|
Hujjat kuchini yo‘qotgan 22.02.2021
|
Oʻzbekiston Respublikasi Vazirlar Mahkamasining
qarori
SLOVAKIYA RESPUBLIKASI BILAN YaQIN ISTIQBOLDAGI HAMKORLIKNI YaNADA RIVOJLANTIRISh ChORA-TADBIRLARI TOʻGʻRISIDA
LexUZ sharhiMazkur qaror Oʻzbekiston Respublikasi Vazirlar Mahkamasining 2021-yil 22-fevraldagi 87-sonli “Oʻzbekiston Respublikasi Hukumatining oʻz ahamiyatini yoʻqotgan ayrim qarorlarini oʻz kuchini yoʻqotgan deb hisoblash toʻgʻrisida (Oʻzbekiston Respublikasi Prezidentining “Oʻz ahamiyatini yoʻqotgan qonunchilik hujjatlarini qayta koʻrib chiqish tizimini joriy etish orqali mamlakatda ishbilarmonlik muhitini yaxshilash chora-tadbirlari toʻgʻrisida” 2020-yil 27-sentabrdagi PF-6075-son Farmoni)”gi qaroriga asosan oʻz kuchini yoʻqotgan.
Oʻzbekiston Respublikasi Tashqi ishlar vazirligi delegatsiyasining Slovakiyaga 2008-yil 13-14-mart davridagi tashrifi davomida Oʻzbekiston Respublikasi Tashqi ishlar vazirligi hamda Slovakiya Respublikasi Tashqi ishlar vazirligi oʻrtasida erishilgan ahdlashuvlarni toʻliq koʻlamda va oʻz vaqtida amalga oshirilishini taʼminlash maqsadida Vazirlar Mahkamasi qaror qiladi:
1. Oʻzbekiston Respublikasi bilan Slovakiya Respublikasi oʻrtasida yaqin istiqboldagi hamkorlikni yanada rivojlantirish tadbirlari rejasi (keyingi oʻrinlarda Tadbirlar rejasi deb ataladi) ilovaga muvofiq tasdiqlansin.
2. Vazirliklar va idoralarning Tadbirlar rejasini bajarish boʻyicha faoliyatini muvofiqlashtirish Oʻzbekiston Respublikasi Tashqi ishlar vazirligiga yuklansin.
3. Vazirliklar va idoralar rahbarlari Tadbirlar rejasida nazarda tutilgan bandlarning oʻz vaqtida va sifatli bajarilishini taʼminlasinlar, ularning amalga oshirilishi toʻgʻrisida har chorakda Oʻzbekiston Respublikasi Vazirlar Mahkamasiga axborot taqdim etsinlar.
4. Mazkur qarorning bajarilishini nazorat qilish Oʻzbekiston Respublikasi Bosh vazirining birinchi oʻrinbosari R.S.Azimov zimmasiga yuklansin.
Oʻzbekiston Respublikasi Bosh vaziri Sh. MIRZIYOYEV
Toshkent sh.,
2008-yil 18-aprel,
71-son
Oʻzbekiston Respublikasi bilan Slovakiya Respublikasi oʻrtasida yaqin istiqboldagi hamkorlikni yanada rivojlantirish
TADBIRLAR REJASI
| T/r | Maqsad | Tadbirlar | Muddatlari | Bajaruvchilar |
| I. Siyosiy soha | ||||
| 1. | Siyosiy-diplomatik munosabatlarni faollashtirish | 1.1. Toshkentda Oʻzbekiston Respublikasi va Slovakiya Tashqi ishlar vazirliklari oʻrtasida siyosiy maslahatlashuvlarning navbatdagi raundini oʻtkazish | 2009-yil | Tashqi ishlar vazirligi |
| II. Iqtisodiy munosabatlar sohasi | ||||
| 2. |
Savdo-iqtisodiy va investitsiya sohasidagi hamkorlikni rivojlantirish |
2.1. Slovakiya tadbirkorlari tashrifini tashkil etgan hamda Oʻzbekiston Respublikasi Tashqi iqtisodiy aloqalar, investitsiyalar va savdo vazirligi va Slovakiya Respublikasi Iqtisodiyot vazirligi oʻrtasida Iqtisodiy hamkorlik toʻgʻrisidagi memorandumni imzolagan holda Toshkent shahrida Savdo-iqtisodiy va ilmiy-texnik hamkorlik boʻyicha Oʻzbekiston — Slovakiya hukumatlararo komissiyasining navbatdagi majlisini oʻtkazish | 2008-yil II yarim yillik | Tashqi iqtisodiy aloqalar, investitsiyalar va savdo vazirligi, Oʻzbekiston Savdo-sanoat palatasi, manfaatdor vazirliklar va idoralar |
| 2.2. Tegishli ikki tomonlama bitim imzolash yoʻli bilan Oʻzbekiston va Slovakiya Savdo-sanoat palatalari oʻrtasida hamkorlikni yoʻlga qoʻyish | 2008-yil | Oʻzbekiston Savdo-sanoat palatasi | ||
| 2.3. Oʻ�bekiston fermyerlarining Slovakiyaga tanishuv tashrifini tashkil etish masalalarini ishlab chiqish | 2008-yil | Qishloq va suv xoʻjaligi vazirligi, Fermer xoʻjaliklari uyushmasi, Tashqi ishlar vazirligi | ||
| 2.4. Oʻzbekistonda Slovakiya investitsiyalari va texnologiyalarini jalb etgan holda avtomobil shinalari ishlab chiqarishni tashkil etish imkoniyatlarini oʻrganib chiqish | 2008-2009-yillar | Tashqi iqtisodiy aloqalar, investitsiyalar va savdo vazirligi, “Oʻzavtosanoat” aksiyadorlik kompaniyasi, manfaatdor vazirliklar va idoralar | ||
| 2.5. Oʻzbekiston vakillarini Slovakiya korxonalarida ishlash uchun yuborish imkoniyatlarini oʻrganib chiqish | 2008-yil | Mehnat va aholini ijtimoiy muhofaza qilish vazirligi, Tashqi mehnat migratsiyasi masalalari agentligi | ||
