1.16.00.00.00 Xavfsizlik va huquq tartibot muhofazasi / 16.05.00.00 Shaxs xavfsizligi / 16.05.02.00 Jamoat tartibi muhofazasi. Huquqbuzarliklar profilaktikasi;
2.16.00.00.00 Xavfsizlik va huquq tartibot muhofazasi / 16.06.00.00 Taʼminlash vositalari / 16.06.04.00 Ovchilik qurollari, xizmat qurollari, portlovchi moddalar va boshqa qurollar muomalasi]
[TSZ:
1.Odil sudlov. Huquq-tartibotni muhofaza qilish. Adliya / Jamoat tartibi va jamoat xavfsizligini muhofaza qilish]
Oʻzbekiston Respublikasi hududida pirotexnika buyumlari muomalasini davlat tomonidan tartibga solish va nazorat qilishga doir qoʻshimcha chora-tadbirlar toʻgʻrisida
(1-bandning ikkinchi xatboshisi Oʻzbekiston Respublikasi Vazirlar Mahkamasining 2022-yil 21-fevraldagi 80-sonli qaroriga asosan 2022-yil 1-martdan chiqariladi — Qonunchilik maʼlumotlari milliy bazasi, 22.02.2022-y., 09/22/80/0154-son)
Pirotexnika buyumlaridan foydalanish joyini, vaqtini va shart-sharoitlarini oldindan kelishish tartibi toʻgʻrisidagi nizom 3-ilovaga muvofiq tasdiqlansin.
(1-bandning ikkinchi xatboshisi Oʻzbekiston Respublikasi Vazirlar Mahkamasining 2020-yil 9-apreldagi 206-sonli qaroriga asosan ikkinchi va uchinchi xatboshilar bilan almashtirilgan — Qonun hujjatlari maʼlumotlari milliy bazasi, 10.04.2020-y., 09/20/206/0406-son)
(1-bandning uchinchi xatboshisi Oʻzbekiston Respublikasi Vazirlar Mahkamasining 2018-yil 5-iyuldagi 503-sonli qaroriga asosan chiqarilgan — Qonun hujjatlari maʼlumotlari milliy bazasi, 05.07.2018-y., 09/18/503/1458-son)
(2-band Oʻzbekiston Respublikasi Vazirlar Mahkamasining 2018-yil 5-iyuldagi 503-sonli qaroriga asosan oʻz kuchini yoʻqotgan — Qonun hujjatlari maʼlumotlari milliy bazasi, 05.07.2018-y., 09/18/503/1458-son)
(3-band Oʻzbekiston Respublikasi Vazirlar Mahkamasining 2018-yil 5-iyuldagi 503-sonli qaroriga asosan oʻz kuchini yoʻqotgan — Qonun hujjatlari maʼlumotlari milliy bazasi, 05.07.2018-y., 09/18/503/1458-son)
4. Komissiya ikki hafta muddatda Komissiya toʻgʻrisidagi nizomni ishlab chiqsin va tasdiqlasin.
(5-band Oʻzbekiston Respublikasi Vazirlar Mahkamasining 2018-yil 5-iyuldagi 503-sonli qaroriga asosan oʻz kuchini yoʻqotgan — Qonun hujjatlari maʼlumotlari milliy bazasi, 05.07.2018-y., 09/18/503/1458-son)
6. Vazirliklar, davlat qoʻmitalari va idoralar:
ikki oy muddatda oʻz normativ-huquqiy hujjatlarini ushbu qarorga muvofiqlashtirsinlar;
idoraviy mansub tashkilotlar hamda boshqa yuridik va jismoniy shaxslar tomonidan ushbu qaror talablariga rioya etilishini nazorat qilish boʻyicha zarur chora-tadbirlar koʻrsinlar.
7. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosari Gʻ.I. Ibragimov zimmasiga yuklansin.
