|
Hujjat kuchini yo‘qotgan 30.04.2021
|
Hujjat 05.06.2017 sanasi holatiga
Amaldagi versiyaga o‘tish |
Oʻzbekiston Respublikasi Prezidentining
Farmoni
Oldingi tahrirga qarang.
QORAQALPOGʻISTON RESPUBLIKASI VA XORAZM VILOYATIDA KIChIK KORXONALARNI RIVOJLANTIRIShNI RAGʻBATLANTIRISh BORASIDAGI QOʻShIMChA ChORA-TADBIRLAR TOʻGʻRISIDA
(Farmon nomi Oʻzbekiston Respublikasi Prezidentining 2004-yil 8-yanvardagi PF-3376-son Farmoni tahririda —Oʻzbekiston Respublikasi Qonun hujjatlari toʻplami, 2004-y., 1-2-son, 9-modda)
LexUZ sharhiMazkur Farmon Oʻzbekiston Respublikasi Prezidentining 2021-yil 30-apreldagi PF-6218-sonli “Milliy qonunchilik bazasini kompleks tizimlashtirish chora-tadbirlari toʻgʻrisida”gi Farmoniga asosan oʻz kuchini yoʻqotgan.
Oldingi tahrirga qarang.
Qoraqalpogʻiston Respublikasi va Xorazm viloyati hududida xususiy tadbirkorlikni, kichik biznesni, shuningdek xorijiy investitsiyalar ishtirokidagi korxonalarni tashkil etish hamda ularni jadal rivojlantirish uchun qulay shart-sharoitlarni yaratish maqsadida:
(muqaddima Oʻzbekiston Respublikasi Prezidentining 2004-yil 8-yanvardagi PF-3376-son Farmoni tahririda — Oʻzbekiston Respublikasi Qonun hujjatlari toʻplami, 2004-y., 1-2-son, 9-modda)
Oldingi tahrirga qarang.
1. Belgilab qoʻyilsinki, 2002-yilning 1-iyulidan boshlab ustav jamgʻarmasining miqdori kamida 75 ming AQSh dollariga teng boʻlgan hamda belgilangan boshqa shartlarga javob beradigan korxonalar Qoraqalpogʻiston Respublikasi va Xorazm viloyati hududida yangi barpo etiladigan xorijiy investitsiyalar ishtirokidagi korxonalar deb hisoblanadi.
(1-bandning birinchi xatboshisi Oʻzbekiston Respublikasi Prezidentining 2017-yil 24-maydagi PF-5055-sonli Farmoni tahririda — OʻR QHT, 2017-y., 22-son, 411-modda)
Oldingi tahrirga qarang.
Qoraqalpogʻiston Respublikasi va Xorazm viloyati hududida xorijiy sarmoya ishtirokida yangi barpo etilayotgan va ustav jamgʻarmasi miqdori 75 ming AQSh dollaridan kam boʻlgan korxonalar xorijiy investitsiyalar ishtirokidagi korxonalar jumlasiga kirmaydi.
(1-bandning ikkinchi xatboshisi Oʻzbekiston Respublikasi Prezidentining 2017-yil 24-maydagi PF-5055-sonli Farmoni tahririda — OʻR QHT, 2017-y., 22-son, 411-modda)
Keyingi tahrirga qarang.
2. Belgilansinki, 2002-yilning 1-iyulidan to 2005-yilning 1-yanvariga qadar:
Qoraqalpogʻiston Respublikasi va Xorazm viloyati hududida roʻyxatga olinib, oʻz faoliyatini amalga oshirayotgan kichik ishlab chiqarish korxonalari va mikrofirmalar soliq solish tizimidan qatʼi nazar, amaldagi stavkalarga nisbatan 50 foiz kamaytirilgan stavka boʻyicha soliq toʻlaydilar;
Oldingi tahrirga qarang.
(2-bandning uchinchi xatboshisi Oʻzbekiston Respublikasi Prezidentining 2004-yil 8-yanvardagi PF-3376-son Farmoni bilan oʻz kuchini yoʻqotgan — Oʻzbekiston Respublikasi Qonun hujjatlari toʻplami, 2004-y., 1-2-son, 9-modda)
Oʻzbekiston Respublikasi Moliya vazirligi 2002-yilning 1-iyulidan boshlab yuqorida koʻrsatib oʻtilgan soliq imtiyozlari berilishi tufayli respublika budjeti bilan Qoraqalpogʻiston Respublikasi va Xorazm viloyati budjetlari oʻrtasidagi oʻzaro hisob-kitoblarga tegishli oʻzgartishlar kiritsin.
Oldingi tahrirga qarang.
3. Mazkur Farmonning 1 va 2-bandlarida koʻzda tutilgan imtiyozlar tegishli ravishda belgilangan tartibda roʻyxatga olingan, Qoraqalpogʻiston Respublikasi va Xorazm viloyati hududida joylashgan va oʻz faoliyatini amalga oshirayotgan ishlab chiqarish mikrofirmalariga, kichik korxonalarga, xorijiy investitsiyalar ishtirokida yangi tashkil etilgan korxonalargagina taalluqlidir.
(3-band Oʻzbekiston Respublikasi Prezidentining 2004-yil 8-yanvardagi PF-3376-son Farmoni tahririda — Oʻzbekiston Respublikasi Qonun hujjatlari toʻplami, 2004-y., 1-2-son, 9-modda)
4. Oʻzbekiston Respublikasi Adliya vazirligi ikki hafta muddatda Oʻzbekiston Respublikasining amaldagi qonun va normativ hujjatlariga ushbu Farmondan kelib chiqadigan oʻzgartirish va qoʻshimchalar kiritish toʻgʻrisidagi takliflarni Vazirlar Mahkamasiga taqdim etsin.
5. Mazkur Farmonning ijrosini nazorat qilish Oʻzbekiston Respublikasi Bosh vazirining oʻrinbosari R.S. Azimov zimmasiga yuklansin.
6. Ushbu Farmon matbuotda eʼlon qilinsin.
Oʻzbekiston Respublikasining Prezidenti I. KARIMOV
Toshkent sh.,
2002-yil 11-iyun,
PF-3090-son
(Oʻzbekiston Respublikasi Oliy Majlisining Axborotnomasi, 2002-y., 6-7-son, 107-modda; Oʻzbekiston Respublikasi Qonun hujjatlari toʻplami, 2004-y., 1-2-son, 9-modda; 2017-y., 22-son, 411-modda; Qonun hujjatlari maʼlumotlari milliy bazasi, 06.03.2019-y., 06/19/5684/2708-son)
