Oʻzbekiston Respublikasi Prezidentining

Qarori

INNOVATSION LOYIHALAR VA TEXNOLOGIYALARNI ISHLAB CHIQARISHGA TATBIQ ETISHNI RAGʻBATLANTIRISH BORASIDAGI QOʻSHIMCHA CHORA-TADBIRLAR TOʻGʻRISIDA

Ilmiy-amaliy tadqiqotlar va innovatsion ishlanmalar rivojlantirilishi hamda ishlab chiqarishni modernizatsiya qilish, texnik va texnologik yangilash jarayonlariga tatbiq etishni ragʻbatlantirish boʻyicha amaliy mexanizmlar yaratish, fan va ishlab chiqarishning yanada mustahkam aloqasini taʼminlash maqsadida, shuningdek, ilmiy-tadqiqot tashkilotlari hamda real iqtisodiyot tarmoqlari korxonalari oʻrtasida uzviy hamkorlik aloqalarini oʻrnatishda innovatsion gʻoyalar va loyihalar Respublika yarmarkasining ahamiyatini hisobga olgan holda:

1. Shunday tartib oʻrnatilsinki, unga muvofiq Innovatsion gʻoyalar, texnologiyalar va loyihalar Respublika yarmarkasi har yili oʻtkaziladi.

Oldingi tahrirga qarang.

Innovatsion gʻoyalar, texnologiyalar va loyihalar Respublika yarmarkasining har yili oʻtkazilishini tashkil qilish Oʻzbekiston Respublikasi Innovatsion rivojlanish vazirligi, Iqtisodiy taraqqiyot va kambagʻallikni qisqartirish vazirligi, Investitsiyalar va tashqi savdo vazirligi zimmasiga yuklansin.

(1-bandning ikkinchi xatboshisi Oʻzbekiston Respublikasi Prezidentining 2020-yil 27-sentabrdagi PF-6075-sonli Farmoni tahririda — Qonun hujjatlari maʼlumotlari milliy bazasi, 28.09.2020-y., 06/20/6075/1330-son)

2. Oʻrta muddatli istiqbolda innovatsion mahsulotlar va texnologiyalarni rivojlantirish chora-tadbirlari kompleksi 1-ilovaga muvofiq tasdiqlansin.

Oldingi tahrirga qarang.

3. Innovatsion gʻoyalar, texnologiyalar va loyihalar Respublika yarmarkasini yuqori saviyada oʻtkazish va tasdiqlangan kompleks chora-tadbirlarni amalga oshirish boʻyicha ishlarni muvofiqlashtirish Oʻzbekiston Respublikasi Innovatsion rivojlanish vazirligi zimmasiga yuklansin.

(3-band Oʻzbekiston Respublikasi Prezidentining 2018-yil 5-apreldagi PF-5399-sonli Farmoni tahririda — Qonun hujjatlari maʼlumotlari milliy bazasi, 06.04.2018-y., 06/18/5399/1018-son)

4. Amaliy ilmiy ishlanmalar va innovatsion texnologiyalar ishlab chiqarishga keng tatbiq etilishini taʼminlash uchun vazirliklar, idoralar, uyushmalar, kompaniyalar va boshqa xoʻjalik birlashmalari quyidagilarni:

xoʻjalik yurituvchi subyektlarning amortizatsion ajratmalari va sof foydasi, shuningdek buyurtmachilarning maqsadli tushumlari shakllantirish manbalaridan iborat boʻlgan modernizatsiya va yangi texnologiyalar jamgʻarmalarini;

tarmoq va korxonani innovatsion rivojlantirishga javobgar boʻlgan tarkibiy boʻlinmalar, zarur hollarda esa — loyiha-konstruktorlik byurolarini tashkil etishda xoʻjalik boshqaruvi organlari hamda korxonalarga koʻmaklashsin.

5. Quyidagilar tashkil etilayotgan xoʻjalik yurituvchi subyektlarni innovatsion rivojlantirish tarkibiy boʻlinmalarining asosiy vazifalari etib belgilansin:

zamonaviy uskunalar va texnologiyalarning xalqaro va mahalliy ishlanmalarini oʻrganish, shu asosda zamonaviy texnologiyalarni ishlab chiqarishga tatbiq etishning har yilgi va oʻrta muddatli dasturlarini shakllantirish;

mahalliy amaliy ilmiy tadqiqotlar va ishlanmalarga buyurtmalar jamlamasini shakllantirish, shuningdek ularni joylashtirish;

amaliy ilmiy tadqiqotlar va ishlanmalar natijalarini korxona faoliyati amaliyotiga tatbiq etish.

