toggle_night_mode
Hujjat kuchini yo‘qotgan 09.09.2019
OʻZBEKISTON RESPUBLIKASI DAVLAT ARXITEKTURA VA QURILISh QOʻMITASINING
QARORI
LOYIHA-TADQIQOT IShLARINING QIYMATINI ANIQLASh TARTIBI TOʻGʻRISIDAGI NIZOMNI TASDIQLASh HAQIDA
[Oʻzbekiston Respublikasi Adliya vazirligi tomonidan 2008-yil 9-dekabrda 1879-son bilan davlat roʻyxatidan oʻtkazildi]
 LexUZ sharhi
Mazkur qaror Oʻzbekiston Respublikasi qurilish vazirining 2019-yil 19-avgustdagi 396-sonli “Loyiha-tadqiqot ishlarining qiymatini aniqlash tartibi toʻgʻrisidagi nizomni tasdiqlash haqida”gi buyrugʻiga (roʻyxat raqami 3180, 09.09.2019-y.) asosan oʻz kuchini yoʻqotgan.
Oʻzbekiston Respublikasi Prezidentining 2008-yil 29-apreldagi PQ-847-sonli “Loyiha-tadqiqot tashkilotlari faoliyatini yanada takomillashtirish chora-tadbirlari toʻgʻrisida”gi qarori (Oʻzbekiston Respublikasi qonun hujjatlari toʻplami, 2008-y., 18-son, 147-modda)ning ijrosini taʼminlash maqsadida Oʻzbekiston Respublikasi “Davarxitektqurilish” qoʻmitasi qaror qiladi:
1. Loyiha-tadqiqot ishlarining qiymatini aniqlash tartibi toʻgʻrisidagi nizom ilovaga muvofiq tasdiqlansin.
2. Oʻzbekiston Respublikasi Davlat arxitektura va qurilish qoʻmitasining 2003-yil 15-dekabrdagi 9-sonli “Obyektlar qurilishi uchun loyiha-qidiruv ishlari qiymatini shartnomaviy joriy narxlarda belgilash tartibi toʻgʻrisidagi nizomni tasdiqlash haqida”gi qarori (roʻyxat raqami 1296, 2004-yil 8-yanvar — Oʻzbekiston Respublikasi qonun hujjatlari toʻplami, 2004-y., 1-2-sonlar, 22-modda) oʻz kuchini yoʻqotgan deb hisoblansin.
3. Ushbu qaror Oʻzbekiston Respublikasi Adliya vazirligida davlat roʻyxatidan oʻtkazilgandan keyin oʻn kun oʻtgach kuchga kiritilsin.
Davlat arxitektura va qurilish qoʻmitasi raisi N. XANOV
Toshkent sh.,
2008-yil 10-noyabr,
22-son
Davlat arxitektura va qurilish qoʻmitasining 2008-yil 10-noyabrdagi 22-son qarori bilan
TASDIQLANGAN
Loyiha-tadqiqot ishlarining qiymatini aniqlash tartibi toʻgʻrisidagi
NIZOM
Mazkur Nizom Oʻzbekiston Respublikasi Prezidentining 2008-yil 29-apreldagi PQ-847-sonli “Loyiha-tadqiqot tashkilotlari faoliyatini yanada takomillashtirish chora-tadbirlari toʻgʻrisida”gi Qarori (Oʻzbekiston Respublikasi qonun hujjatlari toʻplami, 2008-y., 18-son, 147-modda), Oʻzbekiston Respublikasi Prezidentining 2003-yil 6-maydagi PF-3240-sonli “Kapital qurilishda iqtisodiy islohotlarni yanada chuqurlashtirishning asosiy yoʻnalishlari toʻgʻrisida”gi Farmoni (Oʻzbekiston Respublikasi Oliy Majlisining Axborotnomasi, 2003-y., 5-son, 68-modda) va Oʻzbekiston Respublikasi Vazirlar Mahkamasining 2003-yil 11-iyundagi 261-sonli “Markazlashtirilgan kapital qoʻyilmalar hisobiga roʻyobga chiqarilayotgan investitsiya loyihalarini amalga oshirishda shartnomaviy joriy narxlarga oʻtish toʻgʻrisida”gi qaroriga (Oʻzbekiston Respublikasi qonun hujjatlari toʻplami, 2003-y., 11-son, 88-modda) muvofiq yangi obyektlarni qurish, bino va inshootlarni kengaytirish, rekonstruksiya qilish, texnik jihatdan qayta jihozlash, modernizatsiyalash hamda taʼmirlash boʻyicha loyiha-tadqiqot ishlarining qiymatini aniqlash tartibini belgilaydi.
I. Umumiy qoidalar
1. Mazkur Nizom markazlashtirilgan manbalar, davlat boshqaruv organlari va davlat korxonalari mablagʻlari hisobiga moliyalashtiriladigan obyektlar uchun loyiha-tadqiqot tashkilotlari, investorlar, buyurtmachilar, boshqa manfaatdor shaxslar tomonidan qoʻllanilishi nazarda tutilgan boʻlib, boshqa manbalar hisobiga moliyalashtiriladigan qurilish obyektlari uchun tavsiyaviy tusga ega.
2. Mazkur Nizom loyiha-tadqiqot hujjatlarini (loyiha, ishchi loyiha va ishchi hujjatlar) ishlab chiqishda, shuningdek ishchi loyihalashdan oldingi dastlabki texnik-iqtisodiy asoslanma (keyingi oʻrinlarda DTIA deb yuritiladi), dastlabki texnik-iqtisodiy hisoblash (keyingi oʻrinlarda DTIH deb yuritiladi), texnik-iqtisodiy asoslanma (keyingi oʻrinlarda TIA deb yuritiladi) hamda texnik-iqtisodiy hisoblash (keyingi oʻrinlarda TIH deb yuritiladi) bosqichlarida loyiha-tadqiqot ishlarining asoslanma materiallari qiymatini aniqlashga moʻljallangan.
3. Mazkur Nizomga muvofiq loyiha ishlarining joriy narxlarda belgilangan qiymati quyidagilar uchun qoʻllaniladi:
loyiha ishlarining ijrochisini belgilashda (tanlov savdolarini oʻtkazishda boshlangʻich qiymat sifatida);
loyiha ishlarining buyurtmachisi va ijrochisi oʻrtasidagi muzokaralar vaqtida dastlabki taxminiy narxning oʻrnida;
investitsiyalar hajmini rejalashtirishda (shu jumladan biznes-rejalarni va maqsadli roʻyxatlarni tuzish vaqtida).
4. Loyiha-tadqiqot hujjatlarini ishlab chiqqan tashkilot loyiha-tadqiqot hujjatlarini ekspertiza organlarida hamda ishchi va davlat qabul komissiyalarida yoqlashda (QMQ 1.03.07-96 ga muvofiq loyiha-qidiruv tashkiloti tomonidan qurilish ustidan mualliflik nazoratini oʻtkazish hollarida) ishtirok etadi.
II. Loyiha-tadqiqot ishlarining qiymatini aniqlash tartibi
5. Loyiha-tadqiqot ishlarining qiymatini aniqlashda quyidagilar inobatga olinishi lozim:
mazkur Nizomning 1-ilovasida keltirilgan Loyihalash va qurilish obyektlarining murakkablik darajasining yagona tasnifiga muvofiq loyihalashtirilayotgan obyektning funksional-sohaviy xususiyatlariga koʻra murakkablik darajasi;
mazkur Nizomning 2-ilovasiga muvofiq loyihalashni murakkablashtiruvchi omillar;
mazkur Nizomning 3-ilovasida keltirilgan qurilishning umumiy qiymatida uskuna qiymatining solishtirma tarkibiga bogʻliq holda qurilishning hisob bahosini aniqlash uchun pasaytiruvchi koeffitsiyentlar mavjudligi;
loyihani manfaatdor idoralar bilan kelishish.
6. Mazkur Nizomning 4-bandida koʻrsatib oʻtilgan parametrlar loyihalashtirish topshirigʻida nazarda tutilgan boʻlishi shart.