Oʻzbekiston Respublikasining Bosh vaziri Sh. MIRZIYOYEV
(1-ilova Oʻzbekiston Respublikasi Vazirlar Mahkamasining 2022-yil 21-fevraldagi 80-sonli qaroriga asosan 2022-yil 1-martdan oʻz kuchini yoʻqotadi — Qonunchilik maʼlumotlari milliy bazasi, 22.02.2022-y., 09/22/80/0154-son)
Vazirlar Mahkamasining 2010-yil 25-oktabrdagi 234-son qaroriga 3-ILOVA
Pirotexnika buyumlaridan foydalanish joyini, vaqtini va shart-sharoitlarini oldindan kelishish tartibi toʻgʻrisida
NIZOM
1-bob. Umumiy qoidalar
1. Ushbu Nizom litsenziya talablari va shartlari doirasida pirotexnika buyumlaridan foydalanish sohasida faoliyatni amalga oshiruvchi yuridik shaxslar (keyingi oʻrinlarda — yuridik shaxslar) tomonidan texnik va maxsus maqsaddagi pirotexnika buyumlaridan (xavflilikning III — V klasslari) foydalanishga moʻljallangan joyni, vaqtni va shart-sharoitlarni oldindan kelishish tartibini belgilaydi.
2. Ushbu Nizom qoidalari harbiy, shuningdek, maishiy maqsaddagi pirotexnika buyumlaridan (xavflilikning I klassi) foydalanishga nisbatan tatbiq etilmaydi.
(2-band Oʻzbekiston Respublikasi Vazirlar Mahkamasining 2021-yil 1-dekabrdagi 724-sonli qarori tahririda — Qonunchilik maʼlumotlari milliy bazasi, 02.12.2021-y., 09/21/724/1118-son)
3. Oʻzbekiston Respublikasi Prezidenti yoki Vazirlar Mahkamasining qarorlariga muvofiq ommaviy tadbirlarni oʻtkazish jarayonida pirotexnika buyumlaridan foydalanishda mazkur Nizomda belgilangan oldindan kelishish talab etilmaydi.
Ommaviy tadbirlarni oʻtkazish jarayonida texnik va maxsus maqsaddagi pirotexnika buyumlaridan (xavflilikning III — V klasslari) foydalanish Vazirlar Mahkamasining 2014-yil 29-iyuldagi 205-son qarori bilan tasdiqlangan Ommaviy tadbirlarni oʻtkazish qoidalariga muvofiq beriladigan ommaviy tadbirni oʻtkazishga doir ruxsatnoma boʻyicha ommaviy tadbir dasturi asosida amalga oshiriladi.
(3-bandning ikkinchi xatboshisi Oʻzbekiston Respublikasi Vazirlar Mahkamasining 2021-yil 1-dekabrdagi 724-sonli qarori tahririda — Qonunchilik maʼlumotlari milliy bazasi, 02.12.2021-y., 09/21/724/1118-son)
2-bob. Pirotexnika buyumlaridan foydalanish joyini, vaqtini va shart-sharoitlarini oldindan kelishish toʻgʻrisidagi arizani koʻrib chiqish, uni koʻrib chiqish natijalari yuzasidan qaror qabul qilish
4. Pirotexnika buyumlaridan foydalanish joyini, vaqtini va shart-sharoitlarini oldindan kelishish (keyingi oʻrinlarda — oldindan kelishish) texnik va maxsus maqsaddagi pirotexnika buyumlaridan (xavflilikning III — V klasslari) (keyingi oʻrinlarda — pirotexnika buyumlari) foydalanish joyi joylashgan hudud boʻyicha tuman (shahar) ichki ishlar boshqarmalari (boʻlimlari) va favqulodda vaziyatlar boʻlimlari (keyingi oʻrinlarda — vakolatli organlar) tomonidan ushbu Nizomga 1-ilovaga muvofiq sxema boʻyicha amalga oshiriladi.
5. Oldindan kelishish arizachiga ushbu Nizomga 2-ilovaga muvofiq shakl boʻyicha xabarnoma yuborish orqali amalga oshiriladi.
Oldindan kelishish yuridik shaxs tomonidan arizada koʻrsatilgan muayyan joyda (obyektda), vaqtda va shart-sharoitlarda pirotexnika buyumlaridan bir marotaba foydalanish uchun asos boʻlib hisoblanadi.
