Oʻzbekiston Respublikasi Prezidentining “Qishloq qurilish bank” aksiyadorlik tijorat bankini tashkil etish toʻgʻrisida” 2009-yil 30-martdagi PQ-1083-son qarorini bajarish yuzasidan va uning samarali faoliyati tashkil etilishini taʼminlash va moddiy-texnika bazasini mustahkamlash maqsadida Vazirlar Mahkamasi qaror qiladi:

2. Quyidagilar “Qishloq qurilish bank” aksiyadorlik tijorat banki kengashining asosiy vazifalari etib belgilansin:

bank xizmati koʻrsatish sifatini oshirishga hamda uy-joy-kommunal va ijtimoiy sohalarda, qishloq aholi punktlarini obodonlashtirish borasidagi ehtiyojlarni amalga oshirishda aholi va yuridik shaxslarga kredit berishni kengaytirishga, qishloqda ishlab chiqarish va ijtimoiy infratuzilma obyektlari qurishga, shuningdek qishloq tadbirkorlariga keng koʻlamli bank va konsalting xizmatlari koʻrsatishga yoʻnaltirilgan uzoq muddatli bank siyosatini shakllantirish;

yangi, zamonaviy qurilish materiallari va konstruksiyalari ishlab chiqaradigan, yigʻma, kompozitsion va mayda blokli konstruksiyalardan foydalangan holda tasdiqlangan namunaviy loyihalar boʻyicha qishloqda obyektlar qurishning industrial va yigʻma texnologiyalarini joriy etadigan barcha mulkchilik shaklidagi korxonalarga, shu jumladan “Oʻzqurilishmateriallari” aksiyadorlik jamiyati va “Oʻzavtoyoʻl” davlat-aksiyadorlik kompaniyasi korxonalariga kredit berish va kompleks tarzda bank xizmatlari koʻrsatish;

qishloqni obodonlashtirish boʻyicha loyihalarni ishlab chiqish va amalga oshirishga kredit berish va moliyalashtirishning maqbul mexanizmini joriy etish;

bankda zamonaviy korporativ boshqaruvni shakllantirish va bank ijro etuvchi organining samarali faoliyatini taʼminlash;

bankning maqbul darajada kapitallashuvini, likvidligini unga yuklangan vazifalarning bajarilishi va majburiyatlarining oʻz vaqtida amalga oshirilishi uchun yetarli darajada saqlab turish;

universal tijorat banki sifatida bank tomonidan yuridik va jismoniy shaxslarga kompleks xizmatlar koʻrsatilishi uchun shart-sharoitlar yaratish;

qishloq joylarda faoliyat koʻrsatayotgan bank-moliya infratuzilmasini faollashtirish va kengaytirish.

5. “Qishloq qurilish bank” aksiyadorlik tijorat banki kengashi va boshqaruvi:

bir oy muddatda bank ustavini ishlab chiqsin va aksiyadorlarning umumiy yigʻilishida tasdiqlasin, shuningdek bankni qonun hujjatlarida belgilangan tartibda roʻyxatdan oʻtkazish uchun hujjatlarning zarur paketini tayyorlasin va Oʻzbekiston Respublikasi Markaziy bankiga taqdim etsin;

bankka yuklangan vazifalarni samarali bajarish zarurligidan kelib chiqqan holda bank hamda uning filiallari tuzilmasini va shtatlar jadvalini oʻn kun muddatda ishlab chiqsin va tasdiqlasin;

bankning markaziy apparati va uning filiallarini banklarning boʻlinmalarida hamda qishloqda ishlab chiqarish va infratuzilmaning namunaviy loyihalari boʻyicha uy-joy qurish bilan bogʻliq loyihalarga kredit berish sohasida ish tajribasiga ega boʻlgan yuqori malakali mutaxassislar bilan taʼminlasin;

Oʻzbekiston Respublikasi Markaziy banki, Moliya vazirligi, Adliya vazirligi, “Qishloqqurilishloyiha” loyiha-qidiruv instituti masʼuliyati cheklangan jamiyat bilan birgalikda tasdiqlangan namunaviy loyihalar boʻyicha yakka tartibda uy-joy qurishga kredit berish tartibini ikki hafta muddatda ishlab chiqsin va tasdiqlash uchun Oʻzbekiston Respublikasi Vazirlar Mahkamasiga kiritsin.