Mazkur tarkibiy tuzilmalar faoliyatiga tatbiq etilgan loyihalar va ishlanmalar soni, shuningdek ulardan olingan iqtisodiy samaraga qarab baho berilsin.

6. Oʻzbekiston Respublikasi Moliya vazirligi, Iqtisodiyot vazirligi Vazirlar Mahkamasi huzuridagi Fan va texnologiyalarni rivojlantirishni muvofiqlashtirish qoʻmitasi bilan birgalikda bir oy muddatda Xoʻjalik boshqaruvi organlari va korxonalarning modernizatsiya va yangi texnologiyalar jamgʻarmasi toʻgʻrisidagi nizomni belgilangan tartibda ishlab chiqsin va tasdiqlasin.

7. Belgilansinki, modernizatsiya va yangi texnologiyalar jamgʻarmasiga yoʻnaltiriladigan mablagʻlar xoʻjalik yurituvchi subyektlar tomonidan ilmiy amaliy tadqiqotlarni, innovatsion loyihalarni, tajriba-konstruktorlik ishlanmalarini hamda ularni ishlab chiqarish jarayoniga tatbiq etishni moliyalashtirishda foydalaniladi.

8. 2013-yilning 1-yanvarigacha boʻlgan davrda oʻquv va ilmiy-tadqiqot muassasalari hamda tashkilotlari, loyiha-konstruktorlik tashkilotlari xoʻjalik yurituvchi subyektlar bilan tuzilgan shartnomalar boʻyicha amalga oshiriladigan amaliy ilmiy-tadqiqot va tajriba-konstruktorlik ishlarini bajarish qismida daromad soligʻi, yagona soliq toʻlovi, qoʻshilgan qiymat soligʻi va davlatning maqsadli jamgʻarmalariga majburiy toʻlovlar (yagona ijtimoiy toʻlovdan tashqari) toʻlashdan ozod etilsin.

Oldingi tahrirga qarang.

9. Ilmiy-tadqiqot muassasalari va tashkilotlarini qayta jihozlash va qoʻshimcha jihozlash uchun belgilangan tartibda tasdiqlanadigan roʻyxatlar boʻyicha modernizatsiya qilish doirasida olib kelinadigan uskunalar bojxona toʻlovlaridan (qoʻshilgan qiymat soligʻi va bojxona rasmiylashtiruvi yigʻimlaridan tashqari) ozod etilsin.

(9-band Oʻzbekiston Respublikasi Prezidentining 2020-yil 19-iyundagi PF-6011-sonli Farmoni tahririda — Qonun hujjatlari maʼlumotlari milliy bazasi, 19.06.2020-y., 06/20/6011/0780-son — 2020-yil 1-oktabrdan kuchga kiradi)

10. Oʻzbekiston Respublikasi Moliya vazirligi 2009—2012-yillar mobaynida davlat ilmiy-texnikaviy dasturlari doirasida ilmiy-tadqiqot va tajriba-konstruktorlik ishlarini olib borayotgan ilmiy-tadqiqot muassasalari va tashkilotlarining ilmiy, texnologik va laboratoriya uskunalarini modernizatsiya qilishga mablagʻlar ajratilishini nazarda tutsin.

11. Oʻzbekiston Respublikasi Tashqi iqtisodiy aloqalar, investitsiyalar va savdo vazirligi, Iqtisodiyot vazirligi, Moliya vazirligi 2009-yilning 1-yanvarigacha boʻlgan muddatda ilmiy-tadqiqot muassasalari va tashkilotlarining ilmiy, texnologik va laboratoriya uskunalarini modernizatsiya qilishga xalqaro moliya institutlarining maqsadli grant mablagʻlarini jalb etish masalalarini ishlab chiqsin.

12. Mazkur qarorning ijrosini nazorat qilish Oʻzbekiston Respublikasi Bosh vazirining birinchi oʻrinbosari R.S. Azimov zimmasiga yuklansin.