7. Loyiha qiymati qurilish obyekti narxi va murakkablik toifasiga koʻra hisoblanadi.
Loyiha-tadqiqot hujjatlarini ishlab chiqishda joriy narxlardagi qurilish qiymati tarkibiga quyidagilar kiritilishi lozim:
montaj talab etuvchi jihozlarga boʻlgan xarajatlar;
qurilish materiallari, buyumlari va konstruksiyalariga boʻlgan xarajatlar;
ijtimoiy sugʻurtalash hisobini inobatga olgan holda asosiy mehnat haqiga ketadigan xarajatlar;
mashina va mexanizmlardan foydalanish xarajatlari;
ishlab-chiqarish xususiyatiga ega boshqa xarajatlar;
pudratchining boshqa sarf-xarajatlari;
obyektlar qurilishini sugʻurtalash xarajatlari;
buyurtmachining boshqa sarf-xarajatlari;
navbatdagi yilda qurilish narxlarining prognozlangan indeksidan kelib chiqib aniqlanadigan xatarni qoplashga boʻlgan xarajatlar.
8. Ishchi loyihani ishlab chiqish qiymati quyidagi formula boʻyicha aniqlanadi:
Sp = Sb x L, bunda:
Sp — ishchi loyihaning joriy narxlardagi qiymati;
Sb — obyekt qurilishining joriy narxlardagi qiymati;
L — ishchi loyihani ishlab chiqish qiymatining hisoblash mezoni (mazkur Nizomning 4-ilovasiga muvofiq).
9. Turli bosqich va davrlarda loyihalashdan oldingi — asoslanma va ishchi hujjatlarni ishlab chiqishning miqdoriy-qiymati mazkur Nizomning 5-ilovasiga muvofiq aniqlanadi.
10. Ikkita yoki undan ortiq murakkablashtiruvchi omil mavjud boʻlsa, koeffitsiyent ularning har biriga alohida qoʻllaniladi. Bunda umumiy muvofiqlash koeffitsiyenti quyidagi formula boʻyicha aniqlanadi:
Kc.=1 + ∑ N, bunda:
Kc. — umumiy muvofiqlash koeffitsiyenti;
∑ N — bir turga qoʻllaniladigan muvofiqlash koeffitsiyentlarining kasr qismlari (verguldan keyingi) yigʻindisi.
11. Majmualardan tashqaridagi ayrim obyektlarni loyihalashda foydalanishga tayyor boʻlgan koʻp marotaba qoʻllaniladigan loyihalardan foydalanilganda (loyihalash topshirigʻiga muvofiq), ishlar qiymati quyidagi koeffitsiyentlarni qoʻllagan holda umumiy qoida boʻyicha aniqlanadi:
poydevor yechimlarni qayta hisoblamasdan — 0,4;
poydevor yechimlarini qayta hisoblaganda — 0,6;
poydevor va yer ustki qismi yechimlarini qayta hisoblaganda — 0,7.
12. Tugallangan qurilishning loyiha va haqiqiy oʻlchamlari qiymatiga loyiha-tadqiqot ishlarining qiymati qayta hisoblab chiqilmaydi.
13. Loyiha-tadqiqot ishlarining toʻliq qiymati quyidagi formulaga koʻra aniqlanadi:
Bir bosqichli loyihalashda (“Ishchi loyiha”):
Sf = Sw + Se, bunda:
Sf — loyihalash mahsulotining joriy narxlardagi toʻliq shartnomaviy qiymati;
Sw — ishchi loyihaning joriy narxlardagi qiymati.
Se — ishchi loyiha tarkibidagi hisobga olinmagan ishlarning qiymati.
“Ishchi loyiha” bosqichi loyiha qiymatini hisoblashda asos qilib olinadi.
Ikki bosqichli loyihalashda:
Sf = Sbs + Swp+ Se, bunda:
Sf — loyihalash mahsulotining joriy narxlardagi toʻliq shartnomaviy qiymati;
Sbs — asoslanma qismining joriy narxlardagi qiymati;
Swp — ishchi hujjatlarining joriy narxlardagi qiymati;
Se — ishchi loyiha tarkibidagi hisobga olinmagan ishlarning qiymati.
14. Loyihalashtirish topshirigʻi bilan shartlanadigan loyihadan oldingi asoslanma hujjatlar — TIH, TIA va boshqa bosqich hamda davrlarni ishlab chiqishdagi qiymat quyidagicha hisoblanadi:
Sf = Sbs + Se, bunda:
Sf — loyihalash mahsulotining joriy narxlardagi toʻliq shartnomaviy qiymati;
Sbs — asoslanma qismining joriy narxlardagi qiymati;
Se — ishchi loyiha tarkibidagi hisobga olinmagan ishlarning qiymati.
15. Loyiha-tadqiqot ishlarining boshlangʻich qiymatini belgilash maqsadida mazkur Nizomning 6-ilovasida qurilishning taxminiy qiymatini aniqlashga doir qisqacha tavsiyalar keltirilgan.
16. Loyiha-tadqiqot ishlarining qiymatini aniqlash misoli mazkur Nizomning 7-ilovasida keltirilgan.
17. Loyiha-tadqiqot ishlarining qiymatini hisoblashda koʻzda tutilmagan ishlar qiymatini aniqlash mazkur Nizomning 8-ilovasiga muvofiq amalga oshiriladi.
III. Yakuniy qoidalar
Mazkur Nizom Oʻzbekiston Respublikasi Iqtisodiyot vazirligi, Oʻzbekiston Respublikasi Moliya vazirligi, Oʻzbekiston Respublikasi Monopoliyadan chiqarish, raqobat va tadbirkorlikni qoʻllab-quvvatlash davlat qoʻmitasi bilan kelishilgan.
Iqtisodiyot vaziri B. XODJAYEV
Toshkent sh.,
2008-yil 7-noyabr
Moliya vaziri R. AZIMOV
Toshkent sh.,
2008-yil 7-noyabr
Monopoliyadan chiqarish, raqobat va tadbirkorlikni qoʻllab-quvvatlash davlat qoʻmitasi raisi v.b. B. ULAShOV
Toshkent sh.,
2008-yil 7-noyabr
Loyiha-tadqiqot ishlarining qiymatini aniqlash tartibi toʻgʻrisidagi nizomga
1-ILOVA
Loyihalash va qurilish obyektlarining murakkablik darajasining yagona tasnifi
T/r Loyihalash va qurilish obyekti nomi‎‏ Qurilish obyekti koʻrsatkichlari va tavsifi‎‏ Murakkablik darajasi‎‎
I‎ II‎ III‎ IV‎ V‎
1. Elektr energetikasi‎
1.1. ‎ Gidroelektr stansiyalari ‎ ‎ ‎ ‎ ‎ ‎ √
1.2.‎ Issiqlik elektr stansiyalari, qozonxonalar‎ ‎ ‎ ‎ ‎ ‎ √‎
1.3.‎ Elektr energetikasining boshqa obyektlari‎ ‎ ‎ ‎ ‎ ‎ √‎