6. Yuridik shaxs oldindan kelishishni olish uchun tuman (shahar) ichki ishlar boshqarmasi (boʻlimi)ga pirotexnika buyumlaridan foydalanish sanasidan kamida yigirma ish kuni oldin quyidagilarni ilova qilgan holda ushbu Nizomning 3-ilovasiga muvofiq shaklda ikki nusxada ariza taqdim etadi:
yuridik shaxsning pirotexnika buyumidan foydalanishga jalb etilgan xodimlari Toshkent davlat texnika universitetining malaka oshirish kurslarida “Pirotexnika buyumlarini xavfsiz qoʻllash” yoʻnalishi boʻyicha maxsus tayyorgarlikdan oʻtganligi toʻgʻrisidagi guvohnoma nusxalari;
otish maydonchasi joylashgan joy va xavfli hudud doirasi koʻrsatilgan holda obyektga tutash hududning xaritasi, shuningdek, fuqarolar va yongʻin xavfsizligini taʼminlash boʻyicha asosiy tadbirlar roʻyxati ilova qilingan pirotexnika buyumlaridan foydalanish dasturi.
Arizachidan ushbu bandda nazarda tutilmagan hujjatlar va maʼlumotlarni taqdim etishni talab qilishga yoʻl qoʻyilmaydi.
7. Arizachi tomonidan oldindan kelishish toʻgʻrisidagi ariza va mazkur Nizomning 6-bandida koʻrsatilgan hujjatlar tuman (shahar) ichki ishlar boshqarmasi (boʻlimi)ga bevosita, pochta aloqa vositalari orqali yoki elektron shaklda, ular olinganligi haqida xabardor qilingan holda taqdim etiladi.
Elektron shaklda taqdim etilgan hujjatlar arizachining elektron raqamli imzosi bilan tasdiqlanadi.
Arizaning ikkinchi nusxasi ariza qabul qilingan sanasi koʻrsatilgan holda arizachiga darhol beriladi (yuboriladi).
8. Oldindan kelishish toʻgʻrisidagi ariza vakolatli organlar tomonidan koʻrib chiqilganligi uchun yigʻim undirilmaydi.
9. Oldindan kelishish yoki oldindan kelishishni rad etish haqidagi qaror arizachining arizasi barcha zarur hujjatlar bilan birga tuman (shahar) ichki ishlar boshqarmasi (boʻlimi) tomonidan olingan kundan boshlab oʻn besh ish kunidan ortiq boʻlmagan muddatda qabul qilinadi.
10. Tuman (shahar) ichki ishlar boshqarmasi (boʻlimi) ariza va mazkur Nizomning 6-bandida koʻrsatilgan hujjatlarni olgan kundan boshlab bir ish kuni ichida tuman (shahar) favqulodda vaziyatlar boʻlimiga tekshiruv va baholash tadbirlarini amalga oshirish uchun soʻrovnoma yuboradi.
Soʻrovnomaga ariza va ushbu Nizomning 6-bandida nazarda tutilgan hujjatlarning nusxalari ilova etiladi.
11. Vakolatli organlar arizani (soʻrovnomani) olgan kundan boshlab uch ish kuni ichida arizachida pirotexnika buyumlaridan foydalanish uchun mavjud shart-sharoitlarni hamda fuqarolar va yongʻin xavfsizligini taʼminlash yuzasidan koʻrilgan choralarni ushbu Nizomning 9-bandida koʻrsatilgan muddat doirasida oʻz mablagʻlari hisobidan joyiga chiqqan holda oʻrganib chiqish va baholash huquqiga ega.
Oʻrganib chiqish, qoida tariqasida, vakolatli organlar tomonidan birgalikda amalga oshiriladi.
12. Tuman (shahar) favqulodda vaziyatlar boʻlimi soʻrovnomani olgan kundan boshlab uch ish kunidan oshmagan muddatda tuman (shahar) ichki ishlar boshqarmasi (boʻlimi)ga tegishli xulosani yuboradi.
