|
Hujjat kuchini yo‘qotgan 21.11.2020
|
O‘zbekiston Respublikasi Vazirlar Mahkamasining
qarori
O‘RTA MAXSUS, KASB-HUNAR TA’LIMI MUASSASALARIDA O‘QIYOTGAN HAMDA TO‘LIQ DAVLAT TA’MINOTIDA BO‘LGAN YETIM VA OTA-ONASINING QAROVISIZ QOLGAN BOLALARNI MODDIY TA’MINLASh NORMALARINI TASDIQLASh TO‘G‘RISIDA
LexUZ sharhiMazkur qaror O‘zbekistan Respublikasi Vazirlar Mahkamasining 2020-yil 21-noyabrdagi 739-sonli “Yetim bolalar va ota-onasining yoki boshqa qonuniy vakillarining qaramog‘idan mahrum bo‘lgan bolalarning ijtimoiy himoyasini yanada kuchaytirish chora-tadbirlari to‘g‘risida”gi qaroriga asosan o‘z kuchini yo‘qotgan.
Yetim va ota-onasining qarovisiz qolgan bolalarni moddiy ta’minlash normalarini takomillashtirish va tartibga solish maqsadida, shuningdek “Ta’lim to‘g‘risida”gi O‘zbekiston Respublikasi Qonunini hamda O‘zbekiston Respublikasi Prezidentining “Ijtimoiy himoya yili” Davlat dasturi to‘g‘risida” 2007-yil 23-yanvardagi PQ-573-son qarorini bajarish yuzasidan Vazirlar Mahkamasi qaror qiladi:
1. Quyidagilar:
o‘rta maxsus, kasb-hunar ta’limi muassasalarida o‘qiyotgan hamda to‘liq davlat ta’minotida bo‘lgan yetim va ota-onasining qarovisiz qolgan bolalarni ovqat bilan ta’minlash normalari 1-ilovaga muvofiq;
o‘rta maxsus, kasb-hunar ta’limi muassasalarida o‘qiyotgan hamda to‘liq davlat ta’minotida bo‘lgan yetim va ota-onasining qarovisiz qolgan bolalarni kiyim-bosh, poyabzal va boshqa buyumlar bilan ta’minlash normalari 2-ilovaga muvofiq;
o‘rta maxsus, kasb-hunar ta’limi muassasalarida o‘qiyotgan hamda to‘liq davlat ta’minotida bo‘lgan yetim va ota-onasining qarovisiz qolgan bolalarni shaxsiy gigiyena buyumlari bilan ta’minlash normalari 3-ilovaga muvofiq tasdiqlansin.
2. O‘rta maxsus, kasb-hunar ta’limi muassasalarida o‘qiyotgan hamda to‘liq davlat ta’minotida bo‘lgan yetim va ota-onasining qarovisiz qolgan bolalarga ularning shaxsiy xarajatlari uchun har oyda bazaviy hisoblash miqdorining ikki baravari miqdorida pul mablag‘lari to‘lovi belgilansin.
(2-band O‘zbekiston Respublikasi Vazirlar Mahkamasining 2019-yil 28-dekabrdagi 1046-sonli qarori tahririda — Qonun hujjatlari ma’lumotlari milliy bazasi, 29.12.2019-y., 09/19/1046/4242-son)
3. 1, 2 va 3-ilovalarda nazarda tutilgan ta’minot normalari, shuningdek oliy ta’lim muassasalarida o‘qiyotgan hamda to‘liq davlat ta’minotida bo‘lgan yetim va ota-onasining qarovisiz qolgan bolalarga ham tatbiq etiladi.
4. Belgilab qo‘yilsinki, ushbu qarorni bajarish bilan bog‘liq xarajatlarni moliyalashtirish davlat ta’lim muassasalari faoliyatini ta’minlash uchun tegishli yilga nazarda tutiladigan O‘zbekiston Respublikasi Davlat budjeti mablag‘lari hisobiga amalga oshiriladi.
