toggle_night_mode
Hujjat kuchini yo‘qotgan 14.12.2012
OʻZBEKISTON RESPUBLIKASI MEHNAT VA AHOLINI IJTIMOIY MUHOFAZA QILISh VAZIRLIGI
OʻZBEKISTON RESPUBLIKASI OLIY VA OʻRTA MAXSUS TAʼLIM VAZIRLIGINING OʻRTA MAXSUS, KASB-HUNAR TAʼLIMI MARKAZI
OʻZBEKISTON RESPUBLIKASI VAZIRLAR MAHKAMASI HUZURIDAGI DAVLAT TEST MARKAZINING
QARORI
OʻRTA MAXSUS, KASB-HUNAR TAʼLIMI MUASSASALARI XODIMLARI ASOSIY LAVOZIMLARINING MALAKA TAVSIFLARI BOʻYIChA YOʻRIQNOMA ILOVASIGA OʻZGARTIRISh VA QOʻShIMChALAR KIRITISh TOʻGʻRISIDA
[Oʻzbekiston Respublikasi Adliya vazirligi tomonidan 2008-yil 13-dekabrda 1845-1-son bilan davlat roʻyxatidan oʻtkazildi]
 LexUZ sharhi
Mazkur qaror Oʻzbekiston Respublikasi Mehnat va aholini ijtimoiy muhofaza qilish vazirligi, Oliy va oʻrta maxsus taʼlim vazirligining oʻrta maxsus, kasb-hunar taʼlimi markazi, Oʻzbekiston Respublikasi Vazirlar Mahkamasi huzuridagi Davlat test markazining 2012-yil 26-noyabrdagi 69/1-q/q, 63-q/q, 33-q/q-sonli “Oʻrta maxsus, kasb-hunar taʼlimi muassasalari xodimlari asosiy lavozimlarining malaka tavsiflari boʻyicha Yoʻriqnomani tasdiqlash haqida”gi qaror va unga oʻzgartirish va qoʻshimchalarni oʻz kuchini yoʻqotgan deb topish toʻgʻrisida”gi qaroriga (roʻyxat raqami 1845-3, 04.12.2012-y.) asosan oʻz kuchini yoʻqotgan.
Taʼlim muassasalarida toʻplangan tajribalarni inobatga olgan holda Oʻzbekiston Respublikasi Mehnat va aholini ijtimoiy muhofaza qilish vazirligi, Oliy va oʻrta maxsus taʼlim vazirligining Oʻrta maxsus, kasb-hunar taʼlimi markazi va Vazirlar Mahkamasi huzuridagi Davlat test markazi qaror qiladilar:
1. Oʻzbekiston Respublikasi Mehnat va aholini ijtimoiy muhofaza qilish vazirligi, Oliy va oʻrta maxsus taʼlim vazirligining Oʻrta maxsus, kasb-hunar taʼlimi markazi va Vazirlar Mahkamasi huzuridagi Davlat test markazining 2008-yil 25-avgustdagi 39, 36/QQ va 01-275-son qarori bilan tasdiqlangan “Oʻrta maxsus, kasb-hunar taʼlimi muassasalari xodimlari asosiy lavozimlarining malaka tavsiflari boʻyicha yoʻriqnoma” (roʻyxat raqami 1845, 2008-yil 29-avgust — Oʻzbekiston Respublikasi qonun hujjatlari toʻplami, 2008-y., 35-36-son, 350-modda) ilovasiga ilovaga muvofiq oʻzgartirish va qoʻshimchalar kiritilsin.
2. Mazkur qaror Oʻzbekiston Respublikasi Adliya vazirligida davlat roʻyxatiga olingan kundan boshlab oʻn kun oʻtgach kuchga kiradi.