13. Tuman (shahar) ichki ishlar boshqarmasi (boʻlimi) tuman (shahar) favqulodda vaziyatlar boʻlimining xulosasi olingan kundan boshlab bir ish kuni ichida oldindan kelishish toʻgʻrisidagi dastlabki xulosani (keyingi oʻrinlarda — dastlabki xulosa) tayyorlaydi hamda ariza va ushbu Nizomning 6-bandida koʻrsatilgan hujjatlar bilan birga Oʻzbekiston Respublikasi Ichki ishlar vazirligiga yuboradi.
Oʻrganish va baholash natijalari boʻyicha oldindan kelishishni rad etish toʻgʻrisida qaror qabul qilingan taqdirda, arizachi bu haqda tuman (shahar) ichki ishlar boshqarmasi (boʻlimi) tomonidan bir ish kuni ichida yozma shaklda, shu jumladan axborot tizimi orqali elektron shaklda rad etish sabablari koʻrsatilgan holda xabardor qilinadi.
14. Oʻzbekiston Respublikasi Ichki ishlar vazirligi tuman (shahar) ichki ishlar boshqarmasi (boʻlimi) tomonidan taqdim etilgan hujjatlar olingan kundan boshlab uch ish kuni ichida oldindan kelishish toʻgʻrisida yakuniy xulosa tayyorlaydi hamda ariza va ushbu Nizomning 6-bandida koʻrsatilgan hujjatlar bilan birga koʻrib chiqish uchun Oʻzbekiston Respublikasi Vazirlar Mahkamasiga kiritadi.
Taqdim etilgan hujjatlarni oʻrganish natijalari boʻyicha oldindan kelishishni rad etish toʻgʻrisida qaror qabul qilgan taqdirda, bu haqda bir ish kuni ichida tuman (shahar) ichki ishlar boshqarmasi (boʻlimi)ga kelgusida arizachini xabardor qilish uchun rad etish sabablari koʻrsatilgan holda xabarnoma yuboriladi.
15. Oʻzbekiston Respublikasi Vazirlar Mahkamasining Harbiylashtirilgan tuzilmalar faoliyatini moliyaviy va moddiy-texnik taʼminlash boʻlimi besh ish kuni ichida Ichki ishlar vazirligi tomonidan taqdim etilgan hujjatlarni koʻrib chiqadi hamda koʻrib chiqish natijalari yuzasidan tayyorlangan xulosani Ichki ishlar vazirligiga yuboradi.
Oʻzbekiston Respublikasi Ichki ishlar vazirligi olingan xulosani bir ish kuni ichida tuman (shahar) ichki ishlar boshqarmasi (boʻlimi)ga yuboradi.
16. Tuman (shahar) ichki ishlar boshqarmasi (boʻlimi) Oʻzbekiston Respublikasi Vazirlar Mahkamasi Harbiylashtirilgan tuzilmalar faoliyatini moliyaviy va moddiy-texnik taʼminlash boʻlimining tegishli xulosasi asosida bir ish kuni ichida arizachiga oldindan kelishishni beradi (yuboradi) yoki oldindan kelishishni berishni rad etish haqida yozma shaklda, shu jumladan axborot tizimi orqali rad etish sabablari koʻrsatilgan holda elektron shaklda xabardor qiladi.
17. Oldindan kelishishni rad etish uchun quyidagilar asos boʻladi:
ushbu Nizomning 6-bandida nazarda tutilgan hujjatlar toʻliq hajmda taqdim etilmaganligi yoxud taqdim etilgan hujjatlarda notoʻgʻri yoki buzib koʻrsatilgan maʼlumotlar mavjudligi;
pirotexnika buyumlaridan foydalanish uchun mavjud shart-sharoitlarni hamda fuqarolar va yongʻin xavfsizligini taʼminlash yuzasidan koʻrilgan choralarni aniqlash uchun oʻtkazilgan oʻrganishlarning yakunlari boʻyicha asoslantirilgan salbiy xulosa olinganligi.
Oldindan kelishishni berishni boshqa asoslar boʻyicha, shu jumladan maqsadga muvofiq emasligi sababli rad etishga yoʻl qoʻyilmaydi.