2. Neft, gaz va koʻmir sanoati
2.1.‎ Neft, gaz va koʻmir sanoati obyektlari‎ ‎ ‎ ‎ ‎ ‎ √‎
3. Gaz va neftni qayta ishlash komplekslari
3.1. ‎ Gaz va neftni qayta ishlash komplekslari obyektlari‎ ‎ ‎ ‎ ‎ ‎ √‎
4. Gaz va koʻmir sanoati
4.1. ‎ Gaz va koʻmir sanoati obyektlari‎ Shu jumladan, taʼmirlash korxonalari‎ ‎ ‎ ‎ ‎ √‎
5. Metallurgiya va elektr texnika sanoati
5.1. ‎ Metallurgiya va elektr texnika sanoati korxonalari ‎ ‎ ‎ ‎ ‎ ‎ √‎
6. Togʻ-kon sanoati
6.1.‎ Togʻ-kon sanoati korxonalari‎ ‎ ‎ ‎ ‎ ‎ √‎
7. Kimyo, mineral oʻgʻitlar sanoati
7.1.‎ Kimyo va mineral oʻgʻitlar sanoati korxonalari‎ ‎ ‎ ‎ ‎ ‎ √‎
8. Mashinasozlik
8.1.‎ Mashinasozlik obyektlari‎ Energetika, ogʻir, transport, kimyoviy, neft‎ ‎ ‎ ‎ ‎ √‎
9. Dastgohsozlik va asbob-uskuna sanoati
9.1.‎ Dastgohsozlik va asbob-uskuna sanoati korxonalari‎ ‎ ‎ ‎ ‎ ‎ √‎
10. Asbobsozlik, avtomatlashtirish vositalari va boshqaruv tizimlari
10.1.‎ Asbobsozlik, avtomatlashtirish vositalari va boshqaruv tizimlari korxonalari‎ ‎ ‎ ‎ ‎ ‎ √‎
11. Avtomobil sanoati
11.1. ‎ Avtomobil sanoati korxonalari‎ ‎ ‎ ‎ ‎ ‎ √‎
12. Qishloq xoʻjalik mashinasozligi
12.1.‎ Qishloq xoʻjalik mashinasozligi korxonalari‎ Shu jumladan, chorvachilik va yem-xashak ishlab chiqarish mashinasozligi‎ ‎ ‎ ‎ ‎ √‎
13. Qurilish, yoʻl va kommunal mashinasozligi
13.1.‎ Qurilish, yoʻl va kommunal mashinasozligi korxonalari‎ ‎ ‎ ‎ ‎ ‎ √‎
14. Harakatdagi tarkib, aviatexnikani taʼmirlash
14.1.‎ Harakatdagi tarkib, aviatexnikani taʼmirlash korxonalari‎ ‎ ‎ ‎ ‎ ‎ √‎
15. Qurilish metall konstruksiyalari
15.1.‎ Qurilish metall konstruksiyalari korxonalari‎ ‎ ‎ ‎ ‎ ‎ √‎
16. Oʻrmon, yogʻochga ishlov berish, qogʻoz ishlab chiqarish sanoati
16.1. ‎ Oʻrmon, yogʻochga ishlov berish, qogʻoz ishlab chiqarish obyektlari‎ ‎ ‎ ‎ ‎ ‎ √‎
17. Qurilish materiallari
17.1.‎ Qurilish sanoati korxonalari ‎ Sement, beton, yigʻma temir-beton buyumlarni ishlab chiqarish ‎ ‎ ‎ ‎ ‎ √‎
18. Toʻqimachilik yengil sanoati
18.1.‎ Toʻqimachilik mahsulotlarini ishlab chiqarish korxonalari‎ ‎ ‎ ‎ ‎ ‎ √‎
18.2.‎ Ipak fabrikalari (korxonalari)‎ ‎ ‎ ‎ ‎ √‎ ‎
18.3.‎ Poyabzal fabrikalari (korxonalari)‎ ‎ ‎ ‎ ‎ √‎ ‎
18.4.‎ Paxta zavodlari (korxonalari)‎ ‎ ‎ ‎ ‎ √‎ ‎
19. Baliqchilik sanoati
19.1.‎ Baliqchilik sanoati obyektlari‎ ‎ ‎ ‎ ‎ ‎ √‎
20. Tibbiyot va mikrobiologiya sanoa�i
20.1.‎ Tibbiyot va mikrobiologiya sanoati obyektlari‎ ‎ ‎ ‎ ‎ ‎ √‎
21. Agrosanoat kompleksi
‎‏21.1. ‎‏Agrosanoat kompleksi obyektlari Rivojlangan muhandislik infratuzilma hududlarida‎ ‎ ‎ √‎ ‎ ‎
Oʻzlashtirilmagan hududlarda‎ ‎ ‎ ‎ √‎ ‎
22. Un-yorma va omixta yem sanoati
22.1.‎ Un-yorma va omixta yem sanoati korxonalari‎ ‎ ‎ ‎ ‎ ‎ √‎
23. Oʻrmon xoʻjaligi
23.1. ‎ Oʻrmon xoʻjaligi obyektlari‎ ‎ ‎ ‎ ‎ ‎ √‎
24. Suv xoʻjaligi qurilish sanoati
24.1. ‎ Suv xoʻjaligi qurilish obyektlari‎ Suv omborlari, sugʻorish, drenaj (quritish) tizimlari, meliorativ tizimlaridagi gidrotexnika qurilmalari, sugʻorish nasos stansiyalari, yerlarni meliorativ yaxshilash‎ ‎ ‎ ‎ ‎ √‎
25. Havo va temir yoʻl transporti
25.1.‎ Havo va temir yoʻl transporti binolari va inshootlari‎ Vokzallar, platformalar, aeroportlar, temir yoʻllar va boshqalar‎ ‎ ‎ ‎ ‎ √‎
26. Aloqa muassasalari
26.1. ‎ Aloqa boʻlimlari, avtomatlashtirilgan telefon stansiyalari‎ ‎ ‎ ‎ √‎ ‎ ‎
26.2.‎ Pochtamtlar, telegraflar, saralash tugunlari‎ ‎ ‎ ‎ ‎ √‎ ‎
26.3.‎ Aloqa tuguni boʻlgan avtomatlashtirilgan telefon stansiyalari‎ ‎ ‎ ‎ ‎ √‎ ‎
27. Temir va avtomobil yoʻllari
27.1. ‎ Temir va avtomobil yoʻllari infratuzilmasi obyektlari‎ Shu jumladan, koʻpriklar, tonnellar, xiz�at koʻrsatish shoxobchalari va boshqalar‎ ‎ ‎ ‎ ‎ √‎
28. Uy-joy qurilishi
28.1.‎ Uylar qoshidagi xoʻjalik va yordamchi imoratlar‎ ‎ √‎ ‎ ‎ ‎ ‎
28.2.‎ Bogʻ uychalari, muvaqqat yashash (yozgi) uylari‎ ‎ ‎ √‎ ‎ ‎ ‎
28.3.‎ Yirik shaharlar markazlarida qurishga moʻljallangan 9—12 qavatli binolar‎ ‎ ‎ ‎ ‎ √‎ ‎
28.4.‎ Maxsus asoslanmalar va Davlat arxitektura va qurilish Qoʻmitasi ruxsati bilan qoʻllaniladigan 16 qavatli binolar‎ ‎ ‎ ‎ ‎ ‎ √‎
28.5.‎ Ommaviy turar-joy qurilishining 4 qavatdan yuqori boʻlmagan binolar‎ ‎ ‎ ‎ √‎ ‎ ‎
28.6.‎ O�ovalanmagan shahar va qishloq joylari uchun 1-2 qavatli binolar ‎ ‎ ‎ √‎ ‎ ‎ ‎
29. Aholi yashovchi joylardagi qurilish ishlari
29.1.‎ Mikrotumanlar, dahalar, shahar qurilish komplekslari, boʻlimlar, turar-joy va jamoat binolar guruhlarini qurish ishlari (turar-joy va jamoat bino va inshootlarini bir-biriga bogʻlashni inobatga olmasdan)‎ Meʼmoriy-rejalash yechimlari, obodonlashtirish va koʻkalamzorlash, mikrotumanlar, dahalar, komplekslar chegarasida relyefni, muhandislik tizimlarini tashkillashtirish‎ ‎ ‎ ‎ √‎ ‎
29.2.‎ Kam qavatli kottedjlar, qoʻrgʻon turdagi uylarni qurish‎ ‎ ‎ ‎ √‎ ‎ ‎
30. Obodonlashtirish va koʻkalamzorlash (qurilish loyihalaridan tashqari — mustaqil obyektlar)
