Mulkchilikning barcha shakllaridagi xoʻjalik yurituvchi subyektlarning tashqi iqtisodiy faoliyatini faollashtirish, yarmarka savdosini xalqaro standartlar darajasida yanada rivojlantirish uchun shart-sharoitlar yaratish, xorijiy hamkorlarni Oʻzbekiston Respublikasiga jalb etish maqsadida Vazirlar Mahkamasi qaror qiladi:

1. Oʻzbekiston Respublikasi Davlat mulki qoʻmitasi, Toshkent shahar hokimligi va “Oʻzulgurjibirjasavdo” uyushmasining ochiq turdagi aksiyadorlik jamiyati shaklidagi “Oʻzsavdomarkaz” Xalqaro yarmarka savdosi respublika markazini tashkil etish toʻgʻrisidagi taklifiga rozilik berilsin.

Maʼlumot uchun qabul qilinsinki:

a) “Oʻzsavdomarkaz” aksiyadorlik jamiyatining dastlabki ustav fondi 2000 mln soʻm miqdorida shakllantiriladi, ulushlar quyidagicha taqsimlanadi:

b) Oʻzbekiston Respublikasi Davlat mulki qoʻmitasi “Oʻzsavdomarkaz” aksiyadorlik jamiyati ustav fondiga ulush uchun va “Alpomish” sport majmuini Xalqaro yarmarka savdosi respublika markaziga rekonstruksiya qilish uchun Vazirlar Mahkamasining 1998-yil 31-dekabrdagi 541-son qarorining 16-bandiga muvofiq pul mablagʻlari ajratadi.

2. Quyidagilar “Oʻzsavdomarkaz” aksiyadorlik jamiyatining asosiy vazifalari etib belgilansin:

— xalqaro, milliy, mintaqaviy va mavzuli koʻrgazma-yarmarkalar oʻtkazishni tashkil etish;

— mamlakatimiz firmalari va xorijiy firmalarga hamkorlar izlashda hamda amaliy munosabatlar va aloqalar oʻrnatishda koʻmaklashish;

— import-eksport kontraktlari tuzish va ularni bajarish boʻyicha tashqi savdo, axborot, konsalting, marketing xizmatlari va boshqa xizmatlar koʻrsatish;

— mamlakatimiz texnologiyasi, fani va ishlab chiqarishining eng yaxshi yutuqlarini reklama qilish va axborot bilan taʼminlash;

— mamlakatimiz ishlab chiqaruvchilarining xalqaro koʻrgazmalar va yarmarkalarda qatnashishini tashkil etish.

3. Oʻzbekiston Respublikasi Davlat mulki qoʻmitasi Davlat sport qoʻmitasi bilan birgalikda:

— ikki hafta muddatda Beruniy koʻchasida joylashgan “Alpomish” sport majmui qiymatini baholasin;

— “Alpomish” sport majmuini “Oʻzsavdomarkaz” aksiyadorlik jamiyatining ustav fondiga Davlat mulki qoʻmitasining ulushi sifatida Oʻzbekiston Respublikasi Davlat sport qoʻmitasi balansidan “Oʻzsavdomarkaz” aksiyadorlik jamiyati balansiga oʻtkazsin.

4. Toshkent shahar hokimligi tashkil etilayotgan Xalqaro yarmarka savdosi respublika markazi uchun yer uchastkasi ajratilishini taʼminlasin.

5. Oʻzbekiston Respublikasi Makroiqtisodiyot va statistika vazirligi “Alpomish” sport majmuini “Oʻzsavdomarkaz” aksiyadorlik jamiyati ustav fondi mablagʻlari, shuningdek mazkur qarorning 1b-bandiga muvofiq Oʻzbekiston Respublikasi Davlat mulki qoʻmitasi tomonidan ajratiladigan mablagʻlar hisobiga moliyalanadigan Xalqaro yarmarka savdosi respublika markaziga rekonstruksiya qilishni 1999-yilgi va keyingi yillardagi respublika investitsiya dasturiga belgilangan tartibda kiritsin.

6. Oʻzbekiston Respublikasi Davlat mulki qoʻmitasi:

bir oy muddatda “Oʻzsavdomarkaz” aksiyadorlik markazi taʼsis yigʻilishi oʻtkazilishini tashkil etsin, boshqaruv organlarini shakllantirsin va taʼsis hujjatlarini belgilangan tartibda roʻyxatdan oʻtkazishga taqdim etsin;

muassislar bilan birgalikda qonun hujjatlariga muvofiq “Oʻzsavdomarkaz” aksiyadorlik jamiyati aksiyalari chiqarilishini va eʼlon qilingan aksiyalarning tarqatilishini taʼminlasin.

7. “Alpomish” sport majmui Xalqaro yarmarka savdosi respublika markazi sifatida oʻz vaqtida rekonstruksiya qilinishini taʼminlash maqsadida:

— Xalqaro yarmarka savdosi respublika markazi xalq isteʼmol tovarlari ishlab chiqarishga ixtisoslashtirilayotgan yangidan qurilayotgan va rekonstruksiya qilinayotgan korxonalar toifasiga kiritilsin;

— “Oʻzsavdomarkaz” aksiyadorlik jamiyati “Alpomish” sport majmuini Xalqaro yarmarka savdosi respublika markaziga rekonstruksiya qilish boʻyicha Bosh buyurtmachi etib belgilansin;

— “Toshshaharloyiha” aksiyadorlik jamiyati bir oy muddatda “Alpomish” sport majmuini Xalqaro yarmarka savdosi respublika markaziga rekonstruksiya qilishning texnik-iqtisodiy hisob-kitobini tayyorlasin. “Oʻzsavdomarkaz” aksiyadorlik jamiyati texnik-iqtisodiy hisob-kitobni belgilangan tartibda ekspertizadan oʻtkazsin va tasdiqlasin, 3 oy muddatda loyiha-smeta va tender hujjatlarini ishlab chiqsin hamda “Oʻzdavarxitektqurilish” qoʻmitasi bilan birgalikda pudratchini hamda materiallar va butlovchi materiallar yetkazib beruvchilarni aniqlash boʻyicha tender oʻtkazsin;

— “Oʻzsavdomarkaz” aksiyadorlik jamiyatiga, istisno tariqasida, loyiha-smeta hujjatlari belgilangan tartibda tasdiqlangungacha boʻlgan davrda loyihalashtirishni va “Alpomish” sport majmuini ishchi chizmalar boʻyicha Xalqaro yarmarka savdosi respublika markaziga rekonstruksiya qilishni bir paytda amalga oshirishga ruxsat berilsin.

9. Oʻzbekiston Pochta va telekommunikatsiyalar agentligi mahalliy va xalqaro aloqani tashkil etish uchun zarur miqdorda telefon raqamlari ajratilishini belgilangan tartibda taʼminlasin.

10. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosarlari A.N. Isayev va V.A. Chjen zimmasiga yuklansin.