18. Vakolatli organlar oldindan kelishish hamda xulosa uchun boshqa vakolatli organlarda mavjud boʻlgan zarur hujjatlarni va axborotlarni belgilangan tartibda oʻzaro axborot hamkorligi yoʻli bilan, shu jumladan elektron tarzda mustaqil ravishda oladi, ushbu Nizomning 6-bandida nazarda tutilgan hujjatlar va axborotlar bundan mustasno.
19. Arizachi oldindan kelishishni rad etish toʻgʻrisidagi qaror, shuningdek, vakolatli organlar mansabdor shaxslarining harakatlari (harakatsizligi) ustidan qonunchilikda belgilangan tartibda shikoyat qilishga haqli.
(19-band Oʻzbekiston Respublikasi Vazirlar Mahkamasining 2022-yil 4-apreldagi 153-sonli qarori tahririda — Qonunchilik maʼlumotlari milliy bazasi, 05.04.2022-y., 09/22/153/0266-son)
3-bob. Oldindan kelishishning dublikatini berish tartibi
20. Oldindan kelishish yoʻqolgan yoki yaroqsiz holga kelgan taqdirda yuridik shaxsning arizasiga koʻra uning dublikati beriladi. Dublikatni berishda tuman (shahar) ichki ishlar boshqarmasi (boʻlimi) tomonidan unga “Dublikat” belgisi qoʻyiladi.
Tuman (shahar) ichki ishlar boshqarmasi (boʻlimi) yuridik shaxsning arizasi, shuningdek, dublikat yaroqsiz holga kelgan taqdirda uning asl nusxasi olingan kundan eʼtiboran besh ish kunidan koʻp boʻlmagan muddatda oldindan kelishishning dublikatini berishi (yuborishi) shart.
21. Oldindan kelishishning dublikatini berish uchun tuman (shahar) ichki ishlar boshqarmasi (boʻlimi) tomonidan yigʻim undirilmaydi.
4-bob. Berilgan oldindan kelishishlar reyestri
22. Tuman (shahar) ichki ishlar boshqarmari (boʻlimlari) berilgan oldindan kelishishlar reyestrini (keyingi oʻrinlarda — reyestr) yuritishni amalga oshiradi. Reyestrda quyidagilar koʻrsatiladi:
yuridik shaxs toʻgʻrisidagi asosiy maʼlumotlar (nomi, tashkiliy-huquqiy shakli, pochta manzili, telefoni);
pirotexnika buyumlaridan foydalanish boʻyicha faoliyat turini amalga oshirishga litsenziya seriyasi va tartib raqami;
oldindan kelishish berilgan pirotexnika buyumlaridan foydalanish maqsadi, joyi (obyekti), sanasi (boshlanish va tugallanish vaqti), shart-sharoitlari;
pirotexnika buyumlaridan foydalanishga jalb qilingan xodimlarning familiyasi, ismi, otasining ismi, ularning maxsus tayyorgarlikdan oʻtganligi haqidagi guvohnoma berilgan sana, seriyasi va raqami;
oldindan kelishish berilgan sana va uning raqami;
oldindan kelishishning dublikatini berish asosi va sanasi.
23. Oldindan kelishish toʻgʻrisidagi maʼlumotlar reyestrga yuridik shaxsga oldindan kelishishni berish toʻgʻrisida qaror qabul qilingan kunda kiritiladi. Reyestrdagi barcha qaydlarga sana qoʻyiladi hamda ular tuman (shahar) ichki ishlar boshqarmasi (boʻlimi) masʼul shaxsining imzosi va muhri bilan tasdiqlanadi.
Reyestr qogʻozda va elektron manbalarda yuritiladi. Qogʻozdagi va elektron manbalardagi yozuvlar oʻrtasida nomuvofiqlik mavjud boʻlgan taqdirda qogʻoz manbalardagi yozuvlar ustuvor ahamiyatga ega boʻladi.
Qogʻoz manbadagi reyestr tuman (shahar) ichki ishlar boshqarmasi (boʻlimi) tomonidan reyestr jurnali shaklida yagona nusxada yuritiladi. Reyestr jurnali ip oʻtkazib tikiladi, tartib raqami qoʻyiladi va uning orqa tomonida sahifalar soni, jurnalni yuritish boshlangan sana (yil, oy, kun) koʻrsatiladi hamda tuman (shahar) ichki ishlar boshqarmasi (boʻlimi) rahbarining imzosi qoʻyiladi va muhri bosiladi.
