|
Hujjat kuchini yo‘qotgan 22.02.2021
|
Oʻzbekiston Respublikasi Vazirlar Mahkamasining
qarori
“OʻZMAXSUSTAʼMINOT” AGENTLIGINI TUGATISh TOʻGʻRISIDA
[Koʻchirma]
LexUZ sharhiMazkur qaror Oʻzbekiston Respublikasi Vazirlar Mahkamasining 2021-yil 22-fevraldagi 87-sonli “Oʻzbekiston Respublikasi Hukumatining oʻz ahamiyatini yoʻqotgan ayrim qarorlarini oʻz kuchini yoʻqotgan deb hisoblash toʻgʻrisida (Oʻzbekiston Respublikasi Prezidentining “Oʻz ahamiyatini yoʻqotgan qonunchilik hujjatlarini qayta koʻrib chiqish tizimini joriy etish orqali mamlakatda ishbilarmonlik muhitini yaxshilash chora-tadbirlari toʻgʻrisida” 2020-yil 27-sentabrdagi PF-6075-son Farmoni)”gi qaroriga asosan oʻz kuchini yoʻqotgan.
Davlat zaxiralari tizimini boshqarishni yanada takomillashtirish va ishlari samaradorligini oshirish maqsadida Vazirlar Mahkamasi qaror qiladi:
1. Oʻzbekiston Respublikasi Vazirlar Mahkamasi huzuridagi Davlat zaxiralarini boshqarish qoʻmitasi (“Oʻzdavzaxira” qoʻmitasi)ning “Oʻzmaxsustaʼminot” agentligini tugatish toʻgʻrisidagi taklifi qabul qilinsin.
2. “Oʻzdavzaxira” qoʻmitasi:
bir hafta muddatda Oʻzbekiston Respublikasi Vazirlar Mahkamasi va Moliya vazirligi vakillari ishtirokida tugatish komissiyasini tashkil etsin;
amaldagi qonun hujjatlariga muvofiq “Oʻzmaxsustaʼminot” agentligini tugatish tadbirlarini amalga oshirsin;
tugatilayotgan Agentlikning pul mablagʻlari, mol-mulki, arxiv hujjatlari va boshqa hujjatlarining oʻz balansiga qabul qilinishini taʼminlasin;
Agentlikning boʻshab qolayotgan xodimlariga belgilangan tartibga muvofiq ishga joylashishda koʻmaklashsin;
“Oʻzmaxsustaʼminot” agentligini tugatish tadbirlarining bir oy muddatda tugallanishini taʼminlasin.
3. “Oʻzdavzaxira” qoʻmitasi markaziy apparati tuzilmasida shtatdagi xodimlari soni 6 nafar boʻlgan Xaridlar va maxsus isteʼmolchilar bilan ishlash boshqarmasi tashkil etilsin.
Belgilab qoʻyilsinki, Xaridlar va maxsus isteʼmolchilar bilan ishlash boshqarmasining taʼminoti har yili “Oʻzdavzaxira” qoʻmitasiga ajratiladigan budjet mablagʻlari hisobiga amalga oshiriladi.
5. “Oʻzdavzaxira” qoʻmitasi tugatilayotgan “Oʻzmaxsustaʼminot” agentligining maxsus isteʼmolchilarni va ijtimoiy soha muassasalarini davlat zaxirasi mahsulotlari bilan taʼminlash hamda davlat zaxiralari tizimi korxonalari uchun mahsulotlar yetkazib berish yuzasidan 2008-yilga tuzilgan shartnomalar boʻyicha huquqiy vorisi etib belgilansin.
7. Vazirlar Mahkamasining “Oʻzbekiston Respublikasi Vazirlar Mahkamasi huzuridagi Davlat zaxiralarini boshqarish qoʻmitasi faoliyatini tashkil etish toʻgʻrisida” 2004-yil 9-martdagi 113-son qarorida (Oʻzbekiston Respublikasi QT, 2004-y., 3-son, 26-modda):
3-ilovaning 2-bandidagi “Oʻzmaxsustaʼminot” agentligi (Toshkent shahri)” soʻzlari chiqarib tashlansin.
8. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosari U.U. Rozuqulov zimmasiga yuklansin.
Oʻzbekiston Respublikasining Bosh vaziri Sh. MIRZIYOYEV
Toshkent sh.,
2008-yil 25-avgust,
193-son
Vazirlar Mahkamasining 2008-yil 25-avgustdagi 193-son qaroriga
1-ILOVA
1-ILOVA
Oʻzbekiston Respublikasi Vazirlar Mahkamasi huzuridagi Davlat zaxiralarini boshqarish qoʻmitasining tashkiliy tuzilmasi
(1-ilova Oʻzbekiston Respublikasi Vazirlar Mahkamasining 2012-yil 11-iyuldagi 208-sonli qarori tahririda — OʻR QHT, 2012-y., 28-son, 321-modda)
Vazirlar Mahkamasining 2008-yil 25-avgustdagi 193-son qaroriga
2-ILOVA
2-ILOVA
Oʻzbekiston Respublikasi Vazirlar Mahkamasi huzuridagi Davlat zaxiralarini boshqarish qoʻmitasi markaziy apparati tuzilmasi
