|
Hujjat kuchini yo‘qotgan 15.10.2009
|
Hujjat 22.07.1996 sanasi holatiga
Amaldagi versiyaga o‘tish |
Oʻzbekiston Respublikasi Vazirlar Mahkamasining
qarori
XALQARO VALYUTA FONDI VA JAHON BANKI GURUHI BILAN HAMKORLIKNI RIVOJLANTIRIShGA OID ChORA-TADBIRLAR TOʻGʻRISIDA
LexUZ sharhiMazkur qaror Oʻzbekiston Respublikasi Vazirlar Mahkamasining 2009-yil 15-oktabrdagi 274-sonli “Oʻzbekiston Respublikasi Hukumatining baʼzi qarorlariga oʻzgartirishlar kiritish, shuningdek, ayrim qarorlarini oʻz kuchini yoʻqotgan deb hisoblash toʻgʻrisida”gi qaroriga muvofiq oʻz kuchini yoʻqotgan.
Oʻzbekiston Respublikasining xalqaro moliya tashkilotlari bilan hamkorligini yanada mustahkamlash va rivojlantirish, shuningdek mavjud qoʻshma loyihalarni amalga oshirish hamda yangilarini tayyorlashni jadallashtirish maqsadida Vazirlar Mahkamasi qaror qiladi:
1. Oʻzbekiston Respublikasining Xalqaro valyuta fondi va Jahon banki guruhi bilan hamkorligini rivojlantirish boʻyicha 1-ilovaga muvofiq Muvofiqlashtiruvchi kengash (keyingi oʻrinlarda Muvofiqlashtiruvchi kengash) tuzilsin.
Muvofiqlashtiruvchi kengash huzurida 2-ilovaga muvofiq ishchi guruhi tuzilsin, unga kengash kotibiyati funksiyasi yuklansin.
2. Muvofiqlashtiruvchi kengashga:
Xalqaro valyuta fondi va Jahon banki guruhi tomonidan Oʻzbekiston Respublikasiga koʻrsatiladigan moliyaviy va texnik yordamdan foydalanishning ustuvor yoʻnalishlari;
makroiqtisodiy rivojlantirish borasida xorijiy va milliy ekspertlar tomonidan ishlab chiqiladigan hujjatlar boʻyicha takliflar ishlab chiqish va Vazirlar Mahkamasiga kiritish yuklansin.
3. Moliyaviy va texnik hamkorlik loyihalarida ishtirok etadigan vazirliklar va idoralarga:
Xalqaro moliya tashkilotlari bilan ishlash boʻyicha masʼul shaxslarni tayinlash;
Oʻzbekiston Respublikasi Hukumati qarorlari bilan tasdiqlangan amaldagi loyihalarni bajarishning borishi toʻgʻrisida Muvofiqlashtiruvchi kengashga yilning har choragida hisobotlar taqdim etish yuklansin.
4. Mazkur qarorning bajarilishini nazorat qilish Bosh vazir, Muvofiqlashtiruvchi kengash raisi Oʻ.T. Sultonov zimmasiga yuklansin.