30.1.‎‏ Hududlarni obodonlashtirish va koʻkalamzorlash ‎‏ Obodonlashtirishga qoʻyiladigan eng kichik normativ talablarni qondiruvchi sharoitlardagi aholi bilan band qishloq joylari, kommunal va sanoat hududlari‎ ‎ √‎ ‎ ‎ ‎
Obodonlashtirishga qoʻyiladigan oʻrtacha talab darajasidagi shaharlar, dala hovlilar, zavodlar hududi, kichik meʼmoriy shakllar‎ ‎ ‎ √‎ ‎ ‎
Obodonlashtirishga yuqori darajadagi talablar qoʻyiladigan hududlar‎ ‎ ‎ ‎ √‎ ‎
30.2.‎ Shamol va shovqindan himoyalovchi mintaqalar, asbob-uskuna va texnika jihozlari bilan taʼminlanmagan velosiped va chana, yoʻlovchilar yoʻlkalari (terrenkuralar) ‎ ‎ √‎ ‎ ‎ ‎ ‎
31. Savdo-sotiq, umumiy ovqatlanish va maishiy xizmat
31.1.‎ Vaqtinchalik pavilonlar, shoxobchalar, ayvonlar va boshqalar‎ ‎ √‎ ‎ ‎ ‎ ‎
31.2.‎ Doʻkonlar, yil davomida ishlaydigan maishiy xizmat koʻrsatish korxonalari ‎ Shu jumladan, kafelar, oshxonalar, maishiy xizmat koʻrsatish shoxobchalari‎ ‎ ‎ √‎ ‎ ‎
31.3.‎ Savdo uylari, yirik universal va ixtisoslashgan doʻkonlar, supermarketlar, restoranlar‎ ‎ ‎ ‎ ‎ √‎ ‎
32. Sogʻliqni saqlash
32.1.‎ Poliklinikalar, ambulatoriyalar, dorixonalar, kasalxonalarning xoʻjalik binolari, tibbiy tez yordam stansiyalari, sut-qatiq oshxonalari, sanitariya-epidemiologiya stansiyalari‎ ‎ ‎ ‎ √‎ ‎ ‎
32.2.‎‏ Kasalxonalar, tibbiy markazlar, davolash-diagnostika binolari, kasalxona komplekslari‎‏ Standart asbob-uskunalar va jihozlar (koʻp karra qoʻllaniladigan) ‎ ‎ ‎ ‎ √‎ ‎
Noyob asbob-uskunalar va jihozlar, yangi texnologiyalar‎ ‎ ‎ ‎ ‎ √‎
33. Maorif va bolalar muassasalari
33.1.‎ Maxsus maktablar, litseylar, kollejlar, gimnaziyalar ‎ ‎ ‎ ‎ ‎ √‎ ‎
33.2.‎ Oliy oʻquv yurtlari‎ ‎ ‎ ‎ ‎ √‎ ‎
33.3.‎ Universitetlar ‎ ‎ ‎ ‎ ‎ √‎
33.4.‎ Bolalar oʻyin maydonchalari, solyariylar, sogʻlomlashtirish pavilonlari ‎ ‎ ‎ √‎ ‎ ‎ ‎
33.5.‎ Maktabgacha tarbiya muassasalari, maktablar‎ ‎ ‎ ‎ √‎ ‎ ‎
34. Tomosha muassasalari
34.1.‎ Kino va videofilmlarni vaqtinchalik namoyish etish pavilonlari‎ ‎ √‎ ‎ ‎ ‎ ‎
34.2.‎ Yozgi sahna va kinoteatrlar‎ ‎ ‎ √‎ ‎ ‎ ‎
34.3.‎ 1000 oʻringacha boʻlgan kinoteatrlar, videomarkazlar‎ ‎ ‎ ‎ √‎ ‎ ‎
34.4.‎ 1000 oʻrindan ortiq kino-konsert zallari va kinoteatrlar‎ ‎ ‎ ‎ ‎ √‎ ‎
34.5.‎ Teatrlar, sirklar, muzeylar‎ ‎ ‎ ‎ ‎ ‎ √‎
35. Matbaachilik sanoati
35.1.‎ Matbaachilik sanoati obyektlari‎ ‎ ‎ ‎ ‎ ‎ √‎
36. Suv taʼminoti va kanalizatsiya
36.1.‎ Yer osti manbalaridan suv chiqarish komplekslari‎ ‎ ‎ ‎ √‎ ‎ ‎
36.2.‎ Yer usti manbalaridan suv chiqarish komplekslari‎ Daryolar, koʻllar, suv omborlari, kanallar va boshqalar‎ ‎ ‎ ‎ ‎ √‎
36.3.‎ Tabiiy suvlar, maishiy va ishlab chiqarish oqova suvlari uchun tozalash inshootlari‎ ‎ ‎ ‎ ‎ ‎ √‎
36.4.‎ Suv oʻtkazgichlar va tizimlar‎ ‎ ‎ ‎ ‎ √‎ ‎
37. Transport, neft mahsulotlarini saqlash va avtomobillarga yoqilgʻi quyish stansiyalari
37.1.‎ Avtotransport korxonalari‎ Shu jumladan, avtoyoʻl-mexanizatsiya bazalari, avtosaroylar, tramvay va trolleybus depolari ‎ ‎ ‎ ‎ √‎ ‎
37.2.‎‏ Garajlar‎‏ Tozalash inshootlari boʻlmagan boksli va bir qavatli ‎ ‎ √‎ ‎ ‎ ‎
Tozalash inshootlari boʻlgan‎ ‎ ‎ √‎ ‎ ‎
Koʻp qavatli koʻtarishli, yer ustki‎ ‎ ‎ ‎ ‎ √‎
37.3. ‎ Neftni qazib olish korxonalari, neft bazalari, neft mahsulotlari omborlari‎ ‎ ‎ ‎ ‎ ‎ √‎
37.4.‎ Avtomobillarga yoqilgʻi quyish stansiyalari‎ ‎ ‎ ‎ ‎ √‎ ‎
38. Ilmiy-tadqiqotchilik muassasalari
38.1.‎ Loyiha-konstruktorlik tashkilotlari‎ ‎ ‎ ‎ √‎ ‎ ‎
38.2.‎ Ixtisoslashtirilgan ilmiy-tadqiqot institutlari (ITI) va laboratoriyalar‎ ‎ ‎ ‎ ‎ √‎ ‎
38.3.‎ Akademik ilmiy-tadqiqotchilik markazlari‎ ‎ ‎ ‎ ‎ ‎ √‎
T/r Loyihalash va qurilish obyekti nomi‎‏ Qurilish obyekti koʻrsatkichlari va tavsifi‎‏ Murakkablik darajasi‎‎
I‎ II‎ III‎ IV‎ V‎
39. Jismoniy tarbiya va sport inshootlari
39.1.‎‏ Oʻyin maydonlari va stadionlari‎‏ Yordamchi inshootlarsiz‎ √‎ ‎ ‎ ‎ ‎
Mavsumli yordamchi inshootlari boʻlgan‎ ‎ ‎ √‎ ‎ ‎
Tribunalar va tribuna osti inshootlari bilan‎ ‎ ‎ √‎ ‎ ‎
39.2.‎‏ Hovuzlar (basseynlar)‎‏‎ Ochiq ‎ ‎ ‎ √‎ ‎ ‎
Yopiq ‎ ‎ ‎ ‎ √‎ ‎
39.3.‎‏ Jismoniy tarbiya-sogʻlomlashtirish komplekslari‎‏‎ Hovuzli‎ ‎ ‎ ‎ √‎ ‎
Hovuzsiz‎ ‎ ‎ √‎ ‎ ‎
39.4.‎ 40000 va undan ortiq oʻrinli ochiq stadionlar‎ ‎ ‎ ‎ ‎ √‎ ‎
39.5.‎ 40000 va undan ortiq oʻrinli yopiq stadionlar, sport saroylari‎ ‎ ‎ ‎ ‎ ‎ √‎
40. Favquloddagi hodisalar oqibatlaridan himoyalash inshootlari
40.1.‎ Radiatsiyaga qarshi pana joylar (RQPJ)‎ ‎ ‎ √‎ ‎ ‎ ‎
40.2.‎‏ Yer osti maxsus inshootlari Avtonom muhandislik jihozlanish tizimlarisiz‎ ‎ ‎ ‎ √‎ ‎
Avtonom muhandislik jihozlanish tizimlari bilan‎ ‎ ‎ ‎ ‎ √‎
41. Avtomatik oʻt oʻchirish qurilmalari, yongʻindan saqlash va qoʻriqchi signalizatsiya tizimlari
41.1.‎‏ Sprinklerli va drencherli qurilmalar‎‏ Mavjud korxonalarda montaj qilish‎ ‎ ‎ ‎ ‎ √‎
Loyihalashtirilayotgan kompleks‎ ‎ ‎ ‎ √‎ ‎
41.2.‎ Yongʻindan saqlash-qoʻriqlov signalizatsiyasi‎ ‎ ‎ ‎ √‎ ‎ ‎
42. Gaz tozalash va chang tutqich inshootlari
42.1.‎‏ Koʻrsatilganlarda koʻzlanadigan qurilmalar‎‏ Mavjud korxonalarda montaj qilish‎ ‎ ‎ ‎ ‎ √‎
