|
Hujjat kuchini yo‘qotgan 22.02.2021
|
Oʻzbekiston Respublikasi Vazirlar Mahkamasining
qarori
TOShKENT AXBOROT TEXNOLOGIYALARI UNIVERSITETINING FARGʻONA FILIALI OBYEKTLARI QURILIShINI JADALLAShTIRISh ChORA-TADBIRLARI TOʻGʻRISIDA
LexUZ sharhiMazkur qaror Oʻzbekiston Respublikasi Vazirlar Mahkamasining 2021-yil 22-fevraldagi 87-sonli “Oʻzbekiston Respublikasi Hukumatining oʻz ahamiyatini yoʻqotgan ayrim qarorlarini oʻz kuchini yoʻqotgan deb hisoblash toʻgʻrisida (Oʻzbekiston Respublikasi Prezidentining “Oʻz ahamiyatini yoʻqotgan qonunchilik hujjatlarini qayta koʻrib chiqish tizimini joriy etish orqali mamlakatda ishbilarmonlik muhitini yaxshilash chora-tadbirlari toʻgʻrisida” 2020-yil 27-sentabrdagi PF-6075-son Farmoni)”gi qaroriga asosan oʻz kuchini yoʻqotgan.
Oʻzbekiston Respublikasi Prezidentining “Axborot texnologiyalari sohasida kadrlar tayyorlash tizimini takomillashtirish toʻgʻrisida” 2005-yil 2-iyundagi PQ-91-son qaroriga muvofiq hamda Toshkent axborot texnologiyalari universitetining Fargʻona filiali oʻquv korpusi va sport zali qurilishini jadallashtirish maqsadida Vazirlar Mahkamasi qaror qiladi:
1. Quyidagilar:
Toshkent axborot texnologiyalari universitetining Fargʻona filiali — Toshkent axborot texnologiyalari universitetining Fargʻona filiali oʻquv korpusi va sport zali qurilishi buyurtmachisi;
Fargʻona viloyati Oltiariq tumanidagi “1-mexanizatsiyalashgan koʻchma kolonna” masʼuliyati cheklangan jamiyat — bosh loyihalovchi tashkilot va bosh pudratchi tashkilot;
2008-2009 oʻquv yili boshlangunga qadar boʻlgan muddat — obyektlar qurilishini tugatish muddati etib belgilansin.
2. Belgilab qoʻyilsinki, Toshkent axborot texnologiyalari universitetining Fargʻona filiali oʻquv korpusi va sport zali qurilishini moliyalashtirish Oʻzbekiston aloqa va axborotlashtirish agentligining budjetdan tashqari mablagʻlari hisobiga amalga oshiriladi.
3. 2008-yil 1-iyulga qadar loyiha-smeta hujjatlarini ishlab chiqish bilan birga qurilish-montaj ishlarini amalga oshirishga istisno tariqasida ruxsat berilsin.
4. Oʻzbekiston Respublikasi Davlat arxitektura va qurilish qoʻmitasi Toshkent axborot texnologiyalari universitetining Fargʻona filiali oʻquv korpusi va sport zali qurilishi boʻyicha loyiha-smeta hujjatlari belgilangan tartibda davlat ekspertizasidan oʻtkazilishini taʼminlasin va qurilish ishlarining bajarilishi sifati ustidan davlat arxitektura-qurilish nazoratini oʻrnatsin.
5. Oʻzbekiston aloqa va axborotlashtirish agentligi Fargʻona viloyati hokimligi bilan birgalikda obyektning oʻz vaqtida ishga tushirilishini taʼminlasin.
6. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosari A.N. Aripov zimmasiga yuklansin.
Oʻzbekiston Respublikasi Bosh vaziri Sh. MIRZIYOYEV
Toshkent sh.,
2008-yil 27-may,
111-son