Vazirlar Mahkamasining Raisi I. KARIMOV
Toshkent sh.,
1996-yil 22-iyul,
261-son
Vazirlar Mahkamasining 1996-yil 22-iyuldagi 261-son qaroriga
1-ILOVA
1-ILOVA
Oʻzbekiston Respublikasining Xalqaro valyuta fondi va Jahon banki guruhi bilan hamkorligini rivojlantirish boʻyicha muvofiqlashtiruvchi kengash
TARKIBI
| 1. | Sultanov Oʻ.T. | — | Oʻzbekiston Respublikasining Bosh vaziri, Kengash raisi |
| 2. | Hamidov B.S. | — | Bosh vazirning oʻrinbosari, Kengash raisining oʻrinbosari |
| 3. | Chjen V.A. | — | Bosh vazirning oʻrinbosari, Kengash raisining oʻrinbosari |
| 4. | Giniyatullin R.A. | — | Bosh vazirning oʻrinbosari |
| 5. | Golishev V.A. | — | Oʻzbekiston Respublikasi Prezidentining Davlat maslahatchisi |
| 6. | Karimov Sh.I. | — | Sogʻliqni saqlash vaziri |
| 7. | Umurzoqov B.X. | — | Ijtimoiy taʼminot vaziri |
| 8. | Habibullayev A.Sh. | — | Davlat tabiatni muhofaza qilish qoʻmitasi raisi |
| 9. | Mullajanov F.M. | — | Markaziy bank boshqaruvi raisi |
| 10. | Muhidov A.A. | — | Vazirlar Mahkamasining Tashqi iqtisodiy faoliyatni muvofiqlashtirish Departamenti boshligʻi |
| 11. | Gʻaniyev E.M. | — | Tashqi iqtisodiy aloqalar vazirining birinchi oʻrinbosari |
| 12. | Kravchenko V.A. | — | Aloqa vazirining birinchi oʻrinbosari |
| 13. | Gʻofurov Sh.R. | — | “Oʻzistiqbolstat” davlat qoʻmitasi raisining birinchi oʻrinbosari |
| 14. | Zaynutdinov I.A. | — | “Oʻzbekneftgaz” korporatsiyasi raisining oʻrinbosari |
| 15. | Yoʻldoshev A.Z. | — | Tovar ishlab chiqaruvchilar va tadbirkorlar palatasi raisi |
| 16. | Maqsudov F.N. | — | Xorijiy investitsiyalar boʻyicha agentlik bosh direktori |
| 17. | Abdurahimov S.H. | — | “Oʻzbekinvest” milliy sugʻurta kompaniyasining bosh direktori |
| 18. | Xasso Molineus | — | Jahon banki mintaqaviy vakolatxonasi boshligʻi (kelishuv boʻyicha) |
| 19. | Mark O' Brayen | — | Jahon valyuta fondi vakili (kelishuv boʻyicha) |
| 20. | Ubaydullayev A.O. | — | Vazirlar Mahkamasining Tashqi iqtisodiy faoliyatni muvofiqlashtirish Departamenti boʻlimi boshligʻining oʻrinbosari, kengash kotibi, ishchi guruh rahbari |
Keyingi tahrirga qarang.
Vazirlar Mahkamasining 1996-yil 22-iyuldagi 261-son qaroriga
2-ILOVA
2-ILOVA
Oʻzbekiston Respublikasining Xalqaro valyuta fondi va Jahon banki guruhi bilan hamkorligini rivojlantirish boʻyicha muvofiqlashtiruvchi kengash ishchi guruhi
TARKIBI
| 1. | Ubaydullayev A.O. | — | Vazirlar Mahkamasining Tashqi iqtisodiy faoliyatni muvofiqlashtirish Departamenti boʻlimi boshligʻining oʻrinbosari, kengash kotibi, ishchi guruh rahbari |
| 2. | Bobko Y.V. | — | Orol dengizi havzasi muammolari boʻyicha Davlatlararo Kengashning ijro etuvchi qoʻmitasi raisining birinchi oʻrinbosari |
| 3. | Jalolov A.A. | — | Melioratsiya va suv xoʻjaligi vazirining birinchi oʻrinbosari |
| 4. | Iskanov X.I. | — | Qishloq xoʻjaligi vazirining birinchi oʻrinbosari |
| 5. | Konyuxov V.G. | — | Davlat tabiatni muhofaza qilish qoʻmitasi raisining birinchi oʻrinbosari |
| 6. | Mirsoatov M.M. | — | Davlat mulki qoʻmitasi raisining oʻrinbosari |
| 7. | Nurmurodov M.B. | — | Markaziy bank raisining birinchi oʻrinbosari |
| 8. | Nurov I.N. | — | Paxta loyihasini amalga oshirish boʻyicha Agentlikning bosh direktori |
| 9. | Hasanov F.N. | — | Sogʻliqni saqlashni isloh qilish boʻyicha Jahon banki loyihasining koordinatori |
| 10. | Xoʻjayev B.E. | — | “Oʻzistiqbolstat” davlat qoʻmitasi raisining oʻrinbosari |
| 11. | Xusenov S.K. | — | Moliya vazirining oʻrinbosari |
Keyingi tahrirga qarang.
