Oʻzbekiston Respublikasi Vazirlar Mahkamasining
FARGʻONA “AZOT” IBDA EKSPORTGA MOʻLJALLANGAN MAHSULOTLAR IShLAB ChIQARIShLARI KOMPLEKSINI TAShKIL ETISh ChORA-TADBIRLARI TOʻGʻRISIDA
Fargʻona “Azot” IBda energiyani tejovchi texnologiyalarni joriy qilish va eksportga moʻljallangan ishlab chiqarishlarni tashkil etish maqsadida Vazirlar Mahkamasi qaror qiladi:
1. “Oʻzkimyosanoat” uyushmasining Fargʻona “Azot” IBda yiliga 200 ming tonna ammiak, 20 ming tonna melamin ishlab chiqaradigan, karbamid ishlab chiqarishni yiliga 330 ming tonnadan 495 ming tonnagacha koʻpaytiradigan ishlab chiqarishlarni foydalanishga tayyor holda qurish toʻgʻrisidagi taklifi qabul qilinsin.
2. “Oʻzistiqbolstat” davlat qoʻmitasi yuqorida koʻrsatib oʻtilgan loyihalarni Oʻzbekiston Respublikasi investitsiya dasturiga kiritsin.
3. Fargʻona “Azot” IBda eksportga moʻljallangan mahsulotlar ishlab chiqarishlarini tashkil etishning biznes-rejaga binoan ishlab chiqilgan asosiy bosqichlariga
1-ilovaga muvofiq rozilik berilsin.
Maʼlumot uchun qabul qilinsinki:
“Bektel” kompaniyasi — konstruktorlik ishlarini, texnologiyalarni va nou-xau sotib olishni, Oʻzbekiston Respublikasining loyihalash va qurilish tashkilotlarini jalb etgan holda obyektlarni loyihalash va qurishni, fraxt va tashuvlarni tashkil qilgan holda asbob-uskunalar va mashinalar yetkazib berishni, infrastrukturani va funksional taʼminlash tizimlarini tashkil etishni, kadrlarni oʻqitish va tayyorlashni, ishlab chiqarish quvvatlarini oʻz vaqtida ishga tushirishni taʼminlashni hamda ularni loyihadagi koʻrsatkichlarga chiqarishni amalga oshiradi,
“RiS Treyd LTD” kompaniyasi — texnik-iqtisodiy asoslashlarni va kontraktni, mablagʻ bilan taʼminlash sxemalarini ishlab chiqishda koʻmaklashadi. Oʻzbekiston Respublikasida melaminni qayta ishlash ishlab chiqarishi tashkil etilgungacha yiliga 20 ming tonna melamin, shuningdek zarurat boʻlganda yiliga 102 ming tonnagacha karbamid sotishni taʼminlaydi.
4. “Oʻzkimyosanoat” uyushmasi va Fargʻona “Azot” IB 1996-yilning sentyabrigacha “Bektel” va “RiS Treyd LTD” kompaniyalari bilan kontraktdan oldingi ishlarni bajarish, texnik-iqtisodiy asoslashlarni ishlab chiqish yuzasidan shartnomani hamda ishlab chiqarishlar kompleksi qurilishi yuzasidan kontraktni tuzsinlar.
Shartnomani mablagʻ bilan taʼminlash Oʻzbekiston Respublikasi Hukumati kafolati ostida “RiS Treyd LTD” kompaniyasining qarz mablagʻlari hisobiga, keyinchalik ularni “injiniring” moddasi boʻyicha loyihaning — umumiy qiymatiga qoʻshgan xolda, amalga oshirilsin.
Oʻzbekiston Respublikasi Moliya vaziri kontraktdan oldingi ishlar yuzasidan shartnoma boʻyicha Oʻzbekiston Respublikasi Hukumati kafolatini imzolashga vakil qilib belgilansin.