Loyihalashtirilayotgan kompleks‎ ‎ ‎ ‎ ‎ √‎
43. Maxsus ishlar
43.1.‎ Tuproqlarni muzlatish, kimyoviy mustahkamlash, quduqli chuqur usullarini qoʻllash‎ ‎ ‎ ‎ ‎ ‎ √‎
43.2.‎ Qurilish uchun suvni chuqurlash va drenaj‎ ‎ ‎ ‎ ‎ √‎ ‎
44. Shahar infratuzilmasi muhandislik inshootlari
44.1.‎‏ Vodoprovod, maishiy xoʻjalik va yomgʻir kanalizatsiyasi, gaz taʼminoti, drenaj, aloqa, elektr taʼminoti, elektr yoritgich, televideniye, radio magistrallari va tarmoqlari‎‏ Loyihalash va qurilish va yer osti kommunikatsiyalardan boʻsh hududlarda qurish‎ ‎ ‎ √‎‎ ‎ ‎
Shahar tor koʻchalari va shaharning qurilgan qismlarida loyihalash va qurilish ishlari, yer osti kommunikatsiyalar mavjudligida‎ ‎ ‎ ‎ √‎ ‎
Temir yoʻllar yoki metropoliten yoʻllaridan kesib oʻtish, murakkab gidrogeologiya sharoitlarida yer ostidan oʻtish, ish olib borishning maxsus usullari qoʻllangan yer osti va yer ustki inshootlarga bevosita yaqinlikda loyihalash va qurish‎ ‎ ‎ ‎ ‎ √‎
44.2.‎ Aloqa, elektr energiyasini va boshqa quvvat tashuvchilarini avtomatlashtirilgan boshqarish tizimlari‎ Avtonom obyektlar sifatida loyihalash va qurish (loyihalangan qurilish komplekslaridan tashqarida)‎ ‎ ‎ ‎ √‎ ‎
44.3.‎ Jihozlashgan markaziy issiqlik shoxobchalari, qozonxonalar‎ ‎ ‎ ‎ ‎ √‎ ‎
44.4.‎‏ Shahar transport inshootlari:
‎koʻpriklar, tunnellar, yoʻl oʻtkazgichlari, estakadalar, piyodalar oʻtish joylari, qirgʻoq yoʻlkalari, prichallar;
‎temir yoʻllar, avtomagistrallar, suv toʻsqinlari ustidan muhandislik kommunikatsiyalarni oʻtkazish uchun koʻprik yoʻlaklari‎‏		 Qurilishdan boʻsh hududlarda loyihalash va qurish‎ ‎ ‎ √‎ ‎ ‎
Qurilish shakllangan joylarda loyihalash va qurish‎ ‎ ‎ ‎ √‎ ‎
Yer osti tarmoqlari rivojlangan joylarda loyihalash va qurish‎ ‎ ‎ ‎ ‎ √‎
44.5.‎‏ Shahar transport magistrallari, koʻchalari, yoʻllari, tramvay yoʻllari, dahalar ichidagi transport yoʻlkalari, transport boʻgʻinlari, avtotoʻxtash joylari, umumiy transport turishi va saqlash uchun yakuniy stansiyalar va maydonchalar (shu jumladan, xizmat koʻrsatish inshootlari), piyodalar yuradigan koʻchalar, yoʻlkalar, parklardagi xiyobon va yoʻlkalar‎‏ Shaharning qurilishdan boʻsh joylarida, berilgan qizil chiziqli, kesishgan profil belgili joylardagi qiyalik 5 dan 40 %gacha boʻlgan relyefda loyihalash va qurish‎ ‎ ‎ √‎ ‎ ‎
Tayanchli qurilish shakllangan yoki berilgan qizil chiziqli, kesishgan profil belgili joylardagi qiyalik 0 dan 5 % gacha yoki 40 % dan ortiq boʻlgan relyefda loyihalash va qurish ‎ ‎ ‎ ‎ √‎ ‎
Irrigatsiya tizimi mavjudligida yoki qizil chiziqlar va kesishgan profil chiziqlarini muvofiqlash va ishlab chiqish bilan loyihalash va qurish.‎ ‎ ‎ ‎ ‎ √‎
44.6.‎‏ Kommunikatsiya tunnellari (yer osti kommunikatsiyalar uchun kollektorlar) va issiqlik tarmoqlari‎‏ Shaharning qurilishdan va mavjud boʻlgan yer osti kommunikatsiyalaridan boʻsh hududlarida loyihalash va qurilish ishlari‎ ‎ ‎ √‎ ‎ ‎
Shaharning qurilgan qismida boshqa yer osti kommunikatsiyalari bilan birga yoki mavjud boʻlganlari ustiga loyihalash va qurish‎ ‎ ‎ ‎ √‎ ‎
Murakkab gidrogeologiya sharoitlarda maxsus usullarni, individual konstruksiyalarni, yer ostidan oʻtishni, metropoliten va temir yoʻllarni kesib oʻtishni qoʻllab, birikma kommunikatsiyalarni oʻtkazish bilan loyihalash va qurish‎ ‎ ‎ ‎ ‎ √‎
44.7.‎ Shahar suv havzalari‎ ‎ ‎ ‎ √‎ ‎ ‎
44.8.‎ Sugʻorish va vodoprovod tizimlari, sunʼiy suv havzalari va boshqalardagi gidrotexnika inshootlari ‎ ‎ ‎ ‎ ‎ √‎ ‎
44.9.‎ Elektr korroziyasidan faol himoyalash‎ Katodli himoya stansiyalari va boshqalar‎ ‎ ‎ ‎ √‎ ‎
45. Mahalliy oziq-ovqat sanoati
45.1.‎ Novvoyxonalar ‎ ‎ ‎ ‎ √‎ ‎ ‎
45.2.‎ Issiqxona xoʻjaligi obyektlari‎ Murakkab asbob-uskunalarsiz‎ ‎ √‎ ‎ ‎ ‎
‎ ‎ Yangi texnologiyalar va jihozlanishni avtomatlashtirilgan boshqaruv tizimini qoʻllash bilan‎ ‎ ‎ √‎ ‎ ‎
45.3.‎ Konserva, osh-ovqat, ko�basa, qandolatchilik mahsulotlarini ishlab chiqarish korxonalari‎ ‎ ‎ ‎ ‎ √‎ ‎
46. Mehmonxona xoʻjaligi
46.1‎‏ Mehmonxonalar, otellar‎‏ 3 yulduzgacha‎ ‎ ‎ ‎ √‎ ‎
5 yulduzgacha‎ ‎ ‎ ‎ ‎ √‎
47. Dam olish va turizm muassasalari
47.1.‎ Palatkali oromgohlar, sayyohlik uylari, toʻxtash joylari, changʻi bazalari‎ ‎ √‎ ‎ ‎ ‎ ‎
47.2.‎ Kempinglar, motellar, sayyohlik bazalari, yozgi dam olish oromgohlari, bazalari, alpinistlar toʻxtash joylari‎ ‎ ‎ √‎ ‎ ‎ ‎
47.3.‎ Yil boʻyi ishlovchi oromgohlar‎ ‎ ‎ ‎ √‎ ‎ ‎
47.4.‎ Pansionatlar, profilaktoriylar, dam olish uylari, 500 oʻringacha boʻlgan sanatoriyalar‎ ‎ ‎ ‎ ‎ √‎ ‎
47.5.‎ 500 va undan ortiq oʻrinli sanatoriyalar, oliy toifali sayyohlik komplekslari‎ ‎ ‎ ‎ ‎ ‎ √‎
48. Madaniy-oqartuv muassasalari
48.1.‎ Oʻyin va raqslar uchun vaqtinchalik pavilonlar‎ ‎ √‎ ‎ ‎ ‎ ‎
48.2.‎ Madaniyat parklaridagi qiroatxona va koʻrgazma zallari‎ ‎ ‎ √‎ ‎ ‎ ‎
48.3.‎ Koʻrgazma zallari, qishloq klublari, muzeylar‎ ‎ ‎ ‎ √‎ ‎ ‎
