya vazirligi huzuridagi Oliy malaka komissiyasi aʼzolarining | |||
|
| |||
| 20__ yil “___” _______________ |
| ||
|
T/r |
F.I.O. |
Oliy malaka komissiyasiga kelganligi haqida imzo |
Baholash byulletenini olganligi haqida imzo |
|
1. |
| | |
|
2. |
| | |
|
3. |
| | |
|
4. |
| | |
|
5. |
| | |
|
6. |
| | |
|
7. |
| | |
|
8. |
| | |
|
9. |
| | |
|
10. |
| | |
|
11. |
| | |
Keyingi tahrirga qarang.
(Oʻzbekiston Respublikasi qonun hujjatlari toʻplami, 2010-y., 51-son, 498-modda; 2011-y., 40-son, 435-modda; 2012-y., 23-24-son, 271-modda; 2014-y., 24-son, 296-modda, 52(I)-son, 647-modda; 2015-y., 20-son, 267-modda, 52-son, 654-modda; 2017-y., 4-son, 56-modda, 25-son, 561-modda, 37-son, 1022-modda, Qonun hujjatlari maʼlumotlari milliy bazasi, 08.01.2018-y., 10/18/2165-10/0523-son, 22.02.2018-y., 10/18/2165-11/0801-son)