Oʻzbekiston Respublikasi Prezidenti I. KARIMOV

Toshkent sh.,

2008-yil 15-iyul,

PQ-916-son

Oʻzbekiston Respublikasi Prezidentining 2008-yil 15-iyuldagi PQ-916-son qaroriga
1-ILOVA

Oʻrta muddatli istiqbolda innovatsion mahsulotlar va texnologiyalarni rivojlantirish chora-tadbirlari kompleksi

T/r	Chora-tadbirlar nomlanishi	Amalga oshirish shakli	Ijro muddati	Masʼul ijrochilar
I. Innovatsion faoliyatni axboriy taʼminlash hamda ilmiy-tadqiqot va tajriba-konstruktorlik ishlari (ITTKI) natijalarini transfer qilish
1.	Innovatsion gʻoyalar, texnologiyalar va loyihalar respublika yarmarkasini tashkil etish va oʻtkazish.	Vazirlar Mahkamasining farmoyishi loyihasi, yarmarkani oʻtkazish	Har yili aprel oyida	Innovatsion rivojlanish vazirligi, Iqtisodiy taraqqiyot va kambagʻallikni qisqartirish vazirligi, Investitsiyalar va tashqi savdo vazirligi, Fanlar akademiyasi, Oliy va oʻrta maxsus taʼlim vazirligi, vazirliklar, idoralar, xoʻjalik birlashmalari
2.	Har yili oʻtkaziladigan Innovatsion gʻoyalar, texnologiyalar va loyihalar respublika yarmarkasida tuzilgan shartnomalar va kelishuvlarning amalga oshirilishini monitoring qilish tizimini ishlab chiqish va joriy etish.	Monitoring olib borish toʻgʻrisida nizom	2008-yil 1-oktabr	Fan va texnologiya agentligi, Fanlar akademiyasi, Adliya vazirligi, Iqtisodiyot vazirligi, Davlat statistika qoʻmitasi
3.	“Innovatsion gʻoyalar va loyihalar katologi”ni doimiy ravishda nashr qilish.	Katalog	Yarmarka oʻtkazilishidan bir oy oldin (yilda bir marotaba)	Fan va texnologiyalarni rivojlantirishni muvofiqlashtirish qoʻmitasi, Fanlar akademiyasi, Iqtisodiyot vazirligi
4.	Bajarishga tayyorlanayotgan, bajarilayotgan va yakuniga yetgan innovatsion loyihalar, biznes tomonidan innovatsion yechimlar topish boʻyicha soʻrovlar haqidagi barcha axborotlarni hamda boshqa maʼlumotlarni jamlagan Internet portalini qoʻllab-quvvatlash va yangilash.	Veb-sayt	Doimiy	Oʻzbekiston Respublikasi Innovatsion rivojlanish vazirligi, Fanlar akademiyasi, Iqtisodiy tadqiqotlar markazi, Iqtisodiyot vazirligi, Oliy va oʻrta maxsus taʼlim vazirligi, Adliya vazirligi
4.	Oʻquv, ilmiy, ilmiy tadqiqot muassasalari va tashkilotlarining rasmiy veb-saytlarini qoʻllab-quvvatlash va yangilash.	Veb-sayt	2008-yil 1-avgustdan boshlab doimiy	Fanlar akademiyasining ilmiy, ilmiy tadqiqot muassasalari va tashkilotlari, vazirliklar va idoralar, oliy taʼlim muassasalari OʻzAAA bilan hamkorlikda
5.	Amaldagi patent berish tartibini patent berish tartib-taomillarini soddalashtirish, tezlashtirish va arzonlashtirish maqsadida qayta koʻrib chiqish.	Normativ-huquqiy hujjatlar loyihalari	2009-yil 1-yanvar	Fan va texnologiyalarni rivojlantirishni muvofiqlashtirish qoʻmitasi, Fanlar akademiyasi, Oliy va oʻrta maxsus taʼlim vazirligi, Patent idorasi, Iqtisodiyot vazirligi, Moliya vazirligi, Adliya vazirligi
5.	Mahalliy oʻquv, ilmiy, ilmiy tadqiqot muassasalari va tashkilotlari hamda boshqa subyektlarga ITTKI natijalarini xalqaro va mintaqaviy bazalarda roʻyxatdan oʻtkazish imkonini berish hamda intellektual mulk huquqlarini respublikadan tashqarida yanada samarali himoya qilish maqsadida dunyo ilmiy hamjamiyati va xalqaro patent idoralari bilan aloqalarni rivojlantirish.	Hamkorlik toʻgʻrisida shartnomalar va boshqa xalqaro huquqiy hujjatlar	2009-yil 1-yanvar	Fanlar akademiyasi, TIV, Fan va texnologiyalarni rivojlantirishni muvofiqlashtirish qoʻmitasi, Oliy va oʻrta maxsus taʼlim vazirligi, Patent idorasi, Monopoliyadan chiqarish davlat qoʻmitasi
