|
Hujjat kuchini yo‘qotgan 22.02.2021
|
Oʻzbekiston Respublikasi Vazirlar Mahkamasining
qarori
OʻZBEKISTON RESPUBLIKASIDA QORAQALPOGʻISTON RESPUBLIKASI MADANIYATI KUNLARINI OʻTKAZISh TOʻGʻRISIDA
LexUZ sharhiMazkur qaror Oʻzbekiston Respublikasi Vazirlar Mahkamasining 2021-yil 22-fevraldagi 87-sonli “Oʻzbekiston Respublikasi Hukumatining oʻz ahamiyatini yoʻqotgan ayrim qarorlarini oʻz kuchini yoʻqotgan deb hisoblash toʻgʻrisida (Oʻzbekiston Respublikasi Prezidentining “Oʻz ahamiyatini yoʻqotgan qonunchilik hujjatlarini qayta koʻrib chiqish tizimini joriy etish orqali mamlakatda ishbilarmonlik muhitini yaxshilash chora-tadbirlari toʻgʻrisida” 2020-yil 27-sentabrdagi PF-6075-son Farmoni)”gi qaroriga asosan oʻz kuchini yoʻqotgan.
Oʻzbekiston Respublikasi xalqlarining qardoshlarcha doʻstligini yanada mustahkamlash, milliy madaniyatlarining bir-birini oʻzaro boyitish jarayonini chuqurlashtirish, Qoraqalpogʻiston xalqi madaniyati va sanʼati yutuqlarini keng targʻib qilish maqsadida Vazirlar Mahkamasi qaror qiladi:
1. Qoraqalpogʻiston Respublikasi Vazirlar Kengashining Oʻzbekistonda Qoraqalpogʻiston Respublikasi madaniyati kunlarini oʻtkazish toʻgʻrisidagi taklifi maʼqullanib, 1993-yilning 25—29-yanvar kunlari oʻtkazilsin.
2. Oʻzbekiston Respublikasida Qoraqalpogʻiston Respublikasi madaniyati kunlarini oʻtkazish boʻyicha tashkiliy qoʻmitaning tarkibi ilovaga muvofiq tasdiqlansin.
3. Oʻzbekiston Respublikasida Qoraqalpogʻiston Respublikasi madaniyati kunlari ishtirokchilarining tarkibi 260 kishidan iborat qilib belgilansin.
4. Tashkiliy qoʻmita bir hafta muddat ichida Oʻzbekiston Respublikasida Qoraqalpogʻiston Respublikasi madaniyati kunlari dasturini ishlab chiqsin.
5. Oʻzbekiston Respublikasi Davlat matbuot qoʻmitasi va “Sharq” nashriyot-matbaa konserni zarur bosma materiallarni chop etishni taʼminlasinlar.
6. “Oʻzbekiston havo yoʻllari” aviakompaniyasi, Oʻrta Osiyo temir yoʻli boshqarmasi va “Toshshaharyoʻlovchitrans” uyushmasi madaniyat kunlari qatnashchilarining kelib-ketishlari bilan bogʻliq, masalalarni hal etsinlar.
7. Toshkent shahar hokimligi:
madaniyat kunlari qatnashchilarini mehmonxonalarda joylashtirish choralarini koʻrsin;
madaniyat kunlari tadbirlari oʻtkaziladigan joylarni, koʻcha va maydonlarni lozim darajada obodonlashtirishni, bezatishni taʼminlasin.
8. Oʻzbekiston Milliy axborot agentligi, Oʻzbekiston Davlat teleradiokompaniyasi, gazetalar tahririyatlariga Qoraqalpogʻiston Respublikasi madaniyati kunlarini tayyorlash va oʻtkazish jarayonini keng yoritish tavsiya etilsin.
9. Oʻzbekiston Davlat kinokompaniyasiga Oʻzbekiston Respublikasida Qoraqalpogʻiston Respublikasi madaniyati kunlarining oʻtishiga bagʻishlangan qisqa metrajli hujjatli film yaratish topshirilsin.
10. “Oʻzbeksavdo” davlat uyushmasi oʻtkaziladigan tadbirlar ishtirokchilariga zarur xizmat koʻrsatish tadbirlarini amalga oshirsin.
11. Oʻzbekiston Respublikasi Ichki ishlar vazirligi tadbirlar oʻtkaziladigan joylarda, mehmonxonalarda, boshqa tashrif joylarida jamoat tartibini saqlash hamda avtotransport harakatida xavfsizlikni taʼminlash choralarini koʻrsin.
12. Oʻzbekiston Respublikasi Sogʻliqni saqlash vazirligi madaniyat kunlari qatnashchilariga tibbiy xizmat koʻrsatishni tashkil etsin.
13. Oʻzbekiston Respublikasi Oliy va oʻrta maxsus taʼlim vazirligi, Xalq taʼlimi vazirligi, respublika “Mahalla” jamgʻarmasi Toshkent shahri aholisining Qoraqalpogʻiston Respublikasi madaniyati kunlarida faol ishtirok etishini taʼminlasinlar.