Mehnat va aholini ijtimoiy muhofaza qilish vaziri v.b. A. XAITOV
Toshkent sh.,
2008-yil 5-noyabr,
62-son
Oʻrta maxsus, kasb-hunar taʼlimi markazi direktori Z. SATTOROV
Toshkent sh.,
2008-yil 5-noyabr,
46Q/Q-son
Vazirlar Mahkamasi huzuridagi Davlat test markazi direktori B. ISMOILOV
Toshkent sh.,
2008-yil 5-noyabr,
01-383Q/Q-son
Mehnat va aholini ijtimoiy muhofaza qilish vazirligi, Oliy va oʻrta maxsus taʼlimi vazirligining Oʻrta maxsus, kasb-hunar taʼlimi markazi va Oʻzbekiston Respublikasi Vazirlar Mahkamasi huzuridagi Davlat test markazining 2008-yil 5-noyabrdagi 62, 46Q/Q, 01-383Q/Q-son qaroriga
ILOVA
Oʻrta maxsus, kasb-hunar taʼlimi muassasalari xodimlari asosiy lavozimlarining malaka tavsiflari boʻyicha yoʻriqnoma ilovasiga kiritilayotgan oʻzgartirish va qoʻshimchalar
1. 1-paragraf “Malaka talablari” qismining “a” va “b” bandlari quyidagi tahrirda bayon etilsin:
“a) akademik litsey, kasb-hunar kollejining taʼlim yoʻnalishlaridan kamida bittasi boʻyicha yoki bilim sohasi boʻyicha, shuningdek taʼlim muassasasi joylashgan hududning kadrlar potensialini hisobga olgan holda, istisno tariqasida umumtaʼlim fanlari boʻyicha oliy maʼlumot (madaniyat, sport hamda tibbiyot sohasi bundan mustasno);
b) taʼlim tizimidagi (pedagogik, oʻquv-tarbiyaviy, oʻquv-uslubiy faoliyati) ish staji 3 yildan kam emas, shu jumladan taʼlim tizimida kamida 1 yil boshqaruv lavozimlarida ish staji”.
2. 2-paragraf “Malakaviy talablari” qismining “a” va “b” bandlari quyidagi tahrirda bayon etilsin:
“a) akademik litsey, kasb-hunar kollejining taʼlim yoʻnalishlaridan kamida bittasi boʻyicha yoki umumtaʼlim fanlari boʻyicha oliy maʼlumot (madaniyat, sport hamda tibbiyot sohasi bundan mustasno);
b) taʼlim tizimidagi (pedagogik, oʻquv-tarbiyaviy, oʻquv-uslubiy, boshqaruv faoliyati) ish staji 5 yildan kam emas”.
3. 3-paragrafda:
nomlanishidan “birinchi” degan soʻz chiqarib tashlansin;
“Malaka talablari” qismida:
“a” va “b” bandlar quyidagi tahrirda bayon etilsin:
“a) ijtimoiy fanlar boʻyicha yoki pedagogik oliy maʼlumot;
b) taʼlim tizimidagi (pedagogik, oʻquv-tarbiyaviy, oʻquv-uslubiy, boshqaruv faoliyati) ish staji 3 yildan kam emas”;
“v” band chiqarib tashlansin.
4. 4-paragraf “Malaka talablari” qismida:
“a” va “b” bandlar quyidagi tahrirda bayon etilsin:
“a) kasb-hunar kollejining bilim sohasiga oid maxsus fanlardan biri boʻyicha oliy maʼlumot;
b) pedagogik ish staji 3 yildan kam emas”;
“v” band chiqarib tashlansin.
5. 14-paragrafda:
“Oʻquv ishlari” qismining “a” bandi “va uning oʻtkazilishini taʼminlaydi” degan soʻzlardan keyin “(tibbiyot sohasi bundan mustasno)” degan soʻzlar bilan toʻldirilsin;
“Oʻquv-uslubiy” qismida:
“a” banddan “diplom loyihalari” va “uslubiy koʻrsatmalar” degan soʻzlar chiqarib tashlansin;
“b” band quyidagi tahrirda bayon etilsin:
“b) oʻquvchilarning nazariy va amaliy mashgʻulotlari boʻyicha bilimlarini nazorat qilish uchun topshiriqlar tuzadi”;
“v” banddan “ilmiy pedagogik kengash, uslubiy kengash, seminarlar, ilmiy anjumanlar” degan soʻzlar chiqarib tashlansin.
“Tashkiliy-uslubiy ishlar” qismida:
“v” va “e” bandlar chiqarib tashlansin;
“g” bandidagi “fan toʻgaraklari” degan soʻzlar “amaliy toʻgaraklar” degan soʻzlar bilan almashtirilsin;
“g” va “d” bandlar tegishlicha “v” va “g” bandlar deb hisoblansin;
“j” band “e” band deb hisoblansin;
“Maʼnaviy-maʼrifiy va tarbiyaviy ishlar” qismi chiqarib tashlansin;
“Bilishi lozim” qismidagi “g”, “e”, “j” va “z” bandlar chiqarib tashlansin;
“d” band “g” band deb hisoblansin;
“i” band “d” band deb hisoblansin.
6. 17-paragraf “Malaka talablari” qismining “b” bandi quyidagi tahrirda bayon etilsin:
“b) kasb (mutaxassislik) boʻyicha 3 yildan kam boʻlmagan amaliy ish staji va oʻrta maxsus kasbiy maʼlumot”.
(Oʻzbekiston Respublikasi qonun hujjatlari toʻplami, 2008-y., 51-son, 505-modda)