48.4.‎ Madaniyat uylari, kutubxonalar‎ ‎ ‎ ‎ ‎ √‎ ‎
48.5.‎ Milliy galereyalar, madaniyat markazlari, masjidlar‎ ‎ ‎ ‎ ‎ ‎ √‎
49. Jamoatchilik va maʼmuriy binolar
49.1.‎ Maʼmuriy binolar, ofis xonalari‎ ‎ ‎ ‎ √‎ ‎ ‎
49.2.‎ Hokimiyatlar binolari, ijtimoiy-siyosiy faoliyat markazlari, hukumat binolari, biznes-komplekslar (markazlar), koʻp tarmoqli jamoatchilik komplekslari‎ ‎ ‎ ‎ ‎ ‎ √‎
49.3.‎ Banklar, birjalar, banklarning boʻlimlari, hisoblash markazlari‎ ‎ ‎ ‎ ‎ √‎ ‎
50. Moddiy-texnika taʼminoti obyektlari
50.1.‎ Qurilish-montaj tashkilotlari, jamoat transporti va boshqa obyektlarning ishlab chiqarish bazalari‎ ‎ ‎ ‎ ‎ √‎ ‎
50.2.‎‏ Omborxonalar, angarlar, omborlar Mavsumiy‎ √‎ ‎ ‎ ‎ ‎
Yil boʻyi ishlovchi‎ ‎ ‎ √‎ ‎ ‎
50.3.‎‏ Omborxona komplekslari Soddalashgan, muhandislik jihozlanishsiz ‎ ‎ √‎ ‎ ‎ ‎
Muhandislik jihozlari bilan taʼminlangan‎ ‎ ‎ √‎ ‎ ‎
51. Maishiy xizmat obyektlari
51.1.‎ Axlatni qayta ishlash zavodlari (korxonalar)‎ ‎ ‎ ‎ ‎ ‎ √‎
51.2.‎ Axlatni qayta yuklash stansiyalari‎ ‎ ‎ ‎ ‎ ‎ √‎
51.3.‎ Kir yuvish, kimyoviy tozalash xonalari, hammomlar ‎ ‎ ‎ ‎ √‎ ‎ ‎
51.4.‎ Sogʻlomlashtirish turiga kiruvchi hammomlar‎ Saunalar, turkcha hammomlar va boshqalar‎ ‎ ‎ ‎ √‎ ‎
52. Jamoat tartibini saqlashga bogʻ�iq muassasalar
52.1.‎ Tergov izolyatorlari, militsiya boʻlimlari‎ ‎ ‎ ‎ √‎ ‎ ‎
52.2.‎ Axloq tuzatish-mehnat muassasalari‎ ‎ ‎ ‎ ‎ √‎ ‎
Loyiha-tadqiqot ishlarining qiymatini aniqlash tartibi toʻgʻrisidagi nizomga
2-ILOVA
Murakkab sharoitlar uchun loyiha hujjatlarini ishlab chiqish qiymatining koeffitsiyentlari
T/r‎ Loyihalashni murakkablashtiruvchi omillar‎ Muvofiqlash koeffitsiyentlari maʼnosi ‎
1.‎ Obyekt xususiyatlarining oʻta noyobligi‎ 1,5‎
2.‎ Koʻp karra qoʻllaniladigan obyektlarni loyihalash, loyihalash uchun asos materiallarni tayyorlash, eksperimental loyihalarni ishlab chiqish‎ 1,4‎
3.‎ Murakkab joylarga quriladigan obyektlar (hududning torligi, hududni qurilishga tayyorlash uchun maxsus ishlarni oʻtkazish zarurati, choʻkadigan va sust tuproqlar, yer osti suvlari sathining yaqinligi va boshqalar). Qoʻllaniladigan meʼmorchilik, texnikaviy va muhandislik yechimlarning yangiligi ‎ 1,2‎
4.‎ Maydonchaning hisob boʻyicha zilzilaga chidamliligi 7-8 ball ‎ 1,1‎
5.‎ Maydonchaning hisob boʻyicha zilzilaga chidamliligi 9 ball ‎ 1,2‎
6.‎ Tarixiy binolar hududida quriladigan obyektlar‎ 1,3‎
7.‎ Obyektlarni qayta tiklash‎ 1,4‎
8.‎ Faoliyat yurituvchi korxona sharoitlarida qayta tiklash (ishlab chiqarish moʻljaldagi obyektlar uchun)‎ 1,8‎
9.‎ Mavjud boʻlgan bino va inshootlarning qurilish konstruksiyalarini kuchaytirish loyihalari ‎ 1,2‎
Loyiha-tadqiqot ishlarining qiymatini aniqlash tartibi toʻgʻrisidagi nizomga
3-ILOVA
Qurilishning umumiy qiymatida uskuna qiymatining solishtirma tarkibiga bogʻliq holda qurilishning hisob bahosini aniqlash uchun pasaytiruvchi koeffitsiyentlar
T/r‎ Qurilishning umumiy qiymatida uskuna qiymatining solishtirma tarkibi‎ Pasaytiruvchi koeffitsiyentlar‎
1.‎ 25% gacha‎ 1,0‎
2.‎ 25%‎ 0,8‎
3.‎ 50%‎ 0,65‎
4.‎ 70%‎ 0,50‎
5.‎ 90% va undan ortiq‎ 0,40‎
Izoh: oraliq qiymatlar interpolatsiya yoʻli bilan aniqlanadi.
Loyiha-tadqiqot ishlarining qiymatini aniqlash tartibi toʻgʻrisidagi nizomga
4-ILOVA
Ishchi loyihani ishlab chiqish qiymatining hisoblash mezonini aniqlash
T/r Obyekt qurilishining (yangidan qurish, kengaytirish, rekonstruksiya qilish, modernizatsiyalash va texnik jihatdan qayta jihozlash) joriy narxlardagi qiymati, mln. soʻm hisobida ‎‏ Loyiha ishlari qiymatining hisoblash mezoni, murakkablik darajasiga koʻra qurilish qiymatiga nisbatan % da‎‎ Izoh‎‏
I‎ II‎ III‎ IV‎ V‎
1.‎ 20,0 gacha ‎ 6,0‎ ---‎ ---‎ ---‎ ---‎ ‎
2.‎ 30,0 gacha‎ 5,1‎ 6,0‎ ---‎ ---‎ ---‎ ‎
3.‎ 50,0 gacha‎ 4,3‎ 5,1‎ 6,0‎ ---‎ ---‎ ‎
4.‎ 100,0 gacha‎ 3,4‎ 4,7‎ 5,1‎ 6,0‎ ---‎ ‎
5.‎ 250,0 gacha‎ ---‎ 4,3‎ 4,7‎ 5,1‎ 6,0‎ ‎
6.‎ 500,0 gacha‎ ---‎ 3,8‎ 4,3‎ 4,7‎ 5,5‎ ‎
7.‎ 750,0 gacha‎ ---‎ 3,4‎ 3,8‎ 4,5‎ 5,1‎ ‎
8.‎ 1000,0 gacha‎ ---‎ --- 3,7‎ 4,3‎‎ 4,5‎ ‎
9.‎ 2500,0 gacha‎ ---‎ ---‎ 3,7‎ 4,1‎ 4,4‎ ‎
10.‎ 5000,0 gacha‎ ---‎ ---‎ 3,6‎ 3,9‎ 4,3‎ ‎
11.‎ 7500,0 gacha‎ ---‎ ---‎ 3,4‎ 3,8‎ 4,3‎ ‎
12.‎ 10000,0 gacha‎ ---‎ ---‎ ---‎ 3,7‎ 4,1‎ ‎
13.‎ 25000,0 gacha‎ ---‎ ---‎ ---‎ 3,6‎ 4,0‎ ‎
14.‎ 50000,0 gacha‎ ---‎ ---‎ ---‎ 3,5‎ 3,8‎ ‎
15.‎ 75000,0 gacha‎ ---‎ ---‎ ---‎ 3,4‎ 3,6‎ ‎
16.‎ 100000,0 gacha‎ ---‎ ---‎ ---‎ ---‎‎ 3,5‎ ‎
17.‎ 100000,0 dan ortiq ‎ ---‎ ---‎ ---‎ ---‎‎ 3,4‎ ‎
Izohlar:
1. Qurilish qiymatini aniqlash maqsadida obyektlarni loyihalash va qurishning chegaralari quyidagicha belgilanadi:
komplekslar uchun (ikki va undan ortiq bino va inshootlardan iborat obyektlar uchun) — ajratilgan yer maydoni chegarasida;
alohida bino va inshootlar uchun — bino va inshootning chegarasini belgilovchi konstruksiyalarning, shu jumladan, binolarning koʻprikli, muhandislik jihozlar tizimlarini chiqarish va kiritish joylaridagi tashqi konturlari ichida.