5-bob. Yakunlovchi qoidalar
24. Pirotexnika buyumlaridan foydalanish chogʻida oldindan kelishish yuridik shaxsning pirotexnika buyumidan foydalanishga jalb etilgan xodimi yonida saqlanishi lozim.
25. Ushbu Nizom talablari buzilishida aybdor boʻlgan shaxslar qonunchilikka muvofiq javob beradilar.
(25-band Oʻzbekiston Respublikasi Vazirlar Mahkamasining 2022-yil 4-apreldagi 153-sonli qarori tahririda — Qonunchilik maʼlumotlari milliy bazasi, 05.04.2022-y., 09/22/153/0266-son)
LexUZ sharhi
Qarang: Oʻzbekiston Respublikasi Maʼmuriy javobgarlik toʻgʻrisidagi kodeksining 1851-moddasi.
Pirotexnika buyumlaridan foydalanish joyini, vaqtini va shart-sharoitlarini oldindan kelishish tartibi toʻgʻrisidagi nizomga 1-ILOVA
Texnik va maxsus maqsaddagi pirotexnika buyumlaridan foydalanishga moʻljallangan joyini, vaqtini va shart-sharoitlarini oldindan kelishishni berish
Pirotexnika buyumlaridan (xavflilikning III — V klasslari) foydalanishga moʻljallangan joyini, vaqtini va shart-sharoitlarini oldindan kelishish uchun tuman (shahar) ichki ishlar boshqarmasi (boʻlimi)ga ikki nusxada ariza taqdim etadi.
Pirotexnika buyumlaridan foydalanish sanasidan 20 ish kuni oldin
2-bosqich
Tuman (shahar) ichki ishlar boshqarmasi (boʻlimi)
1. Arizani qabul qiladi, uning ikkinchi nusxasini qabul qilingan sana koʻrsatilgan holda arizachiga joʻnatadi (taqdim etadi).
2. Pirotexnika buyumlaridan foydalanish uchun mavjud shart-sharoitlarni hamda fuqarolar va yongʻin xavfsizligini taʼminlash yuzasidan koʻrilgan choralarni oʻrganib chiqish va baholash tadbirlarini amalga oshirish yuzasidan tuman (shahar) favqulodda vaziyatlar boʻlimiga soʻrovnoma yuboradi.
3. Zaruratga koʻra, joyiga chiqqan holda pirotexnika buyumlaridan foydalanish uchun mavjud shart-sharoitlarni va xavfsizlikni taʼminlash boʻyicha koʻrilgan choralarni oʻrganadi va baholaydi.
Ariza qabul qilingan kunda
1 ish kuni ichida
Ariza qabul qilingan kundan 3 ish kuni ichida
3-bosqich
Tuman (shahar) favqulodda vaziyatlar boʻlimi
1. Pirotexnika buyumlaridan foydalanish uchun mavjud shart-sharoitlarni hamda fuqarolar va yongʻin xavfsizligini taʼminlash yuzasidan koʻrilgan choralarni oʻrganib chiqish va baholashni amalga oshiradi.
2. Oʻrganish va baholashni natijalari yuzasidan tuman (shahar) ichki ishlar boshqarmasi (boʻlimi)ga xulosani yuboradi.
3 ish kuni ichida
1 ish kuni ichida
4-bosqich
Tuman (shahar) ichki ishlar boshqarmasi (boʻlimi)
1. Tuman (shahar) favqulodda vaziyatlar boʻlimi xulosasini inobatga olgan holda oldindan kelishish toʻgʻrisida dastlabki xulosani tayyorlaydi.
2. Oldindan kelishishni rad etish toʻgʻrisida qaror qabul qilingan taqdirda, arizachini bu haqda yozma shaklda, shu jumladan axborot tizimi orqali elektron shaklda rad etish sabablari koʻrsatilgan holda xabardor qiladi.