5. “Bektel” va “RiS Treyd LTD” kompaniyalari bilan kontraktni tayyorlash va tuzish masalalari kompleksini ishlab chiqish uchun
2-ilovaga muvofiq ishchi guruhi tuzilsin, unga kontrakt xizmatini pasaytirish chora-tadbirlarini koʻrish va zarurat boʻlganda, xolis ekspertizani taʼminlash topshirilsin.
Kontraktni imzolash 1997-yil 30-martgacha tugallansin.
6. “Oʻzistiqbolstat” davlat qoʻmitasi, Oʻzbekiston Respublikasi Tashqi iqtisodiy faoliyat milliy banki, Tashqi iqtisodiy aloqalar vazirligi, Moliya vazirligi texnik-iqtisodiy asoslashlarning va kontraktning ekspert bahosini berishni taʼminlasinlar.
7. “Oʻzkimyosanoat” uyushmasi kontrakt ekspertizasi tugallangach bir oy muddatda Hukumat qarori loyihasini kiritsin, unda:
belgilangan tartibda Oʻzbekiston Respublikasi tomonidan ajratiladigan loyiha qiymatining 15 foizi miqdoridagi mablagʻlarni;
loyiha qiymatining 85 foizini Oʻzbekiston Respublikasi Hukumati kafolati ostida xorijiy banklarning kredit liniyasi hisobiga mablagʻ bilan taʼminlash sxemasi va manbalarini;
kreditlarni hamda ular boʻyicha foizlarni toʻlash tartibi va manbalarini;
loyiha qiymati qoplanishining hisob-kitob qilingan muddatlarini taʼminlashni hisobga olgan holda elektr energiya va tabiiy gaz uchun tabaqalashtirilgan narxlarni nazarda tutsin.
8. Mazkur qarorning bajarilishini nazorat qilish Oʻzbekiston Respublikasining Bosh vaziri Oʻ. Sultonov zimmasiga yuklatilsin.
Vazirlar Mahkamasining Raisi I. KARIMOV
Vazirlar Mahkamasining 1996-yil 26-iyuldagi 264-son
qaroriga
1-ILOVA
Fargʻona “Azot” IBda eksportga moʻljallangan ishlab chiqarishlarni tashkil etishga doir ishlarning asosiy bosqichlari
| T/r № |
Loyihani amalga oshirish ishlarining asosiy bosqichlari |
Loyihaning nomi |
Ishlab chiqarishlar quvvati |
Ishlarning taxminiy qiymati |
Ishlarni bajarish muddati |
Bajaruvchi |
| 1 |
2 |
3 |
4 |
5 |
6 |
7 |
|
1. |
Kontraktdan oldingi ishlarni, texnik- iqtisodiy asoslashlarni bajarish va foydalanishga tayyor xolda qurish boʻyicha kontraktni tayyorlash yuzasidan shartnomalar tuzish |
ammiak,
melamin,
karbamid |
200 ming t
20 ming t
165 ming t |
7 mln AQSh dollari |
1996-yil sentyabr |
“Bektel” kompaniyasi, Fargʻona “AzotIB va”Oʻzkimyosanoat” uyushmasi, Hukumat kafolati ostida kontrakt qiymatiga qoʻshiladigan mablagʻlar hisobiga |
|
2. |
Foydalanishga tayyor holda qurish yuzasidan texnik-iqtisodiy asoslashlarni va kontraktni tayyorlash |
|
|
|
1997-yilning 1 choragi |
“Bektel” kompaniyasi |
|
3. |
Loyihaning texnologik sxemasini ishlab chiqish va tasdiqlash |
|
|
|
1997-yilning 1 choragi |
“Oʻzkimyosanoat” uyushmasi Fargʻona “Azot” IB, “Oʻzkimyoloyiha ITI”, “Bektel” kompaniyasi litsenziat firmalar |
