|
Hujjat kuchini yo‘qotgan 22.02.2021
|
Oʻzbekiston Respublikasi Vazirlar Mahkamasining
qarori
OʻZBEKISTON RESPUBLIKASINING KREDITGA QOBILIYATLILIKNING MUSTAQIL REYTINGINI OLIShIGA DOIR TADBIRLAR TOʻGʻRISIDA
LexUZ sharhiMazkur qaror Oʻzbekiston Respublikasi Vazirlar Mahkamasining 2021-yil 22-fevraldagi 87-sonli “Oʻzbekiston Respublikasi Hukumatining oʻz ahamiyatini yoʻqotgan ayrim qarorlarini oʻz kuchini yoʻqotgan deb hisoblash toʻgʻrisida (Oʻzbekiston Respublikasi Prezidentining “Oʻz ahamiyatini yoʻqotgan qonunchilik hujjatlarini qayta koʻrib chiqish tizimini joriy etish orqali mamlakatda ishbilarmonlik muhitini yaxshilash chora-tadbirlari toʻgʻrisida” 2020-yil 27-sentabrdagi PF-6075-son Farmoni)”gi qaroriga asosan oʻz kuchini yoʻqotgan.
Oʻzbekistonning xalqaro obroʻ-eʼtiborini oshirish va barcha jahon moliya tashkilotlari hamda chet el investorlariga mamlakatning moliyaviy barqarorligi toʻgʻrisida eʼtiborli axborot taqdim etish, Oʻzbekistonga investitsiyalarni jalb qilish va investorlarning keng doirasi bilan uzoq muddatli aloqalar oʻrnatish maqsadida Vazirlar Mahkamasi qaror qiladi:
1. Oʻzbekiston Respublikasining mustaqil xalqaro reyting agentliklarida kreditga qobiliyatlilikning mustaqil reytingini olishi maqsadga muvofiq deb hisoblansin.
2. Oʻzbekiston Respublikasi Moliya vazirligi, Markaziy banki, Davlat mulki qoʻmitasi va Tashqi iqtisodiy faoliyat milliy bankining moliyaviy maslahatchi sifatida xizmatlar koʻrsatish hamda Oʻzbekiston Respublikasi tomonidan kreditga qobiliyatlilikning mustaqil reytingining olinishi masalasida koʻmaklashish uchun yetakchi xorijiy banklar Dji Pi Morgan va Cheyz Manxetten tarkibidan sindikat tanlash taklifiga rozilik berilsin.
3. Oʻzbekiston Respublikasining kreditga qobiliyatlilikning mamlakat reytingini olishini tashkil etish boʻyicha ishchi guruhi ilovaga muvofiq tasdiqlansin.
4. Oʻzbekiston Respublikasi Tashqi iqtisodiy faoliyat milliy bankining kreditga qobiliyatlilikning xalqaro reytingini olishiga rozilik berilsin.
5. Oʻzbekiston Respublikasining kreditga qobiliyatlilik mamlakat reytingini va Tashqi iqtisodiy faoliyat milliy bankining kreditga qobiliyatlilik reytingini olishiga doir xarajatlar tegishli ravishda Oʻzbekiston Respublikasi davlat budjeti va Tashqi iqtisodiy faoliyat milliy banki mablagʻlari hisobidan amalga oshirilsin.
6. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosari B.S.Hamidov zimmasiga yuklansin.
Vazirlar Mahkamasining Raisi I. KARIMOV
Toshkent sh.,
1997-yil 23-yanvar,
46-son
Vazirlar Mahkamasining 1997-yil 23-yanvardagi 46-son qaroriga
ILOVA
ILOVA
Oʻzbekiston Respublikasining kreditga qobiliyatlilikning mamlakat reytingini olishini tashkil etish boʻyicha ishchi guruh
TARKIBI
| Hamidov B. S. | — | Bosh vazir oʻrinbosari, ishchi guruh raisi |
| Azimov R.S. | — | Tashqi iqtisodiy faoliyat milliy banki boshqaruvining raisi, ishchi guruh raisining oʻrinbosari |
| Abduqodirov A. M | — | Davlat mulki qoʻmitasi raisining birinchi oʻrinbosari, ishchi guruh raisining oʻrinbosari |
| Guskova T.N. | — | Moliya vazirining birinchi oʻrinbosari |
| Muhidov A. A. | — | Vazirlar Mahkamasining Tashqi iqtisodiy faoliyatni muvofiqlashtirish Departamenti boshligʻi |
| Qoʻchqorov D. A. | — | Markaziy bank boshqaruvi raisining oʻrinbosari |
| Xalilov B. | — | “Oʻzistiqbolstat” davlat qoʻmitasi raisining oʻrinbosari |
| Rasulov A. X. | — | Qimmatli qogʻozlar bozori faoliyatini muvofiqlashtirish va nazorat qilish markazi bosh direktorining oʻrinbosari, ishchi guruh masʼul kotibi |
