|
Hujjat kuchini yo‘qotgan 22.02.2021
|
Oʻzbekiston Respublikasi Vazirlar Mahkamasining
qarori
AMERIKANING “KEYS KORPOREYSHN” FIRMASINING GʻALLA OʻRISH KOMBAYNLARINI QOʻSHIMCHA RAVISHDA XARID QILISH TOʻGʻRISIDA
[Koʻchirma]
LexUZ sharhiMazkur qaror Oʻzbekistan Respublikasi Vazirlar Mahkamasining 2021-yil 22-fevraldagi 87-sonli “Oʻzbekiston Respublikasi Hukumatining oʻz ahamiyatini yoʻqotgan ayrim qarorlarini oʻz kuchini yoʻqotgan deb hisoblash toʻgʻrisida (Oʻzbekiston Respublikasi Prezidentining “Oʻz ahamiyatini yoʻqotgan qonunchilik hujjatlarini qayta koʻrib chiqish tizimini joriy etish orqali mamlakatda ishbilarmonlik muhitini yaxshilash chora-tadbirlari toʻgʻrisida” 2020-yil 27-sentabrdagi PF-6075-son Farmoni)”gi qaroriga asosan oʻz kuchini yoʻqotgan.
Respublika xoʻjaliklarini jahon darajasidagi yuqori unumli oʻrim-yigʻim texnikasi bilan taʼminlash maqsadida Vazirlar Mahkamasi qaror qiladi:
1. “Oʻzqishloqxoʻjaliktaʼminottuzatish” davlat qoʻmitasining 16,5 mln AQSH dollarlik 100 ta “Keys” gʻalla oʻrish kombaynini qoʻshimcha ravishda xarid qilish toʻgʻrisidagi taklifi qabul qilinsin.
Koʻrsatib oʻtilgan texnika “Oʻzqishloqxoʻjaliktaʼminottuzatish” davlat qoʻmitasi balansiga olinsin.
2. Belgilab qoʻyilsinki, kontrakt boʻyicha valyuta xarajatlarini mablagʻ bilan taʼminlash:
kontrakt qiymatining 85 foizi miqdorida AQSHning Eksimbanki sugʻurtasi ostida chet el banklari kreditlari;
kontrakt qiymatining 15 foizi miqdorida Vazirlar Mahkamasining 1996-yil 12-apreldagi 146-son qarori bilan mashina-traktor parklariga ajratilgan oborot mablagʻlar hisobidan amalga oshiriladi
3. Maʼlumot uchun qabul qilinsinki, chet el banklari tomonidan berilgan kreditlarni qaytarish 1997—2002-yillar mobaynida “Oʻzqishloqxoʻjaliktaʼminottuzatish” davlat qoʻmitasining oʻz mablagʻlari hisobidan ilovaga muvofiq amalga oshiriladi.
5. Oʻzbekiston Respublikasi Tashqi iqtisodiy faoliyat milliy banki:
ikki oy muddatda chet el banklari bilan AQSHning Eksimbanki sugʻurtasi ostida kredit bitimi ishlab chiqilishi va tuzilishini tugallasin;
“Oʻzqishloqxoʻjaliktaʼminottuzatish” davlat qoʻmitasiga olinadigan kreditlarni oʻz vaqtida mablagʻ bilan qayta taʼminlasin.
6. Oʻzbekiston Respublikasi Moliya vaziriga 100 ta “Keys” gʻalla oʻrish kombaynini xarid qilish uchun olinadigan kreditlar boʻyicha Oʻzbekiston Respublikasi Hukumati kafolatini imzolash vakolati berilsin.
7. “Oʻzqishloqxoʻjaliktaʼminottuzatish” davlat qoʻmitasi kontraktni amalga oshirishda band boʻlgan xorijiy mutaxassislarga vizalar rasmiylashtirganligi uchun konsullik yigʻimlari, respublikaga olib kelinayotgan “Keys” gʻalla oʻrish kombaynlari uchun boj yigʻimlari toʻlashdan ozod qilinsin.
8. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosari R.A. Giniyatullin zimmasiga yuklansin.
Vazirlar Mahkamasining Raisi I. KARIMOV
Toshkent sh.,
1996-yil 4-iyul,
234-son
Vazirlar Mahkamasining 1996-yil 4-iyuldagi 234-son qaroriga
ILOVA
ILOVA
100 ta “Keys” gʻalla oʻrish kombayni xarid qilish uchun berilgan kreditlarni toʻlash
|
(AQSH dollarida) | |||||||
|
Toʻlov turi |
Toʻlovning umumiy summasi |
Toʻlash muddatlari | |||||
|
1996-yil |
1997-yil |
1998-yil | 1999-yil | 2000-yil | 2001-yil | ||
| Kredit | 13973220.55 | — | 2794644 | 2794644 | 2794644 | 2794644 | 2794644 |
| Foizlar | 2865454.00 | 274830 | 894680 | 706299 | 517918 | 330570 | 141157 |
ESLATMA: 100 ta “Keys” kombaynining kontrakt qiymati — 16439083 AQSH dollari
“Oʻzqishloqxoʻjaliktaʼminottuzatish” davlat qoʻmitasining avans toʻlovi (15%) — 2465862,45 AQSH dollari
Cheyz Manxetten banki krediti summasi — 13973220,55 AQSH dollari
LIBOR foiz stavkasi (78%) + 1,125%
Eksimbank komissiyasi 7,59% — 1060567,44 AQSH dollari
