|
Hujjat kuchini yo‘qotgan 22.02.2021
|
Oʻzbekiston Respublikasi Vazirlar Mahkamasining
qarori
“ANTEKS”, “QAShTEKS”, “QUVA” VA “GURLAN” TOʻQIMAChILIK KOMPLEKSLARINI IShGA TUShIRIShNI JADALLAShTIRISh ChORA-TADBIRLARI TOʻGʻRISIDA
LexUZ sharhiMazkur qaror Oʻzbekiston Respublikasi Vazirlar Mahkamasining 2021-yil 22-fevraldagi 87-sonli “Oʻzbekiston Respublikasi Hukumatining oʻz ahamiyatini yoʻqotgan ayrim qarorlarini oʻz kuchini yoʻqotgan deb hisoblash toʻgʻrisida (Oʻzbekiston Respublikasi Prezidentining “Oʻz ahamiyatini yoʻqotgan qonunchilik hujjatlarini qayta koʻrib chiqish tizimini joriy etish orqali mamlakatda ishbilarmonlik muhitini yaxshilash chora-tadbirlari toʻgʻrisida” 2020-yil 27-sentabrdagi PF-6075-son Farmoni)”gi qaroriga asosan oʻz kuchini yoʻqotgan.
“Anteks, “Qashteks”, “Quva” va “Gurlan” aksionerlik jamiyatlari toʻqimachilik komplekslari qurilishini tugallashni va ishga tushirishni jadallashtirish, respublikaning eksport potensialini oshirish hamda bozorlarini yuqori sifatli tovarlar bilan toʻldirish maqsadida Vazirlar Mahkamasi qaror qiladi:
1. Andijon, Qashqadaryo, Fargʻona va Xorazm viloyatlari hokimliklari Oʻzbekiston Respublikasi Tashqi iqtisodiy aloqalar vazirligi bilan birgalikda 1-ilovada qayd etilgan aksionerlik jamiyatlarining kontrakt majburiyatlari boʻyicha oʻzaro hisob-kitoblarini tugallash uchun 1996-yilning 1-iyunigacha “Yazeks” korporatsiyasiga 36,85 ming tonna paxta tolasini belgilangan tartibda sotsinlar.
Belgilab qoʻyilsinki, paxta tolasining koʻrsatib oʻtilgan hajmi Oʻzbekiston Respublikasi Tashqi iqtisodiy aloqalar vazirligi orqali, Vazirlar Mahkamasining 1995-yil 3-oktabrdagi 385-65-son qaroriga 3-ilovaga muvofiq xoʻjaliklar ixtiyorida qolgan 1995-yil hosili paxta tolasi limiti boʻyicha eksport kvotasi hisobiga sotiladi.
2. Pul-kredit siyosati boʻyicha respublika komissiyasi toʻqimachilik komplekslari qurilishini tugallashni mablagʻ bilan taʼminlash uchun shu yilning II choragida aksionerlik jamiyatlariga 2-ilovaga muvofiq hajmlarda yillik foydasi 40 foizdan ortiq boʻlmagan uzoq muddatli tijorat kreditlari ajratish toʻgʻrisidagi masalani hal etsin.
3. “Anteks”, “Qashteks”, “Quva” va “Gurlan” aksionerlik jamiyatlari obyektlar qurilishi tugallangungacha boʻlgan muddatga, biroq normativdagidan koʻp boʻlmagan muddatga yer soligʻi toʻlashdan ozod qilinsin.
4. “Oʻzbekyengilsanoat” uyushmasi, “Mahalliy sanoat” korporatsiyasi, Andijon, Qashqadaryo, Fargʻona va Xorazm viloyatlari hokimliklari toʻqimachilik komplekslarini — “Qashteks” AJni 1996-yilning II choragida, “Gurlan” AJni III choragida, “Anteks” AJni va “Quva” AJni IV choragida ishga tushirishni taʼminlasinlar.
5. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosarlari M. 3. Usmonov va B. S. Hamidov zimmasiga yuklansin.
Vazirlar Mahkamasining Raisi I. KARIMOV
Toshkent sh.,
1996-yil 20-mart,
113-son
Vazirlar Mahkamasining 1996-yil 20-martdagi 113-son qaroriga
1-ILOVA
1-ILOVA
Qurilayotgan toʻqimachilik komplekslarining aksionerlik jamiyatlari bilan tuzilgan kontraktlar hisobiga “Yazeks” korporatsiyasiga paxta tolasi yetkazib berish hajmlari
| | Oʻlchov birligi | Hammasi | Shu jumladan | |||
| “Qashteks” AJ | “Gurlan” AJ | “Quva” AJ | “Anteks” AJ | |||
| Kontraktlar boʻyicha joʻnatilishi nazarda tutilgan paxta tolasi | tonna | 87 700 | 24 000 | 16 500 | 23 000 | 24 200 |
| Amalda joʻnatilgan paxta tolasi | tonna | 50 851 | 18 035 | 13 430 | 9 672 | 9 714 |
| Kontraktlar boʻyicha yetkazib beriladigan, hammasi | tonna | 36 849 | 5 965 | 3 070 | 13 328 | 14 486 |
| shu jumladan: | | | | | | |
| aksionerlik jamiyatlarining ustav fondlariga muassislarning ulushlari sifatidagi asbob-uskunalar, transport, boshqa xarajatlar toʻlovi va valyutaning 30 foizini Markaziy bankka sotish uchun | tonna | 24 300 | 2 250 | — | 9 800 | 12 250 |
| Tashqi iqtisodiy aloqalar vazirligi bilan shartnomalar asosida“Yazeks” korporatsiyasining sotib olishi uchun | tonna | 12 548 | 3 715 | 3 070 | 3 528 | 2 236 |
LexUZ sharhi1-ilovaning “Anteks” OTAJ va “Quva” OTAJga oid qismi Oʻzbekiston Respublikasi Vazirlar Mahkamasining 1998-yil 28-iyuldagi 317-sonli qaroriga muvofiq oʻz kuchini yoʻqotgan.
Vazirlar Mahkamasining 1996-yil 20-martdagi 113-son qaroriga
2-ILOVA
2-ILOVA
Toʻqimachilik komplekslari qurilishini tugallash va bajarilgan ishlar, olingan asbob-uskunalar, kreditlar hamda boshqa xizmatlar boʻyicha qarzlarni toʻlash uchun kredit resurslariga ehtiyoj
| | | | | |
(mln. soʻm) |
| Obyektning nomi | Hammasi | “Qashteks” AJ | “Gurlan” AJ | “Quva” AJ | “Anteks” AJ |
| Kredit resurslariga ehtiyoj, hammasi | 979,6 | 229,8 | 231,4 | 175,0 | 343,4 |