2. Hisoblash mezonining oraliq miqdorlari vertikal qatordagi bir-biriga eng yaqin boʻlgan ikkita koʻrsatkichga tuzatish kiritish bilan aniqlanadi.
3. Ishchi loyihani ishlab chiqish qiymatini hisoblashda quyidagi ishlar hisobga olinmagan:
konstruksiyalar va ishlarni bajarishning oʻta murakkab usullari qoʻllaniladigan obyektlarni loyihalash vaqtida maxsus yordamchi inshootlar, moslamalar, qurilma va uskunalarning ishchi chizmalarini ishlab chiqish (bu ishlar loyihalashtirish topshirigʻida aks ettirilgan boʻlishi zarur);
zavodda ishlab chiqariladigan metall konstruksiyalar va texnologik quvur oʻtkazgichlarning mufassal chizmalarini, andozasiz va nostandart jihozlarni konstruktorlik hujjatlarini ishlab chiqish (shu jihozlarni konstruksiyalashga boʻlgan loyihalash topshiriqlari bundan mustasno);
qurilish ustidan mualliflik nazoratini amalga oshirish;
buyurtmachi topshirigʻiga binoan qoʻshimcha ishlarni bajarish;
texnik koʻrik va oʻlchov ishlarini bajarish.
Mazkur Ilovada keltirilgan obyektlar qurilishining joriy narxlardagi qiymatida qoʻshilgan qiymat soligʻi eʼtiborga olinmagan.
Loyiha-tadqiqot ishlarining qiymatini aniqlash tartibi toʻgʻrisidagi nizomga
5-ILOVA
Turli bosqich va davrlarda loyihalashdan oldingi — asoslanma va ishchi hujjatlarni ishlab chiqishning miqdoriy-qiymati
T/r‎ Hujjatlarni ishlab chiqish bosqichlari nomi ‎ Ishchi loyihani ishlab chiqishga nisbatan ulush miqdoridagi qiymati‎
1.‎ DTIA mustaqil bosqich sifatida‎ 0,10‎
2.‎ DTIH mustaqil bosqich sifatida 0,10‎
3.‎ TIA mustaqil bosqich sifatida‎ 0,15‎
4.‎ TIH mustaqil bosqich sifatida‎ 0,15‎
5.‎ Loyiha qoʻshuv ishchi hujjatlar chizmasi boʻyicha ikki bosqichli ishchi loyihalash, shu jumladan: ‎ 1,0‎
‎ a) loyiha‎ 0,2÷0,4‎
‎ b) ishchi hujjatlar‎ 0,8÷0,6‎
6.‎ TIH (TIA) qoʻshuv ishchi hujjatlar chizmasi boʻyicha ikki bosqichli ishchi loyihalash, shu jumladan:‎ 1,0‎
‎ a) TIH (TIA)‎ 0,2÷0,3‎
‎ b) ishchi hujjatlar‎ 0,8÷0,7‎
7.‎ Ishchi loyiha davridagi bir bosqichli loyihalash‎ 1,0‎
8.‎ Tanlov hujjatlarining texnikaviy qismini ishlab chiqish‎ 0,1 ‎
9.‎ DTIH (DTIA) qoʻshuv TIH (TIA) qoʻshuv ishchi hujjatlar chizmasi boʻyicha uch bosqichli ishchi loyihalash, shu jumladan:‎ ‎
‎ a) DTIH (DTIA) ‎ 0,1‎
‎ b) TIH (TIA)‎ 0,15‎
‎ v) ishchi hujjatlar‎ 0,75‎
Izoh:
1. Binoni loyihalashga boʻlgan topshiriqda koʻrsatib oʻtilgan boshqacha, muqobil bosqichlar va aralash bosqichlar uchun jadvaldagi maʼlumotlardan qoʻllanilishiga koʻra foydalaniladi.
2. Koʻp bosqichli loyihalashda, bosqichlar toʻplamidan qatʼi nazar, barcha bosqichlarning yigʻindi qiymati — 1,0 ga teng boʻladi.
Masalan:
1. Ikki bosqichli — chizmali loyiha — ishchi hujjatlar — ishchi loyihalashda 6 yoki 5-band koʻrsatkichlari qoʻllaniladi.
2. Chizmali loyiha (yoki chizma) — bosqichida mustaqil davr sifatida asoslanma hujjatlarini ishlab chiqishda 1—4-bandlar koʻrsatkichlari qoʻllaniladi.
Loyiha-tadqiqot ishlarining qiymatini aniqlash tartibi toʻgʻrisidagi nizomga
6-ILOVA
Qurilishning taxminiy qiymatini aniqlashga doir qisqacha tavsiyalar
Loyiha qidiruv ishlarini belgilash maqsadida qurilishning qiymatini aniqlashda quyidagilar qoʻllaniladi:
1-variant. Oʻzbekiston Respublikasi Davlat arxitektura va qurilish qoʻmitasi huzuridagi kapital qurilishda iqtisodiy islohotlar va narxlarni shakllantirish markazi tomonidan chiqariladigan qurilajak quvvatlar birligini qurish qiymatlaridagi solishtirma normativlar toʻplamlari.
2-variant. Loyihalash tashkilotlari ixtiyorida boʻlgan analog obyektlar.
3-variant. Qurilishning yirik hisobda olingan smeta koʻrsatkichlari.
4-variant. Hujjatlar ishlab chiqishning dastlabki bosqichlarida aniqlab olingan iqtisodiy koʻrsatkichlar.
Koʻrsatilgan materiallarda koʻrsatilgan qiymatlar joriy vaqtga nisbatan kelishtirilgan holda qoʻllaniladi. Bunda indeksni hisoblab chiqish uchun asosiy tuzilmaviy xarajatlarning tuzilishi quyidagi ulushli miqdorda (foizlarda) olinadi (jihozlanishsiz):
mehnat haqi — 0,2 (20);
materiallar — 0,6 (60);
mashinalardan foydalanish — 0,2 (20);
Oʻzgarish indeksi quyidagicha olinadi:
mehnat haqi toʻlovi xarajatlariga — joriy hisoblash davrdagi eng kam ish haqining normativlar va analoglarini ishlab chiqish davridagi eng kam ish haqiga boʻlgan mutanosiblikda;
materiallarni xarid qilish xarajatlariga — material-buyumlarning (beton, gʻisht, metall, yogʻoch konstruksiyalar va boshqalar) joriy hisoblash davrdagi narxlarining normativlar, analoglarni ishlab chiqish davridagi shu materiallar narxlariga boʻlgan mutanosiblikda;
mashinalardan foydalanishga — joriy hisoblash davrdagi yoqilgʻi materiallar narxlarining normativlar, analoglarni ishlab chiqish davridagi narxlariga boʻlgan mutanosiblikda.
Jihozlar va asbob-uskunalarning qiymati buyurtmachi, narx-navo varaqlari, kataloglar, birja xabarnomalari yoki haqqoniy axborotning boshqa manbalaridan olingan maʼlumotlarga koʻra aniqlanadi.
Loyiha-tadqiqot ishlarining qiymatini aniqlash tartibi toʻgʻrisidagi nizomga
7-ILOVA
Loyiha ishlari qiymatini aniqlash misoli
Loyihalash obyekti: tozalash inshootlariga ega boʻlgan garaj.
Bosqich — “Ishchi loyiha”.
Maydonchaning hisob boʻyicha zilzilaga chidamliligi — 9 ball.
1. Loyihalash obyekti va qurilish murakkabligi darajasining yagona tasnifiga koʻra obyektning murakkablik darajasi — III.