6.	Intellektual mulkni baholashning milliy standartlarini xalqaro talab va meʼyorlardan kelib chiqib rivojlantirish.	Intellektual mulkni baholashning milliy standartlari	2009-yil 1-mart	Fan va texnologiyalarni rivojlantirishni muvofiqlashtirish qoʻmitasi, Fanlar akademiyasi, Oliy va oʻrta maxsus taʼlim vazirligi, Patent idorasi, Davlat mulki qoʻmitasi, Iqtisodiy tadqiqotlar markazi
7.	Oʻquv, ilmiy, ilmiy tadqiqot muassasalari va tashkilotlari boshqaruv xodimlari uchun ITTKIni tijoratlashtirish boʻyicha malaka oshirish kurslari tashkil qilish.	Malaka oshirish kurslari	2008-yil 1-noyabr	Davlat va jamiyat qurilishi akademiyasi, Oliy va oʻrta maxsus taʼlim vazirligi
7.	Respublikaning yetakchi oliy taʼlim muassasalarida ITTKIni boshqarish boʻyicha yangi yoʻnalishlar va fanlar, shu jumladan “Innovatsion menejment”, “Innovatsiya jarayonlarini boshqarish” va boshqa mutaxassisliklarni ochish.	Fanlar va oʻquv dasturlari	2009/2010 oʻquv yilidan boshlab	Oliy va oʻrta maxsus taʼlim vazirligi, Fan va texnologiyalarni rivojlantirishni muvofiqlashtirish qoʻmitasi, Fanlar akademiyasi
8.	Ilmiy faoliyatni ommalashtirish maqsadida yurtimiz ilm-fani yutuqlari toʻgʻrisida muntazam haftalik telekoʻrsatuvlarni tashkil qilish.	Telekoʻrsatuv	2008-yil sentabrdan boshlab	Oʻzbekiston Milliy teleradiokompaniyasi, Fan va texnologiyalarni rivojlantirishni muvofiqlashtirish qoʻmitasi, Fanlar akademiyasi, Savdo-sanoat palatasi
II. Ilmiy-tadqiqot va tajriba-konstruktorlik ishlari (ITTKI)ni ragʻbatlantirish
9.	Innovatsion ishlarning ilmiy-texnik dasturlari toʻgʻrisidagi Nizomga oʻzgartirish va qoʻshimchalar kiritish boʻyicha takliflar ishlab chiqish.	Nizomga oʻzgartirish va qoʻshimcha kiritish boʻyicha loyiha	2008-yil 1-sentabrgacha	Fan va texnologiyalarni rivojlantirishni muvofiqlashtirish qoʻmitasi, Moliya vazirligi, Iqtisodiyot vazirligi, Fanlar akademiyasi, Oliy va oʻrta maxsus taʼlim vazirligi, Adliya vazirligi, vazirliklar va idoralar
10.	Ilmiy, ilmiy-tadqiqot muassasalari va tashkilotlari moddiy-texnika bazasini xatlovdan oʻtkazish.	Tahliliy maʼlumotnoma, jadvalli materiallar	2008-yil 1-sentabr	Fanlar akademiyasi, Sogʻliqni saqlash vazirligi, Qishloq va suv xoʻjaligi vazirligi, Moliya vazirligi, Iqtisodiyot vazirligi
10.	Xatlov natijalari boʻyicha ilmiy, ilmiy-tadqiqot muassasalari va tashkilotlari moddiy-texnika bazasini mustahkamlash, xususan ilmiy, texnologik va laboratoriya uskunalari bilan qayta jihozlash va qoʻshimcha jihozlash boʻyicha takliflar kiritish.	Hukumat qarori loyihasi	2008-yil 1-oktabr
11.	Ishlab chiqarishni modernizatsiyalash, texnik va texnologik qayta jihozlash, ishlab chiqarishni yangi qurilish shaklida kengaytirish, ishlab chiqarish ehtiyojlari uchun foydalaniladigan binolar va inshootlarni rekonstruksiya qilishni amalga oshiruvchi xoʻjalik yurituvchi subyektlar tomonidan imtiyozlarni qoʻllash tartibi toʻgʻrisidagi nizomga (Adliya vazirligidan 2007-yil 11-iyunda 1688-raqam bilan roʻyxatdan oʻtkazilgan) oʻzgartirishlar kiritish.	Nizomga oʻzgartirish kiritish boʻyicha loyiha	2008-yil 1-sentabr	Moliya vazirligi, Davlat soliq qoʻmitasi, Iqtisodiyot vazirligi, Davlat bojxona qoʻmitasi, Adliya vazirligi
