|
Hujjat kuchini yo‘qotgan 22.02.2021
|
Oʻzbekiston Respublikasi Vazirlar Mahkamasining
qarori
TOSHKENT SHAHRIDA PIVO ZAVODI QURISH TOʻGʻRISIDA
LexUZ sharhiMazkur qaror Oʻzbekistan Respublikasi Vazirlar Mahkamasining 2021-yil 22-fevraldagi 87-sonli “Oʻzbekiston Respublikasi Hukumatining oʻz ahamiyatini yoʻqotgan ayrim qarorlarini oʻz kuchini yoʻqotgan deb hisoblash toʻgʻrisida (Oʻzbekiston Respublikasi Prezidentining “Oʻz ahamiyatini yoʻqotgan qonunchilik hujjatlarini qayta koʻrib chiqish tizimini joriy etish orqali mamlakatda ishbilarmonlik muhitini yaxshilash chora-tadbirlari toʻgʻrisida” 2020-yil 27-sentabrdagi PF-6075-son Farmoni)”gi qaroriga asosan oʻz kuchini yoʻqotgan.
Respublikaning eksport potensialini yanada rivojlantirish va isteʼmol bozorini yuqori sifatli mahsulotlar bilan toʻldirish maqsadida Vazirlar Mahkamasi qaror qiladi:
1. Toshkent shahar hokimligining yiliga “Levenbroy” (Germaniya) firmasining 400 ming gektolitr markali litsenziyali pivosini tayyorlash quvvatiga ega boʻlgan pivo zavodi qurish toʻgʻrisidagi taklifiga rozilik berilsin.
2. Quyidagilar:
“AMS Anlagenplanung GMBx va Ko” (Germaniya) firmasi va Toshkent shahar hokimligi investitsiyalar bosh boshqarmasi tomonidan jami 34,40 mln. Germaniya markasi miqdorida texnologik asbob-uskunalar, xom ashyo va materiallar yetkazib berish yuzasidan kontrakt tuzilishi;
Toshkent shahar hokimligi investitsiyalar bosh boshqarmasi tomonidan Toshkentdagi 6-pivo zavodi jamoa korxonasi bilan birgalikda barpo etiladigan pivo zavodi qurilishi va undan kelgusida foydalanish uchun aksiyadorlik jamiyati tashkil etilishi;
aksiyadorlik jamiyati tomonidan “Levenbroy” firmasi bilan mahsulotni ishlab chiqarish va sotish yuzasidan litsenziya shartnomasi tuzilishi maʼlumot uchun qabul qilinsin.
3. Belgilab qoʻyilsinki, loyihani mablagʻ bilan taʼminlash:
Toshkent shahar hokimligining texnologik asbob-uskunalar, xom ashyo va materiallar yetkazib berish (avans toʻlov), qurilish maydonini muhandislik jihatidan taʼminlash, mavjud tugallanmagan binoni rekonstruksiya qilish yuzasidan kontrakt qiymatining 15 foizini, investitsiyalar va qurilish davridagi foizlarni hamda bankning komission xarajatlarini toʻlash boʻyicha oʻz mablagʻlari hisobiga;
kontrakt qiymatining 85 foizini toʻlash uchun Oʻzbekiston Respublikasi Tashqi iqtisodiy faoliyat milliy bankining tanlov asosida aniqlanadigan Germaniya banki krediti hisobiga qayta moliyalashtiriladigan, “Germes” jamiyati sugʻurta qoplovi ostida beriladigan krediti hisobiga amalga oshiriladi.
Kredit mablagʻlarni qaytarish tashkil etilayotgan aksiyadorlik jamiyati faoliyatidan olinadigan daromadlar hisobiga Toshkent shahar hokimligi tomonidan ilovaga* muvofiq amalga oshiriladi.
* Ilova rus tilidagi matnida berilgan.
4. Asbob-uskunalarning kontraktdagi muddatlarda oʻrnatilishini va korxonaning oʻz vaqtida ishga tushirilishini taʼminlash maqsadida Toshkent shahar hokimligining investitsiyalar bosh boshqarmasiga, loyihalashni ayni bir vaqtda amalga oshirgan, ushbu davr mobaynida loyiha-smeta hujjatlarini albatta tasdiqlagan holda, obyektni olti oy muddatda qurishiga istisno tartibida ruxsat berilsin.
5. Toshkent shahar hokimligi investitsiyalar bosh boshqarmasi kreditni toʻlash davrida loyihani amalga oshirish maqsadida keltiriladigan asbob-uskunalar uchun boj toʻlovlaridan (bojxona rasmiylashtirishlari uchun bojxona yigʻimlaridan tashqari) ozod qilinsin.
6. Oʻzbekiston Respublikasi Tashqi iqtisodiy faoliyat milliy banki ikki oy muddatda “Germes” jamiyati sugʻurta qoplovi ostida Germaniya banki bilan kredit bitimi tuzsin va mablagʻlarni Toshkent shahar hokimligiga qayta moliyalashtirsin.
7. Oʻzbekiston Respublikasi Moliya vaziri Oʻzbekiston Respublikasi Tashqi iqtisodiy faoliyat milliy bankining Germaniya banki oldidagi toʻlov majburiyatlari boʻyicha hamda Toshkent shahar hokimligi majburiyatlari boʻyicha Tashqi iqtisodiy faoliyat milliy bankiga kafolatlarni Oʻzbekiston Respublikasi Hukumati nomidan imzolashga vakil qilinsin.
8. Oʻzbekiston Respublikasi Adliya vazirligi belgilangan tartibda Oʻzbekiston Respublikasi Hukumati kafolatlari boʻyicha yuridik xulosa bersin.
9. Oʻzbekiston Respublikasi Qishloq va suv xoʻjaligi vazirligi “Oʻzmaishiyrobot”ning qurilishi tugallanmagan binosini (Toshkent shahar, Bektemir tumani, H.Boyqaro koʻchasi) Toshkent shahar hokimligi investitsiyalar bosh boshqarmasi balansiga bersin, mazkur bosh boshqarma esa uni obyektning qoldiq balans qiymati boʻyicha oʻz balansiga qabul qilib olsin.
10. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosari M.Z. Usmonov zimmasiga yuklansin.
Vazirlar Mahkamasining Raisi I. KARIMOV
Toshkent sh.,
1999-yil 12-may,
234-son