5. Oliy va o‘rta maxsus ta’lim vazirligi, O‘rta maxsus, kasb-hunar ta’limi markazi, ta’lim muassasalariga ega bo‘lgan vazirliklar va idoralar, Qoraqalpog‘iston Respublikasi Vazirlar Kengashi, viloyatlar va Toshkent shahar hokimliklari O‘zbekiston Kasaba uyushmalari Federatsiyasi Kengashi bilan birgalikda o‘rta maxsus, kasb-hunar ta’limi hamda oliy ta’lim muassasalarida o‘qiyotgan yetim va ota-onasining qarovisiz qolgan bolalarni oromgohlarga, shu jumladan sanatoriy tipidagi oromgohlarga, pansionatlar va profilaktoriylarga, dam olish uylariga, sport-sog‘lomlashtirish oromgohlariga, tibbiy ko‘rsatmalar mavjud bo‘lganda esa — tegishli yo‘nalishdagi sanatoriylarga bepul yo‘llanmalar bilan ta’minlashni nazarda tutsinlar.
O‘quvchilar va talabalarning, zarurat bo‘lganda esa ularni kuzatib boruvchi shaxslarning ham ko‘rsatib o‘tilgan muassasalardagi dam olish joylarigacha borishi va u yerdan qaytishi bilan bog‘liq yo‘lkira xarajatlari o‘rta maxsus, kasb-hunar ta’limi hamda oliy ta’lim muassasalarining budjet va budjetdan tashqari mablag‘lari doirasida amalga oshirilsin.
6. Mazkur qarorning bajarilishini nazorat qilish O‘zbekiston Respublikasi Bosh vazirining o‘rinbosari R.S. Qosimov zimmasiga yuklansin.
O‘zbekiston Respublikasining Bosh vaziri Sh.MIRZIYOEV
Toshkent sh.,
2007-yil 29-noyabr,
247-son
O‘rta maxsus, kasb-hunar ta’limi muassasalarida o‘qiyotgan hamda to‘liq davlat ta’minotida bo‘lgan yetim va ota-onasining qarovisiz qolgan bolalarni ovqat bilan ta’minlash normalari (bir kishi hisobiga kuniga gramm (brutto)
| T/r | Ovqat mahsulotlarining nomi | 15—18 yosh |
| 1. | 1-sort bug‘doy non | 600 |
| 2. | Bug‘doy uni* | 35 |
| 3. | Kartoshka kraxmali* | 3 |
| 4. | Dukkaklilar yormasi, makaron mahsulotlari* | 75 |
| 5. | Qand-shakar | 90 |
| 6. | Qandolatchilik mahsulotlari | 25 |
| 7. | Sariyog‘* | 30 |
| 8. | O‘simlik yog‘i* | 20 |
| 9. | Sut, qatiq-sut mahsulotlari | 400 |
| 10. | Qaymoq | 10 |
| 11. | Suzma* | 70 |
| 12. | Pishloq* | 12 |
| 13. | Go‘sht, parranda go‘shti | 200 |
| 14. | Pishirilgan kolbasa, sosiskalar* | 25 |
| 15. | Baliq | 35 |
| 16. | Tuxum (dona) | 1 |
| 17. | Kartoshka* | 400 |
| 18. | Sabzavotlar, oshko‘klar, tuzlamalar, shu jumladan tomat (3 g.) | 455 |
| 19. | Ho‘l mevalar | 250 |
| 20. | Meva, sabzavot sharbatlari | 200 |
| 21. | Quruq mevalar, shu jumladan na’matak (5 g.) | 15 |
| 22. | Choy | 0,5 |
| 23. | Yodlangan tuz | 8 |
| 24. | Achitqilar* | 1 |
| 25. | Ziravorlar* | 2 |
* Bir hafta uchun o‘rtacha sutkalik normalar.
Izohlar:
1. Ayrim ovqat mahsulotlarini o‘rta maxsus, kasb-hunar ta’limi muassasalariga ushbu maqsadlar uchun ajratiladigan mablag‘lar doirasida, O‘zbekiston Respublikasi Sog‘liqni saqlash vazirligi tomonidan tasdiqlangan mahsulotlarni asosiy oziq-ovqat moddalari bo‘yicha almashtirish jadvaliga muvofiq almashtirishga ruxsat etiladi.
2. O‘quvchilarning dam olish, bayram va ta’til kunlarida qarindoshlari yoki boshqa fuqarolarning oilalarida bo‘lish vaqti uchun ovqat mahsulotlari yoki pul kompensatsiyasi berilishiga ruxsat etiladi.
3. O‘quv yurtlari va yotoqxonalarda issiq ovqat mavjud bo‘lmaganda, shuningdek faqat bir martalik issiq ovqat mavjud bo‘lganda o‘quvchilarga bir martalik ovqat bilan kompensatsiya qilinmagan miqdorda (savdo ustamasini hisobga olgan holda) to‘liq yoki qisman naqd pul beriladi.
