|
Hujjat kuchini yo‘qotgan 02.02.2025
|
Hujjat 01.01.1995 sanasi holatiga
Amaldagi versiyaga o‘tish |
Oʻzbekiston Respublikasi Oliy Kengashining
Qarori
“YER OSTI BOYLIKLARI TOʻGʻRISIDA”GI OʻZBEKISTON RESPUBLIKASI QONUNINI AMALGA KIRITISH HAQIDA
LexUZ sharhiMazkur qaror Oʻzbekiston Respublikasi 2024-yil 31-oktabrdagi OʻRQ-987-sonli “Yer qaʼri toʻgʻrisida”gi Qonuniga asosan 2025-yil 2-fevraldan oʻz kuchini yoʻqotadi.
Oʻzbekiston Respublikasi Oliy Kengashi qaror qiladi:
1. “Yer osti boyliklari toʻgʻrisida”gi Oʻzbekiston Respublikasi Qonuni 1995-yil 1-yanvardan eʼtiboran amalga kiritilsin.
LexUZ sharhiOʻzbekiston Respublikasi “Yer osti boyliklari toʻgʻrisida”gi Qonun “Xalq soʻzi” gazetasining 1994-yil 13-oktabrdagi 201 (949)-sonida eʼlon qilingan.
2. Oʻzbekiston Respublikasi Vazirlar Mahkamasi:
qonunlarni “Yer osti boyliklari toʻgʻrisida”gi Qonunga muvofiqlashtirish xususida Oʻzbekiston Respublikasi Oliy Kengashiga takliflar kiritsin;
Hukumat qarorlarini “Yer osti boyliklari toʻgʻrisida”gi Qonunga muvofiqlashtirsin, vazirliklar, davlat qoʻmitalari va idoralari mazkur Qonunga zid boʻlgan oʻz normativ hujjatlarini qarab chiqishlari va bekor qilishlarini taʼminlasin.
3. Oʻzbekiston Respublikasining 1976-yil 25-noyabrida qabul qilingan “Oʻzbekiston Respublikasining Yer osti boyliklari kodeksini tasdiqlash toʻgʻrisida”gi Qonuni (Oʻzbekiston Respublikasi Oliy Sovetining Vedomostlari, 1976-yil, № 33, 386-modda) va Oʻzbekiston Respublikasi Oliy Soveti Prezidiumining 1977-yil 30-maydagi “Oʻzbekiston Respublikasining Yer osti boyliklari kodeksini amalga kiritish tartibi toʻgʻrisida”gi Farmoni (Oʻzbekiston Respublikasi Oliy Sovetining Vedomostlari, 1977-yil, № 16, 247-modda) 1995-yil 1-yanvardan eʼtiboran oʻz kuchini yoʻqotadi deb topilsin.
Oʻzbekiston Respublikasi Oliy Kengashi Raisi vazifasini bajaruvchi E. XALILOV
Toshkent sh.,
1994-yil 23-sentabr,
2019-XII-son
(Oʻzbekiston Respublikasi Oliy Kengashining Axborotnomasi, 1994-y., 10-son, 253-modda)