2. Mazkur Nizomning 6-ilovasiga muvofiq qurilishning taxminiy qiymati 220,0 mln. soʻmni tashkil qiladi.
3. Mazkur Nizomning 4-ilovasiga koʻra vertikal qatordagi bir-biriga eng yaqin boʻlgan ikkita koʻrsatkichga tuzatish kiritish usuli bilan loyiha ishlari qiymatining hisoblash mezoni aniqlanadi.
Bunda:
100,0 mln.soʻmlik tafovut 4,7 % darajasiga mos keladi;
250,0 mln. soʻmlik tafovut 4,3 % darajasiga mos keladi.
Tuzatish kiritish usuli bilan topilgan 220,0 mln. soʻm miqdoridagi hisoblash mezoni 4,35 % darajasiga mos keladi.
4. Asosiy loyiha ishlari qiymati — 220,0 mln. soʻm x 4,35 % x 1,2 = 11,48 mln. soʻm.
5. Loyihalash topshirigʻiga koʻra ishga tushirish kompleksini alohida hisoblash talab etiladi.
Mazkur Nizomning 8-ilovasi 5-bandiga muvofiq tegishli hujjatlarni ishlab chiqishga hisoblash mezonini gorizontal qatordagi bir-biriga eng yaqin boʻlgan ikkita koʻrsatkichga tuzatish kiritish yoʻli bilan aniqlanadi.
Bunda:
200,0 mln. soʻmlik tafovut 0,7 % darajasiga mos keladi;
1500,0 mln. soʻmlik tafovut 0,56 % darajasiga mos keladi.
Tuzatish kiritish usuli bilan topilgan 220,0 mln. soʻm miqdoridagi hisoblash mezoni 0,697 % darajasiga mos keladi.
6. Ishga tushirish kompleksini alohida hisoblash ishlari qiymatini hisoblab chiqamiz:
220,0 mln. soʻm x 0,698% = 1,54 mln. soʻm
7. Ishchi loyiha ishlab chiqilishining toʻliq qiymatini hisoblaymiz:
11,48 + 1,54 = 13,02 mln. soʻm, bunda:
11,48 mln. soʻm — asosiy loyiha ishlari qiymati;
1,54 mln. soʻm — ishga tushirish kompleksini alohida hisoblash qiymati.
Loyiha-tadqiqot ishlarining qiymatini aniqlash tartibi toʻgʻrisidagi nizomga
8-ILOVA
Koʻzda tutilmagan ishlar qiymatini aniqlash mezonlari
T/r‎‏ Ishlar nomi‎‏ Hisoblanadigan qiymat darajasi, qurilish qiymatiga nisbatan % da
Qurilishning joriy narxlardagi qiymati‎‎
200 mln. soʻmgacha ‎ 200 dan 1500 mln. soʻmgacha‎ 1500 dan 10000 mln. soʻmgacha ‎ 10000 dan 50000 mln. soʻmgacha ‎ 50000 dan 200000 mln. soʻmgacha ‎
1.‎ Maxsus yordamchi inshoot, moslamalarga ishchi chizmalarni ishlab chiqish. Konstruksiyalari va ishlarni bajarish usullari oʻta murakkab boʻlgan obyektlarni loyihalashdagi moslamalar va qurilmalar‎ 0,7‎ 0,56‎ 0,45‎ 0,36‎ 0,28‎
2.‎ Zavodda ishlab chiqarilgan metall konstruksiyalar va texnologik quvur oʻtkazgichlarning mufassal chizmalarini, shuningdek andozasiz va nostandart jihozlarni ishlab chiqishga boʻlgan konstruktorlik hujjatlarni ishlab chiqish (shu jihozlanishga boshlangʻich talablarni tuzish bundan mustasno) ‎

Konstruktorlik hujjatlarini ishlab chiqishga taalluqli boʻlgan toʻplamlar boʻyicha

3.‎ Qurilish ustidan mualliflik nazorati, loyihalarni ishlanma boshlanishidan amalga tatbiq etilishining oxirigacha olib boriladigan texnikaviy kuzatuv‎ 1,7‎ 1,3‎ 1,05‎ 0,84‎ 0,67‎
4.‎ Loyiha hujjatlariga ekologik ilova materiallarini ishlab chiqish‎

Oʻzbekiston Respublikasi Davlat arxitektura va qurilish qoʻmitasining shu sohaga oid qabul qilgan normativ hujjatlari asosida

5.‎‏‏ Buyurtmachi topshirigʻiga binoan qoʻshimcha ishlarni bajarish:
‎
‎a) dastlabki-ruxsatlovchi hujjatlarni shakllantirish;‎

Umumiy holda loyihalash tashkilotining ijrochilariga (ishlab chiqarish xodimlariga) toʻlashga rejalashtirilgan mehnat haqi fondidan kelib chiqqan holda mehnat xarajatlariga koʻra hisoblanadi (jadvalga boʻlgan 1-izohga qarang)

b) topografiya (geodeziya), geologiya ishlari;‎

Oʻzbekiston Respublikasi Davlat arxitektura va qurilish qoʻmitasining shu sohaga oid qabul qilgan normativ hujjatlari asosida

v) ishga tushirish kompleksini alohida hisoblash;‎ 0,7‎ 0,56‎ 0,45‎ 0,36‎ 0,28‎
g) loyihalash topshirigʻini shakllantirishga zarur boʻlgan loyihalashdan oldingi ishlar majmuasi (shu jumladan, qurilish maydonchasi va dastlabki-ruxsatlovchi hujjatlarni oʻrganib chiqish, buyurtmachi takliflarini koʻrib chiqish hamda loyihalash topshirigʻini tuzish)‎ 0,05‎ 0,04‎ 0,032‎ 0,026‎ 0,021‎
d) loyihalash vaqtida dastlabki maʼlumot sifatida qoʻllaniladigan ilmiy-tadqiqotchilik va tajriba-eksperimental amaliy ishlar, ilmiy va ilmiy texnikaviy asoslamalar‎

Oʻzbekiston Respublikasi Davlat arxitektura va qurilish qoʻmitasining shu sohaga oid qabul qilgan normativ hujjatlari asosida

e) resurslarning (materiallar, buyumlar, mashinalar ijarasi va hokazo) bozordagi narxini aniqlash qismida ishlab chiquvchilar — loyiha tashkiloti kuchi bilan oʻtkazilgan marketing tadqiqotlar xulosalariga koʻra joriy narxlardagi qiymatini hisoblash‎‏ 1,0‎ 0,8‎ 0,65‎ 0,5‎ 0,4‎

Eslatma: bir shartnoma doirasida eng kam ish haqi miqdorining 3 baravaridan kam boʻlmasligi kerak

6.‎ Texnik koʻrik va oʻlchov ishlari‎

Ijrochilariga (ishlab chiqarish xodimlariga) toʻlashga rejalashtirilgan mehnat haqi fondidan kelib chiqqan holda mehnat xarajatlariga koʻra hisoblanadi (jadvalga boʻlgan 1-izohga qarang)

Izohlar:
1. Mehnat xarajatlari boʻyicha hisob-kitob quyidagi formula boʻyicha hisoblanishi kerak:
Sp = CiXNc, bunda:
Sp — joriy narxlardagi qiymat;
Ci — berilgan ishni bajarish uchun ijrochilarga (ishlab chiqarish xodimlariga) toʻlashga rejalashtirilgan mehnat haqi fondi;
Nc — qiymat normativi, loyihalash tashkilotida hisoblangan yillik hajmning rejaga koʻra ijrochilarga (ishlab chiqarish xodimlari) toʻlanadigan ish haqiga boʻlgan mutanosiblikda aniqlanadi. Avvalgi yil uchun yillik balans hisobotining moliyaviy natijalari koʻrsatkichlariga muvofiq belgilash tavsiya etiladi.
2. Hisoblash mezonining oraliq miqdorlari gorizontal qatordagi bir-biriga eng yaqin boʻlgan ikkita koʻrsatkichga tuzatish kiritish orqali aniqlanadi.
(Oʻzbekiston Respublikasi qonun hujjatlari toʻplami, 2008-y., 50-son, 499-modda)