14. Oʻzbekiston Respublikasi Madaniyat ishlari vazirligi hamda barcha ijodiy uyushmalar madaniyat kunlarida ishtirok etgan badiiy jamoalarga esdalik sovgʻalari berishni nazarda tutsinlar.
15. Oʻzbekiston Respublikasida Qoraqalpogʻiston Respublikasi madaniyati kunlarini oʻtkazish munosabati bilan sarflangan mablagʻlar taqdim etilgan sarf-xarajat roʻyxatiga binoan Oʻzbekiston Respublikasi va Qoraqalpogʻiston Respublikasi budjeti hisobidan qoplansin.
16. Mazkur qarorning bajarilishini nazorat qilish Oʻzbekiston Respublikasi bosh vazirining oʻrinbosari oʻrtoq M. Qoraboyev zimmasiga yuklatilsin.
Vazirlar Mahkamasining Raisi I. KARIMOV
Toshkent sh.,
1993-yil 7-yanvar,
7-son
Vazirlar Mahkamasining 1993-yil 7-yanvardagi 7-son qaroriga
ILOVA
ILOVA
Oʻzbekiston Respublikasida Qoraqalpogʻiston Respublikasi madaniyati kunlarini oʻtkazish boʻyicha tashkiliy qoʻmita
TARKIBI
| | | |
| Qoraboyev M.Q | — | Oʻzbekiston Respublikasi Bosh vazirining oʻrinbosari, tashkiliy qoʻmita raisi |
| Yusupova B.A. | — | Qoraqalpogʻiston Respublikasi Vazirlar Kengashi Raisining oʻrinbosari, tashkiliy qoʻmita raisining oʻrinbosari |
| Yusupov I. | — | Oʻzbekiston xalq shoiri |
| Hakimov.3.A. | — | Oʻzbekiston Respublikasi Madaniyat ishlari vaziri vazifasini bajaruvchi |
| Muhamedov N. | — | Qoraqalpogʻiston Respublikasi Madaniyat ishlari vaziri |
| Abdullayev R. | — | Oʻzbekiston Kompozitorlar va bastakorlar uyushmasi raisi vazifasini bajaruvchi |
| Abdullayev Sh.Y. | — | Moliya vazirining oʻrinbosari |
| Axmedov R. | — | Oʻzbekiston Rassomlar uyushmasining raisi |
| Aliyev M.M. | — | Oʻzbekiston Respublikasi Avtotransport vazirining oʻrinbosari |
| Jalilov Sh.I. | — | Toshkent shahar hokimining oʻrinbosari |
| Jalolov A. S. | — | “Oʻzbeksavdo” davlat uyushmasi raisining oʻrinbosari |
| Joʻrayev X. R. | — | Oʻzdavkinokompaniya raisi |
| Jamol Kamol | — | Oʻzbekiston Yozuvchilar uyushmasining birinchi kotibi |
| Murod Muhammad Doʻst | — | OʻzA Bosh direktori |
| Matjonov O. | — | Oʻzbekiston Respublikasi Prezidenti devonining yetakchi konsultanti |
| Roʻzmatov A.Gʻ. | — | “Oʻzbekiston havo yoʻllari” milliy aviakompaniyasi Bosh direktori oʻrinbosari |
| Rahimov Gʻ. | — | Ichki ishlar vazirining birinchi oʻrinbosari |
| Kaipbergenov T.K. | — | Oʻzbekiston xalq yozuvchisi |
| Rajabov Y.Sh. | — | Toshkent shahar mehmonxonalar boshqarmas�ning boshligʻi |
| Sultonov R.T. | — | Sogʻliqni saqlash vazirining birinchi oʻrinbosari |
| Temurov Sh.T. | — | “Mahalla” jamgʻarmasining raisi |
| Fozilbekov A.I. | — | Toshkent shahar hokimi |
| Shogʻulomov R.Sh. | — | Oʻzdavmatbuot qoʻmitasi raisi |
| Ermatov N.E. | — | Oʻrta Osiyo temir yoʻli boshqarmasi boshligʻining oʻrinbosari |
| Qayumov M.Q. | — | Oʻzbekiston Kinematografchilar uyushmasining raisi |
| Qodirov P. | — | Oʻzbekiston Respublikasi Oliy Kengashi Madaniyat va madaniy merosni asrash masalalari qoʻmitasining raisi |
| Qoriyeva B.R. | — | Oʻzbekiston Teatr arboblari uyushmasining prezidenti |
| Hayitboyev E.Q | — | Oʻzteleradiokompaniya raisi |
| Hojiniyozov T | — | Qoraqalpogʻiston Respublikasi Vazirlar Kengashining Oʻzbekiston Respublikasi Vazirlar Mahkamasi huzuridagi doimiy vakili |