12.	Ilmiy, ilmiy-tadqiqot muassasalari va tashkilotlari faoliyatini rivojlantirish hamda ITTKIni joriy qilishga toʻsqinlik qiluvchi ziddiyatlarni va kamchiliklarni aniqlash maqsadida normativ-huquqiy hujjatlarni xatlovdan oʻtkazish.	Normativ-huquqiy hujjatlarga oʻzgartirish va qoʻshimchalar kiritish	2009-yil 1-yanvar	Fan va texnologiyalarni rivojlantirishni muvofiqlashtirish qoʻmitasi, Fanlar akademiyasi, Oliy va oʻrta maxsus taʼlim vazirligi, Sogʻliqni saqlash vazirligi, Qishloq va suv xoʻjaligi vazirligi, Iqtisodiyot vazirligi, Adliya vazirligi
13.	Texnologiyalar transferi agentligini Oʻzbekiston Respublikasi Iqtisodiyot vazirligi boʻysunuviga oʻtkazish hamda yuqori texnologiyalarni oʻrganish, mustaqil ekspertizadan oʻtkazish, mahalliy amaliyotga moslashtirish va joriy etishni uning asosiy vazifalari etib belgilash yuzasidan takliflar ishlab chiqish.	Hukumat qarori loyihasi	2008-yil 1-oktabr	Iqtisodiyot vazirligi, Fan va texnologiyalarni rivojlantirishni muvofiqlashtirish qoʻmitasi
14.	Quyidagilar boʻyicha takliflarni kiritish:
	Qoraqalpogʻiston Respublikasi Vazirlar Kengashi, viloyatlar hokimliklari huzurida faoliyat yuritayotgan Fan va texnika markazlarini Innovatsion faoliyat, mahalliy va xorijiy texnologiyalar transferi hududiy markazlari etib qaytadan tashkil etish;	Hududiy markazlar toʻgʻrisidagi namunaviy nizom	2008-yil 1-oktabr	Fan va texnologiyalarni rivojlantirishni muvofiqlashtirish qoʻmitasi, Qoraqalpogʻiston Respublikasi Vazirlar Kengashi, viloyatlar va Toshkent shahar hokimligi
	Fanlar akademiyasi, Oliy va oʻrta maxsus taʼlim vazirligi, Sogʻliqni saqlash vazirligi, Qishloq va suv xoʻjaligi vazirligi huzurida, shuningdek, tasarrufida oʻquv, ilmiy-tadqiqot muassasalari va tashkilotlari mavjud boshqa vazirlik va idoralar huzurida texnologiyalarni qoʻllab-quvvatlash va transfer qilish xizmatlarini tashkil etish.	Texnologiyalarni qoʻllab-quvvatlash va transfer qilish xizmatlari toʻgʻrisida namunaviy nizom	2008-yil 1-oktabr	Fanlar akademiyasi, Oliy va oʻrta maxsus taʼlim vazirligi, Sogʻliqni saqlash vazirligi, Qishloq va suv xoʻjaligi vazirligi
15.	Har bir oliy taʼlim muassasasida talabalarning ITTKIda ishtirok etishi, kelgusida ushbu tajribadan diplom va dissertatsiya ishlarini tayyorlashda foydalanishini nazarda tutuvchi tizim yaratish.	Talabalarni ITTKIga jalb qilish va ularni ragʻbatlantirish boʻyicha namunaviy tartib	2008-yil 1-sentabr	Oliy va oʻrta maxsus taʼlim vazirligi, Fanlar akademiyasi, oliy taʼlim muassasalari
III. Ilmiy-tadqiqot va tajriba-konstruktorlik ishlariga talabni ragʻbatlantirish
16.	Davlat ulushi boʻlgan har bir xoʻjalik birlashmasi va yirik korxonalarda quyidagilarni tashkil etish:
	tarmoqni innovatsion rivojlantirishga javob beruvchi boʻlinma, zarur hollarda — loyiha-konstruktorlik byurosini ham;	Namunaviy nizom	2009-yil 1-yanvargacha	Vazirlar Mahkamasi axborot-tahlil departamentlari, xoʻjalik boshqaruvi organlari va korxonalar