4. “Mehribonlik” uylarida, umumta’lim tipidagi maktab-internatlarda o‘qiyotgan va tarbiyalanayotgan yetim va ota-onasining qarovisiz qolgan bolalar o‘rta maxsus, kasb-hunar ta’limi ta’lim muassasalariga o‘qishga kirish uchun yuborilganda ularga yo‘lkira va yo‘lda borayotgan vaqtida ovqatlanish xarajatlari ularni yuborayotgan muassasa mablag‘lari hisobiga to‘lanadi.
5. O‘rta maxsus, kasb-hunar ta’limi muassasalarida boshqa shaharlardan kelgan yetim va ota-onasining qarovisiz qolgan bolalarga ular o‘quv yurtiga yetib kelgan vaqtdan boshlab o‘qishga qabul qilingungacha bepul ovqat beriladi.
O‘rta maxsus, kasb-hunar ta’limi muassasalarida o‘qiyotgan hamda to‘liq davlat ta’minotida bo‘lgan yetim va ota-onasining qarovisiz qolgan bolalarni kiyim-bosh, poyabzal va boshqa buyumlar bilan ta’minlash normalari
| T/r | Kiyim-bosh, poyabzal va yumshoq buyumlar nomi | O‘lchov birligi | Bir o‘quvchi hisobiga | |||
| o‘g‘il bolalar uchun | qizlar uchun | |||||
| soni | foydalanish muddati (yil) | soni | foydalanish muddati (yil) | |||
| | Kiyim-boshlar: | | | | | |
| 1. | qishki palto | ta | 1 | 3 | 1 | 3 |
| 2. | mavsumiy palto, kurtka | “ | 1 | 2 | 1 | 2 |
| 3. | o‘qish uchun kostyum: | | | | | |
| | — qishki | to‘plam | 1 | 1 | 1 | 1 |
| | — yozgi | “ | 1 | 1 | 1 | 1 |
| 4. | o‘qish uchun ip-gazlamadan tikilgan oq ko‘ylaklar | ta | 2 | 2 | 2 | 2 |
| 5. | sport formasi va kedlar | to‘plam | 2 | 2 | 2 | 2 |
| 6. | o‘g‘il bolalar uchun kostyumlar | “ | 3 | 2 | | |
| 7. | qizlar uchun ko‘ylaklar (yubkalar, bluzkalar) | ta | | | 3 | 2 |
| 8. | qizlar uchun uy xalatlari | “ | | | 2 | 2 |
| 9. | o‘g‘il bolalar uchun ip-gazlamadan tikilgan ustki ko‘ylaklar | ta | 3 | 1 | | |
| 10. | bayramlar uchun qishki kostyum yoki ko‘ylak | “ | 1 | 2 | 1 | 2 |
| 11. | bayramlar uchun yozgi kostyum yoki ko‘ylak | “ | 1 | 2 | 1 | 2 |
| 12. | jun sviter (jemper) | “ | 1 | 2 | 1 | 2 |
| 13. | qizlar uchun reytuzalar | “ | | | 2 | 1 |
| 14. | yozgi bosh kiyim | “ | 1 | 1 | 1 | 1 |
| 15. | qishki bosh kiyim | “ | 1 | 2 | 1 | 2 |
| 16. | dastro‘mol | “ | 4 | 1 | 4 | 1 |
| 17. | uy shimlari (jinsilar) | “ | 1 | 1 | 1 | 1 |
| 18. | o‘g‘il bolalar uchun shim kamarlari | “ | 1 | 1 | | |
| 19. | yarim jun sharflar | “ | 1 | 3 | 1 | 3 |
| 20. | qo‘lqoplar (panjasiz qo‘lqoplar) | juft | 1 | 3 | 1 | 3 |
| 21. | byustgalter | ta | | | 3 | 1 |
| 22. | qizlar uchun triko | “ | | | 5 | 1 |
| 23. | kalta sport ishtonlari | “ | 2 | 1 | | |
| 24. | shortilar | “ | 1 | 1 | 1 | 1 |
| 25. | mayka | “ | 3 | 1 | | |
| 26. | futbolka | | 2 | 1 | 2 | 1 |
| 27. | ip-gazlama paypoqlar, golflar | juft | 5 | 1 | 5 | 1 |
| 28. | tungi ko‘ylaklar, pijamalar | ta | 2 | 1 | 2 | 1 |
