“Aksiyadorlik jamiyatlari va aksiyadorlarning huquqlarini himoya qilish toʻgʻrisida”gi Oʻzbekiston Respublikasi Qonuniga muvofiq Vazirlar Mahkamasi qaror qiladi:

1. “Oʻzbekiston — Amerika “Oʻz-AIG” sugʻurta kompaniyasi” yopiq aksiyadorlik jamiyati aksiyadorlari tomonidan kompaniyaning nomini “Chartis Uzbekistan” masʼuliyati cheklangan jamiyat sugʻurta kompaniyasi qoʻshma korxonasi” deb oʻzgartirish toʻgʻrisida qaror qabul qilinganligi maʼlumot uchun qabul qilinsin.

2. Vazirlar Mahkamasining “Oʻzbekinvest Interneshnl”, “Oʻz-AIG” qoʻshma sugʻurta kompaniyalarini va “AIG-Oʻzbekinvest” agentligini tashkil etish toʻgʻrisida” 1994-yil 23-noyabrdagi 565-son qaroriga ilovaga muvofiq oʻzgartirishlar kiritilsin.

3. Mazkur qarorning bajarilishini nazorat qilish Oʻzbekiston Respublikasi Bosh vazirining birinchi oʻrinbosari R.S. Azimov zimmasiga yuklansin.

1. Kompaniyaning nomlanishida “Oʻz-AIG” soʻzi “Chartis Uzbekistan” soʻzlari bilan almashtirilsin.

2. 1-bandning “v” kichik bandidagi “Oʻzbekiston — Amerika qoʻshma sugʻurta kompaniyasi (“Oʻz-AIG”)” soʻzlari “Chartis Uzbekistan” masʼuliyati cheklangan jamiyat sugʻurta kompaniyasi qoʻshma korxonasi” soʻzlari bilan almashtirilsin.

3. Qarorning 2-bandi toʻrtinchi xatboshidagi “Oʻz-AIG” kompaniyasi” soʻzlari “Chartis Uzbekistan” masʼuliyati cheklangan jamiyat sugʻurta kompaniyasi qoʻshma korxonasi” soʻzlari bilan almashtirilsin.

4. 4-bandning ikkinchi xatboshi va 6-band chiqarib tashlansin.

5. 7-banddagi “Oʻz-AIG” kompaniyasi” soʻzlari “Chartis Uzbekistan” masʼuliyati cheklangan jamiyat sugʻurta kompaniyasi qoʻshma korxonasi” soʻzlari bilan almashtirilsin.

6. 8-banddagi “Tashqi iqtisodiy aloqalar vazirligi” soʻzlari “Tashqi iqtisodiy aloqalar, investitsiyalar va savdo vazirligi” soʻzlari bilan almashtirilsin.

7. 9-banddagi “Oʻ.T. Sultonov va B.S. Hamidov” soʻzlari “R.S. Azimov va E.M. Gʻaniyev” soʻzlari bilan almashtirilsin.