6. Oʻzbekiston Respublikasi Davlat mulki qoʻmitasi huzuridagi Qimmatli qogʻozlar bozori faoliyatini muvofiqlashtirish va nazorat qilish markazi “Gʻalla-bank” aksiyadorlik tijorat banki aksiyalari chiqarilishini “Qishloq qurilish bank” aksiyadorlik tijorat bankiga qayta roʻyxatdan oʻtkazishni va yangidan chiqariladigan aksiyalarni roʻyxatdan oʻtkazishni yigʻimlar undirmasdan amalga oshirsin.

7. Oʻzbekiston banklar uyushmasi va Bank-moliya akademiyasi 2009-2010-yillar mobaynida “Qishloq qurilish bank” aksiyadorlik tijorat banki mutaxassislari uchun, oʻqitish haqini undirmagan holda, qishloqda yakka tartibdagi uy-joy qurilishiga kredit berish boʻyicha maxsus kurslar tashkil etilishini taʼminlasinlar.

8. Oʻzbekiston banklar uyushmasi, “Qishloq qurilish bank” aksiyadorlik tijorat banki, Qoraqalpogʻiston Respublikasi Vazirlar Kengashi, viloyatlar hokimliklari tasdiqlangan namunaviy loyihalar boʻyicha yakka tartibda uy-joy qurishga imtiyozli kreditlar olish tartibi, kredit olish uchun hujjatlar tayyorlash boʻyicha qishloq joylarda doimiy asosda seminarlar va oʻquv kurslari oʻtkazilishini taʼminlasinlar.

9. “Qishloq qurilish bank” aksiyadorlik tijorat bankiga Milliy teleradiokompaniya, Matbuot va axborot agentligi, Markaziy bank va Oʻzbekiston banklar uyushmasi bilan birgalikda bir oy muddatda respublika ommaviy-axborot vositalari tomonidan toʻlov undirilmasdan reklama materiallari eʼlon qilinishini nazarda tutadigan 2009-2010-yillarda bank faoliyati va uning tomonidan koʻrsatiladigan xizmatlar ommaviy-axborot vositalarida keng yoritilishi boʻyicha kompleks tadbirlarni ishlab chiqish va tasdiqlash tavsiya qilinsin.

10. Respublika tijorat banklarining “Qishloq qurilish bank” aksiyadorlik tijorat banki balansiga bepul beriladigan 2-ilovaga muvofiq filiallar roʻyxati toʻgʻrisidagi takliflariga rozilik berilsin.

Oʻzbekiston Respublikasi Davlat mulki qoʻmitasi va Moliya vazirligi “Oʻzdonmahsulot” aksiyadorlik kompaniyasining Toshkent shahar, Shahrisabz koʻchasi, 36-uyda joylashgan maʼmuriy binosining bir qismi tutash hudud bilan birgalikda “Qishloq qurilish bank” aksiyadorlik tijorat bankiga bepul berilishini taʼminlasinlar.

11. Oʻzbekiston Respublikasi Markaziy banki Adliya vazirligi hamda manfaatdor vazirliklar va idoralar bilan birgalikda bir oy muddatda Oʻzbekiston Respublikasi Vazirlar Mahkamasiga qonun hujjatlariga ushbu qarordan kelib chiqadigan oʻzgartirish va qoʻshimchalar toʻgʻrisida takliflar kiritsin.

12. Mazkur qarorning bajarilishini nazorat qilish Oʻzbekiston Respublikasi Bosh vazirining birinchi oʻrinbosari R.S.Azimov va Oʻzbekiston Respublikasi Markaziy banki raisi F.M.Mullajonov zimmasiga yuklansin.