| 29. | kolgotkalar | juft | | | 5 | 1 |
| 30. | cho‘milish ko‘ylagi, plavkilar | ta | 1 | 1 | 1 | 1 |
| 31. | botinkalar, tuflilar, krossovkalar | juft | 3 | 1 | 3 | 1 |
| 32. | shippaklar | juft | 2 | 1 | 2 | 1 |
| 33. | etiklar, qishki botinkalar | juft | 1 | 1 | 1 | 1 |
| 34. | portfellar, sumkalar | ta | 2 | 3 | 2 | 3 |
| 35. | jomadon | | 1 | 5 | 1 | 5 |
| | Yumshoq buyumlar: | | | | | |
| 36. | choyshablar | ta | 3 | 2 | 3 | 2 |
| 37. | ko‘rpa choyshablari | “ | 2 | 3 | 2 | 3 |
| 38. | kichik yostiq jildi | “ | 1 | 4 | 1 | 4 |
| 39. | katta yostiq jildi | “ | 3 | 3 | 3 | 3 |
| 40. | sochiq | “ | 3 | 2 | 3 | 2 |
| 41. | paxmoq sochiq | “ | 3 | 3 | 3 | 3 |
| 42. | jun yoki momiqli adyol | “ | 1 | 6 | 1 | 6 |
| 43. | paxmoq adyol | “ | 1 | 4 | 1 | 4 |
| 44. | to‘shak | “ | 1 | 4 | 1 | 4 |
| 45. | yostiq | + - “ | 1 | 6 | 1 | 6 |
| 46. | to‘shak qoplamasi | “ | 1 | 6 | 1 | 6 |
| 47. | karavot oldiga to‘shaladigan gilamcha | “ | 1 | 6 | 1 | 6 |
Izoh. O‘rta maxsus, kasb-hunar ta’limi muassasalari direktorlariga ko‘rsatib o‘tilgan ta’minot normalariga, yangi fasonlarni va tarbiyalanuvchilar xohishlarini hisobga olgan holda, ushbu maqsadlar uchun o‘quv muassasasiga ajratiladigan mablag‘lar doirasida ayrim o‘zgartirishlar kiritish huquqi beriladi.
O‘rta maxsus, kasb-hunar ta’limi muassasalarida o‘qiyotgan hamda to‘liq davlat ta’minotida bo‘lgan yetim va ota-onasining qarovisiz qolgan bolalarni shaxsiy gigiyena buyumlari bilan ta’minlash normalari
| T/r | Shaxsiy gigiyena buyumlarining nomi | O‘lchov birligi | Bir o‘quvchi hisobiga | |||
| o‘g‘il bolalar uchun | qizlar uchun | |||||
| soni | foydalanish muddati (yil) | soni | foydalanish muddati (yil) | |||
| 1. | Tish pastasi | ta | 12 | 1 | 12 | 1 |
| 2. | Tish cho‘tkasi | ta | 3 | 1 | 3 | 1 |
| 3. | Kir sovun | ta | 12 | 1 | 12 | 1 |
| 4. | Atir sovun | ta | 24 | 1 | 24 | 1 |
| 5. | Kir yuvish poroshoklari | paket (400 g.) | 12 | 1 | 12 | 1 |
| 6. | Soqol olish buyumlari | ta | 12 | 1 | 5 | 1 |
| 7. | Taroq | ta | 2 | 1 | 2 | 1 |
| 8. | Hojatxona qog‘ozi | o‘ram | 24 | 1 | 24 | 1 |
| 9. | Shampun | ta (200 g.) | 12 | 1 | 12 | 1 |
| 10. | Dezodorant (aerozol) | ta | 6 | 1 | 6 | 1 |
| 11. | Gigiyena qistirmalari | upakovka (10 tadan) | | | 12 | 1 |
| 12. | Momiq | upakovka (200 g.) | | | 4 | 1 |
| 13. | Poyabzal moyi | tyubik | 6 | 1 | 6 | 1 |
| 14. | Soqol olingandan keyin ishlatiladigan loson | flakon (100—150 g.) | 6 | 1 | | |
| 15. | Badanni yuvish uchun gubka | ta | 2 | 1 | 2 | 1 |
| 16. | Tog‘ora | ta | 1 | 3 | 1 | 3 |
(O‘zbekiston Respublikasi qonun hujjatlari to‘plami, 2007-y., 48-49-son, 485-modda; Qonun hujjatlari ma’lumotlari milliy bazasi, 29.12.2019-y., 09/19/1046/4242-son)