	modernizatsiya va yangi texnologiyalar jamgʻarmasi.	Namunaviy nizom	2009-yil 1-yanvargacha
17.	Tarmoq vazirliklar va idoralarida ichki tizim (tarmoq), shu jumladan innovatsion texnologiyalar va ITTKIni joriy etish boʻyicha texnologik siyosatni ishlab chiqish, tasdiqlash va ijro uchun qabul qilish.	Idoraviy hujjat	2008-yil 1-oktabr	Vazirlar Mahkamasi axborot-tahlil departamentlari, xoʻjalik boshqaruvi organlari va korxonalar
17.	Tarmoq korxonalaridagi ishlab chiqarish bilan bogʻliq texnologik muammolarning innovatsion yechimlariga boʻlgan ehtiyojni yigʻish va tahlil qilish tartibini ishlab chiqish va tasdiqlash.	Idoraviy hujjat	2008-yil 1-oktabr
18.	Tarmoq vazirliklar, idoralar va xoʻjalik birlashmalari ishlab chiqarish faoliyati samaradorligi mezonlarining tarmoq tizimlarini shakllantirish, bunda texnologik jarayonlarni takomillashtirish, yangi texnologiyalarni joriy qilish, ishlab chiqarishda resurs sarfini kamaytirish, mehnat unumdorligini oshirish, fondlar samaradorligi boʻyicha faoliyatni baholash mezonlarini tizimga kiritish.	Mezonlar tizimi, korxonalarning innovatsion faoliyat koʻrsatkichlarining statistik hisobini yuritishni tashkil qilish	2009-yil 1-yanvar	Iqtisodiyot vazirligi, Davlat statistika qoʻmitasi, Fan va texnologiyalarni rivojlantirishni muvofiqlashtirish qoʻmitasi, davlat va xoʻjalik boshqaruvi organlari
19.	Mahalliy xom ashyodan foydalangan holda ishlab chiqarishga joriy qilinayotgan innovatsion loyihalarni oʻrnatilgan tartibda Mahalliylashtirish dasturiga kiritish.	Mahalliylashtirish dasturiga taklif	Arizalar kelib tushishiga qarab	Iqtisodiyot vazirligi, TIAISV, vazirlik va idoralar, xoʻjalik birlashmalari, Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari
IV. Ilmiy-tadqiqot va innovatsion faoliyatni venchur moliyalashtirishni rivojlantirish
20.	Venchur kompaniyalar, fondlar, venchur fondlarni boshqaruvchi kompaniyalar, innovatsion korxonalar faoliyatini muvofiqlashtiruvchi normativ-huquqiy hujjatlar loyihalarini tayyorlash.	Hukumat qarori loyihasi	2008-yil 1-oktabr	Fan va texnologiyalarni rivojlantirishni muvofiqlashtirish qoʻmitasi, Fanlar akademiyasi, TIAISV, Iqtisodiyot vazirligi
21.	Venchur fondlar va kompaniyalar uchun malakali boshqaruv va ekspert kadrlarni tayyorlash.	Oʻquv kurslari	2008-yil va keyingi yillar	Davlat va jamiyat boshqaruvi akademiyasi, Oliy va oʻrta maxsus taʼlim vazirligi, Bank-moliya akademiyasi
22.	Venchur loyihalarni sugʻurtalash boʻyicha chora-tadbirlar kompleksini ishlab chiqish va amalga oshirish.	Venchur loyihalarni sugʻurtalash tartibi	2009-yil 1-yanvar	Moliya vazirligi, Sugʻurta kompaniyalari assotsiatsiyasi, “Oʻzsugʻurta” SK, “Oʻzagrosugʻurta” MSK, sugʻurta kompaniyalari, TIAISV

LexUZ sharhi

1-ilova norasmiy tarjima.

(Oʻzbekiston Respublikasi qonun hujjatlari toʻplami, 2008-y., 29-30-son, 280-modda; 2010-y.,1-2-son,2-modda; 2011-y., 36-son, 366-modda; 2012-y., 8-9-son, 78-modda; 2017-y., 23-son, 447-modda; Qonun hujjatlari maʼlumotlari milliy bazasi, 06.04.2018-y., 06/18/5399/1018-son; 19.06.2020-y., 06/20/6011/0780-son, 28.09.2020-y., 06/20/6075/1330-son, Qonunchilik maʼlumotlari milliy bazasi, 26.04.2022-y., 07/22/221/0357-son)