3. Dastlabki xulosani va unga ilova qilingan hujjatlar bilan birga oʻrganib chiqish va yakuniy xulosa tayyorlash uchun Oʻzbekiston Respublikasi Ichki ishlar vazirligiga yuboradi.
1 ish kuni ichida
1 ish kuni ichida
1 ish kuni ichida
5-bosqich
Ichki ishlar vazirligi
1. Tuman (shahar) ichki ishlar boshqarmasi (boʻlimi) tomonidan taqdim etilgan hujjatlarni oʻrganib chiqish natijalari boʻyicha oldindan kelishish toʻgʻrisida yakuniy xulosa tayyorlaydi
2. Yakuniy xulosani koʻrib chiqish uchun Vazirlar Mahkamasiga kiritadi.
3. Oldindan kelishishni berishni rad etish toʻgʻrisida qaror qabul qilgan taqdirda, bu haqda kelgusida arizasini xabardor qilish uchun tuman (shahar) ichki ishlar boshqarmasi (boʻlimi)ga rad etish sabablari koʻrsatilgan holda bir ish kuni ichida xabarnoma yuboradi.
3 ish kuni ichida
1 ish kuni ichida
6-bosqich
Vazirlar Mahkamasi
1. Ichki ishlar vazirligi tomonidan taqdim etilgan hujjatlarni koʻrib chiqadi.
2. Koʻrib chiqish natijalari yuzasidan xulosa tayyorlaydi.
3. Koʻrib chiqish natijalari boʻyicha tayyorlangan xulosani Ichki ishlar vazirligiga yuboradi.
5 ish kuni ichida
7-bosqich
Ichki ishlar vazirligi
Vazirlar Mahkamasi tomonidan taqdim etilgan xulosani tuman (shahar) ichki ishlar boshqarmasi (boʻlimi)ga yuboradi.
1 ish kuni ichida
8-bosqich
Tuman (shahar) ichki ishlar boshqarmasi (boʻlimi)
Vazirlar Mahkamasi xulosasi asosida arizachiga oldindan kelishishni beradi (yuboradi) yoki uni oldindan kelishishni berishni rad etish haqida rad etish sabablari koʻrsatilgan holda xabardor qiladi.
1 ish kuni ichida
Pirotexnika buyumlaridan foydalanish joyini, vaqtini va shart-sharoitlarini oldindan kelishish tartibi toʻgʻrisidagi nizomga 2-ILOVA
Ushbu orqali _______________________________________________________________________________
(yuridik shaxs nomi)
________________________________________________________________________________ ____________________________________________________________________ manzili boʻyicha joylashgan hudud (obyekt)da quyidagi pirotexnika buyumlaridan ______________________________________
(sinfi, turi, miqdori
________________________________________________________________________________ alohida-alohida koʻrsatib oʻtiladi) ___________________________________________________________________________________________ ___________________________________________________________________________________________ (pirotexnika buyumlaridan foydalanish ishlarini bajarishga ___________________________________________________________________________________________ jalb etilayotgan xodimlarning familiyasi, ismi, otasining ismi) ___________________________________________________________________________________________ ___________________________________________________________________________________________ __________________________________________ tomonidan foydalanish huquqiga ega ekanligi tasdiqlanadi. ___________________________________________________________________________________________ ___________________________________________________________________________________________ _________________________________________________________________________ favqulodda vaziyatlar
(ijobiy xulosa bergan hududiy favqulodda vaziyatlar organining nomi)
boʻlimining 20 ____ yil “____” ____________ dagi _______-son xulosasi
Ichki ishlar organi boshligʻi
__________________ (imzo)
m.oʻ.
_______________________________________________ (familiyasi, ismi va otasining ismi bosh xarflari)
Roʻyxat raqami _________________
Berilgan sanasi 20____ yil “_____” ____________.