|
4. |
Ekspertiza oʻtkazish va kontrakt tuzish |
|
|
|
1997-yilning 2-choragi |
“Oʻzkimyosanoat” uyushmasi, Fargʻona “Azot” IB, ishchi guruh, “Bektel” kompaniyasi, Oʻzbekiston Respublikasi Hukumati kafolati ostida quyidagi tartibda mablagʻ bilan taʼminlanadi: 85% — xorijiy banklar krediti; 15%— Oʻzbekiston Respublikasi |
|
5. |
Quyidagilarni ishlab chiqish:
loyihaning texnologik qismi |
ammiak,
|
|
|
1998-yilning 1-choragi
|
“Bektel” kompaniyasi |
|
|
|
melamin, |
|
|
1998-yilning 2-choragi |
—”— |
|
|
|
karbamid |
|
|
1998-yilning 1-choragi |
—”— |
|
|
loyihaning umumiy qurilish qismi |
ammiak, |
|
|
1998-yilning 4-choragi |
|
|
|
|
melamin, |
|
|
1998-yilning Sh choragi |
|
|
|
|
karbamid |
|
|
1998-yilning choragi |
“OʻzkimyoloyihaITI”, “Bektel” kompaniyasi va litsenziat firmalar koʻmagida |
|
6. |
Tayyorlash sikli uzoq boʻlgan asbob-uskunalarga buyurtma berish |
ammiak, |
|
|
1998-yilning Sh choragi |
“Bektel” kompaniyasi litsenziat firmalar |
|
|
|
melamin |
|
|
1998-yilning 1 choragi |
|
|
|
|
karbamid |
|
|
1998-yilning 2-choragi |
|
|
7. |
Qurilish-montaj ishlari |
ammiak, |
|
|
1998-1999-yy |
“Bektel” kompaniyasi Oʻzbekiston Respublikasining bir qator tashkilotlarini jalb etgan holda |
|
|
|
melamin, |
|
|
1998-1999-yy |
|
|
|
|
karbamid |
|
|
1998-1999-yy |
|
|
8. |
Ishga tushirish — sozlash ishlari va foydalanishga topshirish |
ammiak, melamin, karbamid |
|
|
1999-yil |
“Bektel” kompaniyasi, litsenziat firmalar, pudrat tashkilotlari, “Oʻzkimyosanoat” firmasi, Fargʻona “Azot” IB |
Vazirlar Mahkamasining 1996-yil 26-iyuldagi 264-son
qaroriga 2-ILOVA
Fargʻona “Azot” IBda eksportga moʻljallangan mahsulotlar ishlab chiqarish kompleksini tashkil etish loyihasi boʻyicha “Bektel” va “RiS Treyd LTD” kompaniyalari bilan muzokaralar oʻtkazuvchi ishchi guruhi
| Yusupbekov N. R. |
— |
“Oʻzkimyosanoat” uyushmasi raisi |
| An G. Y. |
— |
“Oʻzmilliybank” boshqaruvi raisining birinchi oʻrinbosari |
| Voznenko A. N. |
— |
“Oʻzkimyosanoat” uyushmasi raisining birinchi oʻrinbosari |
| Kondratyevskaya L. E. |
— |
Vazirlar Mahkamasi boʻlimining katta eksperti |
| Korneyev A.G. |
— |
“Oʻzistiqbolstat” davlat qoʻmitasi raisining oʻrinbosari |
| Zinin V. I. |
— |
Moliya vazirining oʻrinbosari |
| Abdullayev A. A. |
— |
Fargʻona “Azot” IB ning bosh direktori |
| Nazarov X. S. |
— |
“Oʻzkimyoloyiha ITI” direktori |
| Ortiqov N. A. |
— |
“Oʻzinvestloyiha” kompaniyasining bosh direktori |
| Kulakov Y. N. |
— |
Tashqi iqtisodiy aloqalar vazirligi eksport potensialini rivojlantirish bosh boshqarmasining boshligʻi |
| Nabiyev L. D. |
— |
“Oʻzsanoatqurilishbank” boshqaruvi raisining oʻrinbosari |
LexUZ sharhi