Pirotexnika buyumlaridan foydalanish joyini, vaqtini va shart-sharoitlarini oldindan kelishish tartibi toʻgʻrisidagi nizomga 3-ILOVA
_______________________________________ (ichki ishlar organi nomi) ________________________________________ boshligʻi________________________________ga (familiyasi, ismi, otasining ismi)
ARIZA
1. Yuridik shaxsning nomi va tashkiliy-huquqiy shakli: ___________________________________________________________________________________________ ___________________________________________________________________________________________, joylashgan joyi (pochta manzili): __________________________________________________________________________________________ _________________________, telefon: ___________, faks: __________, el.pochta, veb-sayt (mavjud boʻlganda): ________________________, pirotexnika buyumlaridan foydalanish boʻyicha faoliyat turini amalga oshirishga litsenziya seriyasi va tartib raqami _________________. 2. Pirotexnika buyumlaridan foydalanish maqsadi va ulardan foydalanish nazarda tutilgan tadbir turi ___________________________________________________________________________________________ _____________________________________________________________, tadbir qatnashchilaring kutilayotgan soni:________________. 3. Pirotexnika buyumlaridan foydalanish joyi (obyekt) nomi, aniq joylashuvi (manzili)__________________________________________________________________________________________ _________________________________________________________________________________________ __________________________________________________________________________________________ 4. Pirotexnika buyumlaridan foydalanish sanasi (boshlanishi va tugallanishi vaqti): ____________________. 5. Foydalaniladigan pirotexnika buyumlarining sinfi, turi va miqdori __________________________________________________________________________________________ __________________________________________________________________________________________ __________________________________________________________________________________________ 6. Pirotexnika buyumlaridan foydalanish ishlarini bajarishga jalb etilayotgan xodimlar toʻgʻrisidagi maʼlumotlar: __________________________________________________________________________________________
(maxsus tayyorgarlikdan oʻtganligi haqidagi guvohnoma berilgan sana, seriyasi va raqami)
_________________________________________________________________________________________. 7. Boshqa maʼlumotlar (arizachining xohishiga koʻra): _________________________________________________________________________________________
(pirotexnika buyumlaridan
_______________________________________________________________________________________ foydalanishning xususiyatlaridan kelib chiqib koʻrsatiladi)
Ilova: 1. Pirotexnika buyumlaridan foydalanish ishlarini bajarishga jalb etilayotgan xodimlar maxsus tayyorgarlikdan oʻtganligi haqidagi guvohnoma nusxalari, _____var.; 2. Otish maydonchasi va xavfli hudud doirasi koʻrsatilgan holda obyekt atrofidagi hudud xaritasi hamda fuqarolar va yongʻin xavfsizligini taʼminlash boʻyicha asosiy tadbirlar ilova qilingan pirotexnika buyumlaridan foydalanish dasturi, _____var.; ______________________________________________________________________________________,__var. Cana: 20___ yil “___”_______________ Yuridik shaxs rahbari _______________ __________________________________________________________________________________________
(imzo)
(familiyasi, ismi va otasining ismi bosh xarflari).
(3-ilova Oʻzbekiston Respublikasi Vazirlar Mahkamasining 2020-yil 9-apreldagi 206-sonli qaroriga asosan kiritilgan — Qonun hujjatlari maʼlumotlari milliy bazasi, 10.04.2020-y., 09/20/206/0406-son)
(Oʻzbekiston Respublikasi qonun hujjatlari toʻplami, 2010-y., 42-43-son, 363-modda; 2012-y., 6-son, 57-modda, 44-son, 507-modda; 2014-y., 10-son, 105-modda, 32-son, 398-modda; 2015-y., 1-son, 9-modda; Qonun hujjatlari maʼlumotlari milliy bazasi, 15.11.2017-y., 09/17/915/0259-son; 23.12.2017-y., 10/17/1001/0447-son, 05.07.2018-y., 09/18/503/1458-son, 30.10.2018-y., 09/18/884/2128-son; 29.12.2019-y., 09/19/1046/4242-son; 10.04.2020-y., 09/20/206/0406-son; 16.06.2020-y., 09/20/384/0770-son; Qonunchilik maʼlumotlari milliy bazasi, 02.12.2021-y., 09/21/724/1118-son; 22.02.2022-y., 09/22/80/0154-son; 05.04.2022-y., 09/22/153/0266-son)
LexUZ sharhi